ســاعدوني !!! الباكستانية الانجليزية الحديثة ثنتين بخيطان؟؟؟

[جود الجوري]

السلاااااااااااااااااااااام عليكم ... بنات انا بديت ابحث :ada: على اساس بسجل بنتي بروضة خاصة عشان تتقوى بالانجليزي والاهم انها تكون قريبة مني يعني خيطان الرقعي الفروانية المه امدحولي الباكستانية الانجليزية ع اساس انها بخيطان :ggdw:

بس لما سألت.......................

عرفت ان اكو مدرستين باكستانية انجليزية واهني ضعت:eh_s(1): ايهي اللي اسجل بنتي فيها ؟؟؟؟؟ ايهي الاحسن والارتب وتدريسها حلو؟

ساعدوني بنات والله حدي ضايعه واللي تعرف لا تبخل علي بالرد وتقولي من تسجيلهم ويعطيكم الف عافية

 

[ريماا]

والله ماادرى
بس روحى مرى الثنتين
بالتوفيق

 

[أم أسيل]

حبيبتي انا مريت وشفت اللباكستانيه اللي صوب التمييز بصراااحه مبنى المدرسه حلو بس موقع المدرسه مو حلو صوب اللعزوووبيه والشي الثاني ان منهجهم انجليزي باكستاني يعني مو بريطاني ولا امريكي

 

[بنت الكويت1]

حبيبتي تاكدي من الاسم اتوقع فيهم وحدة اسمها التميز الباكستانية وهذي ما يمدحونها والله أعلم

 

[جود الجوري]

انا ابي اسجلها بس احترت ايهي احسن؟؟؟؟؟؟؟؟؟؟؟؟؟؟ مابي ادفع واتوهق

 

[سر القلوب]

ند جهينة الخبر اليقين
شوفي حبيبتي انا ولدي بثانية روضة بالدولية الباكستانية اللي بخيطان يعني عندهم يسمونها u kg ودخلته عندهم من اولى
وهي يمدحونها اكثر من التمييز
اما من ناحية تجربتي فيها
التدريس قوي جدا جدا بالانجليزي الحين يكتبون جمل ومشربك بعد وبالحساب يكتبون من 1 الى 100 طبعا بالانجليزي وماقبل العدد ومابعده واكمل الناقص
بالدين ماشفت بوادر حفظ قرآن بس يعلموهم ماذا نقول قبل الاكل وبعده ومعنى لا الاه الا الله والرسول ودينا وطبعا كله بالانجليزي
اما العربي انا عني بصراحة اشوف مدرسة اولى روضة جدا قوية اهي تدرس كل صفوف اولى روضة اما مدرسة ثانية روضة الله يغفرلها يعني لازم انتي تدرسين وراها
ترفيه قليل بالمدرسة
واجبات نسخ من اول الصفحة لي آخرها واحيانا كثيرة نسخ صفحتين
يعني خليها تحل الواجبات وبس مافي وقت تدريس بعد حرام يهال
انا ولدي باولى روضة لما يقعد ينسخ يقولي يمه ايدي تعورني واقعد أهمز ايده والدمعة بعيني يكسر خاطري
طبعا الانجليزي انا ماادرسه وممتاز المدرسة ماشاء الله عليها قوية
يينا عاد للمهم
ترى الطق عند المدرسات ببلاش ومافي اسهل منه ولدي اول يوم دراسي ثانية روضة قرصة على الاذن وبعد جم يوم طراق على ويهه ليش ماتكتب على السطر الباكستانيات لاعبين لعب بالطق
بس الامانه لله الادارة مترضى انا لما اشتكيت عندهم زفو المدرسة وماعادتها يعني تكفخ على الخفيف واتوقع اهو بعد تعود على الطق مايشتكيلي بنفس اليوم
بس طايرة عيونه اشلون تكفخ اليهال يقول يمة التيتشر تقرص اذن اصدقائي وتلفها وطلعها لي برة يمه اشلون لو تنقطع الاذون ؟؟؟
بس الاحسن انتي تبدينهها وتكلمين المدرسات وتقوليلهم انا بنتي ما تنطق ترى يخافون
وعموما انا ماراح اكرر التجربة يعني اذا الله رزقني باخوان لولدي مادخل الباكستانية لان طفولته راحت ولاحق على الدراسة وعوار الراس واحسن المدارس في الكويت وبرة الكويت برياض الاطفال مافي كتابة يعني تعلم عن طريق اللعب وشفوي
نصيحتي لاتخلينها خليها تستانس ترى قالوها لي من قبلج وماسمعت الكلام
الولد قوي بالدراسة بس حرام ماستانس
واي شي تبين انا حاضر​

