سبرايس انا حامل......متى تنقال علن

[mrs.perfect]

مرحبا بنات
المكتوب مبين من عنوانه
متى تعلنون الحمل
باي شهر
ام ريلي تقول متى ما بين البطن بروحهم بيعرفون:krkrkr:
معقولة؟!؟ .......وامي تقولي لا الله الحافظ والحين نقول
شالسالفة
عطوني خبرتكم​

 

[mrs.perfect]

اللووووووووو

 

[درة أهل الطولات]

يخافون عليج من الحسد

اتفقي انتي وريلج

 

[لوكي 22]

ياقلبي براحتج انتي وريلج الي تشوفينه
واذا تبين اذا سئلوج بس وكله اقري عليه
والله يحفظه لج يارب

 

[نظرة اعجاب]

والله انا خالاتي علمتهم بشهر ونص جذي مع خالتي ام زوجي

 

[مو عايشة بالدنيا]

احنا عايلتنا ماشالله الكل يحمل مع بعض
محد يخاف من العين الكل يقول على طول
انا اقول على طول
امي تقول الله الحافظ
بس اذا في احد عندكم مايحمل والا فيه عقم لاتقولين مبجر

 

[عيش و ملاس]

بصراحه أنا أقول أني حامل ، والله الحافظ ، حتى جنس الياهل أقوله علشان لاتصير فزه بالياهل بعد الولاده

 

[nadoo]

ان من اول شهر عادي والله الحافظ

 

[tmtmt]

تبين الصراحه ..

بنفس اليوم الي حللت فيه وانا بالطريج راده البيت من التحليل
ما بقى احد مادرى الكــــــــــــــــــــــــــــل ..

انا ماسكه تلفون واختي تلفون وامي التلفون الثالث

وسمحيلي الي ما تقول استغرب منها وتنرفزني
شدعوه لاهي اول وحده تحمل ولا اخخر وحده عدل !
وشنو بتييب مو شي غريب يا بنت يا ولد

وحتى لو ظليتي لي الثالث او التاسع وبعدين قلتي
اذا الله كاتبلج هالحمل بتم لو شنو ..

شدراج يمكن تقولين متاخر و وحده يفز قلبها عليج وتقولج وشلوون ما لحظنا بطنج صغير مو بين
ويصير فيج شي لا سمح الله ..

سوري طولت علييج قلت محاضره لوووووووووووول

والله يتمم عليج ويثبت حملج ويحميج من العين ..

 

[Om JooD]

عادي انا اقول على طول

 

[mosta7eel]

الله يتمم عليج حملج يارب
لا تحاتين الله الحافظ

 

[دلـع ^ العجـمان]

انا من عرفت اني حامل علمت الكل والله الحافظ ............

 

[احلى مريومه]

انا اقول نطري لي بين جيس الحمل وسمعتي النبض وتطمنتي على روحج ذبك الساع قولي

 

[mrs.perfect]

سلام
غالبية الاصوات تقول علمي
بس عندي بنت عمة زوجي حامل و مبين بطنها بس ليلحين ماعلنو؟!!!!!
مع ان عايلتنا على طول درينا ان بنت خالتي حامل
شكلي باعلن عند بيت يدتي مع ان شكلهم امي قايلتلهم لان كله لا تشيلين شي ثقيل.....قعدي عدل هالقعدة مو زين لج
واهل ريلي بسوي مثلهم......وبخلي الموضوع على خالتي......بس تر ودي الكل يدري

 

[أرنوبهـ]

من ادري اني حامل على طول اعلن والحافظ الله

 

[++The DuchesS++]

انا عادي عندي اقول على طول

 

[ام _خلودي]

والله انا على طول اقوول

 

[bent-al-asool]

الله الحااااااااااااااافظ


الله اللى يعطي والله اللى يسحب

 

[pure.soul]

من عقب الشهر الثالث عشان يثبت الحمل ..

ليش الطفاقه و من اول شهر ما انتي لما الحين فالأشهر الولى مو متاكده من ثبوته نطري لي الثالث وقولي

 

[كنت ما أدري...]

عادي حبيبتي قولي واستانسي
خلج طبيعية
بس افضل بعد الاسبوع6 وعقب ما تسمعين النبض