سفرة الشقا (لندن) مع فوفو

[فوفو22]

بعدمانجحوا اليهال قررت :gr4uu:نسافر الى لندن مع الفلبينية
طلعت لها فيزا وجهزتها من فوق الى تحت لان صار لها 8 سنوات عندي ومخلصة ونظيفة ومربية عيالي

وصلت لندن الصبح على الخطوط الاماراتية وصار ثاني يوم
دورت خدامتي مني مناك ...تحت فوق...يسار يمين

اكتشفت انها انحاشت الفجر ولما رحنا البوليس ...ردوا علينا وقالوا شنو المشكله اذا الخدامة تركتكم الموضوع عادي

وبدت رحلة الشقا:eh_s(16):

افتح عيني الصبح على

ماما ابي كورنفليكس:082502bye_prv:
الثاني يقول ماما ابي حليب بشاي
الثالث ماما ابي عصير برتقال
الرابع ماما مابي ريوق
وانا بالمطبخ احوس :dfgl:
وعقب الريوق ادخلهم الحمام (تكرمون)وافركهم اسبحهم والبسهم :27d66a9c24b146327bf

ونروح بالتاكسي للسوق وهم معاي كل ما ادخل محل يطردوني يقولون يلمسون الملابس ومشاغبين

طبعا نسيت اقولكم بالسوق كل شوي واحد يبي حمام
وعقبها بشوي يبون غدا وهاذي حالتي

نسيت اشوف وجهي بالسفره كلها
مافي وقت عندي للتكشخ والتسوق
يدي صارت جلحه ملحه جنها يد عامل مكروف
تحولت سفرتي من رحلة الراحه الاستجمام الى رحلة الشقا والتعب

 

[روح مغليها]

اخخخخخخخخخ اللــــــــــــــه يعينج يبا خلي ابوهم يمسك النص
كلش كلش ردي..
ياااحياااتي قعد اتخيلج والله انا وااحد ماقدر عليه
تردين بالسلاااامه
بس السفره جم ساعه من الكويت الى لندن__سؤال عرض

 

[فوفو22]

اخخخخخخخخخ اللــــــــــــــه يعينج يبا خلي ابوهم يمسك النص
كلش كلش ردي..
ياااحياااتي قعد اتخيلج والله انا وااحد ماقدر عليه
تردين بالسلاااامه
بس السفره جم ساعه من الكويت الى لندن__سؤال عرض

سؤالج ابو جد عم خال العرض

بس تستاهلين الرد

اذا السفره دايركت بحدود ال6ساعات

 

[كويتيه ذربه]

وووووووووووووي مو خوش سالفه
اشصار لقيتوها الحين؟؟
والله يكون بعونج ان شاءالله

 

[اسرار الغلا]

فوفو وينج صارلج مده ما تبينين ؟؟

الله يعينج بصراحه مو خوووووش موقف

نظمي وقتج معاهم وشوي شوي تتعودين عالوضع

 

[chocolate milka]

رد : سفرة الشقا (لندن) مع فوفو

صج الله يعينج ماتسوى عليج بس شلون راحت خدامتج مانعين الفيز للخدامات

 

[ريتشل]

الله يعينج مسافره بروحج ولا ويا ريلج جان مسكهم شوي

عاد كنت بلندن واشوف الحريم اليهال صج ماذينهم بسوق

حتى قلت لي تزوجت حدي اذا بسافر اخذ واحد ماخذهم كلهم

 

[دلع الكون]

أنا من الناس ما أايد اخذ الخدامه بالسفر من كثر مشاكلهم هناك

 

[الجــادل]

رد : سفرة الشقا (لندن) مع فوفو

وااااي الله يعينج مو خوش سالفه

بس عندي حل جان دخلتيهم مدرسه صيفيه لووووول

 

[mr000]

فوفو الله يعينج..صج سالفة نحشة الخدامه تقهر..بس هذا شي متوقع لاتقولين خدامه يديده ولاقديمه بالذات الفلبينيات من يسافرون بره ينحاشون خاصه بلندن..بيت عمي كانوا رايحين عايله كبيره ومعاهم يهال وخدامتين وتلاقوا هناك مع حماة بنتهم ومعاها خدامتين..طبعا هالكلام مو هالسنه الله وكيلج اتفقوا الخدم كلهم ينحاشون في يوم واحد..4خدامات انحاشوا بنفس الليله..والسنه اللي قبلها انحاش الطباخ هندي..الله يعينج عاليهال أم فوفو والله يعوضج ان شاءالله بسفره احسن منها..دايما السفره مع اليهال متعبه..تصير السفره لهم مولج أنتي ..

