سـوالـفـكم مـع الـــجـــن .. و هـل مريتـي بمـوقـف ! و متـى !

[~..samar]

السلام عليكم ..رجعت لكم بموقف صار لاختي كانت تعبانة حدها وتوها تبي تنام ومحد كان معاها ف البيت جان تسمع صووت خطوات جنه واحد دش غرفتها اهيا عبالها ريلها الصووت كل ماله ويقرب واختي لازالت مصره انه ريلها المهم جان تسمع صوت شفتوا يوم الرياييل يفصخون الثوب "الدشداشة" اشلون يكون الصوت بالضبط اختي اسمعت ه الصوت جان اطالع تبي تشوف ريلها الا محد ف الغرفة واخر شي اسمعت واحد يقول " اقووولك " اختي اهنيه تجمدت فمكانها عقب حست جنه واحد جاثم عليها حاولت تقرا ماكو ماقدرت بس ف النهاية فج عنها .. وفي موقف انا كاتبته ف المنتدى ااذا تبون اسوي له كوبي قولوا لي ..

 

[عذووبه]

السـلام عليكم ورحمـة الله وبركاته

بمـا إن صـار الشتـا الكل في بيتـه أو اللي بالشاليهـات أو البــررر ..

و أكيـد صـارت معـاكم سـوالـف :tongue22: يا لهوي يااا لهـوووووووي يا خـراااشـي ..

فـ بتكلـم عنـي

أول زواجـي كنت متلحفـه و أحـد سحب الكنبل منـي شوي قلت فـلان ( زوجـي ) مـا رد
شفت السـاعه الا 10 اتصلت عليـه الا بـالدوااااااااااام يـاااااااااااا لهـووووي طبعـا قمت انحشت رحت الجامعة مبجر لووول محاضرتي وحده وانا 10 ونص طالعه من البيت

.
.
وهذي سـالفـة اختي رايحين شاليه مع خالتها وعمها و زوجها وحماتها

اهي وزوجها بسيـارة و اهم بالطريج حزة المغرب شافو بنت مسوية عنقوصتين
قااالو حرررراااام وين اهلها اتصلو على خالتها قالو شفتوا البنت ؟؟ قالت لااا
اختي قالت حق زوجها رد خلنا نشووفها حرررام يمكن ضايعه لما ردووو شافوووها بس راحت بعيييييييييييييييييييييييييد و فجأه بوووووووووم اختفت :ssssso:

فـ هذولي مواقف فررررررررررررررررش

يـلا خرعـوني و أخرعـكم

احلفي من صججججج حرام عليج انا خلقه خايفه ليش يعني ليش احنا ناقصين رعب ولج انا ما انام والليت طافي ههههههههه

 

[دونت]

يغرفتي لما انام كله اسمع صوت احد يمشي
كنت قاعده بالارض بغرفتي اكتب واجباتي يوم المدرسه لمحت جدامي واحد كبير اسود بعدين راح يعني ريال كان
كنت امشي بروح المطبخ جفت ريول سوده تمشي
كنبلي ينسحب مني
سريري يطلع صوت لما انا م عليه اسمعه صوته

 

[عذووبه]

انا كننننننننت وهذا فعل ماضي كنتتتتتتت بقول لكم بس عقب هالسوالف متت رعب ههههههههههههههههه

 

[عذووبه]

يغرفتي لما انام كله اسمع صوت احد يمشي
كنت قاعده بالارض بغرفتي اكتب واجباتي يوم المدرسه لمحت جدامي واحد كبير اسود بعدين راح يعني ريال كان
كنت امشي بروح المطبخ جفت ريول سوده تمشي
كنبلي ينسحب مني
سريري يطلع صوت لما انا م عليه اسمعه صوته

وعاااااااااااادي ماسويتي شي
وربي لو انا انيي لاتشنج بمكاني من الخرعه ههههههههههههههههه بسم الله الرحمن الرجيم

 

[منبع عبط^_^]

