ستاره منزعي ,, من صنع ايدي ,,

[زيـنـه]

تسلم ايدج .

 

[ㄨعلويه ㄨ]

ماشاء الله رووووووووووووعه

 

[دانتي]

وايد شغلج حلو ومشكوره

 

[nayswman]

وااااااااو والله حلوه

 

[DeCToOoRa]

مشكوورين عالمرور الحلو حبايبي ​

 

[أساور]

تسلم ايدج

 

[DeCToOoRa]

بنات بحطلكم طريقه عمل الستاره ,,,​

الادوات : خرز , سيم ضعيف ( فيه نوعين ) <<<< يصير سلك , بس متعب ,, السيم يتشكل معاج بس السلك لا ,, والسلك افضله حق الاكسسوارات

الطريقه :
1. تاخذين السيم وتقصينه حسب الطول الي تبينه ,,

2. تدخلين السيم بأول خرزه من جهة وتطلعينه من الجهة الثانيه وتدخلينه مره ثانيه بالجهة الاولي >>> علشان تصكرينه​

3 . بعدين تحطين باجي الخرز , واهم شي العد علشان يطلع شغلج مرتب ودقيق , انا الورقه الوحده حطيت فيها 45 حبه ,, ​

4 . بعد ماتحطين 45 حبه , تصكرينه بأول خرزه حطيتيها ,, نفس الخطوه الثانيه تدخلينه من جهة وتطلعينه وتدخلينه مره ثانيه ,, وهالخرزه راح تكون بالنص ,, وبجذي تخلصين الورقه الاولى ​

5. اذا خلص السيم او كان قصير قصيه وابدي بسيم ثاني ,, تاخذين السيم وتدخلينه بالخرزه الي يم الخرزه الي بالنص ,, وتصكرينه ,, واذا السيم كان طويل وراح يكفي معاج ,, نفس الشي تاخذينه وتدخلينه بالخرزه الي يم الي بالنص ,,, وبعدين تدخلينه بالخرزالي فوقها من الورقه الاولى ,, تدخلينه ب 16 حبه ,, وبعدين تكملين تحطين الخرز علشان يصير 45 حبه ,, وبعدين تردين تدخلين السيم بأول خرزه حطيتيها وتصكرينه مره ثانيه ,, وتصير اخر خرزه دخلتيها بالنص ,,,

6 . وبعدين تكملين باجي الاوراق بنفس الطريقه ,,,
الورده الكبيره >>> 16 ورقه
الورده الوسط >>> 12 ورقه
الورده الصغيره >> 9 اوراق​

7 . الحين تحطين الخرز علشان التعليق ,,
الورده الكبيره >>> تاخذين الورقه الي بالنص ,, وتاخذين منها الخرزه الي بالنص ,, يعني راح يصير 21 حبه على الجانبين وغير الحبه الي بالنص ,, وتدخلين فيها السيم وتصكرينه ,,
بعدين تحطين فيه الخرز حسب الطول الي تبينه ,, وبعدين تصكرينه ,, وتتركين مجال من السيم علشان التعليق ,, واذا خلص السيم تدخلين سيم ثاني ,,
بعدين تاخذين الورقتين الي على جوانب الورقه الي بالنص ,, وتاخذين منهم الخرزه الي بالنص ,, وتدخلين فيها سيم ,, تحطين فيه 16 حبه ,, وتدخلينه بالخرزه 17 الي حطيتيها بالورقه الي بالنص وتصكرينه ,, >>> هذي تسوينها علشان الورده ماتنلف ,,
الورده الوسط >>> بس تاخذين الورقه الي بالنص ,, وبنفس الطريقه ,,
الورده الصغيره >> تاخذين الورقتين الي بالنص ,, تدخلين بورقه خرز حسب الطول الي تبينه ,, والورقه الثانيه بس 16حبه ,, وتصكرينه بالحبه 17 من الورقه الاولى ,, وبنفس الطريقه

8. الحين الفواصل الي مسويته بالخرز الوردي ,, تحطين خرز حسب الطول الي تبينه ,, بعدين تاخذين قلم او اي شي عندج ,, وتلفينه عليه ,, ويعطيج الشكل الحلزوني ,, ومن تحت تحطين الكرستال الي تبينه ,,

9. اخر خطوه التعليق ,, انا معلقته باللزاق الي بوصوبين ,, بس الصراحه اكثر من مره طاح ورديت حطيته ,,
يصير تحطين مسمار وتسوين السيم دائره وتعلقينه >>> انا ماسويتها علشان مابي اخرب الديكور


وبجذي بتكونين خلصتي الستاره ,, طريقه بسيطه وحلوووه

وان شاء الله الشرح يكوون واضح ,, وسامحوني ماعرف اشرح اكثر من جذي ,,

واذا فيه اي سؤال ,, او خطوه مافهمتوها ,, قولولي ​

 

[doOody]

يعطيييج العافيه .. انشالله بحاول

بس من وين تشترين السيم؟؟

 

[د.شريفة]

تسلم ايدياتج حلو مشاءالله

 

[كوكتيل عسل]

تسلم ايدج حبيبتي وااايد حلوة

 

[DeCToOoRa]

يسلمووو حبايبي,,
doOody : ماتذكر من وين خذيت السيم ,, صارله سنين عندي ,, لان اهو مثل تيب كبير وايد

بس اتوقع تحصلينه فيه بركات ,, وقوليلي شنو يصير معاج حبوبه ​

 

[doOody]

يعطييج العافيه ... انشالله بشتري الاغراض وبجرب

 

[الغــ مرت ــالي]

شلون سويته مشاءالله عليج

 

[شهد ستايل*]

تسلم ايدج حبيبتى ....................حلو الشغل اليدوى والابداع حتى لو كان بسيط .....اموت عليه .....

 

[DeCToOoRa]

يسلموووو عالمرور حبايبي ,,,​

 

[almost a whisper]

اها اها الله يوفقج يوخيتي
انا موجوده بس مااشبك وايد هالايام تدرين ييت الكويت ومو شايفه خير خخخخخخ




وشرحج واضح وشحلاته


وتسلمين يوخيتي :tek:

 

[أم حمـــــودي]

تسلم الايادي وشغلج روعه وعساج القوة يا قلبي

 

[DeCToOoRa]

almost a whisper : هلا بالزين كله ,, مرورج الحلوو ياقلبي , تسلمين ,, خلينا نشوفج لا تقاطعين :eh_s(7):

أم حمـــــودي : الله يسلمج حبيبتي ,, ذوقـــج الروووعـــه ​

 

[اخت الغالي الغائب]

ستارتج غايه في الروعه تنم عن حس فني.....وماقصرتي على شرح المصطلح الي اول مره نسمع فيه(منزع)

 

[DeCToOoRa]

تسلمييين حبيبتي ,,​