سجات ولدي بالقاعدة الحلبية

[غلاي عزوزي]

قوه شلونكم
اليوم رحت سجلت ولدي بالقاعدى الحلبية بفرعهم الرئيسي بالسلام
قالت حق المسؤله عن التسجيل
ان ولدي بجر ووحيد وما أسسته بالمره ومايعرف شي وراح يروح السنه اليايه اولي ابتدائي
قالتلي في عندنا بمنطقة بيان
تأسيس حق الي عمرهم صغير نفس حضانه او شي من جذي
دوامهم الصبح وتمدحهم حيل
قلتلها انه ثانيه روضه شلون بيروح الصبح
قالت حسافه هناك راح يتعلم ويستفيد
قلتلها واللله ابرك لانه الحكومه نفس مايروح نفس مايرد
وقالت حسافه طلعتيه من القطوف ووديته حكومه
صج روضة القطوغ ماعلم شي للياهل بس ابتدائيهم ممتاز وانا مدخله عيالي

المهم مسجلته شهر وبشوف
دفعت رسوم تسجيل وسعر الماده الوحده نقيت غربي ومع الكراسه طلع شي وخمسين وبعد زياده لانه راح يبدي من الاسبوع الياي يعني شهر واحد والاسبوع الاخير من 12 احسبتلي اياه ب9 دنانير

مافرقت المهم يتعلم
مشاء الله وايد ناس واولياء امور يايبين عيالهم



وفي شي ثاني


لقيت موقع اسمه مدرستي التعليمية وايد حلو ومفيد دشوله ينفع لانه عن مناهج الحكومه

وسلامتكم
ياريت الي مسجله ولدها هناك تفيدنا
لانها قالت اذا تبينه بلبل وشاطر ويروح اولي ابتدائي لازم علي الاقل يستمر معانا 8 شهور يعني من الحين لي العطله​

 

[عـــرووب نت]

السلام اختي
بصراحه انا قليل ما اشارك بس للامانه انا دخلت عيالي في الحلبية الي بالاندلس شهرين عربي وانجليزي ورياضيات وبكل صراحه بالعربي حلوييين استفادوا عيالي وبالرياضيات كانوا يحفظونهم جدول الضرب بس بالانجليزي تخيلي شهرين عندهم ولا تعلموا حتى ايه بيه سيه يعني الحروف مااااااااكو وبعد الشهريين يقولون على حسب استيعابهم !!!!!!!!! يعني عيالي فل بالعربي وتمام بالرياضيات بس بالنجلش ما قدروا يستوعبووووون !!!!!!!!!!! صراحه زيييييرو وشيء لا يعقل يعني انصحج فيهم باللغة العربية بس بالانجلش نووووووويييييه تحيااااااتي

 

[وسن 11]

وانا مثلج عندي اول لابتدائي دخلتهم بثلاث مواد عربي رياضيات وانجليزي

صراحه في ناس تمدح وناس تذم وانا صراحه احترت ............
قلت خل ادخلهم واشوف بعد جم شهر شلون مستواهم
بس اللي يعور قلبي انهم يجون من المدرسه ويدووووووب يتغدون ويلعبون شوي والساعه 4 يروحون للقاعده والساعه 7 يردون تعبانين احس حييييييييييل راح يتعبون ويملووون
مدري انتو شتشوفون ..............:gathering:
الله يعيني بس احس انا اللي بزهق مو هم!!!!:krkrkr:


امهاااااااااااااااات ومدرساااااااااااات عطونا رايكم في الوقت ونفسيتهم بعد

 

[غلاي عزوزي]

عروب تسلمين حبيبتي عالرد والفايده وانا سامعه نفس كلامج من قبل انهم بالانجليزي مستواهم تحت المتوسط انزين شنسوي بصراحه الانجليزي مهم خاصة انهم حكومه يعني الياهل ماياخذ حقه بالشرح داخل الصف لانه غلب المدرسات والمدرسين الله بالخير وهذا رايي لاني مدرسه سابقه ومنحاشه ههههه