 

[فاقده ابوهاااا]

والله العيب من سفارة لندن اهني بالكويت لما بغيتي تطلعين فيزا للخدامه اكيد سووا مقابله معاها اول سؤال يسألونها اذا رحتي اهناك راح تنحاشين ولا لأ يعني اهم الي يبطلون عين الخدم على النحشه وهذا حلم كل فلبنيه تنحاش لي لندن او امريكا مثلي الحين موعدي بعد اسبوعين علشان اشوف اذا وافقوا على فيزا خدامتي لي المانيا ولا لأ ولا تضحكين على المقابله اسألوا الفلبنيه الي عندي تبين تنحاشين بالمانيا جان تقول لأ جان يسألونها اذا رحتي اهناك انتي مستعده للتعاون مع الارهابيين جان تضحك وتقول اكيد لأ واذا ابي اتعاون راح اعترفلكم ما ادري من هالقوطي الي حاط هالاسئله :23_asmilies-com:

 

[فوفو22]

وووووووووووووي مو خوش سالفه
اشصار لقيتوها الحين؟؟
والله يكون بعونج ان شاءالله

لا مالقيناها وانا من غبائي شريت لها خط لندني

الله كريم

 

[فوفو22]

فوفو وينج صارلج مده ما تبينين ؟؟

الله يعينج بصراحه مو خوووووش موقف

نظمي وقتج معاهم وشوي شوي تتعودين عالوضع

عساج نا تفقدين غالي يا اسرار

انشغلت بالامتحانات عقبها السفر

 

[فوفو22]

رد: رد : سفرة الشقا (لندن) مع فوفو

صج الله يعينج ماتسوى عليج بس شلون راحت خدامتج مانعين الفيز للخدامات[/QUOTE

بالنسبة لي وافقوا على طول\\

وهم يعطون الفيزا حسب مزاجهم للخدم

 

[فوفو22]

الله يعينج مسافره بروحج ولا ويا ريلج جان مسكهم شوي

عاد كنت بلندن واشوف الحريم اليهال صج ماذينهم بسوق

حتى قلت لي تزوجت حدي اذا بسافر اخذ واحد ماخذهم كلهم

اي والله السفره مع اليهال تجييب الهم

 

[فوفو22]

أنا من الناس ما أايد اخذ الخدامه بالسفر من كثر مشاكلهم هناك

وضعي يختلف معاي 4 صبيان دقدق على بعض احتاج مساعده معاااي

 

[رفرف]

الله يعينج .. ويعوض عليج بسفرة احسن منها ..

والله انا اشوف مالها داعي الخدم بالسفر او حتى طلعاتنا مع عيالنا احنا اللي نخربهم ..
يبققون عيونهم على كل شي .. الا اذا عندج ياهل صغير ما تقدرين عليه
وعيالنا مقدور عليهم فوق السنتين ونص او 3 سنين اذا عودناهم على طريقتنا ..

 

[فوفو22]

رد: رد : سفرة الشقا (لندن) مع فوفو

وااااي الله يعينج مو خوش سالفه

بس عندي حل جان دخلتيهم مدرسه صيفيه لووووول

انا ساكنه بمنطقة ميلتون كينز ما اعرف وين المدارس

 

[فوفو22]

فوفو الله يعينج..صج سالفة نحشة الخدامه تقهر..بس هذا شي متوقع لاتقولين خدامه يديده ولاقديمه بالذات الفلبينيات من يسافرون بره ينحاشون خاصه بلندن..بيت عمي كانوا رايحين عايله كبيره ومعاهم يهال وخدامتين وتلاقوا هناك مع حماة بنتهم ومعاها خدامتين..طبعا هالكلام مو هالسنه الله وكيلج اتفقوا الخدم كلهم ينحاشون في يوم واحد..4خدامات انحاشوا بنفس الليله..والسنه اللي قبلها انحاش الطباخ هندي..الله يعينج عاليهال أم فوفو والله يعوضج ان شاءالله بسفره احسن منها..دايما السفره مع اليهال متعبه..تصير السفره لهم مولج أنتي ..

تصدقين عاد انا بيني وبينها اتفاق انها تخدمني فتره سفرتي وبعيدن كيفها\\

بس خونت فيني الله يسامحها

 

[منيرة خالد]

وي فوفو ما تسوى عليج بغيتيها طرب وصارت نشب

اي والله الخدم الفلبن دايم ينحاشون بلندن >>> مفتحه عيونهم باللبن يدرون بنوع الحريه هناك (( ذكرتيني بسالفه وحده من اهلنا مثلج انحاشت خدامتها الفلبينيه وعقب سنتين ردت لندن والا تشوفها منتفخ بطنها ومعاها تقول زوجها الانجليزي حظ يكسر الصخر )))


عاد ان شاء الله الجو الحلو عوض عليج ؟؟!!