سبب تعاستي بعدي عن الله ..؟؟ انصحوني

[حياتي لبناتي]

السلام عليكم ورحمة الله وبركاته

انا بدش بالموضووع على طول

انا حياتي كلها مشاكل وكلهاا هم وغم ونكد .. انا ادري اني مقصره بحق نفسي ابي احد يصحيني من الغفله اللي انا فيهاا قبل يفووت الفوت

انا احب النصيحه واسمع من اللي ينصح .. لكن ماعندي احد يساعدني على نفسي تكفووون انا حتى الصلاااه ماصرت اصلي لاتخلووني الله يجزاكم الجنه

 

[غزلان الكويت]

رد : سبب تعاستي بعدي عن الله ..؟؟ انصحوني

هلا فيج ياحبيبتي سبب تعاستج عرفتي صح بعدج عن الله تعالى وعن الصلاة يااختي تخيلي الحين لو الله تعالى قدر قبض روحج الحين شنو بتقولين لله تعالى انا ترى كنت نفسج واكثر والله بس قربت من الله تعالى وعندي هموم وابتلاءات والله العالم فيها ياختي لكن لاحسيت بالضيق وبالمشاكل على طول توضي خليج على وضوء اربع وعسشرين ساعة بتحسين الضيقة تروح منج نصيحة طبقيها ودايما قولي سبحان الله والحمد لله ولااله الا الله والله اكبر وكثري من الاستغفار ووعليج بقيام الليل صلي ركعتين واسجدي لله تعالى وبالسجود قولي كل اللي بخاطرج برب العالمين وبترتاحين الله يخليج ياختي استمري على هالشي وانشالله كل الامور بتتسهل والدنيا زاااااااااااااااااااائلة مافي شي ياقلبي يستاهل واذا عندج حلقة ذكر بمنطقتكم احرصي تروحيلها وبشريني شيصير معاج ولاتنسيني بدعواااااااتج لي بتيسير امري

 

[ام مصعب السلفي]

هلا وغلا اختي حياتي لبناتي


الله يسعدك ويكتب لك الخير حيث كان ويانسك بطاعته يارب

انا عجبت من عنوان الموضوع فانت كتبت المرض وعلاجه في العنوان

شي طيب ان يكون قلب الانسانه حي وتعلمين ان الهموم للبعد عن الله

وهذا بحد ذاته يدل على الخير الكبير اللي بقلبك وانه فيه دين ويبي اللي ينميه

ابشري يالغاليه مدام قلبك يحس بالله ويأنبه معصية الله فانت تملكين قلب حي بايمانك فلا تحزني

وانما سارعي باتخاذ قرارك الذي دلك عليه قلبك فقلبك خير دليل لك على طاعه




واوصيك



بكثرة الدعاء والاستغفار واللجوء للجبار ليجبر كسرك

وقومي صلي ركعتين احسني وضوءها واداءها وابكي بين يدي الله وكلميه بلهجتك العاديه

وانكسري بين يديه فان الله يستحي ان يرد عبده صفر اليدين فهو اكرم الاكرمين

واوصيك



بالصحبه الصالحه حاولي تبدلين صديقاتج وتدورين لك ناس فيها خير تعينك على الطاعه

فالصحبه الصالحه نبراس ينير لك طريق الخير ويدلك على الطريق ويعينك على الثبات

ولا تحزني


بل افرحي ان الله اختارك للقرب منه مع انك في لحظه كنت بعيده عنه

ومصيبة تقبلين فيها على الله خير من الف نعمه تنسيك ذكر الله





واسال الباري جل في علاه ان يجعلك احب من توجه اليه

واقرب من تقرب اليه يارب العالمين

 

[حياتي لبناتي]

رد : سبب تعاستي بعدي عن الله ..؟؟ انصحوني

غزلان الكويت والله كلاممج كله صح والله اني لما اسمع صوت رعد او اي صوت براا اخااف لايكوون قامت القيامه

وانا للحين ماصحيت من غفلتي ابيكم تساندوني ولا تتركوني وان شاء الله كل شي باجره

اختي ام مصعب السلفي والله كلامج شجعني وبكاني بنفس الوووقت كل اللي ابيه منكم انكم مااتخلووني وتصحوني قبل فوات الاواان

 

[bent-oboha]

مشاءالله البنات ربي اوفقهم ما قصروو
يلا الحمدالله الي ربي ما طمس على قلبج وحسيت بالغفله والشيطان الي قدر عليج خليج الحين اقوى منه واحنا معاج بأي سؤال
اول شي حبيبتي صلاتج دشي اليتيوب شوفي الصلاة الصحيحه انا اكتشفت اغلاط بصلاتي والحمدالله استفدت
والدعاء ربي يفتحها عليج ويزيدج قرب له ربي اعني على ذكرك وشكرك وحسن عبادتك
حظري دروس دينيه اذا تبين في موضوع مثبت عن الحلقات الدينيه
السعاده بقرب الله والهم والغم بالبعد عنه الواحد الاحد
يلا ابيدي من اليوم بحياة سعيده باذن الله

 

[ام مصعب السلفي]

