سـوالـفـكم مـع الـــجـــن .. و هـل مريتـي بمـوقـف ! و متـى !

[الملكة فيكتوريا]

وش تتونسين وش تستانسين الله يصلحك
انتي ماتعرفين ان الجن مذكورين في القرآن وانهم صدق !
و موجودين بيينا ومخلوقين ويسكنون الاماكن المهجورة او اللي مايذكر اسم الله فيها
اقول الله يصلحك بس ادخلي عاليوتيوب وشوفي المقاطع والله انك تنهبلين
:eh_s(10):

شفيكم يا بنات تفهموني غلط
انا ماقصدت الجنون
انا الحمدلله مؤمنه بوجود الجن
بس اتونس ع بعض البنات ومبالغتهم
في القصص

ياليت قبل ماتكتبون وتظلمون الناس
تسالون وتحطون 70 عذر
بعدين قولوا وادعوا براحتكم

 

[((البرنسيسا))]

شفيكم يا بنات تفهموني غلط
انا ماقصدت الجنون
انا الحمدلله مؤمنه بوجود الجن
بس اتونس ع بعض البنات ومبالغتهم
في القصص

ياليت قبل ماتكتبون وتظلمون الناس
تسالون وتحطون 70 عذر
بعدين قولوا وادعوا براحتكم

شفيكم عليها ترى ماقالت شي غلط

فعلا في بنات يبالغون وايد بالقصص

 

[tooonaaa]

تذكرت قصه
اخوي كان ساكن شقة وصارت له وايد سوالف فيها
مره كان طالع من غرفته ورايح الصاله وزوجته وراه ولا تشوف واحد لاحقه ورافع عليه سيف
ولما صارت لهم سوالف بغرفة النوم شالوا كشهم وقاموا ينامون بالصاله
كانوا نايمين ولا تلتفت مرت اخوي عليه وتلاقي وحده من غير راس قاعده على جتفه تقول غمضت عيني ما فتحتها الا الصبح ما ادري اغمى علي ولا نمت
وبعدها طلعوا من هالشقه

 

[khawla&tito]

ع فكره يابنات اللي مايصلي ترا يشوفهم لان مايصير معاه ملايكه تحرسه وتحميه في وحده ماتركع الصلاة بلسانها تقول مابي اصلي وهي بالثلاثين يوم من الايام كانت بالمطبخ ومرت جدامها عيوز البنت بغا يروح عقلها عقبها صارت تصلي وكل يوم مشغله سورة البقره

 

[khawla&tito]

من زمان قريت قصه ع ذمة اللي كاتبها مره كبيره كانت مربيه قطوتين وكانو مثل بناتها بالضبط تعاملهم احسن معامله بيوم من الايام اختفو بعدها بجم شهر طق باب بيتها وراحت تشوف منو والا تلاقي هديه عباره عن بخور وشويه ذهب وقال الريال هذيلا البنات تزوجو ويابو لج هالهديه وعرفت انهم ينانوه

 

[khawla&tito]

يدتي الله يرحمها كان يقعدها واحد لصلاة الفير هههههه وهي تقعد من تسمع صوته يقعدها للصلاة تقول له ان شاء الله ياولدي يزاك الله خير ههههههههه الله يرحمها

 

[الـمـزيـونـه]

أنا صارلي 5 مواقف

الموقف الأول كنت نايمه بالصاله بروحي والكل طالع وكان حزته بالليل
وأنا نايمه ولا أسمع صوت كرسي يتحرك وصوت واحد قاعد يطقطق عالكيبورد

واهني أبي أحاول أفتح عيني ماقدرت أبي أتكلم أبي أقول منو ؟ هم ماقدرت حسبالي أخوي قاعد عالكمبيوتر

وفجأه بطلت عيوني

توقف الصوت ومالقيت أحد ولا أرد أنام

ويتكرر نفس الموقف سمعت أصوات مره ثانيه وأحاول أتكلم وأقوم ماقدرت وعرفت انه أهم

بس ماخفت


والموقف الثاني كنت بالحمام عزكم الله ولا أسمع صوت شي يتحرك وما أشوف الا ابريج يدور


