سجلي حضورك بعطر من عطورات سيد جنيد يعجبك ..

[قاهره عذالي]

السلام عليكم


انا من زمان كنت اسمع بعطورات سيد جنيد

وان ما نحصلهم الا بالمعارض

او نسافر للسعوديه


وسمعت انهم مركزين وحلوين

المهم وصدفه والا القى عطورات سيد جنيد بمحلات الشايع للعطور

المهم

انا اكثر عطر يعجبني منهم اسمه فنن

ريحته هاديه وفلوريه والعطر نفسه شكله حلووو

يعني ممكن تهدينه لاي احد تعزينه هديه

طبعا بنفسج اكيد حلووو

بس انا عجبني حيل فنن

وهذي صورته

ميزة سيد جنيد ان عطورهم مركزة نفس العربيه للعود


يلا

دوركم

ناطره ردودكم:eh_s(7):

 

[((shoOoshoOo))]

وعليكم السلام خيتووو

بالنسبه لي افضل عطر من عندهم واللي صج ثابت

عطر سوليتير

صج هالعطر شي وسعره رخيص ..

وهم عندهم عطر بريحه بخوور اسمه غروووب انا ماجربته بس خالتي وايد وايد تمدحه


والعطور الرجاليه عندهم قمه احسن من النسائية بالتركيزز

 

[((shoOoshoOo))]

بما انج خبره بالعطور وماشاء الله لج اكثر من موضووع


اليوم بروووح العربيه

فعفية رشحيلي احسن 3 عطوووور ^_^

يعني ابي فرنسي وشرقي

 

[قاهره عذالي]

هلا شوشو

عطر وودي وعطر كلمات حلووو ين هذول شرقيين حتى حاطه صورتهم بموضوعج حق العطور الشرقيه وذاكرتهم فيه

بالنسبه للفر نسي

في عطر الفراشه بس في منه الوان واشكال ونكهات وكذا نوع

في اللي على فروتي جنه منجا مو حلوو وفي اللي ريحة زهوور حيل حلوه جنه ب12 انجنيت مره عليه لما رحت السوق بس للاسف ماشريته لان خلصت فلوسي ومافي وقت اروح اسحب لان بطاقتي البنك بالبيت

شكرا لج شوشو

انا واجد اسمع بعطر غروب وان شاء الله اجربه

 

[((shoOoshoOo))]

بالنسبه للعربيه "
اي صاجه عطر الفراشه رقم 5 مو طبيعي

وعطر الجوهره ( لونه احمر وعلى شكل جوهره ) نفس ريحه عطر ستيلا بالضبططط !

وعطر غزل عجييب يجيج على ريحه بخووور خصوصاا اذا حطيتي عقب اي عطر فرنسي وايد يثبت

بس خلص من عندي وراح اشتريه اهواا وودي ؟ بس وودي ريحته على شنوو على عود ؟


وهم اكو عطر من سيد جنيد ينفع رجالي ونسائي اسمه تاريخ هم عجيب والله اشمه قبل لاينزل اخوي من الدري

وترى عندهم كريمات جسم ويمدحوونها بس ماجربته

وهم لاتنسين تجربين سوليتير ^_^

امبيه جني قرقت وايد ^_^

 

[قاهره عذالي]

عطر وودي من العربيه WOODY

عطر خشبي

فيه انواع الاخشاب مثل العود

بس ما ادري شلون ريحته مو مكرره وحلوه
يعني جد شرقيين وفخمين يصلحون حق عزايم ومناسبات

وتركيزهم قوي مو خفيف


هذي مكونات عطر وودي :
الورد الطائفي ممزوجاً بزهوراللافندر، إضافة إلى المسك والعنبر، وأفضل أنواع العود الكمبودي المعتق

وترا اللافندر احلى ريحة ورد عرفتها

اي شي مكتوب فيه لافندر احب اشتريه خاصه معطرات الجو

خذيت المكونات من هالموقع http://www.aleqt.com/2007/04/25/article_88802.html

وبالنسبه لعطر كلمات هم خشبي بس احسه جنه اقوى من وودي

بالنسبه لعطر سوليتير وتاريخ من سيد جنيد ان شاء الله بجربهم

وعلى فكره عطر البنفسج من سيد جنيد هم نفس تركيبة عطر ستيلا

 

[((shoOoshoOo))]

بعد عمري ماقصرتي

 

[قاهره عذالي]

العفووو

شوشو

دشيت ملفج الشخصي لقيت لج استفسارات عن اللوشنات المعطر وتعطير الشعر ومسك الجسم وكتبت ردود

وان شاء الله اني خدمتج واستفدتي

 

[@ بنت قطر @]

عطر رازجي مركز من قلب

 

[قاهره عذالي]

نورتي الموضوع .. بنت قطر ..

