سجلي حضورج لحضة كيف عرفتي انك حااااامل

[ابدا يالغالي مانساك]

لاتوقفوون بنااااااات
عطر الدوووووحه لاتنحاااااشي قولي قصة حماااااالج لووووووووووووول
خخخخخخخخخخ

 

[اينااس]

انا اليوم حللت وطالعت حامل متااخر دوره عليه وكنت دايخه ويح بس عشاان التعب

الى فينى سو يت تحليل وطالعت حاامل

 

[ابدا يالغالي مانساك]

مبرروك حبيبتي ايناااااس
وربي يقر عينج بشووفته

 

[ام ساره 4]

أبدا يالغالي ما انساك الفال لج إن شاء الله وعقبال ماتحملين وتدشين الموضوع وتبشرينا وتكتبين لنا شعورج

 

[ابدا يالغالي مانساك]

حبيبتي ان شااااااالله يارب
كتبت شعوري الاول بالاجهاااااض
وان شالله اكتب لكم قصتي يااارب علي قولتج ياقلبي فديتج يابعدي

 

[اينااس]

يوم حللت اليوم صحت اصياااح مو طبيعى لانه كانت ماابقى هالفتره بنتى صغيره سنتين وشهرين

قامت دكتور هد ينى وانا مو قااده اسكت
بس خلاص هذى الى ربي كاتبه لى
ادعوولى يا بنات ربي يكتبلى اجيب الو لد

 

[**Um '9a7oya**]

انا بكتب في بجري
كنت توني متزوجه صارلي شهرين ومافيني اعراض دوره ولا شي بسخالتي كانت تلاحظ ويهي تعبان وبس بنام ما اكل المهم كنا انا وريليبنسافر مع اهلي و اهوا كان كله خايفاني اسافر وانا حامل قالي حللي اول بعدين ظليت جم يو ورحت مع بنت خالتي بس محد يدري حتى زوجي رحنا طيبه كلينيكو حللت هرمونني لان الدوره مو موعدها ونطرت ساعتين رحت فيهم٣٦٠ ونتمشى وكوفيالمهم ردينا ولا اقولها ابي تحليلي مع اني ادري مو حامل جان تقولي مالت الاسةقبال منو قالج انج بتسافرين قلتلها ليشجان تقول انتي حامل من الصدمه عيني دمعت وكل ساع اسألها شنو قلتي واهيا تعيد وعلى طول دقيت عالحب وقلتله اهوا من الوناسه هستر من الضحك جان يقول ما بين بنت ولا ولد هععععههععهه شدعوه






اما في الثاني اللي الحين الله يتمم علي
كنت ماخذه اجازه من الدوام وكنت تعبانه ولمه داومت كنت بتريق مع البنات واشم ريحه الاكل تلوع جبدي وعوار من تحت مو قادره اقعد دقيت على ريلي
خذاني عشان اروح حق دكتورتي المهم رحت ولمه وصلت طلعت و اهما منطريني يقولونلي كا الحين بتيي لمه عصبت ودقوا عليها قالوا تعالي بليل رديت متنرفزه وما كليت ونمت وقعد المغرب لبست بنتي وقلت حق خدامتي يلا ولا الاخت تعصب تقول انا عندي شغل ليش ما قلتي ولا خالتي بويهي قالتلي شفيج جان ابجي اهيا عرفت جان تقول لا تسوقسن انا اوديج ولمه رحت قلت حق الدكتوره وكان باقي يومين على دورتي قالتلي بسويلج تحليل وحللت قالتلي حامل اناقعدت اطالع فيها واهيا تتحجى جان تقول شفيج قلتلها انصدمت وبشرت ريلي جان يقول لا تجذبين وما صدق الا امس لمه سويت سونار صارلي ٤ اسابيع واهوا مو مصدق


وبس وسوري عالاطاله

 

[anwaroo]

فديتج ام ضحاوي ^^^

 

[anwaroo]

