سبراااايز

[حكستار]

انا ما اسأل. و
اصلا عيب معنا نسأل بس ترا العين حق احيانا تقولين جدام وحده شفقانه على اليهال او نفسها في بنت او ولد. انا صارت لي والله ومن تجربه كل اللي يسألني اقول له انه ولد واعلم عن موعد ولادتي الصجي واخرها مات ولدي ببطني قبل الموعد بيومين

 

[Pretty Petite]

ما حملت

واذا حملت عادي اقول

بس في من اهلنا ما يرضون يقولون!! على قولتج سبرايز!!

 

[Australia girl]

جان زين ادري شنو فيني وصلت السابع وللحين ماعرفت كل مره مايبين

وشكلي مع الناس كلههم سبراييييييييز

 

[الفدنه]

والله انا اقول
بس اعرف ناس ماتقول انها حامل وبطنها متر جدامها
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[الجود دهن العود]

والله انا اول ماحلمت ماقعد احد الا درى شنو فيني كل من سألني قلتله
بس نااااويه اذا الله رزقني مره ثانيه مااعلم لان الكل مايعلم حتى القراب منج ماصاروا يقولون ومثل ماقلتي سبراااايز يغثوني

 

[ام اغلى الناس]

انا قبل كنت اقول راح اعلم الكل ... بس قبل احمل سألت بنتين غاليات علي و ما توقعت ما يعلمونا ... بس للاسف كل وحده قالتها اشكره بوجهي ما تبي تعلم ... يعني لو قايله مفاجأه ابرك من : ما ابي اعلم
الصراحه انبطت جبدي وما توقعتها
ف يوم عرفت جنس البيبي .... قلت ما راح اعلم احد
حلفت امي و زوجي و اخواني ما يعلمون احد ... و علمت خالتي و بناتها بعدين و قلت لهم لا تعلمون احد
الاول كنت اقول مو مبين ... بعدين قلت مفاجأه هههههههههه
المشكله انه هالبنت يموتون و يعرفون شنو فيني !!!! و يسألون من وراي عشان احد يعلمهم !!!

 

[مظلومة حيل]

لا ما اعلم سبراااااايز
مفاجاة عدا ماما او بابا

 

[0oR0R0 honeyo0]

ولا ازيدج من الشعر بيت الي اييون ويقولوم ما ندري شنو بنسميها محتااارين
لي ولادتها
وفجأة الكاكاو عليه اسمها
وسبحانه الله يوم الولادة سوو الكاكاو:nocommint:

يمكن محتارين بين اسمين ياقلبو لاتكبريها:eh_s(22):

انا عن نفسي اقول للقراب بس البعاد مالهم عندي شي تبقى وجهة نظر بلأخير :eh_s(22):

 

[Little_Queen]

انا اساسا اذا تزوجت و حملت .. اصلا آنا مابي أعرف شنو اللي ببطني


بسوي سبرااااااااااااااااااايز حق نفسي

 

[فارسية]

كيفي ماحب اقوول الا للي قراب حيل مني يعني امي وربعي السبشل

واصلاا عيب تسألين شنوو فيج !

اذا ولدت راح تعرفين شنوو فيها

لهدرجه فضاووة اسأل الحمل شنوو فيج بنت والا ولد ماكوو شغل حده

اسفة حبيبتي كيفج لا اتقولين بس لا اتعصبين علي

 

[فارسية]

بحر الذكريات - حكستار
ربي يعوضكم انشالله
حبيباتي