سحب جنسيات مزدوجين يحملون الأميركية والإيرانية

[أم لسان]

رد : سحب جنسيات مزدوجين يحملون الأميركية والإيرانية

لازم يخيرونهم قبل لا يسحبونها يمكن يتنازلون عن الايرانيه

الدول الثانيه تبي شعبها يكثر والكويت تبي تسحب جناسي

الحمدالله والشكر

 

[أم حوور]

الولاء للكويت وبس


عيل مجمعين هالجناسي من كل صوب لييييييييييييييييييييييييييييييش

 

[آلعناآأ]

ابرك

 

[ياشايل الظبى]

كل مزدج لازم يخيرونه اي جنسية تبي الاثننين مع بعض لأ

من حق الكويت تحط هذا القانون ومحد فوق قانون الكويت

واذا كبار تجار في الكويت شيبون بالجنسية الثانيه

انا مستغربة اشلون يعني عنده جنسيتين تقولون عادي لا يبا مو عادي

الكويتي كويتي لا يمين ولا يسار

عاجبتك الجنسية الثانيه خلاص هد الكويتيه وروح حق الثانية

واذا اختار جنسية الكويتيه هذي مو اهانه او تصغير للجنسيات الثانية

المزدجين مثل المنشار طالع ماكل نازل ماكل

ما يصير يبا هذا لعب وفوضه مافي دولة ترضى جذي يصير فيها

الحين سحب الجناسى من غير تخيير

http://alwatan.kuwait.tt/ArticleDetails.aspx?Id=12758

 

[سحايب برنس]

رد: رد : سحب جنسيات مزدوجين يحملون الأميركية والإيرانية

لدام الحكومة الكويتية عارفة ان ايام الغزو قطوا جناسيهم الكويتية وطلعوا جناسيهم الاصلية وطلعوا برة الكويت ايام الغزو

ليش بعد التحرير ما ا سحبت جناسيهم الكويتية . توهم يحسون الحكومة ان الكويت ما تفديها الا اعيالها الا منها وفيها

في ناس طلعوا سجل سكان دولة الكويت ايام الغزو لو ما طلعوا جان كل واحد يقول انا كويتي

الله يرحم الشاعر ( صالح النصرالله ) وهوه يقول بقصيدة الشعبية . جنه الابيات تتكلم عن الغزو العراقي


ما ينفعك يا كويت بالعسر واللين
الا عيالك واخذ العلم مني
هم عزوتك واهما غناتك عن الدين
واهما الذرى لين الليالي اظلمني
والا الغريب لو جاد وياك الحين
عليك ما يبرح يدور التجني
يبدي البشاشة ويظهر العطف واللين
ومن تحت ثوبه خنجر لك يسني
بس ينتظر يبغيك يوم تطحين
حتى يغرسه واخذي العلم مني
والله يرحم الشهيداء
أسرار القبندي
احمد قبازرد
وسناء الفودري
عبدالحميد الفزيع
وانعام العيدان
اسامة الفلكاوي
وسميرة معرفي
وهشام العبيدان

يعني بس هذول الشهداء هههههههههههه الحمدلله والشكر بس

 

[جيفارار]

رد : سحب جنسيات مزدوجين يحملون الأميركية والإيرانية

القانون قانون ؟؟

ويطبق على الجميع ؟

من لديهم جناسى امريكيه او ايرانيه او خايجيه ؟؟

والله يرحم جميع شهداااء الكويت

من بدو وحضر وشيعه وسنه ؟

 

[senioreta n7oola]

رد : سحب جنسيات مزدوجين يحملون الأميركية والإيرانية

شعب الا مارحم ربي عليه حسسسسد
اللهم ياكافي ,
لو عنده مليوون جنسية شحاركم ,
ياكلوون من خيراتنا ووو بس قاعدين يستغلووون
الديرة ووو إلخ
سمو الأمير معطي شيخ عنزه بن هذال
الجنسية الكويتية , وعنده من قبل جنسيته العراقية ؟
والدول الأوروبيه شعبهم بعضهم عنده فوق الـ 3 جناسي ,
ومحد تحجى ,
وسووا هالتطفل الي عندنا ,
بس احنا يالكويتين الا مارحم ربي
الحسسسد عندنا تووب ,


.

 

[SILVER ROSE]

اذا مزدوجين زين يسوون فيهم
واذا قاعدين مع عيالهم بره حرام يمكن ظروفهم تحتم عليهم هالشي ليش تنسحب؟

 

[dectora 7elwa]

المفروض الجنسيه تسحب من كل مزدوج
التاجر قبل الفقير
والكبير قبل الصغير
مهما كانت جنسيته الثانيه
كلللللللهم مخالفين للقانون

 

[جيفارار]

رد : سحب جنسيات مزدوجين يحملون الأميركية والإيرانية

والغريب أن بعض وسائل الاعلام قد وظفت هذا الموضوع لمقاصد خفية وأخذت «تأكل وتشرب عليه». مع العلم أن موضوع ازدواجية الجنسية يمكن حلها في غاية البساطة، ويتمثل في تطبيق قانون الجنسية الذي يمنع حالة الازدواج، دون أن يتعدى ذلك إلى الطعن في ولاء بعض القبائل التي لها تاريخٌ مشهود في الجزيرة العربية. ونحن نعلم أن هذا الموضوع قد أُشبع بحثاً وطرحاً حتى أصبحنا نبحث عن الطرف المستفيد، الذي ربما يستفيد من تأجيج مثل هذه الفتن والتفرقة بين أبناء الشعب الواحد.


اخواااااتى بنااات الكويت

من خلال مقالة الاخ طلال

اتمنى تعرفون ماا الهدف من اثارة موضوع ازدواااج الجنسيه ؟؟؟؟؟؟؟؟؟؟؟


الكويت ام الجميع

وأدعو الله أن يحفظ الكويت وشعبها من كل مكروه وأن يقينا شر الفتن ما ظهر منــها وما بطـــن!

 

[monmon12]

سنيوريتا حبيتي

الجنسية عبارة عن هوية

فصاحب الجناسي المتعدده جم هوية عنده؟؟

يعني استغرب منكم انه الكويت عندكم عاده تصير كيكة حق اي واحد يخمط وياكل ويمسح ايده بالطوفة

عجيب كلامكم انه عادي الواحد يكون ولائه لأكثر من دولة

ليش يبا الكويت مسوينا جذي منو قال يبا الكويت فلوسها مقطوطة بالشارع

عفوا اذا انته كويتي فقط تستحق خير هالأرض غير جذي لو سمحت لا تصير مثل الباعوضه تمصون دم الكويت

دافعو شوي عن هويتكم الوطنية هذي ايهي أهمية الجنسية

ترى الجنسية مو وظيفة وفيها رزق ما رزق

رحمو حال الكويت

 

[أبله^زوزو]

وأن الأجهزة المعنية لاحظت ان عددا من المزدوجين تقدموا بطلبات للتنازل عن الجنسية الأخرى،* ‬والاحتفاظ بالكويتية

انا الي فهمته انهم تنازلوا عن جناسيهم واحتفظوا بالكويتيه .. فيصير سحب الجنسيه عشان عايشين برا ؟؟

شلون جذي يعني انا لو بسافر برا للعلاج او تجاره وسفر تنسحب جنسيتي؟؟ غريبه

اكيد انا فاهمه غلط

عموما الي عنده جنسيتين ومستهين بالعيش بالكويت ومعتمد على الجنسيه الكويتيه كمصدر لدخله فحرام كل فلس ياخذه من الكويت

واؤيد سحب جنسيته وبشده لان باختصار مافيه خير لديرته