سفرة سريعة من 3 الى 4 ايام انا مع ريلي

[بولندية]

فدييتج اميرة احب مواضيع =)



لبنان حلوة وتصلح حق 4 ايام

 

[(أم نونو)]

مثل ما قالو البنات اذا ميزانيتج قويه روحي المالديف لانها قمه في الرمانسيه وبتلاقين كله معاريس اللي يروحولها

واذا ميزانيه على قدج روحي لبنان جوها حلو

 

[جنون العشق]

خليها 4 ايام وروحي لبنان



اي ديره ثانيه حرام الفتره قصيره او دول الخليج

 

[chocolate-T]

تبين مكان رومانسي حدده
المالديف
انا رحت لها مرتين وحدها صراحه بو اربع ايام
ماتسوا اكثر
رحت اربع ايام الخامس انا بالكويتواايد استانسنا
انا هم كنت حاجزه حق عيد ميلاده
سوي سيرج عن الجزر اللي هناك
انا حجزت بجزيرة laguna island
اسعارها حلوة وموغاليه
موووفقه يارب
الله يديم المحبه بينكم

 

[اشطر وحده]

للحين اكثر الاقتراحات
العمره وجده
عمان
قطر
لبنان
المالديف
بما انج مستبعده دبي
انا عندي لج اقتراح ليش ما تاجلينها اسبوع
منها عن الشك مايجوز الاحتفال بعيد الميلاد
ومنها تكونين خلصتي من الدوره
ترى حلاة السفره القصيره انكم تكونون مع بعض وموحلوه تكون عليج الدوره
ماعليه اجليها اسبوع واستانسي احسن من انج تحتفلين بوقتها
لاكن بدون احم احم 
بالتوفيق ان شاءالله

 

[أم أنور]

لبنان

 

[تعبت اداري...~]

مآكو احسن من بيت الله
ولاتنسين تدعين لي ^^

 

[dectora 7elwa]

البنات ما قصروا

 

[زوجة عزيز]

الله يهنيكم

 

[Daleela]

امممم تركيا - دبي - المالديف هذيله اللي في بالي

 

[امل وكلي آمآل]

يابنت الحلال تعالي ديرتنا القصيم ترا التمر يحتريك وذوقي الكليجا شئ جديد عليكم وجونا هااليومين امطار وغيم منتب متحسفه ابد

 

[قــل مـا تـشـاء]

دامه فيج الدورة أجلي السفرة والا اخذي حبوب تأخرها مو حلو بصراحه تستانسون بس بالاجواء
لازم بعد الوجه الحسن لووول

 

[دلع الكون]

امممممممممممممممم

بالنسبه لو انا مكانج افكر على طول بتركيا او سيلان

تغير جو وطبيعه ومتعه والله يرزقكم الذريه الصالحه

واذا بس ناويه دول الخليج روحي الرياض ولو اني من زمان خاطري فيها ولارحت لها
وقطر يبيلها يومين بس وايد حلوة وونيسه وتصلح لاثنين

 

[اميره1980]

فدييتج اميرة احب مواضيع =)



لبنان حلوة وتصلح حق 4 ايام

تسلمين حبيبتي من ذوقج

 

[اميره1980]

بنات شجعتوني على جزر المالديف
بسوي سيرج عنها و اقولكم ان شاء الله

تسلم وحدة وحدة ردت على موضوعي وان شاء الله تروحون مع ازواجكم بكل المناسبات الحلوة

 

[سفيره الهم]

بنات سؤال عالم فراري اعتقد انه في بوظبي مو دبي صح

 

[اميره1980]

نسيت اقولكم بنات
انا ميزانيتي 1000 دينار يكفون حق جزر المالديف ؟

 

[um khaled]

طبعا احلى مكان العمره
...

اختي كانت رايحه منتجع بالبحرين وخذوا شاليه تقول كلاس وخدمه فندقيه وفيه جاكوزي

شوفي بموقع حجوزات

 

[^_^يالي احبه^_^]

روحي الكويت لا امزح هههههه الله يوفقج لما يحبه ويرضاه

 

[بولندية]

اميرة انا ذيج المرة رحت السفريات علشان المالديف و ميزانيتي الف دينار بس سعر التذكرة للشخص الواحد 300 دينار ومع تذكرة ريلي يعني 600 ورفيجتي رايحة لها قالت مافيها اسواق وجذي اتوقع 400 تكفي بس ريلي ما رضى قالي ﻻ ما تكفي يقولي ابي فلوسنا تكفينا و زيادة و الرحلة ماذكر جم ساعة قالت تقريبا 7 او 8 ساعات. ريلي قال ما يسوى الرحلة بعيدة وعلى 4 ايام مع اني ميته عليها بس انتي شوفي و سألي واذا رحتي قولي لنا علشان تشجعينها وحطي موضوع علشان اوري موضوعج ريلي يمكن يقتنع والله يوفقج و يرزقج الذرية الصالحة