سبرايس انا حامل......متى تنقال علن

[sweet 30]

انا بعرف شفيهم الناس يعنى اللي تتزوج مردها بتحمل لا وسالفه لا تقولين اذا حامل شنو فيج يعني ياولد يابنت شنو بتييب غير هالشي يبه الله الحافظ شنو هالسوالف

 

[توته سعوديه]

الله يسلمج انا حملت قبل وزوجي ذبني عند اهلي وراح يعلم اهله بس علمهم البيبي طاااااااااح
وماكنت ادري انه طاح كنت اروح للمستشفى يقولون عادي ينزل دم كنت اموت من الالم لانه الم اجهاض وانا ماادري
واخرتها بعد اسبوعين دريت اني سقطت والله ماارفعوا السماعه حمولتي
وبعدها لمن رحت لهم قعدوا يتطنزون
والحين حملي الثاني طبعا زوجي قال لهم اني حامل وانا بالشهر الاول
والى الان انا ماشفت لااشعه ولاجيس ولانبض ولاادري البيبي حي او ميت لاني بدوله مايسون اشعة بطن الا بالشهر الثالث
ومع ذالك قال لاهله
طبعا حمولتي مااااااااااااااااااااايعلمون الين تولد يعني بناتهم بالتاسع يقولون توها ماحملت هههههههههههه
بس انا ياويلي لو مااعلم
فالللي بقوله لج
واهلي وحريم اخواني من التحليل يعلموووووووون
فانتي خلج مع الخيل ياشقراء
والله يحفظ لج البيبي ويتم عليج حملج

 

[نور البدر]

المثل يقول من خبا ما ربا
وبعدين الحمال يبين بالنسات واللوعة اول الاشهر
عادي قولي حق حبايبج والباجي لما احد يسإلج قوليله
والله الحافظ

 

[om reem 86]

انا من رايي من تدشين الرابع قولي على الاقل نطري لي يتثبت الحمل وترتفعين شوي

 

[كـ غلا ــلي]

انا بالنسبه لي علمت امي وخواتي اول ما حللت وعلمت خلاتي وعملتي وخلات ريلي وعماته وخواته بالشهر الاول

وباجي الحبايب بنقولهم من اخلص الثالث

 

[mrs.perfect]

متى ينسمع نبض الجنين
انا بس شفت النبض

 

[مرايم2009]

انصحج انج تقولين حق اهلج المقربين جدا مبدايا عماتج خالاتج وبتاتهم والكبار فالعايله علشان يدعونلج ان الله يثبته وتمم عليج حملج وبعدين قوليلهم عشان ايديرون بالهم عليج وتعيشين لحظات وايد حلوه من حياتج يقعدون يهتمون فيج ويدللونج وتوكلي على الله الي الله كانبه بيصير وعسى الله يتمم عليج انشاء الله ولا تنسين المعوذات واذكار الصباح والمساء اقريهم كل يوم عشان الله يحصنج من كل حاسد

 

[أحلى روان]

والله انا من بجري واقول من اول ما اعرف
الحافظ الله وكل البشر تحمل حتى القطوة
عشان جذي اقول حق امي عادي خل يدرون الناس اللي ربي كاتبه بيصير

 

[مروووم]

بصراحه أنا أقول أني حامل ، والله الحافظ ، حتى جنس الياهل أقوله علشان لاتصير فزه بالياهل بعد الولاده

انا معاها بكل كلمة والله يحفظه حقج وتولدين بالسلامة

 

[^noonaa^]

الله الحااااافظ

انا من حللت على طوول امي انشرت الخبر لووول

 

[cuteadodo]

انا ما اعرف اسكت على طول اقول واللي الله كاتبه بيصير​