سـوالـفـكم مـع الـــجـــن .. و هـل مريتـي بمـوقـف ! و متـى !

[تحت ظلك]

هذا موقف الحين صار معاي هالوقت
انا مشغله الرقيه للسحر وبعده تشتغل رقية العين بهالوقت قاعده اسمع اصوات قطوه مرتفعه جنها معصبه عند دريشه غرفتي بس خليت الرقيه شغاله
طلعت لأهلي بالصاله لقيت وجيهم قالبه سوده خايفين وطلعت انا وأمي ندورها مالقيناها عاد من فتره ملاحظين قطوه سوده عند بيتنا وهذا ثاني بيت وحنا ورانا ورانا هالقوم حسبي الله على السحره ومن آزرهم من أنس وجن الله اكفناهم بما شئت.

 

[PassionFruit]

ههههههههههههه يممممآآآآآ موناقصين خرعه اشوه اني توني اشوف الموضوع موتالي الليل​

خل اقولكم اذكر مره كنت بالثانويه وحزه امتحانات فاينل كانت الحزه عالمغربيه المهم قاعده بفراشي بعيده عن المكتب اللي فيه كتبي
قعدت اتقراا ماوعيت الا كل كتبي اللي بالمكتب طاحت انا ويهي انخطف وطبعا ختمت القرآن وقتها من الخرعه استغربت ماكانو على طرف وقاعدين عدل :rgewrg:
​

ومره بعد هالموقف صارلي وصار حق اختي بنفس الوقت انا معاها بغرفه وحده كنا قاعدين نسمع اغاني بليييل يعني عال1 اتذكر
شوووي جان احسس برفسه قويه وربي هزت فراشي اول مانكفخ فراشي كلمت اختي قلتلهاا شفيج شاللي حذفتيه علي جان تقوولي انتي شاللي طقيتي فراشي فيه قلتلهااا انا بمكاني ماتحركت وهم اهيا نفسس الشي ​

ومره كنت بالصصاله وكانت الحزه عالمغرب اختي توها طالعه من الصاله رايحه الدار فتميت انا بروحي بالصاله اهلي كانو طالعين ماوعيت الا بهيئه ريال طويييييييييييييييل حييل من كثر طوله مجندسس ويركضضض لابسس اسسوود بأسوود وحتى ويهه اسووووود اعوذ بالله مر عالباب يعني شفته سريع واختفااااا انا مت مت رعب ​

وياكثر المواقف اللي تصرقع واكثر حزه لما اسمع الاغاني دايما عبالي احد يكلمني واكون بروحي بالدار او يناديني او اسمع امي تصصرخ :eh_s(2)::eh_s(2):

ودمتي بود صاحبه الموضوع:eh_s(17):​

 

[PassionFruit]

- إحنا اخر الليل دائماً مطبخناْ فيه صوت ، ويفتحونٰ الثلاجهْ ، وصوت القدور تنفتح
< جوعانين الاخوان طلعواً يسهرونٰ :krkrkr:

ههههههههههههه عآآآد انتي لاتعنيينهم طبخي لهم قبل لاتنامين وخليه بالمطبخ يطلعون وباكلونه
اعوذ بالله من الشيطان الرجيم :eh_s(2):

 

[هاديه احمد]

تذكرت موقف صار لي
يوم كنت صغيره عمري تقريباً ثمان سنين
كنا لسى ساكنين في بيت جديد
الموهم
في الليل كنا نايمين جميع في الغرفه
وانا بلف على جهة اليمين الا اشوف شخص واقف طووويل حيل وعيونه ملونه ويطالع فيني اقسم بالله العظيم
ومن الخوووف غطيت وجهي وانا اصارخ بس صوتي مايطلع

اعوذوا بالله من الشيطان الرجيم
بسم الله الرحمن الرحيم

 

[فـراوله]

أنا قريت هالموضوع أمس وكتبت للي صارلي

الساعه 12 بالليل دخلت أبي أنام وزوجي دخل وراي تقريبا بنص ساعه

واهو قاعد يتلحف ايده حاشت ظهري هذا للي قاله لي

لا تشوفون شنو صار فيني قعدت أصرررررررررخ حيييييييييييييييل جني جني جني

وأتعوذ من ابليس لووووووووووول زوجي قال اشفيج يا الخبله

قلت له واحد مسكني من ظهري قال لي أنا اشفيييج حدج خبببله هذا أنا

أول ما شفت أحد حاش ظهري جا بالي هالموضوع هههههههههه


​

 

[LiL LiLeY]