والموقف الثالث أنا مع اختي كنا قاعدين نتمشى بمجمع 360 ولا أشوف بنت صغيره تقريبا عمرها 3 سنين شكلها ضايعه محد معاها ولا أشوف ريال ياي من بعيد شالها ولا يدخلون بفتحه رحت أبي أجيك وين ادخلوا ما أشوف الا مكان ضيج حيل جنه تابوت ومافي شي بس طوفه

فجأه اختفوا


والموقف الرابع [FONT=&quot]كنت صغيره ما أذكر جم عمري يمكن 6 سنين المهم كنت نايمه بغرفه أمي بروحي والباب مسكر وظلمه واسمع صوت يمي مثل قطو أو ياهل يبجي قمت ابي اجيك من وين ياي الصوت [/FONT]

[FONT=&quot] مالقيت شي ولا أرد أنام [/FONT]
[FONT=&quot]
والموقف الخامس أنا مع اختي كنا صغار وسريري يم سريرها[/FONT]

[FONT=&quot]وأنا معاها نمنا يم بعض بسريرها[/FONT]

وصار باجر الصبح وفجأه شفنا نفسنا نايمين بسريري

 

[روحين في رـوح]

خخخخخ مرة كنت نايمة وكان اخوي الصغير نايم معي هلأ انا صحصحت شويات بس كنت لسا ع الفرشة وعاطية ظهري لأخوي ,, قمت سمعت حد بحكيلي غطي اخوكي مش متغطي ولا لأ واشي بحكيلي ماتردي ضلك نايمة واشي بحكيلي لفي ع اخوكي شفي بسم الله الرحمن الرحيم انا صرت احكي فففففففف بعدين يعني بدي نام قام رد حكالي قومي شوفي اخوكي وغطي واشي بحكيلي لأ خليكي نايمة
ئمت حكيت مطولة معي لفيت حالي اخوي مغطا وباسبع نومة
ئمت طلعت بدي شوف الساعة وطلعت ع الباب بسم الله الرحمن الرحيم كان في متل دخنة بيضة طويلة ع طول الباب ووو راس مدوور وعينين وتم,, انا حكيت شوهادا يعني كننت بدي شوف شوهادا جيت بدي اقوم ..قمت سقعت وحطيت راسي وكملت نومتي ... ماخفتت

 

[الزورق222]

موضوعكم قريته بعض ردوده الصبح امس وابتلشت فى الليل مااقدرت انام ..
بخصوص الموضوع صارت لنا قصة يمكن قبل ست سنوات ابوى اعطانا شقة كاملة للبنات وتونا رتبناها واثثناها هى كانت مأجره وسكناها واول ماسكناها كنااا نسمع بالسطح احد يركض ركض مو طبيعى كانه حصان بسم الله ذكرتونى عاد انا واختى بغرفة وحدة وسمعته يمكن على الساعة وحدة بالليل والمشكلة تعرفون الارق وسوالفه اختى سبقتنى بالنوم وابتلشت لااقدر انحاش من الشقة وانزل لتحت لامى وابوى واختى احاول انها تقوم من النوم وهى بسابع نوم المهم انتهىت الليلة المرعبة وقلت لاهلى الكل يضحك ويتهزأ ومحد مصدق باللى سمعته ..سمعته مرتين وبس واختى مرة سمعته كانت بروحهاا وامى مو كنا نداوم بمدراسنا وكلياتنااا كانت تقول انى اسمع ركض بس تحسبه منا لشارع فماادرى اختفى ..
وخدامة خالتى قالت لنا ان بيتنا فيه شى فى المخزن لان لبمة المخزن دايما تطفى وكلما نركب وحدة جديدة الا تخرب وهى قالتنا ان المخزن فيه شى صوروا المخزن وارسلوه لى هى كانت بالكويت صراحة مااصدقناها صورنااا ولا صورة طلعت بعد التحميض ماادرى شنو معناته ..قرينااا سورة البقرة على مااى واحترق السطل يابنات وسمعنااا صرخة مو طبييعة فى البيت وريحة شى محترق هذى القصة اقولهاا لكم وهى ليست من وحى الخيال حدثت فى بيتنااا والحمدلله مافيه شى بيتنا الحين ..
لكن كل شى يحدث وكل بيت معرض فعليكم بقراءة سورة البقرة واستمروا بقراءتهااا والبيت اللى فيه شى يبى يطلع منه ..
والله يستر ماادرى اشلون راح انام ..

