سجلي دخولج بفائدة تحبين تذكرين نفسج فيها ..واشركينا معاج .. متجدد

[نور الفنر]

شلونكم خواتي ... عساكم بخير واحسن حال يارب ...

الصراحه احترت باي قسم احط موضوعي ... لانه موضوع الكل يحتاجه ....
كل منا يحب برتقي بنفسه ويطور من ايجابياته ويحسن من اخلاقه .... ويتدارك هفواته ويعدل في شخصيته ويربي نفسه
طول ما هو عايش ... و الكمال لله وحده ...ولا احد معصوم الا الحبيب صلى الله عليه وسلم ..
ترى الدنيا قصيره ... وبسنا من الهموم اللي تقصرها زود ...
والانسان السوي والعاقل هو اللي يحاسب نفسه ويطور منها على الدوام ..
وما يغفل عن هذا الا سفيه او احمق <<<حا شاكم
وبما ان الانسان يحتاج لهذا التقويم والمحاسبه والتطوير الدائم للنفس من اجل ان يصلح علاقته مع ربه عزوجل ...ثم مع الناس والمجتمع حوله ...حتى يكون الارتقاء بالذات والنفس ...

لهذا السبب... حبينا نتشارك بفوائد ...واقوال من حكم ودرر ...تبننينا من جديد او ترمم ما اتلفته هموم الدنيا ومشاغلها اللا منتهيه ....ونرى الجانب المشرق ...

انا وحده ما استغني عن المنتدى اشيك عليه على عدد الوجبات في اليوم << اهم شي الوجبات !!!!:eh_s(6):
فخلنطلع من منه واحنا ماشين خطوة جدام بحياتنا .... لان الحياة ماشيه ... والواقف فيها ... راجع للوراء لا محاله ...

خلوها فوائد ... فيها امل ... فيها ايجابيه ... فيها همه .... نستفيد ونفيد...وانعيش حياتنا صح ... حتى يكون منتدانا راقى
وخلو موضوع متجدد ومرجع للكل ...


انتظروني ... << عشان احط اللي عندي واحب اتذكره على طول .. ودمتم بخير..

 

[hello.kitty_85]

يعطيج العافيه عالموضوع الحلو وفعلا محتاجينه بحياتنا

ابي اكون دايما متواضعه .. ابي احب الناس من غير عنصريه ..
نبي نرتقي شوي بحياتنا ونتطور ومانشوف فلانه شنو تسوي وشنو شرت وشنو البست .. مالنا شغل بأحد ( من راقب الناس مات هما ) << هالحجي ترى انا اطبقه بس جان زين غيري يطبقه

 

[تنـــاســـانــي]

مشكووره ع الموضوع و لي عوده ان شاء الله

 

[نور الفنر]

رجعت <<< اشتبين !!

دايما احب اتذكر هذي الموقوله ولها اثر كبير في نفسي : (كن جميلا ترى الوجود جميلا)يعني طعم حياتي بيدي انا ... انا اخليها مره علقم .. وانا اخليها حلوه عسل...مهما كان فيني من الاكدار يظل في الحياه جانب نور وحلاوه ...لان الله سبحانه قال: (ان مع العسر يسرا).

 

[نور الفنر]

هيلو كيتي ... صاجه والله هذا اللي ذابحنا ... وصايرة هموم بعضنا تافهه ودونيه للاسف ...لاتحرمينا طلتج

تناساني .....حياج الله ..... نا طرينج ...

 

[الصعيريه]

تسلميين يالغلا عالموضوع الرووووعه..

وانا دايم اتذكر المقوله " الصبر مفتاح الفرج"
واني اعامل الناااس مثل مايعاملووني ...

 

[نور الفنر]

تسلميين يالغلا عالموضوع الرووووعه..

وانا دايم اتذكر المقوله " الصبر مفتاح الفرج"
واني اعامل الناااس مثل مايعاملووني ...

حياج الله ..والله يهون عليج يارب... بس الاحسن انج تعاملين الناس بالحسنى حتى لو اساؤو لج...لان بهذا التواضع راح يرتفع شانج عند الكل ...وعند الله سبحانه قبل الكل ...واذكرج : تبين تملكين قلوب الناس ــــــــ( احسني اليهم)ـــــــ

 

[نور الفنر]

رفع

 

[نور الفنر]

(( قيمة المرء ما يحسنه ))

هذا المثل احبه وااايد ....فقيمتي عند ربي وعند الناس فيما اتقنه من اعمال او قدرات او مواهب انميها ...واذا ما كان ما عندي شي اتقنه فما راح يكون لي اي قيمه ....

 

[نور الفنر]

بنات معقوله محد عنده طريقه او سلوك يسعى فيه بهالحياة ؟؟؟!!!

 

[z8rtia]

أحب نشيدة قلبي الصغير لما يقول فيها العفاسي :
" يا من يسرني قربك سوى رضاك لا أريد "
الجملة لها الوقع الكبير في النفس، فعلاً جل ما نتمناه رضا الله

وجزاج الله خير خوش موضوع

 

[نور الفنر]

أحب نشيدة قلبي الصغير لما يقول فيها العفاسي :
" يا من يسرني قربك سوى رضاك لا أريد "
الجملة لها الوقع الكبير في النفس، فعلاً جل ما نتمناه رضا الله

وجزاج الله خير خوش موضوع

حلوة ... والله ينولج رضاه امين

 

[نور الفنر]

الظاهر اني حاطه الموضوع بمكان غلط <<< بس ميخالف ...ننطر الفوائد الحلوة ...

ورفع

 

[بدورة القمورة]

عامل الناس بأخلاقك لابأخلاقهم
وتمثل قول كن كالنخيل عن الأحقاد مرتفعاً .. بالطوبِ يُرمى فيرمي أطيب الثمر

 

[بريسم]

دايما لما أكون مهمومة أتذكر

صبر جميل و الله المستعان

تخيلوا الصبر المر ... يكون جميل ....

حيل يريحنى هالكلام

 

[(كويتيه عسل)]

خوووووووووووش موضوع حلو مثلج

الدنيا حلوه وانا حيييييل مستانسه هالايام

الله يدومها علي اللهم آمين :yaaaaaarb:

ويارب يدوم علي هالوناسه :yaaaaaarb: وانا يايبه درجات زينه :yaaaaaarb:

وابي اذكر روحي ان عندي امتحانات

ولازم ادرس واشد حيلي ضعيت على روحي جم يوم باللعب والهياته

ولازم اليوم اصير خوش بنيه وادرس وان المنهج طويل :eh_s(2): وصعب

 

[نور الفنر]

اثراءكم للمواضيع القيمه يدل على قيمكم العاليه ...

عشان شدي رفعو معاي ....