مره بشاليه والجووو خياااااااااااااال ولانه خيال انا وشوي من اهلي نمنا براااا وتسدحنا نطالع السما لوووول لمن نامووو الا انا اشوووف شي اسود يركض يماااااااااااه جااااان اصيييييييييح:eh_s(16):وربي قعدت امي لان عبالي حرامي هههههههههه قعدت تطالع مالقت شي جان تقول نامي نامي تتحلمين :eh_s(4):ونمت يمها لزقت حديييييييي وسحبت البطانيه بعد وقعدت الصبح ماخليت احد ماقلت له هههههههه

 

[بنتـ المملكه]

هذا سالفة ولد خالي هو عسكريه ويشتغال في تبوك

ومن شرقيه الى تبوك المسافه بعيد ويتعب في الطريق

وفي كل مره كانت تروح معا زوجه بس هالمره قال لها باروح كم يوم وبرجع

يقول وانا رايح تعبت ووقال باريح شويه ودخل على البرا شويه وقف ونام

توه بنام وشاف رجال يدق عليه الدريشه وقاله امشي عن هالمكان ولد خالي بس اشر له يعني روح روح

وبعد كم دقيقه رد دق عليه الدريش وقال ماتسمع اقول امشي عن هالمكان مايصلح تنام فيه هالارض مو ارضكم

يقول فتحت اعيوني وشفت رجال راسه راس حمار وجسمه جسام انسان ورجواله رجول حمار

يقول من شفته طيرات السياره تتطيار

 

[آعذرونيـۓ]

بقولكن سالفة بنت اختي كانت هي وصديقاتها متيمعات للدراسة للامتحانات نص السنة في بيت وحده من صديقاتها وطبعا كل وحده كاذبة ع امها ما درسن ولاشي يمعتهن كانت للضحك والسوالف ووصلت اساعه وحده وشي فليل وطبعا وراهن باكر الامتحان وقلن يله شوي وبنام هن كنن اربع والسرير ما يكفيهنه خلين اصغر وحده منهن تنام على الغنفة بلا غطا( ما ترحمن يوم قلتلهن قال عاااادي صغيرة برايها) وما طفين الليتات بس فجأة الليت طفا واستغرب وتمين اتصارخ وهاذيك الي على الغنفة الله لا يراويك تراقص من الخوف بس بنت اختي ونها تتعاطاها قالت يا خت شما شغلي الليت ونها تكلم الجنية واشتغل الليت وذيك الساعة متن من الخوف بس

 

[حكايا احساس]

يماااااه خوفتوني ماقدرت اكمل

بنحاشششش*

 

[مغليك قلبي]

ياعمري ياشذونه
انا ملتزمه بالاذكار ويوميا اقراء سورة البقره
وغير كذا دايما قبل لانام انفض الفراش ثلاث مرات
وانفث بيدي ثلاث مرات مع قراة المعوذات
الحمدلله الله يحفظنا بحفظه

 

[كتكوته22]

خرعتوتي��

 

[كتكوته22]

خرعتوتي?

 

[سيده نفسي]

انا مواقفي يا كثرهم منهم

مره علي المغرب منسدحين انا وريلي نسولف
ولا يشتغل اللاب توب وعلي اليوتيوب بوقتاده وبونبيل
وبنفس الوقت تشتغل العاب بنتي الي فيها موسيقي

ومره بداري ومطفيه الشمعه جان تشب الشمعه

ومره لقيت بنتي من غير امهاد ومسحوبه لي طرف السرير
وانا امهدتها وحاطتها بنص السرير

ومره كنت مسافره ماليزيا وكنت بفندق صنواي لاقون وريلي طلع
راح الرسبشن وانا بالغرفه اطقطق باللاب توب ولا يطق علي باب
وانا اطل بالعين السحريه ومافي احد وجان اضحطك واقول بلا عباطه يا فلاااان
علي بالي ريلي ولا صج مافي احد جان ارد مكاني ولا يطق علي الجام الدريشه ومافي احد ولا
باب الكبت وانا طبعا نحشه بلا احجاب ولا جاكيت بس علي بنطلوني والبلوزه واركض
وانطر الاصنصير جان يبطل ولا اشوف ريلي بويهي وانا بجي وانوااااح مسكين خرعته
جان اقوله السالفه وقالي تهيئين ورداني الغرفه ولا شوي يرن التلفون ومحد يرد
وتطقطق البيبان وجان نام من الخرعه وبعدها حسينه احد نايم بينه ونسمع نسم
واكيد اليوم الثاني جيك اووووت

وهذا الي اذكره الحين ولي رجعه

 

[nono18]

عندي شكثر سواالف بس ماتخلص وبقولكم سالفه بـإختصار...