 

[((البرنسيسا))]

عندي لكم سؤال احنا سكنا بشقة وكل الغرف تشتغل ليتاتها الا غرفتي

فيها ليت واحد مايشتغل ابووي حاول فيه ماكو فايدة كل ما يركبون ليت يحترق

ولمن شرينا بيتنا هم نفس الشي واحد من ليتات غرفتي مايشتغل يابله ابوي مصلح

ماكو فايدة سؤال تتوقعون هذا شي طبيعي

انا اول صارتلي سالفة مع الجن من بيتنا القديم واستمرة معاي من الشقة وحتى

شرينا بيتنا اليديد لكن بفضل الله عزوجل والرقية ارتحت فتتوقعون في شي

اخاف اكتب قصتي معاهم اصلا لمن اتذكر مااقدر استوعب الي صار احس اني كنت

منومة مغناطيسيا << متعوب عليها ^^

 

[PuPa^^SWeeT]

من غير مبالغة تراا

بشقتي اللي طلعت منها

كنت اخاف


مرتيين شي نقزني و انا برووحي بخصري


و مررة او مرتين اسمع مثل صوت قرطاس يم اذوني



مادري شنو هالموقفين

بس حتى ريلي سمع مرة



من جذي صراحة عقدنا العزم عالنقل لشقة ثانية

الله يبارك لنا باليديدة

 

[اخت خالتهم]

البرنسيسا شنو قصصج ؟؟


انا قبل واايد ايني ياثوم

اذكر اول ياثوم سمعت صوت دريشة داري " بفترة ملجتي "
جان اقول فلانه انادي اختي عبالي اهي
فجأه اختننننننننننننقت دريشتي كانت مفتوحه وتسكرت
والا احد يخنقني والله يابنات حسيت روحي بتطلع اول شي ما حسيت بريولي
وعقب بطني والله ما احس عندي بطن و احسها قاعد تطلع
و اتذكر اشياء صارت بحياتي مررررررررررررت كلها على بالي
عبالي ملك الموت ياني جان اتذكر واتشهد يوم تشهدت رااح واقوم افتح الليتات وحسيت في شي غلط
واقعد ابجي بججججججججي جان امي تقولي هذوله جن ديري بالج على نفسج
وللاسف للحين لاحقيني
وهالسالفة صارتلي عقب عرس بنت خالي وللحين حملت مرتين و طاحو
بس انا بس يصير فيني ياثوم ومرات احس في احد معاي والحمدلله ما اخاف
و قبل لا احمل بقرا سورة البقرة 40 يوم
ويلا يمكن خيره عشان اكمل دراستي بالاول

 

[((البرنسيسا))]

اخاف اقولها لان لمن اجي اتكلم فيها تصير لي اشياء تخرع

او اخاف اسمع صوت واحد يصرخ بإذني

سوري حدي خايفة إن شاء الله استجمع شجاعتي واقولها

بس مادري متى ^_^!

 

[~ بنت الهدى ~]

يمممممممممه شالسوالفصلت صفحه عشره

 

[رووو الروح وووح]

احنا بالبيت سواءا ببيتي او ببيت اهلي

الدار اللي ننام فيها

فيهم تلفزيون عادي وتحته نفس الطاوله

هالطاوله داااايم تطلع صوت

وحتى بصاله بيتي

نفس صوت طقه وحده على الطاوله

وتتكرر كذا مره

وتوه الحين طلع الصوت وولدي عمره سنتين

يقول منو؟ مما منو؟

حسباله احد يطق على الباب​

 

[الزورق222]

حانى مغص من الموضوع ..موضوع يستفزنى ان ادخله من باب الفضول !!
مع السلامة بابا خوف انا ..

