سفرتنا المباشره لامريكا .. (كروز - ميامي & اورلاندو)

[اوركيدا]

اول يوم ندخل فيه .. بعد مانرتب اغراضنا بالغرفه ..
فتحنا التلفزيون على قناة اسمها RTV وحجزنا رحلاتنا بكل الجزر ..
وصلتنا التذاكر ثاني يوم الصبح ..

هالطريقه اسهل طريفه .. الطرق الثانيه ..
اما عن طريق مكتب السياحه اللي حجزنا منه الكروز ..
او عن طريق موقعهم الرسمي ..
او من اللوبي فالكروز .. اللي يقع فالدور الخامس .. فيه قسم خاص اسمه اكسبلور ..
لكن بنظري احسن طريق التلفزيون لانه حتى مقاطع من الرحله مصوره فيديو عندهم او كان كلشي سهل وايد او واضح ..

اول جزيره Lapadee Tahiti ..

هالجزيره شاريتها شركة الـرويال كاريبيان .. قبل لايشترونها كانو ساكنين فيها 200 شخص او يقال انهم كانو من اكلين لحوم البشر خرعونا! ..
المهم بعد ماشروها انتقلو فيها ناس وايد او صار عدد السكان فوق ال2500 شخص .. وفتحو فيها مدرسه او مستشفى كلهم يشتغلون تطوعي ..

بعدين بشرح لكم اكثر عن الرحلات في هالجزيره ..
الجزيره اللي بعدها كانت Jamaica .. Montego bay
طبعا جميكا غنيه عن التعريف .. صارعو وايد لين نالو استقلالهم ..
الطبيعه حلوه لكن الديره شوي تخوف .. قبل لانزل اللي يشتغلون فالسفينه كانو يحذرونا (لاتاخذون معاكم فلوس وايد , لاتتفرقون, لاتبعدون عن القروب)
الحشيش والمرجوانا ينباع فالشوارع ..!
الميناء انسب مكان للتسوق في جميكا .. ارخص العروض او نفس البضايع ..
بشرح عنها باسترسال اكثر بعدين ..

المحطه اللي بعدها Grand Cayman
معروفه بالسلاحف واللخم ..
اكثر سكانها انجليز او اهناك اللي يشتغلون من كل انحاء العالم .. بس الاغلبيه انجليز
الغريب عندهم انهم يتعاملون بالدولار بس عليه صورة الملكه ..
بالنسبه للجزر اهيا الارتب والانظف والارقى ..

او اخر محطه Cozumel Maxico ..
المكسيـــــــــك غنيه عن التعريف .. بشرحها بوقتها .. مع رحلاتها ..

اول يوم كان ممتع قضيناه في استكشاف الجزيره ..
مهتمين بادق التفاصيل لانهم في منافسه مستمره مع الشركات الثانيه ..
والرويال كاريبيان معروف انه دائما فالطليعه

اول شي صعدنا الطابق الـ11 .. فيه حمامات السباحه ..

جوني روكت .. والاركيد (صالة الالعاب) .. الاركيد بس يتعامل بالفلوس الكاش .. عشان اليهال مايلعبون ويي البيل طويل حق الاهل ..
جوني روكت للوجبه ياخذون 3 دولار .. لكن فيه بوفيه مجاني فالدور ال3 ..
في هالدور جلساااات وايد حلوه ومنظر الغروب كان روعه ..

وفوقه في انشطه مثل السرفينق والكلايمبنق او قولف ..

بعدها فالطابق الخامس شارع طويل .. فيه مطاعم او كوفي شوبات او محلات ..