ومره كنت بالصصاله وكانت الحزه عالمغرب اختي توها طالعه من الصاله رايحه الدار فتميت انا بروحي بالصاله اهلي كانو طالعين ماوعيت الا بهيئه ريال طويييييييييييييييل حييل من كثر طوله مجندسس ويركضضض لابسس اسسوود بأسوود وحتى ويهه اسووووود اعوذ بالله مر عالباب يعني شفته سريع واختفااااا انا مت مت رعب ​

يممممممممممممممممممممممممممممممممممممه اخرع شي :eh_s(2):

 

[مـِړجـِۄۅجـِۃ]

بسم الله الرحمن الرحيم :eh_s(2):


من امس و انا اقرا الموضوع صفحتين و اسكر الصفحه و ارجع اقرا بسم الله


مواقفكم تروووووووووووع مو طبيعيه :eh_s(2):


بسم الله الذي لايضر مع اسمه شي في الارض و لا في السماء و هو السميع العليم

 

[قموشه21]

< افكر شلون بنــأأم : (​

 

[((البرنسيسا))]

الموضوع توووحفة لي رجعة بإذن الله

وافكر اكتب لكم مواقفي

 

[قموشه21]

LiLi

تدرين شاللي يخرع بعد.. صورتج مع الموضوع.. : (

 

[أم توته]

وناسه بحفظ الموضوع عندي بالمفضله
واقرى قصصكم
ولي عوده مع سوالف صارت معاي

 

[حبة جالكسي]

ههه اي صج وجربي انتي
واللعبه علمتني اياها الخدامه

"وتعاونوا على البر والتقوا ولا تعاونوا على الاثم والعدوان"
صدق اللة العظيم ...مايجوز اللي قاعدة تسوينة :eh_s(17)::eh_s(17):

 

[قطـوهـ]

وااي يا كثر المواقف الي صاارت لي معااهم :eh_s(11):

لما كنا ببيتنا الجديم ما كنت اشووف شي بس لما اتقلنا لهالبيت ابتدا الاكشن :eh_s(2):

اول موقف "
طبعا انا احب القطااوه و امووت على شي اسمه قطو المهم هذا بنفس اليوم الي انتقلنا فيه للبيت شفت قطوو واي يا حلاته يهبل لونه ابيض باسود جان الحقه ابي اصيده و ينخش بالحمام سكرت الباب عليه و اجيب فوطه عشان امسكه :eh_s(2): ولا وين القطو ماكو اختفى

الموقف الثاني "
مره كنت سهرانه بروحي جان اسمع صوت احد منزل مسكة الباب مع ان الباب مقفل رحت اطل مافي شي :bbbiu: وارد مكاني الا صوت مشي قمت اشوف مره ثاانيه والا ششووف يا بنات والله ماجذب :eh_s(2):شفت ظل على شكل ريال يمشي على الارض خليت كل شي مشغل و انحشت لغرفتي الهروب نص المرقله :eh_s(15):

الموقف الثالث"
بما اني اسهر الليل و انام الصباح فما يحلى لي الاكل الا نصوص الليول المهم كل مره اروح المطبخ بسوي لي اكل عند باب المطبخ الخارجي اسمع صووت تعرفون لما الجلب الله يعزكم يطلع لسانه يلهث جذي الصوت الي كنت اسمع يومياا و بس اسمي يختفي الصوت :bbbiu: عاد هم بعد قلت يتيئ لي مره كانو اخوي و اختي معاي سمعتهم الصوت و انحاشو من المطبخ هنا تاكدت هع

الموقف الرابع "
قبل كنت انام بروحي و لازم الغرفه ظلمه ظلاام دامس ولا مايجي لي نوم واحيانا اخلي الستاره مفتوحه يجي لي نور من برا المهم و انا بعز نومتي فتحت عيني الا اشوف واحد ريال على شكل بخار طول الكبت بس كان طايرمن ع الارض وبس شافني فتحت عيني اختفى :eh_s(10):بس سبحان الله ماخفت كملت نومتي

الموقف الخامس"
مره كنت بغرفتي لحالي واتذكر شي و اضحك ضحك مو طبيعي مينونه شسوي ولا اشوف شي اسود يمر عند التسريحه و درت له بال و مره ثانيه و الثالثه ثابته انحشت :eh_s(15):

الموقف السادس "
من كم سنه بنفس هالوقت كان شتا الظهر<<تحسوني محشش يشرح المهم انا وامي بالمطبخ اشتهيت شوربة عدس :bbbiu:فتحت الماي عشان يجي الماي الحار و رحت اجيب بصل للشوربه و ماجيت الا الماي مسكر اقول لامي ليش سكرتي الماي الا امي تقول والله العظيم ماسكرته :eh_s(2): واااي ياخفت دمهم