انا بقولكم سالفتي كان فتره شتويا
وكنتبالافنيوز مع خواتي ورفيجاتنا ضحك وسوالف فجاه انقلب مودي ومالى خلق احد وماني قادره امشي من عوار بطني رحت الحمام ماكو شي توقعت الدوره نازله كنا قاعديين بستار بكس واختي طالبه كرواسون وموكا واحس كل ما اشوف الاكل تلوع جبدي واشم ريحت الكرواسون الله يزيدا
المهم كنا بعد يومين بنروح منتزه الخيران وانواار كلش بالخيران ماتعرف تقعد كل شي سوييييت قوااري ومشي وركض واختي ورفيجتي يوصوني لاتسوين شي نطري حللي قتلهم لايبا ماكو شي كلشت استبعدت الموضووووع
لمن ردينا بعد سبوع قلت الدووره مادري شسالفتها تاخرت وايد وانا اخر ايامها كانت تتاخر يوم يومين بالكثير 4 بس هل مره سبووع ومايت سيره حق ريلي كلش وانا راده من الدوام مريت الصيدليا خذيت التحليل حللت وانا مومتوقعه الخطيين نهائيا ولا بسرعه يطلعلي خطيييين وانا مومتاكده طلعت من الحمام اقرا التعليمااات اذا خطيين يعني شنووو لووووووووول صابني عقر بقر
وبسرعه دقيت على اختى قتلها انا حاامل قالت لاتتحجين خل يصير المغرب ونروح اي عياده انحلل دم قتلها اوك رحنا العياده ومعاانا كووووووووووووووناا بنتها الصغيرا شافتهم يغزوني ابرا وطلعت النتيجه حامل ردينا بيت ابوي وريلي كاان بقط على شغله ويمشي بنت اختي اسمعت انه يااي رااحت رررررركضه عمي عمي نونا غزوووها ابرااااااااا بتييب بيبي صغييير
ماشوف الا بوالشبااب يدبج على الدري وايني يبوس رااسي قتله هاو شفييك يقولي بتخشيين على صح حسبالج ماعندي جواسيس بينكم
والحمدلله انا الحين بالتاسع دعولي الله يهون على
حدي قرقه

 

[ام فواازي]

بسم الله انا توني حامل ماكنت ابي الحمال الحين بس ان شاء الله خيره المهم انا اسوي مناعه طبيعية من سنه بس الشهر اللي فات تلخبطت الدوره علي رحت الدكتوره و عطتني علاج المهم سألتها قلت متى يكون الحمل بالضبط لان زوجي متضايق من المناعه الطبيعيه جان تقولي لا عادي اول اسبوع بعد الدوره مو لازم مناعه بس ثاني اسبوع سووو مناعه وخلاص ماراح يصير حمل عاد انا صدقتها جان اقول لزوجي بس همن سوينا مناعه اول اسبوع والثاني بس الثالث اخر ثلاث ايام منه ماسوينا وقبل اسبوع موعد دورتي يوم الجمعه اللي فات نزل معاي دم تكرمون قلت كا شرفت ولاثاني يوم ماكو شي نضيفه وهم بعدها قلت لا شفيها تخربطت على فكره انا كنت كل يوم اروح النادي المهم دقيت على امي قتلها السالفه جان اطرشلي مع السايق رشاد معفوس بتمر و ادوية نفاس عشان تنزل الدوره وهم كليتهم ويومين ومانفع فاحت ريحتهم فيني ولا نزلت الدوره عاد رحت عند عاليه الفضلي ولا تقولي حامل صج صج ماتوقعت اكون حامل اصلا مأجله الحمال بعد سنتين مو الحين بنتي عمرها سنه قلت بس تصير 3 سنين احمل بس يالله الحمدالله على كل حال والله يرزق المحرومات

 

[ام فواازي]

على فكره خلال هالسنه انا طول الشهر مناعه طبيعيه بس قبل الدوره بثلاث ايام نفج المناعه بس الله يهداها هالدكتوره مادري وين دارسه طب

 

[-TFa7a-]

بسم الله الرحمن الرحيم
انا دورتي تآخرت ٤ آيام ومن عوآيدها تتآخر مو منتظمه عندي ، كنت قاعده آتسوق شفت صيدليه قلت خل اخذ تحليل حمل والحمدالله لما حللت طلعت حآمل قلت حق ريلي خل نحلل اخاف مو صج لآن مر شهر على زوآجي لما حللت طلعت حآمل واااي شعور حلوو قمت آبجي من الفرحه هههه وريلي حيل ستآنس
الحمدالله يارب احلى هديه من رب العآلمين : )
الله يتمم على كل حآمل وتفرح بشوفت ظنآها
يآرب ترزق كل وحده تبي تحمل يارب ترزقهم بالذريه الصالحه وتفرحهم اللهم آاااآمين

 

[ابدا يالغالي مانساك]

اب
اب

 

[قمري]

خوش موضوع

انا الله يسلمج كلش ماكنت حاطه ببالي احمل وكنت مخططه حق سفره سنعه وناطره يوم السفر على ناااااااااااااااااااااااااااااار سبحان الله تاخرت الدوره ولاحظت نفسي اني صرت عصبيه وحساسه حيييييييييييييييييييييل وماتحمل شي ابدا قلت شكلي حامل مع انا مسوين مناعه طبيعيه بس قلت خل اسوي تحليل منزلي من عمر بنتي مومستخدمه قلت خل استخدمه ولا يطلع حمل

طلعت من الحمام تكرمون مصدومه اقوول حق ريلي انا حامل طبعا اهوه استانس حيل وانا من الصدمه ماكو اي تعبير بس طبعا من داخلي مستانسه اني بييب اخ او اخت حق بنتي لانها تكسر خاطري بروحها

