سر من اسرار الصالونات اكتشفته بالصدفة وصار مكياجي بروفيشينال

[عالم المسك]

السلام عليكم انا عضوة يديدة معاكم بالمنتدى لكن للامانة متابعه المنتدى ولوكات البنات من زمان فسجلت امس علشان انضم معاكم كعضوة و لان عندي خبرة كبيرة بالمكياج ووضع المكياج و احط حق اهلي و رفيجاتي لكن ما تجرأت ليلحين اني ابدي خارج هالنطاق فحبيت افديكم بالي عندي علشان لا يقصون عليكم اصحاب الصالونات​

ندش بالموضوع
منو فينا ماتبي مكياجها يكون توب وروعه وصكه وحده مثل مكياج الصالونات ​

اكتشفت شي رهيب رهيب رهيب للمكياج الا وهي امبولات النضارة الي قاصين علينا فيها الصالونات
و اهي متوفرة بمصر او عند التاجرات و في بعد حصلتها بجمعية هدية
وهذا شكلها امبولات الكولاجين ايفا

وطبعا بصالون حنان دشتي يستخدمون هالامبولات وتاخذ فوق المكياج عشر دنانير وتقدرين انتي توفرينه وتستخدمينه لانفسج ​

و الكريم الثاني من نفس المنتج ايفا روووووووووووووعة هم كريم لتعبئة الخطوط و النضارة ومليء الوجه الا وهو
​

طريقتهم عقب تنظيف الوجه تحطين المرطب المناسب عقبها تحطين من هالمنتج وتتركينه لمده 7 دقايق ووزعي الفاونديشن و ادعيلي​

بنات نصيحة مو كل مكياج عند الصالونه ماركة ترى رشا شيك و حنان دشتي و باقي الصالونات البعض وليس الكل
يستخدمون اساس سمايلنق و ريد ستار و سلفر جولد

​

​

و الله ان بعرسي مكياجي كان سمايلنق شفته عقب ماحطتلي و استغربت ان ثبت و صار شي رهيب وبنفس الوقت استغربت من سعر المكياج الي يحطونه
خلونا نبتعد عن الصالوناتدام كل شي متوفر عندنا
وفي شي شفته عند كذا صالونه الا وهو بيس ومثبت للميك اب من سمايلنق
وهذي صورته

​

وبملجتي عند حنان دشتي استخدمتلي مثبت للمكياج هم من سمايلنج​

​

القصد من الموضوع لا ننبهر بمكياج الصالونات لان كله من سرداب الشايع و من المنصور
وقاعد ياخذون علينا بال200 و300 دينار حق يوم واحد
وقاعد يعطينا نفس النتيجة ​

اتمنى فدتكم بمعلوماتي ولي مواضيع ثانية باذن الله:eh_s(17):​

 

[كلارا]

مشكوره ويعطيك الف عافيه

 

[عاشقة الرشاقة]

مشكورة عالإفادة واتقصرين

 

[بدوية بملامح كشميرية 86]

يعطيج العافيه حبيبتي

كريم الاسااس يعتمد ع البشررره

لازم تنظيفها وترطيبها قبل الكريم

 

[عالم المسك]

مشكوره ويعطيك الف عافيه

نورتي الله يعافيج​

 

[عالم المسك]

مشكورة عالإفادة واتقصرين

العفو

يعطيج العافيه حبيبتي

كريم الاسااس يعتمد ع البشررره

لازم تنظيفها وترطيبها قبل الكريم

اكيد هذا الي قلته في بداية موضوعي و بالنسبة للنظافة ابدا ما اشوف ان الصالونات فيها نظافة لان الاسفنجه الي تحطلج فيها تحطها لمليون وحدة ثانيه

 

[ناني ام عبودي]

ثانكس قلبو موضوعك مهم جدا وحلوووووو

ونورتي المنتدى بطلتك

ننتظر جديدك ^_^

 

[روره]

يعععطيج العععافيييةة حبيبتي .

 

[عالم المسك]

ثانكس قلبو موضوعك مهم جدا وحلوووووو

ونورتي المنتدى بطلتك

ننتظر جديدك ^_^

النورنورج يا الغلا

يعععطيج العععافيييةة حبيبتي .

الله يعافيج حبيبتي

 

[ميس هارودز]

نايس

 

[a6yb$8lb]

ثانكس عسولة ،.

حبوبة رشحيلي كريم مع بودرته ،، حلو من تجربتج >> ولا كريم للحين عجبني

مثبت سمايلنق عندي ،، بس ما استعمله كان طايح من عيني

 

[المملكه غير]

يعطييك العافييه

 

[عالم المسك]

ثانكس عسولة ،.

حبوبة رشحيلي كريم مع بودرته ،، حلو من تجربتج >> ولا كريم للحين عجبني

مثبت سمايلنق عندي ،، بس ما استعمله كان طايح من عيني

العفو ولو اذا تبين للسهرات و المناسبات
مالج الا كيريولان
وبودرته بعد تقدرين تستخدمينها بروحها ومع الماي

كريم اساس كانيبو وبودرته شي روووووعه لا يوصف

وكريم اساس ريفلون كلور ستاي

وطبعا في اساس بروفيشينال مو متوفر بالكويت اطلبه من بره وهو نفس مستوى كيريولان اسمه فورايفر 52
​

يعطييك العافييه

الله يعافيج نورتي

 

[عالم المسك]

نايس

مرورج النايس​

 

[كويتية222]

مشكورة ممكن موقع فورايفر 25 ومشكورةةةةةةةةةة

 

[عالم المسك]

مشكورة ممكن موقع فورايفر 25 ومشكورةةةةةةةةةة

العفو حبيبتي انا اييبه من الامارات ما اعرف الموقع الرسمي ​

 

[عسووولة زوجها]

يسلمووووووو حبوبه

 

[عالم المسك]

يسلمووووووو حبوبه

يسلمج حبوبة​

 

[شوق المسك]

يعطيج العافيه
نورتي

 

[عالم المسك]

يعطيج العافيه
نورتي

النور نورج​