خدامتنا كله ايي لها واحد ويخنقها وكل مره يتشكل بأشكالنا واحيانا بعبايه من فوق لي تحت ومره يسكر ليت الحمام عليها واهيا تصرخ عليه بطل الليت ترى بعلم عليك مدام <<< ههههههههههههههههههه "لاتعليق" والخ... <<< صارت ماتخاف لانها تعودت عليه
واليوم الي وراه قلت لأخوي ودش المطبخ يم صوب غرفتها يبي ياكل ويقول بسم الله ولا تنبط الليتات الي بالممر لي الصاله بشكل يخرررررررع... طافكم شصار فيناا ركض كل واحد يسحب الثاني وريولنا ماتشيلنا من الخوف ونرجف:d ههههههههههه

 

[الحسن كله]

والله يابنات بقولكم موقف يمكن تخترعون من قلب امي بغرفتها اتنام معاها اختي اخر العنقود ودايما اتشغل مسلسلات سيديات جذي والمهم نامت امي ذيج الليل عساها ماتنعاد ..

ولا اتشوف اسمالله علينا ثلاث بنات بعمر سنتين وثلاث واربع واشكالهم مشوهه واقزام اقسم بالله اللي اقوله صار اتقول يقربون من امي ويناقزون حيل ويغنون لها ياحيه يام راسين ياحيه يام راسين

اعوووووووووووووووووووووووووذ بالله امي ملتزمة الحمدلله بس اتقول قلبها بغي يوقف قرت معوذات مارضو يطلعون لين بطلت الباب وراحو يركضون

وهم اخوي الصغير دايما يشوف وحده لابسه عبايه تمشي بنص الصاله بالليل طبعا

وهم انا مرة كنت ادرس ولا اسمع واحد يكح بغرفتي

مع اني ماخاف بسرعه بس سالفة امج خووفتني :eh_s(2): الله يعين قلبها
انا ماصار معاي مواقف لكن الجواثيم تجيني بين فتره وفتره لكن موقف جدامي لا لله الحمد​

بس انا اذا صادفني اصوات او اشياء غريبه احاول افسرها تفسير علمي عشان ما اخاف واخوف اللي معاي يعني اذا طاح شي او طقت باب ولا سمعت صوت بالمطبخ وجذي..
والله يكافينا شرور الانس والجن

 

[تحت ظلك]

رجعت لكم,,

خدامة اختي زمان كانت عندها كانت تشوف رجال دايم يغسل صوب المغاسل ببيتهم وتخاف منه
طبعا هي بس تشوفه لحالها

 

[المقروووده]

بقولكم موقف صااار فيني مت من الخوف .. واقسم بالله السالفه صج


مره كنت نايمه ولا الباب يطق على داري الساعه 2 باليل أستغربت وشفت التلفون ولا 2 قلت منو يطق الباب بصوت عالي .. محد رد .. قلت ادخل بصوووت عالي مارد وظل يطق البااااب قمت معصبه مو خايفه بطلت الابجوره يم السرير ورحت معصبه يم الباب وفتحته .. ولا القا واحد قاعد على الارض ولابس اسود بأسود ووجهه يخررررع وماتحرك ساكن .. انا هني قمت اصارخ واطامر وابجي ومادري كل المشاعر اختلطت .. ولا خواني طلعو من وراه يضحكون وطلع اخوي لابس عبايه و قناع وقط القناع وظلو يضحكون انا ماحسيت الا اغمى علي ههههههههههه مع انه الموقف مافيه جني بس والله بالنسبه لي اخوف من الجني بكبره .. ولحد اللحين يحلفلي انه اهو مو جني ويتأسف مني بس بجد الموقف هذا كان من ارعب المواقف بحياتي :eh_s(2): .. وماكنت اخاف من الجن بس عقب هالموقف صرت خوااااافه
طولت عليكم بس جد سوالفكم حلوه .. استمروووو​