عاد لما حللت بالمختبر استانست والله يتمم على الجميع الوناسه والفرح ويرزق كل محرومه يارب

 

[رووح ابووها]

اااااب

 

[حآلية الذوق ~]

خوش موضووع

عسى كل المتاخرات يبشرون ريايلهم واهلهم هالششهر

 

[حنووونه25]

عيل انا تزوجت وانا دورتي انعفست فوق تحت كانت حدها منتظمه قبل الزواج وبعد الزواج قامت اتأخر ولما اتيي اتييلي ١٥ يوم ويعني شفت اشياء اول مره اشوقها بالزواج وعقب رحت اعالج بنظم دورتي الي اتقولي فيج تكيس واروح وحق دكتوره ثانيه اتقولي شي طبيعي ومافيج تكيس واخر دكتوره قالتلي فيج حليب وهرمون الحليب مرتفع واهو الي ياخر حملج ويلخبط عندج الدوره وخذيت له علاج شهر وطبعا من تزوجت وانا زايده ١٠ كيلوات وحدي لايعه جبدي ليش وزني زاد المهم عالجت هرمون حليب ويت الدوره ابوقتها وقررت عقب الدوره اسوي رجيم قمت اخفف اكلي وقبل لا اتيلي الدوره الثانيه ابيومين سولفولي عن احبوب رجيم وايد زينه قلت باخذهم بس خفت اكون حامل فقبل الدوره ابيومين حللت ولا اطلع مو حامل استانست عشان بضعف وباكل الحبوب كليت الحبوب يومين بس عقبها مزاجي صار كله معفوس وصدري بينفجر من العوار والدوره مايت رانا اقول اشفيها مايت وخلاص زهقت كل يوم انطرها مو راضيه اتيي وابيها تنزل عشان افش احس اني متفوخه ومزاجي مايتحمل احد وانطر اسبوع وفي هالاسبوع ماخليت دري ماركبته ونزلت منه واشكثر ناقزت وشربت مراميه حسو بس ماادري ليش قلبي قالي وقفي احبوب رجيم ووقفتهم مااخذتهم عاد قاعده اسولف حق بنت عمتي اني متضايقه ماادري ليش تاخرت الدوره وان مو راضيه تنتضم قالتلي سوي تحليل قتلها ليش اسوي ادري مو حامل فيني حليب وهرموناتي متلخبطه وسويت قبل الدوره قالت ميخالف سوي حزات مايبين من اول مره وصج شريت التحليل وبالليل سويته وقعدت انطر واشوفه ولا خطين ماادري شنو كان شعوري بغى يغمى علي من الصدمه وادق على زوجي من الطفاقه مااعرف اسكت واهو بالدوانيه واقوله تعاااال انا حامل الساعه ١ بالليل امش خنسوي تحلييل بتأكد وطبعا ماصدق خبر يي طاير ورحنا المستشفى وتاكدت من الحمل وعقب جنه مو امصدقين اهو يدق على امه يبشره وانا ادق على امي ابنصايف الليل ابشرها
الي مسكينه امي اتقولي من الوناسه انج حامل اشلون بنام ماراح اتييلي النومه فديت امي حبيبتي
والله يتمم علي حملي ويسهل ولادتي يا رب
ويرزق كل محروم بالذريه الصالحه

 

[ام اغلى الناس]

ما شاء الله
انا احمل بعلاج والحمدلله على كل حال
كنت اكره كل التحاليل
بولدي حطيت البول بعلبه بالحمام. و زوجي دش سوا التحليل ههههه
لاني قلتله مابي تحاليل
طلع حمل وبجيت الحمدلله

ب حملي الثاني اللي هو الحين
حسيت بنفس الاعراض لحملي الاول مع تحجر صدري
جكيت
وما جاني صبر
رحت المستشفى حللت دم
قالت مبروك وهما قمت ابجي

الحمدلله يارب
الله يرزق الكل ولا يحرم احد
والله يتمم علينا

 

[ام اغلى الناس]

نسيت اقولكم بولدي الاول قبل هالتحليل سويت تحليل وطلعلي خط واحد
عقبها بيومين حطيتله البول بالحمام نفس ماقلتلكم ههههه

 

[مروة الكندري]

الموضوع وايد حلو .. والصراحة لما الحين ماحملت .. تاريخ 15 فبراير راح يصير لي سنة .. كنت مأجلة موضوع الحمل لي ارد من الحج .. واحين شهرين واحنا ننطر ونحلل وتنزل الدورة هههههه .. ما ادري والله شقول .. بس ا ن شاء الله احس بهذا الأحساس قريب .. واييكم مرة ثانية واكتب لكم قصتي
بس دايما اوسوس ان اخاف فيني شي واني ابي اروح احلل .. بس اقول تو الناس لآن تونا شهرين من المحاولات

والله كريم ان شاء الله ويرزق كل وحدة محرومة ..
دعواتكم حبيباتي