سفرتنا المباشره لامريكا .. (كروز - ميامي & اورلاندو)

[منجامور]

كملي كملي

انا اتحمست

ننتظرش

 

[>>sHy<<]

شكلها خوش سفره ..,
متابعين حبيبتي ..,

 

[ام رغودة]

يونس تقريرج وطريقة العرض وامتابعينج

 

[شهدQ]

لايوقف لايوقف لايوقف

عاشـــــــــــت

 

[doll2008]

الحمدلله على السلامة عليكم بالعافية حبيبتي كملي متابعينج

 

[زيـنـه]

التقرير المباشر روعه

معاج على الخط

و عليكم بالعافيه

 

[أسرار الطبيعة]

متابعين وبشغف ، وقلوبنا معكم .

 

[اوركيدا]

انا اللحين توني صار لي يومين باورلاندو .. يعني توني مخلصه الكروز .. عشان جذي قاعده انزل لكم بالتقسيط .. اليوم ببتدي اكتب التقرير اللي عن الكروز ..

اول شي حبيت اشكر كل البنات اللي ردوا .. او بالنسبه للصور صج مخربه التقرير للأسف .. لكن لوتشوفونها عدل وايد حلوه او ماحبيت اصغرها عشان ماتضيع التفاصيل اللي فيها .. لكن عشان تقريري يصير ارتب او اسهل حق العين من الحين او رايح كل الصور باذن الله بنزلهم صغار ..

حاولت اختصر الموضوع عشان يسهل عليكم بس مو قادره لانه في معلومات وايد او كلها مفيده
اول شي بعطيكم فكره عن الرويال كاريبيان ..
اهيا شركة خطوط عالميه .. تطلع من اكثر من عاصمه من عواصم العالم مو بس امريكا ..
لكن طبعا امريكا اهيا الوطن الام لها ..
هالخطوط تشمل اسطول من البواخر (كروز) .. منهم
Freedom of the sea
Marine of the sea
voyager of the sea
والكثير الكثير .. احنا باخرة رحلتنا كانت ..
Liberty of the Sea

مثل السيارات كل وحده مويدلها بتاريخ صنعها .. بواخر الرويال كاريبيان نفس الشي ..
او كلهم يتشابهون من ناحية المرافق لكنهم يحاولون يحسنون كل سنه احيانا يوسعون الغرف او الممرات .. او يزيدون Activity او جذي ..



اول شي للي يبي يحجز الكروز يدخل موقع الرويال كاريبان ياخذ فكره ..
او بعد اختيار الخط اللي يعجبكم .. عندكم 3 طرق لحجز رحلة الكروز .. اول شي عن طريق الموقع الرسمي لشركة رويال كاريبيان ..
الطريقه الثانيه الحجز عن طريق الاتصال باقرب مكتب لهم في دبي ..
الطريقه الثالثه الحجز عن طريق مكاتب السياحه او هذي الطريقه اللي سلكناها احنا ..

رحلتنا كانت .. من الفندق ناخذ تاكسي لميامي بورت .. او فالصوره تشوفون مكتب الرويال كاريبيان .. او لهم مرفأئهم الخاص .. او احيانا لما تروحون تشوفون كروزات كل الشركات صافه يم بعض ..

بعدين انروح للترمينال الخاص فينا ..

من شركة السفريات اللي حجزنا منها .. عطونا ارقام غرفنا او تاقات نحطهم على الشنط .. فيهم اسمنا او رقم غرفتنا او لون معين .. عشان بس ننزل بالميناء ياخذون الشنط ويوصلونها لغرفنا على طول ..

بعد مايخذون شناطنا ندخل او الاجراءات نفس المطار تكون بالضبط

بعد مايشوفون الجوازات واستمارة الدخول .. ندخل حق الـCheck In كلا بحسب الدور اللي اهوا ساكن فيه يعني احنا كنا ساكنين فالدور العاشر .. كان لنا احنا والدور التاسع صف بروحنا .. يعطينا بطاقتنا اللي اهيا بمثابة كردت كارد لنا على متن السفينه نفتح فيها الغرف .. نشتري فيها اللي نبيه من المحلات الموجوده بالسفيه او بالجزيرة التابعه لهم Lapadee Tahiti
او بهالبطاقه بعد نطلع او ندخل من السفينه هالبطاقه وايد مهمه او اذا ضاعت بيشترون بفلوسكم فحرصو عليها ..

بعد هالاجراءات ننطلق للسفينه الغرف يعطونا اياها الساعه 1 الظهر اذا وصلنا قبل نقدر نصعد الطابق الـ11 للغدا .. والغدا مفتوح لي الساعه 3 ..

يتبع

 

[اوركيدا]

انا في احباط شديد !
توني كملت النص الثاني من هالجزء او حملت الصور او راح كلشي!!!!
طفى اللاب توب او تمحى .. باطلع اتغدى او لي رجعت بكمل ان شاءلله

 

[*الزينه*]

:0bee2e8d89:​

 

[أميرة الورد]

ليش مو طالعه لي الصور

 

[أميرة الورد]

طلعت الصور التقرير رووعه مرتب وشرحج واااااااافي ماشالله الله يرجعكم بالسلامة ان شاء الله

 

[toot^o^mishmish]

كل الي اقدر اقوله ماشــــــــــــــــــــ:ggdw:ـــــــــــــــــــــــــ:ggdw:ـــــــــــــــــــــــــا الله صج صج روعة وصورج وايد اتيييين
الله يهنيكم يارب ويتمم عليكم باجي الرحلة :yaaaaaarb:....
متابعينج

وموفقة يارب:aha:

 

[@Miss Dio@]

التقرير راقي ومو طبيعي تسلم ايدج يا حلوه واللك مسافر ياقلبي عشان جذيه ماكو ردود

 

[fĂňţąşŧĭĊ«3]

تونى اشوف تقريرك وتسلمين عالتقريرواحنا متابعينك من تجمع المسافيرن امريكا وكملى وبالتوفيق

 

[malekatsabaa]

وااااااااااااااااو

تقريرج اكثر من روعه..
توني اقراه..
انا بس قريت اول صفحه ما مداني..بس قاعده اكرف ورا هاليهال ..او طالعين ..
انا الحين مو فاضيه بس افضى بقعد اجابله وبرد عليج!!
بس امبين انه حلو.

 

[chocolate cake]

واااو روعه ذكرتيني بسفرتي لما كان عندنا اجازة


يالله ناطرين الباجي

و عليكم بالعافيه

 

[keeka]

روعععععععه خوش تقرير يسلموو على الصور يستاهل التثبيت

 

[أمواج البحر]

ماشاء الله عليكم بالف عافيه

كملي متابعينج

 

[NoWay2know]

عليكم بالعافية