وسن راي من رايج وانشاء الله الامهات الي محتريين علي عيالهم نفسنا يفيدونا

لان بصراحه ندفع فلوس ونودي ونييب ونبي المقابل

انا كمن اهلي محد مدخل ولا احد شجعني
بس رفيجاتي بالدوام وصلو سمعتهم للسما ويمدحونها حيل حيل

 

[وسن 11]

للرفععععععع

 

[غلاي عزوزي]

وسن مشكوره للرفع
بس تصدقين سجلته شهر ومتعايز اودي واييب كل يوم وانا حامل بعد

المهم اهم زينيين بس نفس ماذكرت اول لازم شهور متابعه معاهم لانهم يمشون حبه حبه والابله تقعد ففتره بسيطه مع الياهل يعني جنها مدرسه عاديه بس الشرح فردي
مادري شكلي بكمل الشهر واكنسلها عقب ومو رخيصه بعد دفعت لمادتين لشهر جريب الثمانين دينار لاني كنت ماخذه اسبوه زياده مال شهر 12 بطلع علي ب90 لادينار مو شويه

 

[سيدة الكويت]

غلاى عزوزى جم طفل بالصف

 

[al7noona]

انا ناويه اسجل بنتي فيها على شهر 2

بس حسافه انهم مو قويين بالانجليزي بس اهما معروفين بالعربي

بس المشكله الانجليزي بعد مهم شلون شنسوي حرام ادفع حق الانجليزي ومايعلمونها شي؟؟؟

 

[al7noona]

انا ناويه اسجل بنتي فيها على شهر 2

بس حسافه انهم مو قويين بالانجليزي بس اهما معروفين بالعربي

بس المشكله الانجليزي بعد مهم شلون شنسوي حرام ادفع حق الانجليزي ومايعلمونها شي؟؟؟

 

[حروف من ذهب*]

يمدحونا بس مادري متي ادخلهم بصيف احسن لان حرام يالله ادرسهم ويكتبون وجباتهم وينامون
انتو شنو تشورون على ؟؟

 

[*قمر دنياي*]

السلام عليكم

بالنسبة للي ناوية تسجل عيالها انجلش حضانة سوبر كيدز باليرموك عندهم تقوية بالانجليزي والعربي والرياضيات همن ومستواهم حلوووو وخصوصا الانجلش

توني بكتب عنها وشفتكم تتحجون عن الانجلش

في للتأسيس للانجلش وفي مناهج وزارة التربية بيستفيدون حيييل

 

[غلاي عزوزي]

سيدة الكويت انا يوم اسجل علي اساس انهم 7 او 8 بالصف بس قاعده اشوفه ميقبلون ناس وايد امكن تعدو بالصف فوق العشر او 11


انا سجلته بالاول عربي وقلت مايسوا ساعه اوديه وارد مايمدي دخلته انجليزي


زين بس نفس ماقلتلكم يبيلهم تستمرين معاهم وومادري لما تكون المدرسه متفرغه لياهلا واحد ادرسه وادخل المعلومه براسه عكس لاما اجابل 10 يهال كل واحد ياخذ 5 دقايق يعني مثلا


ولدي جم يوم بالانجليزي الابله هاك حرف اي وانسخ


يعني ماقدر انا انسخه الحرف اي

مادري احسهم حيل عاديين


حروف من ذهب انا كل ماامشي بالشراع اشوف هالمعاهد الي تحل الواجبات شاسلالفه

دخليهم العصر معهد منهم يدرسونهم ويأسسونهم ومنهم يحلون الواجبات


انا مرت اخوي مدخلتهم مركز المهارات بالروضه
عقب الغذد يرتاحون عيالهم العصر يبدلون ويشيلون جناطهم وللمعهد لي ال 7 يحلون الواجبات ويدرسون

بس لازم متابعه مو تعتمدين عليمهم

يردون تعشيهم وتنومهم

ومستانسه ومرتاحه تقطهم وتروح النادي اشتركت بتشامبين ههههه

 