حياتي لبناتي

احنا معاك ان شاء الله قلبا وغالبا لكن المهم نفسك

اذا تبي الاصلاح راح تنصلح مهما مر عليها من عواصف

والله يثبتك ويدلك ويسر لك طريق الصراط المستقيم

 

[miss.eng]

والله اذا تبين الصج كلنا مقصرين بحق الله ولو شنو نسوي مانقدر نرد ولو جزء بسيط من نعمه علينا، حاولي تتقربين من ربج ولاتتركين صلاتج مهما صار ترى الجنه حلوة لاتفرطين فيها

 

[Sarah Gardenia]

رد : سبب تعاستي بعدي عن الله ..؟؟ انصحوني

حبيبتي ،،

لازم تحطي في بالك إنه من يتق الله يجعل له مخرجا ومن كل ضيق فرج ويرزقه من حيث لا يحتسب ..

تقوى الله يا أختي هي مفتاح سعادتنا .. لازم تثقي برحمة الله وعدله وكرمة وتتقيه وتخافيه وتحبيه قبل كل شيء،،

ولما تحسي إنك مخنوقة ومتظايقة أقرئي قرآن و صلي .. صلي وناجي الرحمن أطلبي منه يكشف كربك ويبعد عنك السوء

"ربي إني مسني الضَّر وأنت أرحم الراحمين"

" لا إله إلا أنت سبحانك إني كنت من الظالمين"

ربنا بيستجيب دعوة "المضطر" .. وقادر بقدرته ورحته وعفوه إنه يبعد عنك كل بلاء وهم، بس إنت اوثقي فيه واتقربي
منه ومتل م انت عارفة من ياتي الله ماشياً ياتيه الله مهرولاً ومن ياتيه مهرولاً ياتيه الله راكضاَ :33_1185028183:

يعني ربنا بيحبنا ويبينا دااااااايماً جنبه :33_1185028183:

كمان ما تنسي نصايح أخواتنا الله يجزاهم الخير ما قصروا :33_1185028183:

الله يفرج كربك ويزيل همك ويبدل حزنك فرح قريب يارب ..

 

[#بربريس#]

الحمدلله انج معترفه بالخطا وهذي اول خطوه باذن الله...


تذكري دايم الموت...وحطي في بالج انج بيوم من الايام راح تفارقين هالدنيا
وراح تخلين كل شي الهاج عن العباده...

راح تتركين بيتج..
عيالج..
اهلج..
فلوووسج..
وراح تنحطين بحفره صغيييره يادوب تكفيج ومظلمه وموحشه
وكل الناااس راح يدفنوونج ويرووحوون...!!

محد راح يظل معاج الا عملج الصالح!!!
هو الوحيد اللي راح ينور هالحفره ويسليج فيها...
والا هالدنيا كلها ما راح تنفعج..

http://www.****cafe.com/watch/346101/adel145k/

http://fr.video.yahoo.com/watch/1846200/6061858
اسال الله العظيم ان يهدينا واياكي وان يجعل خير اعمالينا خواتيمها..

 

[BABY MASTER]

عسى الله يرحمنا برحمته ويهدينا اجمعين

اللهم امين,,,,

 

[الخشف النداويه]

رد : سبب تعاستي بعدي عن الله ..؟؟ انصحوني

ياقلبي الله يعينج بس سؤال شهر رمضان توه خالص كيف كنتي تقضينه ؟ وبعدين متي شعرتي انج بغفله ودج تصحين في سبب معين ولا لأنج مو مرتاحه وسعيده
حبيبتي الله مايغير مابقوم حتي يغيروا مابأنفسهم ادعي الله وألحي عليه بالدعاء بالهدايه محد يقدر يبث نور ربي بقلبج غيره سبحانه ادعييه والحي بالدعاء وابجي البجي يغسل القلب ويطهره بعد الدعاء اخذي المصحف الشريف ابدي من اليوم بقرأته ليما تختمينه كل يوم راح تمر عليج آيات وسور راح أكيييد يخشع قلبج لها وقصص وعبر والقرآن خير جليس وونيس سبحان الله تعالي الصلاه عماد الدين لاتتركينا من غير سبب حرام حبيبتي مايجوز في ناس تتمني سجده لربها لكن ربما المرض يعوقهم عن ذلك مافي أحلي من السجود للرب والدعاء تسوي الدنيا ومافيها السعاده الحقيقه بالقرب من الله اعرفي طريقها واسلكيها عسي الله يهدينا ويبث نوره بقلوبنا ويثبتنا على طاعته وعبادته ويجعل خير أعمالنا خواتمها

 

[@@@ام حمووودي@@@]

حبيبتي خلي بلسانج على طول الدعاء بالهدايه ...والصلاة حبيبتي هي عمود الدين .. وأسأل الله لكي الهدايه اللهم آمين

 

[~حكايـة طمـوح~]

لو لم يتوعد الله على معصيته لكان يجب ان لا يعصى شكراً لنعمه


حبيبتي شوفي النعم اللي الله منعم عليج فيها .. نعم لا تعد ولا تحصى فهذا يكفي انج تطيعين ربج وتبتعدين عن كل مايغضبه
..