او حلاق

المحلات فيها سوفونيرز من الجزر اللي نمر عليها .. بوستكاردز .. سوفونيرز من الكروز نفسها ..
متجر للكحول .. جينيرال ستور ( محل عام ).. محل مجوهرات او ساعات .. محل عطورات او مكياج .. محلات شناط مثل Guess and Lacoste وفيه جزء سوارفسكي

يتبع

 

[اوركيدا]

hanna montana .. شكرا حبيبتي

ام خلودي .. انتي الاروع حبيبتي مشكوره

حلاوه .. ان شاءلله تروحون وتستانسون وتدعين لي ..
ان شاءلله دزني يايه لما نوصل اورلاندو .. الله يعافيج

ار اند ان ستور .. الله يرزقكم سوون ان شاءلله ..
بجرب طريقتج

كويتيه اصيله .. اكيد مانسيت وان شاءلله البرنامج بالكروز كله يايج ولا يهمج

ام عفاف الكويت .. ليش تعلق؟

اسواره .. الله يعافيج مشكوره

سويت 88 .. الله يعافيج مشكوره حبيبتي

منووووووووله .. مشكوووووره بعد عمري

ام مضاوي .. وانا بعد استانس بطلاتج

ام خالد الله يعافيج

 

[منوووووله]

وااو متابعه ياقلبي معاج

 

[جكورة]

حمدلله على سلامتج أوركيدا... :stars:

تبارك الرحمن تقريرج مميز ومشوووق :eh_s(15): .... شوقتينا على السفر لأمريكا بس مالي أمل أسافر لها أولا أخاف من المسافات الطويلة بالطيارة وثانيا أخاف من السفن عقب سفينة تايتينــــك :O_SHH_:
أجل أقعد ببيتي أبرك لي...:dddds:

مشكورة حبيبتي على الصور

ومتابعــــــة معاج.... :eh_s(15):

 

[ترانيم العود]

مبروووووووك على التثبيت وانشالله تردون بالسلامه

 

[ام الشيخه]

عليج بالعافيه ومتااااااااااااااااااااابعه التقرير الحلو

 

[$غــ(ز)ــل$]

شووووووقتيينا اكثر لامريكااا

متااابعين حبيبتي

 

[اوركيدا]

حمدلله على سلامتج أوركيدا... :stars:

تبارك الرحمن تقريرج مميز ومشوووق :eh_s(15): .... شوقتينا على السفر لأمريكا بس مالي أمل أسافر لها أولا أخاف من المسافات الطويلة بالطيارة وثانيا أخاف من السفن عقب سفينة تايتينــــك :O_SHH_:
أجل أقعد ببيتي أبرك لي...:dddds:

مشكورة حبيبتي على الصور

ومتابعــــــة معاج.... :eh_s(15):

الله يسلمج حبيبتي مشكوره ..

بالنسبه للسفر بالطياره .. امي قبل كانت عادي .. فجأه صادها نفسج صارت وايد تخاف ..

مو بس من المسافه الطويله حتى القصيره .. تعرق او جسمها يرجف .. راحت حق دكتور او عطاها حبوب

والحمدلله ماشاءلله لااله الا الله .. كلش الرحله كانت عاديه لها .. تخيللي 7 ساعات تقريبا لي لندن او بعدها 9 ساعات لي ميامي .. عدت الحمدلله على خير ..

اما بالنسبه للسفينه .. تخيلي واحنا فالكروز كانو يحطون فلم التايتنك .. :dddds:
كلش مايخوف الوضع شارحين اجراءات السلامه عدل .. او ذيلاك اكثر شي ذبحهم البرد .. احنا بالصيف بينقذونا اسهل :dddds:

 

[اوركيدا]

منووووووووووله .. ام فهد .. ام الشيخه .. صبا وغزل
شكراً على مروركم ماقصرتوا .. :tek:

 

[د.شريفة]

عليكم بالف الف عافيه
صج روحه امريكا تعتبر سفرة العمر
ناطرين التكمله

 

[Queen-q8]

ماشاء ولا اله الا الله خوووش سفرة الله يتمم عليكم بالسفرة ويتم وناستكم على خير ان شاء الله

انا رحت للمسافرون عشان اشوف موضوعج هناك وكنت ابي ارد عليج بس ما لقيته انتي لج نفس النك نيم والا غير والعنوان نفسه ؟؟؟

