سعودية وودي اشتغل في الكويت

[^ مهاجرة ^]

السلام عليكم ..
عزيزاتي هذي اول مشاركة لي في المنتدى و اتمنى تساعدوني ..
انا سعودية وعندي ماجستير مختبرات طبية من امريكا ..وعندي رغبة اني اشتغل في الكويت ..
والحقيقة اني اتمنى اشتغل كمحاضرة او معيدة في جامعة الكويت او اي جامعة اهليه ..
هل ممكن الاقي الفرصة او لا ..؟ واذا نعم ..كم تقريبا الراتب ..
واذا لا .. وين ممكن اقدم في الكويت غير الجامعة ؟

مشكورين مقدما ..

 

[الأميرة جوري]

لرفع

 

[عادت ذكرياتي]

أهلا أهلا ببنت السعودية


ما شاء الله ماستر مختبرات طبية



ليش ما تقدمين على وزارة الصحة دايركت



اتوقع ما تطولين بالإجراءات أولا لأن عندج ماستر وثاني شي لأنه بمجال طبي وهالمجال مطلوووووووووووب واااايد


مووووووووووووفقة



والمعاشات بشكل عام ما شاء الله فووووووووووووق

 

[^ مهاجرة ^]

عزيزتي " عادت ذكرياتي " مشكورة عالرد..
والله بصراحة انا ما ودي اشتغل في لاب لانه عمل روتيني وممل لابعد الحدود ..وتخصصي الدقيق في الماستر اغلب اللابات يكون لاستقبال العينات المعدية مثل الايدز وخلافه ..لذلك افضل اشتغل في مجال التدريس..
هل عندكم جامعات في الكويت تدرس احياء او علوم او مختبرات طبية ..

مشكورين مقدما ..

 

[^^ ǺГฬα]

وعليكم السلام حبيبتي

بما ان الموضوع عن التدريس اكيد بنات الجامعه يفيدونج أكثر ويمكن يسالون لج الدكاتره اللي بالجامعه

حطي موضوعج بهالقسم

طالبات الجامعة والمعاهد التطبيقية

والله يوفقج حبيبتي
​

 

[^^ ǺГฬα]

عزيزتي " عادت ذكرياتي " مشكورة عالرد..
والله بصراحة انا ما ودي اشتغل في لاب لانه عمل روتيني وممل لابعد الحدود ..وتخصصي الدقيق في الماستر اغلب اللابات يكون لاستقبال العينات المعدية مثل الايدز وخلافه ..لذلك افضل اشتغل في مجال التدريس..
هل عندكم جامعات في الكويت تدرس احياء او علوم او مختبرات طبية ..

مشكورين مقدما ..

اي حبيبتي في

مثل ماقلت لج حطي موضوع بهالقسم يقدرون يسالون لج الدكاتره

طالبات الجامعة والمعاهد التطبيقية

وهذا تجمع لطالبات

التجمّع الثّاني لطالباتْ كلية ‘العلوم البيولوجية & الرياضية الطبيعية‘ \ حيـاّكـم ..|
​

 

[^^ ǺГฬα]

مكتب التوجيه و الارشاد | كلية العلوم - جامعة الكويت


مكتب التوجيه و الارشاد

كلية العلوم - جامعة الكويت

للتواصل عبر الايميل الالكتروني لمكتب التوجيه والارشاد
[email protected]

وهذا موقع جامعه الكويت

جامعة الكويت

وهذا اكاونت الجامعه بتويتر :k_university

دعواتج بتفريج همومي :eh_s(2):

​

 

[عادت ذكرياتي]

تخصصج اكييييييد مطلووووب بالجامعة عندنا والله أعلم



تبين نصيحتي



روحي بنفسج كلية العلوم في الخالدية



أو كلية الطب في منطقة الجابرية



واسئلي الدكاترة واستفسري منهم


أو ممكن تتواصلين معاهم عن طريق حساب جامعة الكويت بتويتر اللي كتبته لج الاخت



مووووووفقة



وقوليلي عن التطورات اللي تصير معاج



وبحاول اسال لج دكاترة

 

[^ مهاجرة ^]

السلام عليكم

بعد قلبي والله من جد افدتوني ..الله يسهل عليكم يارب

اروى .. انا كنت اسال اذا فيه جاممعة كبيرة ثانيه غير جامعة الكويت .. مشكورة عالروابط ..والحين بحط الموضوع هناك
وعادت ذكرياااااتي .. مشكووووورة والله ياليت تسالين اذا تقدرين ..انا حاليا بامريكا مااقدر اروح .. فشكلي براسلهم واشوف
طبعا انا تخصص في البكالوريوس مختبرات طبية.. تخصصي الدقيق في الماستر Molecular Biology ..
علميني شنو يصير معاك ..