ستايلج برمضان عند الحمولة

[العز58]

انا افطر في بيتي

وانزل بعد التراويح
مكياج ناعم مااحط كحل سائل
مو دايما اكون عندهم
ومبارك عليج الشهر

 

[انا انت]

كل عام وأنتو بخيييييير طلعت أنا الوحيدة اللي فيني كسل كشختي وحدة

 

[فديت عيوني]

أنا ساكنه بروحي

بس لما بتفطر عندهم

بروح بدراعه وملفع ونقاب وكحيله

 

[ورده عنابيه]

قبل الفطور بربع ساعة انزل بدراعه ذربه ناعمة ومكياج خفيف ومعاي طبق وحلو وبعدالتراويح انزل وانا كاشخة بدله حلوة وفلللللللل ميك اب

 

[خالف تعرف]

اروح قبل ما يئذن بدقايق
اتمكيج فل ميك اب اتعطر والبس ملابس الطلعه او
تريننق عشان اتفطر واصلي واقظب الباب انحاش بيت اهلي
هههههههههه

 

[نـعـومـه]

والله ضايق خلقي حلاته رمضان ستايلي غير دراريع وسوالف جذي

بس ماسويت شي

عادي المكياج نفسه لانه ناعم اساسا بس بخفف الحمره وبدل قمصان طوال وتحت جينز او لقنز

 

[شاهي بالحليب]

كل عام وانتو بألف خير يبنااات وعساه رمضان خير علينا وعليكم ياارب

بما انه الويــه تعبان من الصوم فأكيد لا يخلوو من الميك أب الطبيعي

بس مو أوفر عشان حرمة الشهر بس على الاقل مو وجه تعبان ومرهق

واللبس دراريع ناااعمه يكون أفضل

كيف يعني حرمة الشهر وش دخل المكياج

 

[قوية الباس]

عادي انوع بين الدراريع والبدل

مالتزم بشي معين احب التنويع كل شي البسه

 

[المـــــها]

أول رمضان مع حمولتي
اممممم مكياج ناعم كريم ناعم و مسكرا و كحل قلم و حمره ناعمه
و ألبس دراريع ناعمينو عمليين و بنفس الوقت فخمين

 

[بـشـرى]

ووووواى يابيت الحموله ...

انا كنت ميك اب وخبه بعد الفطور ...

اللحين قبل الفطور ابدل دراعه عاديه .. وزين منى اذا رديت الكحل بعينى

لعت جبدي من الرسميات .. وبعدين عيالى الله يعينى عليهم يبي لهم مراكض ..ومجابل

الله يتمم علينا هالشهر بخير وصحة وسلامه

 

[tbola]

مممم انا شوي غير عنكم :d
بما انه زوجي الوحيد ولد ف اخذ راحتي قبل الفطور انزل ابساعتين اطبخ معاهم البس بجامه عاديه وقبل الفطور اب دقايق اخذ شور ولبس لبس عادي وورااا الترااوييح اكشخ وتمكيج وروح معاهم زواراتهم وبسس

 

[ضحاوي الديره]

انا ساكنه مع حمولتي هذا ثاني ومضان لي من تزوجت
انزل قبل الفطوربربع ساعه البس دراعه ناعمه ومكياجي بسيط حيل كريم مرطب كحل مسكرا حمره بلشر واضبط حواجبي
وبعد الفطور كشششششخه ع سنقة 10 فل ميك اب واضبط شعري ويا البس دراعه فخمه او فستان قصير او بدله فخمه >>>>> يومياااا لازم كشخه نظام بيت حمولتي مايخلا ماشالله كل يوم ضيوووف
فلازم التسنع والتزكرت
وفي ايام بعد الفطور ماااااانزل كلش خير شر انام وبس

 

[HaYoOoMa]

قبل الفطور بعشر دقاايق انزل واتفطر دراعه ناعمه وبدون ميك اب او ماسكرا بس وحمره سحريه اكون حاطتها من امس هههههههههه

وبعد الفطووور اتكشخ اكييد دراعه سنعه ومكيااااااج اوووفرررر واذا بطلع جمعة خوالي مرات عبي السنعه ومرات بدل

 

[هموووم]

شبه يومي انزل افطر عندهم وانزل قبل الفطور بجلابية وميك اب خفيف مسكرة وروج وبلاشر وكرم اولاي وهالسنة شارية الفساتين الطويلة الناعمة البسها قبل الفطور ولو نزلت بعد الفطور البس بنطلون

 

[زوجي توأم روحي]

انا احب الفطور ببيتي ومملكتي

ما احب اتفطر عند احد

واكون مرتبه

ولكن التزكرت والميك اب

بعد صلاة التراويح

ويا حلو رمضان ويا حلو لياليه

ليت السنه كلها رمضان

فوفو

نفس الوضع واضيف انى برمضان ما البس بدل نهائيا كله دراريع بس فيها شغل ثقيل اذا بزور واذا بشقتى لا دراريع ناعمة بس اركز على الالوان تكون فرش وحلوة :d

 

[PuPa^^SWeeT]

انا صراحه مااحب حمولتي يشوفوني بدون مكياج وكحل بعيوني مو لاني مو حلوووه لاا لانه تووه ماصارلي الا ٢ سنه متزوجه لاااحقه عالكسل وانا صغيره مو كبيره الحمدلله
انا زوجي اذا شافني بدون كحل يانبني ضميري ان الله جميل يحب الجمال
اكييد قبل الفطور راح اتمكيج خفيف والبس دراعه سنعه
وبعد الفطور اكشخ واكثر الميك اب

انا صارلي 6 سنين و ليلحين ماشافوني بدون مكياج الا لما ولدت بنتي البجر لوول


بس لاا احط ميك اب خفيييف حييل بسيط

 

[تبطي عظم!]

اول رمضان لي عند حمولتي ماراح انزل قبل الفطور

بنزل بعد التراويح مكياج ناعم مثل كل مره واتعطر واتبخر اقعد شوي وارجع شقتي

وخلاص رمضان شهر عباده مو تكشخ وقعده خلاص نزلت شوي الحمد لله اصعد اقرالي قران واصلي

هالشهر مره بالسنه وماندري نلحق عليه المره الجايه ولا لا

 

[om MaRyooM]

والله الود ودي كل يوم في بيتي مااطلع ازور احد


بس ريلي مايتفطر بالبيت لازم عند اهله يوم واهلي ثاني يوم


وستايلي بيكون جدا عادي بروحي صايمة وحامل ومالي خلق احد . .

اللهم الفانوديشن لاازم احطه عشان الويه الاصفر