سري اللي ما كشفت عنه في تبيض و توحيد لون جسمي ~ شي خيالي

[شموووخ اماراتيه]

هذاااا منقووول بعد فديييتكــم :eh_s(7): ان شاء الله تستفيدووون

سري اللي ما كشفت عنه في تبيض و توحيد لون جسمي ~ شي خيالي

السلام عليكم
ما كتبت هذا الموضوع لسبب
وهو "أحب للناس ما تحب لنفسك "




بدت مشكلتي ان كان عندي اسمرار و عدم توحد لون الجسم
ع كثر ما راجعت العيادات تمللت ~ لين ما لقيت الوصفة السحرية



بس بشرط: الاستمرارية اللي تتعايز بليز لا تجرب




بصراحة مع اني انقهر من البنات اللي يلقون من النظافة و يتغيرون وما يخبرون يوم حد يسألهم
بس يالله تستاهلون كل خير






كنت سايرة عرس وحدة من اهل ريلي من جافتني قالت لي محلوة
خووو نحن ما نصدق نتشقق يوم حد يمدحنا
طرشت لي مسج انتي مبيضة ؟ مسوية شي دخليج خبريني وراية عرس و ريل؟؟
قلت لها من عيوني والله ما خبرت حد بس بخبرج غمضتني

تقولي اتحراج ضاربة ابر نضارة و تبيض و جي ههههههههه
ما اسمع الا حد ينغزني ف اوقات العزايم
ضاربة ابر مسوية شي تبيض شد !!!!التجاعيد خفت؟؟؟؟

حشى علي لا ضاربة ولا مسوية شي
ما تدري اني اموت من الابرة وين لو ضربوني بيغمى علي








بدون قرقرة و فلسفات مالها داعي خخخخخخخ

نبدأ البرنامج





الخطوة الأولى : الخلطة الصابونية
بشكل يومي
لمدة ساعه كاملة

تلقون مقادير الخلطة ف النت ، سوووا سيرج و بتلقين مقادير مختلفة
انتي و طريقتج !!!!
انا شريتها من وحدة لاني تعايزت اسويها و اللي تبغي رقمها من عيوني

احطيها ع جسمي و ويهي كاااااااااااامل
لمدة ساعه
و عقب اغسل جسمي عدددددددددل و انشفه عددددددل و احط مرطب ع ويهي و جسمي






الخطوة الثانية: خيمة السونا
مرة ف الاسبوع

1- استخدمي خيمة السونا ، شغلي جهاز السونا
و روحي الحمام
حطي الخلطة الصابونية ع كل جسمج و ويهج
و امسحي بايدج و ركزي ع المناطق الغامجة
يوم تجف الخلطة ردي حطي شوية ماي و افركي بايدج


2- ايلسي في الخيمة لمدة 20 - 30 دقيقة
لا تنسين و انتي ف الخيمة
افركي جسمج بطريقة جنتل يعني لا تكونين دفشة جنج تتضاربين و ركزي ع اماكن السواد



3- روحي الحمام و غسلي جسمج عدل مدل << جلبت كويتي خخخخخخ
و نشفيه


4- حطي روب بااارد ع ويهج

و حطي الصابون المغربي ع كل جسمج مع الفرك باليد


5- ادخلي ف خيمة السونا لمدة 10 دقايق او الوقت اللي يريحج


6- انطلقي للبانيووو و افركي عمرج فرك بالليفة المغربية


7- لو عندج اي خلطات او اضافات ثانية براحتج

8 - يوم تخلصين حطي مرطب (غير عطري ) عسب ما يتحسس جسمج



----------------------------------------------------------------------------



همسات:
عن خيمة السونا
1- لازم تكونين شاربة ماي و حاطة دبة ماي حذالج + اشربي عصير فرش عقب ما تخلصين السونا

2- في حالة ما عندج خيمة تقدرين تستخدمين جهاز البخار و تحطينه ف الحمام بشرط تصكرين كل مداخل الهواء بجريدة او سفرة


3- يمنع منعا باتا استخدام خيمة السونا للحوامل و اللي عندهم امراض الضغط و القلب


4- اللي تبغي تشوف النتايج لازم تستمر حرفيا شرات الطريقة اللي كتبتها


5- خلال شهر بإذن الله بتجوفون نتيجة مب طبيعية
بتودعين : السواد - الاسمرار - التشققات - الخطوط -
حتى السويليت بيخف نتيجة المساج و خيمة السونا -
بتلقين جسمج نااااااااااااعم شرات اليهال


6- بعد ما تستمرين ع ها الشي لمدة شهر لا تنسين تدعين لي بالتوفيق


7- انصح كل المالجات و المخطوبات يطبقون اللي كتبته صدقوني بتلقين نتيجة فتاكة
اما المتزوجات يمكن تكون صعبة عليهم يحطون الخلطة كل يوم فممكن تحطه يوم ريلها يكون ف الدوام او بعيد عنها​

 

[دلوعه12]

تسلمين فديتج

 

[شموووخ اماراتيه]

الله يسلللمج

 

[متفائله ب2012]

تسلمي حبيبتي
إن شاء الله نقدر بس نطبق

 

[no lov]

مشكوووره حبيتي ماتقصرين
حبيت اسالك طيب بعد ماتطلعين شنو تحطين لوشن ولالا؟؟

 

[الأميرة جوري]

 

[الحللللوه]

ماشاء الله يسسلموووووووووووو

 

[آلشيخه مهـآ]

آلله يهنيج ، طريقتج حلوه وسهله

شكرآ ..

 

[بحرعيني]

مشكوووووووووووووره الله يعطيك حتى يرضيييييييييييييك
اظن لو استمرنا ع هذ

 

[بحرعيني]

مشكووووووووووووره الله يعطيك حتى يرضييييييييك
اظن لو استمرناا ع هذاا ماانحتاااج شي ثاااني

 

[غلا بنت الكويت]

مشكوووووووووووورة وما قصرتي

تحياتي

 

[دمره]

شي طيب واللـه ^^
ـاللف ششكر حبوبة

 

[فلامينجو ...]

ثانكككككككككس حبي

 

[تبيني آرضى عليك]

مشكوررررررره حبيبتي

 

[&موناليزا&]

مشكورة حبيبتي

 

[كازاوية]

عناية حلوة ممكن الوحدة تستمر عليها لأنها سهلة
يعطيج العافية عالنقل الموفق​

 

[شموووخ اماراتيه]

مشكوووورين عالمروور

 

[صاحبه الكلمه]

مششششكوره ويسلموا ياحياتي

 

[مجنونة حمو]

يسلموووو

 

[خلطات المذهله]

ااااااااااااااااااااااااااااااب