[حروف من ذهب*]

والله فكر
انا بالصباحيه اي معهد قريب مني ؟؟ ابي يدرسونهم ويكتبون واجباتهم ؟؟ الصراحه تعبت وياهم لاني انا ماني شاطره في التأسيس عاد عندي وحده كل يوم تروح عزايم وعروس وكل مكان ماتخلي مكان ما تروحله وكل مادق عليها ابي استفسار عن ماده كل طالعه وعيالها ما شاء الله متياز تقول مدخلتهم تقويه
وانا اشوف الناس ديم يقولولي منحكره وتدرسين وبالاخير عيالج جيد جدا اثري طايحين في الطريقه هذي

 

[امواج الشوق]

مرحبا بنات انا وديت ولدي الحضانه القاعدة الحلبيه بالاندلس وشكلهم زين انشالله على شهر 9 يدخل الروضه بس محتارة بين الحكومة والخاص ( رياض الصالحين) شرايكم

 

[قلبي ابيض]

الله يوفقه

 

[وسن 11]

يعطيكم العافيه كل البنات اللي حطوا تجربتهم :tek:


رفع


للباقين للافاده

 

[حربيه وبس]

رد : سجات ولدي بالقاعدة الحلبية

مرحبا بنات انا عندي معنااااااة مع بنتي ماني عارفه ادرسها ودي ادخلها القاعده الحلبيه اللي بالصباحيه اللي تعرف رقمهم او سامعه تجارب عنهم تقولي
ومنكم نستفيد

 

[استعجلت الرحيل]

رد : سجات ولدي بالقاعدة الحلبية

انا يكسرون خاطري عيالي السنه الي طافت يادوب يردون من المدرسه يتغدون ويرتاحون وعقب يروحون القاعده الشاميه مو الحلبيه

اما السنه هذي قلت بحاول قد مااقدر انا ادرسهم لانهم ملو من الدراسه

بصراحه حيل مريحتني القاعده الشاميه بحل الواجبات

 

[ام خالد 78]

انا مفكره ادخل ولدي بالقاعده الحلبيه بس لازم كل يوم يروح ولا ايام معينه

 

[om-mnooorooo]

السلام عليكم

انا لي تجربتين

الأولى مع القاعدة العربية في منطقة العميرية أسعارهم مثل ما تفضلتوا يوصلون 90 و 100 للفرد بالماده و المادتين..

الصف زحمه و الأبلات شاميات و مصريات و يزفووون العيال.. لا استفدنا و لاشي

تجربتي الثانية مع مركز إبداع التعليمي و الترفيهي في منطقة أبرق خيطان رقمهم 90989688

كنت و مازلت أمدح فيهم ماشالله عليهم.. و سويت عنهم موضووع

مجموعة بنات كويتيات أخلاق و سنع و اسلوب و مستوى أكاديمي و مذكرات خاصة فيهم و حريصين بشكل ملحوووظ

العيال يحبونهم و ينطرون السايق مناطر على شان يروحون..

و ما ملوا منهم طول الكورس الدراسي و اشتركوا شهر7 بالنادي الصيفي و الرحلات معاهم

للأماااانة تجربتي ناجحة و مستمرة باذن الله معاهم..

الدفاتر و الواجبات كاملة و الدروس تتحضر و اللي مو مفهوم ينشرح و تبارك الرحمن الشهايد تبيض الوجه و ترفع الراس

و دهنا في مكبتنا.. و الأسعاار خياااال.. المادة سعرها 25 دينار بالشهر و الدوام 5 أيام بالأسبوع بشكل متواصل لكل مااده تتخيلووون؟؟؟

قبل بالقاعده العربيه مسوين جدول المادة كل يوم و ترك.. انزين اللي عنده واجب باجر متى يحله؟؟ عقب باجر؟؟

حـــــــيـــــــــل فرق معاي مستوى العيال والله