 

[Ḩkāyāt]

مواقفكم تخرع بصراحة انا بعد ماقريت الموضوع حاشني خوف مو طبيعي وقمت اتلفت يمين ويسار

انا ما صارتلي مواقف بس كل اللي صار اني مرات اسمع صوت احد من اهلي يناديني ولمى اسألهم يقولولي ما ناديناج :bbbiu:
هم سالفة الطقطقة مرات اسمع اصوات بالمطبخ وجذي وخصوصا بالليل :eh_s(10):


بالنسبة حق البنات اللي مو عاجبهم الموضوع البنيه ما قالت لكم إلا غصب تعالوا دشوا

عالموضوع انتوا اللي دشيتوا فلازم تتحملون نتيجة غلطتكم إذا عارفة نفسج خوافة

شحقة داشة ؟!

ترى انا خوافه وايد بس احب هالسوالف ولو تصيرلي نفس مواقفكم لا قدر الله

يمكن اموت من الخرعة



الحين بخرعكم شوي بجم فيديو عن الينانوه _03BA:


وإن شالله تشوفونهم بالليل >>>> نحاسة :23_asmilies-com:


هني شوفو الينانوه شيسوون بالحمام

http://www.4shared.com/video/8TNuVvSp/GHOST_FILMED_IN_BATHROOM.html


وهني شوفوا الينانوه يلعبون بالأغراض والكراسي ويبطلون التلفزيون ويسكرونه

http://www.4shared.com/video/1U2V7kJI/Ghost_Children_in_our_Basement.html



ومشكوره حبيبتي اخت خالتهم عالموضوع الحلو

الله يرج ابليسك على ذي المقاطع تخووف
الرالبط الثاني لاحظي في الدقيقة الثانية و14 ثانية في ظل يمشي عاليمين
يمه بسم الله علينا :eh_s(2):

 

[Ḩkāyāt]

من زمان قريت قصه ع ذمة اللي كاتبها مره كبيره كانت مربيه قطوتين وكانو مثل بناتها بالضبط تعاملهم احسن معامله بيوم من الايام اختفو بعدها بجم شهر طق باب بيتها وراحت تشوف منو والا تلاقي هديه عباره عن بخور وشويه ذهب وقال الريال هذيلا البنات تزوجو ويابو لج هالهديه وعرفت انهم ينانوه

شششلون مافهمت !

 

[Ḩkāyāt]

البرنسيسا شنو قصصج ؟؟


انا قبل واايد ايني ياثوم

اذكر اول ياثوم سمعت صوت دريشة داري " بفترة ملجتي "
جان اقول فلانه انادي اختي عبالي اهي
فجأه اختننننننننننننقت دريشتي كانت مفتوحه وتسكرت
والا احد يخنقني والله يابنات حسيت روحي بتطلع اول شي ما حسيت بريولي
وعقب بطني والله ما احس عندي بطن و احسها قاعد تطلع
و اتذكر اشياء صارت بحياتي مررررررررررررت كلها على بالي
عبالي ملك الموت ياني جان اتذكر واتشهد يوم تشهدت رااح واقوم افتح الليتات وحسيت في شي غلط
واقعد ابجي بججججججججي جان امي تقولي هذوله جن ديري بالج على نفسج
وللاسف للحين لاحقيني
وهالسالفة صارتلي عقب عرس بنت خالي وللحين حملت مرتين و طاحو
بس انا بس يصير فيني ياثوم ومرات احس في احد معاي والحمدلله ما اخاف
و قبل لا احمل بقرا سورة البقرة 40 يوم
ويلا يمكن خيره عشان اكمل دراستي بالاول

روحي حبيبتي عند شيخ يقرا عليكِ احسسن
والله يفرج همك وهم كل مسلم

 

[Ḩkāyāt]

احنا بالبيت سواءا ببيتي او ببيت اهلي​

الدار اللي ننام فيها ​

فيهم تلفزيون عادي وتحته نفس الطاوله​

هالطاوله داااايم تطلع صوت​

وحتى بصاله بيتي​

نفس صوت طقه وحده على الطاوله​

وتتكرر كذا مره​

وتوه الحين طلع الصوت وولدي عمره سنتين​

يقول منو؟ مما منو؟​

حسباله احد يطق على الباب​

اعوذوا بالله من الشيطان الرجيم
شغلي قرآن على طوول في بيتك
والله يحفظك انتي وولدك منهم