تعرفوون و انا اكتب المواقع حسيت نفسي مخنوقه سكنهم بمساكنهم

 

[أم توته]

لووول لا، بس اسمع اصوات احد يناديني باصوات الاهل بس ماكو احد ويعني جذي
او احس باحد يمي، يشاركني بشي .. بس عادي الحمدلله، طاقه الصحبه وياهم انا لول
يعني ساعات لما اكون بروحي بالدار وبليل، عادي اذا سمعت حركات او اصوات
اقول على عبط اهليين السلام عليكم حياكم الله لول ;p

ترى موزين تسولفين معاهم بعدين اقولج ليش لووووووووول خل اخلص كل الصفحات بالاول خخخخخخخخخخخخخ

 

[نعوومة *كيووت]

بسم الله الرحمن الرحيم

 

[-فلانة-]

وناسة أحب مواضيع الرعب و الينانوة
مرة وانا صغيرة، كان عمري 12 سنة، كنت واقفة بالحمام عزكم الله الساعة 3 الفجر، أسولف مع روحي بالمنظرة>>> مراهقتي كانت صعبة:eh_s(16)::eh_s(16)::eh_s(16):
المهم..
فجأة،،
ولا صوت حرمة تقول إسمي بهمس " فلااااااانة"
آنا حسبالي أمي تبيني أطلع من الحمام..
رديت عليها قتلها نعم يمة :bbbiu:
جان ترد مرة ثانية نفس الصوت و النبرة " فلاااااااااااانة"
بطلت باب الحمام بشوف أمي شفيها..
وإلا المكان خرمس،، ماكو أحد :eh_s(10)::eh_s(10):
قلت أكيد أمي مسوية فيني مقلب تبي تخرعني :eh_s(10):
درعمت على غرفة أمي ولا الوالدة نايمة،،
ناديتها يمة يمة ماترد علي بسابع نومة..
رحت غرفة خواتي الصغار،،
كلهم نايمين..
:bbbiu::bbbiu::bbbiu:
طبعا شفت الوضع جذي :rerrerek::rerrerek::rerrerek:
جان أروح غرفتي بكل إحترام :eh_s(7):
بطلت الليتات والتلفزيون و الأبجورة>> كل مصادر الإضاءة:eh_s(9)::eh_s(9)::eh_s(9):
و تلحفت و نمت نومة واااااايد كانت هنية و سعيدة>>> إي هييين :krkrkr:
تلحفت و خشيت و يهي تحت الكنبل و ريولي تتصافق من الخرعة :eh_s(2):
وتوتة توتة خلصت الحدوتة..​

 

[أم توته]

بسم الله الرحمن الرحيم

اول شي بقولكم ليش لاتسولفون معاهم بعدين اقولكم مواقفي

الله يسلمكم عندي بنت خالتي الله يحفظها حبيبتي ماتخاف واهي صغيره كانت تشوفهم وكانت تقول حق امها وامها تقول لا تكلمينهم كلش ,, بس اهي كانت تلحقهم وتقعد تسولف معاهم من واهي صغيره الحين عمرها 15 سنه ,, من جم سنه فجأه قام يغمى عليها بدون سبب وصار فيها صرع وصارت من مستشفى لي مستشفى آخر شي الدكتور قال حق خالتي بالحرف الواحد بنتج مافيها صرع بنتج فيها شي ثاني دوري شيخ يقرأ عليها ( لان بنت خالي مع العلاج حالتها تسوء وايد وبس سون لها خروج ولاجنها فيها شي تطلع من المستشفى على ريولها ) وهذا غير انها ترجع دم ولي الحين مايدرون شنو السبب .. فعلا خالتي يابت لها اكثر من شيخ قروا عليها والي فيها تكلموا وعرفوا انا فيها اكثر من واحد ويحبونها وايد في واحد منهم مسلم طلع منها ( طبعا بنت خالتي تعرفهم وتعرف اساميهم وتقولنا سوالفهم بعض المرات ولمن المسلم طلع كانت تقول حرام فلان كان طيب ليش طلعتوه) ولمن احد يضايقها كانوا يطلعون حق هالشخص الي يضايقها ( طلعتلي مره وحده من ربعها البنات بس حزتها ماكنت مضايقتها بس كنت نايمه بغرفتها بس الظاهر مايبوني ) المهم هالسنه خالتي سفرتها احد الدول العربيه وقروا عليها هناك وطلعوهم وردت الديره الحمدلله مافيها شي بس فجأه تغيرت علينا وطلعوا لي الحين موجودين ولا هالمره قالوا حق خالتي رح ناخذها مارح نخليها عندكم حبيبتي بنت خالتي ... كل الي كذرته ولا شي من قصتها يعني بختصار شديد ما حبيت اذكر المواقف والسوالف الي صارت لانها تخرع بس نصيحتي لاتسولفون معاهم لانهم يحبون احد يكلمهم ويمكن يعشقونه ويسكنون معاه على طول