عموما تخطيطيج ما شاء الله تبارك الله وايد حلو نفس فكرتي بس انا اذا الله راد بالسنة الياية مفكرة اروح بس محتارة بين شرق او غرب امريكا يعني بالصيف فاعتقد اورلاندو وميايمي وايد حر ويقولون رطوبة ومفكرة اروح كاليفرونيا احلى بس بالصرحة بتقريريك وخصوصا ميامي تقولين جوها حلو يعني ما في رطوبة او حر واورلاندو شلونها ؟؟؟بالجو ؟؟

بالنسبة للكروز كان جم يوم وجم تكلفته للنفر والاطفال جم وفيه غرف عائلية يعني زوجين وطفلين اقل من 12 سنه ؟؟؟

وجم تكلفتوا غير تذاكر الكروز يعني المصرفات اللي تندفع مو بالبطاقة وايد والا مو وايد ؟؟

وشنو احلى كروز هل البهاماز والا الكاريبيانز والمكسيك ومافي واحد يمر على البهاماز والمكسيك مع بعض لان جنه دورت بالموقع قبل فترة مالقيت رحلة شاملتهم يمكن بعاد مو بخط بعض ؟؟؟


شرايج بكروز ديزني اللي يروح جزيرة ديزني ما شفتي لها دعايات هناك واهيا بس تكون لجزيرة ديزني والا ممكن الجمع بينها وبين رحلة ثانية يعني تسوى لليهال ؟؟؟


وايد عاجبتني فكرة الكروز وايد تغيير وونيسة واعتقد اليهال بيستانسون بالمسابح والاكتفيتيزز

 

[Queen-q8]

أبشرج لقيت موضوعج هناك وراح اروح ارد عليج بصراحة تستاهلين التشجيع وايد مفيد تقريرج ما شاء الله وايد حلو

 

[fona]

متابعه

اوركيدا عليكم بالعافيه خووووش صور

 

[dectora 7elwa]

مشااااااااااااالله عليكم بالعافيه وعقبااااااااااااالناوالحلو مجهوذج الجباااااااار الله يهنيكم ويخليلج زوجك

 

[اوركيدا]

د.شريفه .. الله يعافيج حبيبتي .. صاجه والله صج روحة امريكا سفرة العمر

عموما تخطيطيج ما شاء الله تبارك الله وايد حلو نفس فكرتي بس انا اذا الله راد بالسنة الياية مفكرة اروح بس محتارة بين شرق او غرب امريكا يعني بالصيف فاعتقد اورلاندو وميايمي وايد حر ويقولون رطوبة ومفكرة اروح كاليفرونيا احلى بس بالصرحة بتقريريك وخصوصا ميامي تقولين جوها حلو يعني ما في رطوبة او حر واورلاندو شلونها ؟؟؟بالجو ؟؟

بالنسبة للكروز كان جم يوم وجم تكلفته للنفر والاطفال جم وفيه غرف عائلية يعني زوجين وطفلين اقل من 12 سنه ؟؟؟

وجم تكلفتوا غير تذاكر الكروز يعني المصرفات اللي تندفع مو بالبطاقة وايد والا مو وايد ؟؟

وشنو احلى كروز هل البهاماز والا الكاريبيانز والمكسيك ومافي واحد يمر على البهاماز والمكسيك مع بعض لان جنه دورت بالموقع قبل فترة مالقيت رحلة شاملتهم يمكن بعاد مو بخط بعض ؟؟؟


شرايج بكروز ديزني اللي يروح جزيرة ديزني ما شفتي لها دعايات هناك واهيا بس تكون لجزيرة ديزني والا ممكن الجمع بينها وبين رحلة ثانية يعني تسوى لليهال ؟؟؟


وايد عاجبتني فكرة الكروز وايد تغيير وونيسة واعتقد اليهال بيستانسون بالمسابح والاكتفيتيزز

هلااااااااا حبيبتي كوووين.. خل اقولج اول شي بالنسبه للشرق والغرب ..
انا لي رفيجه كل سنه يروحون كاليفورنيا والسنه بس غيرو اورلاندو وميامي ..
واااااااايد عجبتهم .. يقولون حياه اكثر من كاليفورنيا ..