 

[سيده نفسي]

تذكرت سالفه او ما سكنه بيتنه بيت اهلي

دايم امي تسمع اصوات واختي دايم اطيح

من ثاني درجه بالدرج لاااازم الثانيه لنا انكسرت ريلها

ومره اصبح قاعدين كلنا نتريق ومعانه خالتي كبر اختي

الكبيره وكانوو يسولفون عن الجن جان خالتي تقول

شالخرابيط وماكو شي ومن هالسوالف والله والله

بنات اقسم بالله جان تييها هذيج التفله حشاااااكم

علي ويها ولا كلا قيمر وخبز ادري لوعت جبودكم

بس هذا صج ولي هاليوم خالتي ما ادش بيتنه

 

[دونت]

بالدوام مره كنت قاعده بالغرفه محد معاي بالغرفه جان اسمع واحد يكح كان صبح مبجر
بغيت انزل تحت المطبخ جان اسمع واحد يتكلم يمي

 

[**روان**]

انا قبل ماكنت اصدق ان نشوف الجن او يضروننا ، كنت اعتقد انهم مجرد يوسوسون وعالمهم منفصل
بالشهور اللي فاتت كنت بغرفتي ( غيرتها حاليا رحت لوحده ثانيه هههه) غرفتي هذيج شيء مرعب و دورت نفس حالتي لقيت وحده بس اللي كاتبه مثلي و من جم سنه يعني ماقدر اتواصل وياها.

المهم ياجماعة الخير اول شيء بدا يجيني الجاثوم و يكلمني و يسحبني لفوق و يمشي على جسمي ويضحك ، بس كنت اغمض عيوني مافتحها كلش واقرا سورة الكرسي و ان وصلت لعند اية من ذا الذي يشفع عنده الا بإذنه الجاثوم يزيد صريره و يكتم فيني زياااااااااده

بعدها صرت افز من النوم بسبة احد يطق الكبت حيل من ورا لدرجة اقوم مخترعه من صوت الطقه قووويه حيل

المشكله مو هني ماكنت مهتمه ، المشكله زااااادت!

اول ما ابطل عيني من النوم صرت اشوف روس اي والله، افتح عيني القى راس يمي نايم افتح عيني القى راس عالكوميدينه ، ومره عالتواليت و كل يوم بمكان طبعا ان شفته تلاقون غبرتي منحاشه و ماقدر الف ورا ارجع اطالعه من الخرعه ، قعدت شهر على هالحاله الين اليوم اللي جا بطلت عيني تدرون شنو لقيت؟؟؟؟؟؟؟

لقيت جاهل نايم منسدح يمي من ذاك اليوم ما قربت صوب داري المسكونه ههههههههه

غيرتها و من الخرعه داري الجديده كلها ابيض بابيض و اللليتات مفتوحه و التلفزيون عالقران و الباب مفتوح و اقرا الاذكار و اتحصن و انام عالجانب اليمين والحمدلله الجاثوم صار يجيني مره بالشهر و قبل كان باليوم يجيني ثلاث مرات

حنى اذكر بغرفتي القديمه، شغلت القران عالكمبيوتر و فجاه الا جايني الجاثوم حاولت اركز عالقران واقرا معاه الا الجاثوم يغنيلي طقاقات ( الف صلي و سلم عليك يا حببيب الله محمممد ) اييييي والله ههههههه

ومره جاني الجاثوم و يوم قعدت ماسمع صوت القران شفت الكمبيوتر الا هو معلق ! اول مرره يعلق

قصص بغرفتي القديمه اكرههااااااااا الحين مرتاحه الحمدلله