 

[-فلانة-]

اي بعد تذكرت،،
من سنة تقريبا،،
كنت نايمة بأمان الله،، مادري شنو اللي خلاني أقوم من عز نومتي بعز الفجر،،
بطلت عيوني بكل هدوء،،
وأشوف والله العظيم حرمة و ريال واقفين يم راسي عند الفراش،،
ملامحهم مو واضحة، بس أذكر الحرمة شعرها أسود طويل،،
الريال يقول للحرمة يالله نأذيها الحين؟؟ وترد عليه و تقوله لأ انطر عليها شوي،،
بس والله ما أدري ليش ما اخترعت كلش،،
ورديت سكرت عيني بكل هدوء و كملت نومتي،،
عفية قلب علي..​

 

[نوسه الشطي]

"وتعاونوا على البر والتقوا ولا تعاونوا على الاثم والعدوان"
صدق اللة العظيم ...مايجوز اللي قاعدة تسوينة :eh_s(17)::eh_s(17):

حبي مو من صجج ترا ههه يعني اكيد اتغشمر وياها مينونه بعلمها جذي شغلات
وبعدين هذا مو اثم وعدوان
وبعدين لما كنت اسوي جذي كنت ياهل بعمر ال10 سنين الحين مستحيل اسويها
أتمنى ما تنتقدون كل شي بدون تفكير

 

[نوسه الشطي]

ايي ذكرت ههه
أول شي بقولكم سالفة بنت ييرانا هذي بيتهم كل القطاوه السوده اللي بالمنطقه متيمعه عند بيتهم مستحيل يروحون
قبل فتره كانوا اهلي مسافرين وانا بروحي بالبيت الساعه تقريبا 10 بالليل اسمع طق قوي عالباب يوم افتح الا اهي والله طالعه بدون لا حجاب ولا عبايه وتبجي اقولها شفيج تقول اهلي طالعين وانا قاعده عاللابتوب والا واحد خال قاعد يمي ومسك ايدي جان انزل تحت اركض واهو وراي وطلعت من البيت مادري وين اروح

المهم لبست ورحت بيتهم بشوف شسالفه ههه << عفيه قلب
والله البيت من الباب لي اخر دار فيه كلها شعر منظر مرعب وبشع والله المهم رحت شغلت قران ابيتهم ويبت عبايتها وحجابها ورديت بيتنا والا اشوفها واقفه عند الجوله وعيونها حمررره وتصارخ مادري شنو بتسوي وامسكها اسمع صراخ ريال يطلع منها ربطتها ودقيت على اهلها << اوصخ يوم مر علي ههه انا ما اخاف من هالشغلات لان وايد تصير معاي


الموقف الثاني صار مع واحد اعرفه
يقول اخوه عمره الحين 19 سنه فيه ينيه تعشقه لو اي وحده مسكته او كلمته تعذبه واهو يصارخ والله مالي شغل والله ما احبها وكانوا ربعه الجلاب يطفرونه ههه يحطون سبيكر ويخلون بنت تقوله احبك والينيه تعصب تقعد تعذب الصبي يمه
ودوه اهله حق شيخ وكلم الجنيه قالت لهم انا مراح اطلع منه ولا اخلي اي بنت تمسكه الا لما يصير عمره 25 راح اطلع منه ,,

وو اذكر مره ولد خالتي كان فيه يني كنا انا وياه وولد خالتي الثاني قاعدين ابيت يدتي والله كان يلحقنا انا ولد خالتي بالسجين واحنا نركض ويحكرنا بالحديقه اشوه خالي لحق علينا من يومها لو يموتون ما اركب معاه السياره اخااف وقتها كنت بالابتدائي وبعد ما طلعوا منه اليني جا بياخذني من المدرسه اهلي كانوا مشغولين والله ما رحت معاه قعدت لي الساعه 3 العصر بره لما يقرب اصارخ هههه للحين متعقده منه

ووو بس لما اتذكر بعد بقولكم ياربي العايله كلها مسكونهـ