​

 

[فينوس]

سر القلوب جم كان عمر ابنج يوم دخلتيه الروضه عندهم؟

وجم كان سعر السنه الدراسيه عندهم

 

[سر القلوب]

اي نسيت ماقلتلج ترى الدولية الاكستانية يقولون عنها انها معترف فيها دوليا وان لما يوصل الطالب للاول ثانوي يخيرونه بين نظام البكستان او اكسفورد واذا اختار اكسقورد الامتحانات تيي من السفارة وحتى المتوفقين تكرمهم السفارة هذا الكلام سمعته من ولية امر فلسطينية وخريجة ادب انجليزي بس طبعا انا ولدي ماراح يكمل معاهم الابتدائي راح اطلعه
وترى عطلهم مو مع وزارة التربية والسنة اليديدة تبدي شهر 4 يعني اخر دوام لهالسنة للروضة 16 - 4 ويعطلون اسبوعين بعدين ينتقلون للابتدائي واعتقد اخر 5 يرجعون يعطلون الصيف و9 يكمولون الابتدائي
طبعا اهم من عمر هذا نظامهم بس على حظ ولدي لما دخلته عندهم خلو البداية عادي من شهر 9 وجربوها سنتين والحين بيرجعون على نظامهم القديم
واسفة اذا طولت بالشرح

 

[سر القلوب]

سر القلوب جم كان عمر ابنج يوم دخلتيه الروضه عندهم؟

وجم كان سعر السنه الدراسيه عندهم

هلا حبيبتي ولدي مواليد يناير 2004 وهم يقبلون نفس سن وزارة التربية يعني لغاية مارس بس ماادري اي يوم من مارس بالضبط
والرسوم تقريبا 300 او 330 والكتب عليج بس الاقلام والمساحات والالوان كلها عليهم الطالب ماييب معاه شي اهم يعطونه بالكلاس وياخذونها منه لما يخلص

 

[فينوس]

تسلمين على الرد

وووووووي انا ولدي مواليد 2006 وفكرت ادخله من الحين

زين سؤال ما تدرين عندهم حضانه ولا لا؟؟

ونصيحتى خلي ابنج يكمل على الاقل يصير قوي بدراسته لان ماكو شي ينفع الا الدراسه بالذات للاجيال الجايه واللعب لاحقين عليه

 

[سر القلوب]

هلا حبيبتي ولدي خلص من الروضة ان شاء الله وانا سجلته للابتدائي بمدرسة ثنائية اللغة الرسالة وناطرين القبول
وحظانه مافيها بس في مدارس باكستانية بمناطق ثانيه قيها وولدي 2004 بس بيدخل ابتدائي يعني 2006 يدخلون اولى روضة اعتقد اهو ام الله عليه موعمرة اربع سنين او قريب منها ؟

 

[غلاي غير]

الله يعين عيالنا اذا المدارس الخاصه فيها طق لو منج ما اسكت اكلمهم اقول هالابله لي متى بتطق باليهال تعقد الولد

 

[سر القلوب]

والله ماسكت وكلمت الناظرة وابوه كلم الناظر وخفت اشوي

 

[جود الجوري]

خوفتيني والله الا بنيتي حساسة وايد لو تنطق مااداوم خلاااااص طيب نصحوني وين اوديها !!!!!! احترت

 

[سر القلوب]

حبيبتي اذ حابة الباكستانية وعادي عندج ضغوط الواجبات على بنتج
اذا كلمتي المدرسة من البداية وحذرتيها انها ماتلمس بنتج ترى يخافون
واذا في احد مجرب رياض اطفال زينة لاتبخلون على حبيبتنا تراها محتاره

 

[حلم الطفولة]

رفع......

 

[الانثى الصعبة]

حبيباتي وين مكانها بالضبط ري محتارة

 

[^بنت الكويت^]

السلام و عليكم أنا طالبه في مدرسه الباكستانيه إلي عند تميز و الصراحه دراسه حلوه و مراجعاتهم و المدرسات قويين

******************************************************


بالدراسه و العربي نفس الحوكومه و الدراسه قوي بلإنجليزي و سهله الدراسه و العربي نفس الشي؟.؟.؟.؟


ملحوضه: بس الفلونزا الخنازير مختلط المدرسه بنات و صبييان و مختلطااا بدول ؟.؟.؟.؟

 

[mz_alfailakawi]

للرفع

شنو يعلمون باولى روضه بالباكستانيه مالت التميز ؟؟

 

[al-3azeza]

للرفع

بنات محد مجرب الباكستانيه الانجليزيه الحديثه ؟؟؟ مو الدوليه لا اللي يم التميز .