 

[@ DLOO3TAH@]

عطر بنفسج

ويعطيج العافيه

 

[((shoOoshoOo))]

ايه قاهره شفت ردووودج ماقصرتي والله


اليوم رحت للعربيه خذيت لي عطر وودي المركز وعطر غزل وعطر رومانسيه اهوا راواني عطر اووودي نوعين حسيت الفاتح نفس غزل فقلت أخذ المركز
الاول والثاني على عوووود

وروومانسيه عطر فرنسي بحت وااااااااايد حلوووه ريحته ماتوقعت العربيه عندهم عطور فرنسيه بمستوى التووب ^_^

وهم شميت عطر برستيج وخليته يرشلي بالورقه .. ريحته وايد حلووووه بس فرنسي على شرقي ..

 

[أبلة فاتن]

وناسه شحلات هالموضوع احس الطيب والريحه الحلوه والخنه الله واصلو بنات ما جربت العربية للعود عاد مسوين تنزيلات
50 بالميه على كل الاصناف كتبت ردي ومسحته الموضوع فقط عن العربية للعود !! مايصير عن باقي المحلات ؟؟العطور العربية

 

[((shoOoshoOo))]

وجبتلج صورهم

 

[قاهره عذالي]

وناسه شحلات هالموضوع احس الطيب والريحه الحلوه والخنه الله واصلو بنات ما جربت العربية للعود عاد مسوين تنزيلات
50 بالميه على كل الاصناف كتبت ردي ومسحته الموضوع فقط عن العربية للعود !! مايصير عن باقي المحلات ؟؟العطور العربية

لا هو عن سيد جنيد

بس شوشو سالتني عن العربيه للعود

 

[أبلة فاتن]

لا هو عن سيد جنيد

بس شوشو سالتني عن العربيه للعود

مممم تدرين ما اعرفه لوول فشله بس بتعرف عليه منج احب التقليد احم احم اقصد

استفيد منكم لان مليت من العطورات الفرنسية اشتريهم ب 30 وفوق واخررررررر شيء

اقطهم طقت ايلي صعب شريته مرتين وقطيته هههههه اول ما نزل وغيرها اوزعهم
:eh_s(16):

 

[ام الحلوااات]

غــــــــروووب
بــنــفـــســــج
ونـــزيـــه اتـــووقـــع بــــسسس رجـــااالـــــــــي

 

[قاهره عذالي]

مممم تدرين ما اعرفه لوول فشله بس بتعرف عليه منج احب التقليد احم احم اقصد

استفيد منكم لان مليت من العطورات الفرنسية اشتريهم ب 30 وفوق واخررررررر شيء

اقطهم طقت ايلي صعب شريته مرتين وقطيته هههههه اول ما نزل وغيرها اوزعهم
:eh_s(16):

سيد جنيد عطوراتهم موجوده بمحلات الشايع للعطور

روحي اسئلي عنهم

يمدحون عطر غروب ريحته جايه على بخور

عندج عطر فنن منهم اللي انا حاطته هذا فرنسي

وماشاء الله البنات قاعد يحطون لي هم اسامي عطور حلوه من سيد جنيد


بنات السعوديه عندهم من اساسيات العروس ان لازم تشتري عطور سيد جنيد

وهم ترا مركزين العطور نفس عطور العربيه للعود هم مركزة وقويه بتركيزها:eh_s(7):

 

[أبلة فاتن]

^^^

فهمت مو انا من شهر رحت بقلد وحده طريقة تعطيرها عجبت زوجها لقافه فيني شريت لوشن حروف منهم مع اني

ما احب عطورات الشايع احسها قديمة التعبئة مدري ليش !! عندي اجمل وايد احلى امس اخذت منه حلووووووووووووين
واسعارهم عادية بعد

 

[قاهره عذالي]

ايه قاهره شفت ردووودج ماقصرتي والله


اليوم رحت للعربيه خذيت لي عطر وودي المركز وعطر غزل وعطر رومانسيه اهوا راواني عطر اووودي نوعين حسيت الفاتح نفس غزل فقلت أخذ المركز
الاول والثاني على عوووود

وروومانسيه عطر فرنسي بحت وااااااااايد حلوووه ريحته ماتوقعت العربيه عندهم عطور فرنسيه بمستوى التووب ^_^

وهم شميت عطر برستيج وخليته يرشلي بالورقه .. ريحته وايد حلووووه بس فرنسي على شرقي ..

شوقتيني على عطر رومانسيه اروح اجربه

وتوني ادري انه وودي نوعين

عليج بالعافيه حبيبتي :eh_s(7):