ومثل ماقلتي البعد عن الله سبحانه وتعالى سبب التعاسه والهم .. راح تخسرين الدنيا والاخره

قال الله تعالى (ومن اعرض عن ذكري فإن له معيشة ضنكا ونحشره يوم القيامة اعمى )

لاتخلين الشيطان يوسوس لج .. تعوذي من الشيطان
واهم شي الصلاه .. تذكري انه الصلاة عمود الدين وهي اللي تبعد عن الفحشاء والمنكر وهي اول شي يسأل عنه العبد يوم القيامه ..
حبيبتي نصيحه لمن تسمعين الأذان على طول قومي صلي خلي كل شي بيدج مهما كان .. لان اذا قلتي بعد شوي ماراح تصلينها
واذا حسيتي بكسل .. اسألي نفسج لو الحين الله اخذ روحج شلون تقابلينه؟

شدي على نفسج شوي وتذكري انه الدنيا فانيه والدنيا طريق للآخره
يعني انتي عايشه عشان تحددين مصيرج سواء بالجنه او بالنار .. وبإذن الله كلنا بالجنه
وانتي ماكتبتي هالموضوع الا لان فيج خير ..

بس ترى محد يدري متى يموت .. لحقي على عمرج قبل مايجي وقت ماينفع فيه الندم والحسره
فكري مع نفسج لو اليوم اخر يوم بحياتج شنو راح تسوين؟؟؟؟
توبي عن كل الذنوب والتزمي بصلاتج .. والتائب من الذنب كمن لا ذنب له

حبيبتي ان الله غفور رحيم .. بس لاتنسين انه شديد العقاب
تخيلي نفسج يوم القيامه واقفه جدام ربج شنو راح تقولين؟؟؟؟؟

وبعدين اذا كان عندج عيال شلون راح تعلمينهم على الصلاه وعلى الحلال والحرام؟
ترى انتي قدوتهم وانتي مسؤوله عنهم ( كلكم راع وكلكم مسؤول عن رعيته )

والله يهديج ويهدينا يااااااااااااارب

اسمعي محاضرات بالنت .. واذكري ربج واستغفري

وادعي ربج عقب كل صلاه وبكل وقت ..

قولي اللهم يا مقلب القلوب ثبت قلبي على دينك
اللهم كرهني بالعصيان وحببني بطاعتك
ربي اجعلي مقيمه الصلاه ومن ذريتي
ربي اشرح لي صدري ويسر لي امري
ربنا افرغ علينا صبرا وتوفنا مسلمين
ربنا لاتزغ قلوبنا بعد اذ هديتنا وهب لنا من لدنك رحمه انك انت الوهاب
ربنا اصرف عنا عذاب جهنم
​

 

[رآآحٺ آيآمڪْـ]

حبيبتي خلي بلسانج على طول الدعاء بالهدايه ...والصلاة حبيبتي هي عمود الدين .. وأسأل الله لكي الهدايه اللهم آمين

 

[^البارونه^]

اجعلي لسانج رطبا بذكر الله

احب الكلام الى الله : سبحان الله والحمدلله ولا اله الا الله والله اكبر

صلي على النبي

صلي فروضج مع النوافل

قومي الليل

وان ضاقت بك الدنيا اسجدي لوجه الله ..

ولا ترفعي من السجود وانتي في قلبج شي


واسال الله لج الهدايه والثبات يارب ​

 

[PO PO22]

البنات ما قصروا

 

[om_dodo]

عسي الله يرحمنا برحمته

 

[ونـــة خفوووق]

حبيبتـي تقوولين حيااتج كلها نكـــد ليش ما تصير نكد وإنتي مبتعدة عن ربج ...

واللــــه لتعيشين احلى عيشة برضى اللـــه عليـــج ..... انتي ما رضيتي ربج وانتي مبتعدة بصلاتج عنه

والله انصحج نصيحة من قلبي واعتبريها من اخت والله محد نااافعج كثر ربج ولا حتى عيااالج

التزمي بصلاتج وبوقتهااا ... بأدعيتج وأذكارج بعد الصلاة

الاستغفاار ... ادعي ان الله يثبتج على دينج

اقري قرآن ... التزمي بالبقرة والله راح تحسين براااحة تحسين انج قريبه حيييل من ربج

والله مووو ماخذين من هالدنيااا ولاااا شي ماراح تاخذين الا عملج

الواحد مو عارف متى يووومه شلووون راح يقابل ربـــه

إختي تسولفلي اليوم عن حاله وصلتهم بالمستشفى تقوول كانت رايحة لعرس وسوت حادث وجابوها عندهم بالمستشفى الحمدالله الله ستر عليها

تقوولي تكسرت ... تقول والله كااشخة يعني بسم الله عليها لووو تدري ان بروحتها لهالعرس راح تسوي حادث

والله الواحد يحط راسه ع المخدة ما يدري يقوووم ولا الله ياخذ امانتا <<<يااارب حسن الخاتمة


واللــــــــــه يثبتج ياااااارب بصلاااتج وبطاااعتج للــــه