بالنسبه للجو .. حار ورطب لكن طبعا مومثل جونا .. يعني الواحد يقدر يستحمله لكن اذا انتو كنتو كلش ماتستحملون الحر لاتيون ..

بالنسبه للكروز .. كلفنا احنا كلنا 7 وطفل 4 سنوات او طفل شهور 7000 دينار بحريني .. يعني الشخص يطلع اقل من الـ1000 بحريني بشوي .. يعني كويتي قريب الـ700 دينار ..
بس الاطفال ماعرف بالضبط بجم المبلغ اجمالي ..

الرحله مدتها اسبوع نطلع السبت او نرجع السبت ..

احنا فالكروز كنه نصرف بشكل مو طبيعي مو حاسين لانه البطاقه هذي تعطيج احساس كأنج ماقاعده تدفعين فلوس .. فانتو ديرو بالكم من هالنقطه .. 4 جزر اغلى رحله في كل جزيره ماتكلف اكثر من 100 دولار للشخص .. لكن في وايد رحلات ماتزيد عن 30 دولار .. بشرح بالتفصيل ان شاءلله بالجزء الياي من التقرير عن هالنقطه ..

احنا خذينا اغلى رحلات ..
وكنا كليوم نصور بالمصورين اللي بالكروز او نشتري لصور ماناخذ وحده او ثنتين ناخذ بالعشر يوميا سعر الصوره بين 10 دولار الى 20 دولار ..

بالسوق وايد تشرينا .. تي شرتات جناط كبابيس .. حتى مجوهرات ..
فالحساب يانا 4000 دولار ..

فانتي اذا رتبتي نفسج مابيكلف عليج وايد ..اتمنى وضحت الصوره

الباهاماز مافيهم فرق عن جزر الكاريبي ..
لكن رحله تروح الباهامز والمكسيك مافي .. لانهم طريجين مختلفيين
بس اذا بتسمعين نصيحتي .. في كروز قالولنا عنه واحنا اهناك .. يطلع من نيويورك ويوصل لي كندا ويمر كذا ولايه .. احنا تحسفنا اللي ماخذناه .. لأنه بالجزر اللي مرينا البرنامج كله بحر والسوق القريب يكون كله سوفونيرز .. فيعني على ميولكم ..

بالنسبه لكروز دزني .. اشجعج عليه وبشده:dddds:
اولا لأنه عيالج صغار .. ثانيا انتي خاطرج بالبهاماز واهما جزيرتهم وحده من البهاماز .. واااااااااايدحلوه رفيجتي من سنتين رايحه او حتى بشهر العسل رجعت راحت لانه وايد عجبتها ..

احنا كنا نبي كروز دزني لكن مالقينا حجز غير باللي تروح 3 ايام بس وحسينا ماتكفي حرام ..
فانتي توقيتج تمام حجزي من اللحين وكلشي بيطلع عليج ارخص .. احنا لو حاجزين بوقتج جان طلع علينا لسويت بسعر الغرفه اللي قعدنا فيها لما اخذناه شهر 4 ..

طولت عليج لكن انشاءلله اكون فدتج

 

[دمي خفيف]

يعطيج العافيه حبيبتي

متابعتج

 

[جكورة]

اوركيدا ووينج ناطرينج

 

[ام _خلودي]

ارروكيد رفيقه السفررر
جنطتى ضاااعت شنووو الحل

 

[قلم صريح]

شرايج بكروز ديزني اللي يروح جزيرة ديزني ما شفتي لها دعايات هناك واهيا بس تكون لجزيرة ديزني والا ممكن الجمع بينها وبين رحلة ثانية يعني تسوى لليهال ؟؟؟

ممكن اعرف يعني شنو كروز

وجم تكلف الرحله لفلوريدا ل 6 اشخاص شامله كل شي تذاكر وسكن وسياحه ومطاعم ؟؟

 

[supermarket]

تقريرج يشووووق

متاابعين التفاصيل والصور