سفرتنا المباشره لامريكا .. (كروز - ميامي & اورلاندو)

[اوركيدا]

اوركيدا تعرفين ozyee

heheheheh yes we are one

 

[كل الأسامي مأخوذة ليش؟]

واو الجو بالكروزشكلا مو طبيعي عليكم بالعافية
الله يخلي الصغير يشوووووق بالبدلة
لا يوقف

 

[dalprincess]

لايوقف لايوقف لايوقف

 

[malekatsabaa]

اوركيدا

عليكم بالعافيه والله يهنيكم!!

الموضوع وايد حلو ودقيق ومفيد..انا متابعتج الحين!!

 

[اوركيدا]

اول محطات الكروز ..

قعدت الصبح ولفيت على البلكونه .. المنظر كان روووووووووعه ..
على طول طارت النومه من عيني او بسرعه رحت عالبلكونه ..

الهوى كان وايد حلو .. والمنظر اينن .. الساعه كانت 7 او نص الصبح لما قعدت ..

طبعاً .. اول جزيره نزلنا فيها كانت Lapadee تاهيتي اللي قلت لكم من قبل انها تابعه حق الرويال كاريبيان ..
وكلشي فيها تابع للكروز .. حتى الشراء عن طريق البطاقه سالفت الذكر ..

الباخره توقف قريب من الشاطئ .. وتنقلنا العبارات( مثل اللي فالصوره) لي الشاطئ طبعا بسبب غزر الماي ..
العبارات دائما شغالين مايوقفون يوصلون ناس ويرجعون ناس ..

بعد الفطور احنا نزلنا ..
من ظمن الانشطه في هالجزيره ..
اولاً .. الجت سكي اللي احنا اخترناه ..
جوله مدتها ساعه تقريبا .. ياخذنا فيها قايد .. نمشي وراه ..

ياخذنا في جوله حوالي الجزيره .. في مرحله من هالجوله وقفنا شوي .. ويونا البياعين المحليين
يكسرووووووون الخاطر .. كلش فقاره .. او يطلبون اقل القليل .. وبضاعتهم كلها منحوتات او اشيا مالت الجزيره ..
اييون طبعا بقوارب خشبيه .. بسيطه جداُ وبعد مانشتري منهم يروحون او يوقفون لنا مكان اللي ننزل عشان نعطيهم لفلوس اذا ماكان عندنا ..

بداية هالجوله يدخلونا في غرفه يشرحون لنا عن الجت سكي وكل امور السلامه ..
في هالجزيره متوفره لوكرات ممكن نأجرها .. كاميرات تحت الماي .. عصائر (كوكتيل متوفر بدون كحول)

غير الجت سكي .. في قارب في اسفله قطعت جزاز نفس الدريشه .. ياخذ الناس في جوله ويشوفون الاحياء البحريه من هالجزازه .. بس اللي راحو ماشجعونا وايد .. قالولنا في باقي الجزر في اشيا اكثر تنشاف وبالفعل خصوصا المكسيك وان شاءلله يايتكم التفاصيل فاليوم المخصص للمكسيك

المهم .. في باراسيلنق .. اللي اهوا المنطاد الهوائي اللي يسحبكم القارب من البحر ..
واااااااااااااااايد حلو .. تعيش شعور التحليق فالهواء ..

في مساحه مسوره فالبحر خاصه للسباحه مجانيه او في مساحه ثانيه يندفع لها فلوس فيها العاب وايد للأطفال ..

في رحله جوله تثقيفيه فالجزيره .. ماانصح فيها لانه الجزيره مافيها شي من تاريخ غير اللي ذكرته لكم ..

فيه بوفيه غدا مجاني .. كله باربيكيو او سلطات او هالسوالف ..
او برنامج ويا الغدا او ناس يرقصون ..

او في باص صغير .. ينقل الناس من الشاطئ لين السوق .. وطبعا السوق صغير او كله بضاعات صناعتها محليه

وعلى فكره ماتحتاجون الباص لانه المسافه مشي اقل من 10 دقايق .. احنا جربنا الاثنين ..

و من اهم الانشطه في جزيرة تاهيتي ..
الZip Line ..
تتعلق في شي نفس او ينزلك من اعلى قمه فالجزيره لي شاطئ البحر ..
وايد حلووووووووووو .. وهذي مقطع من اليوتيوب ..

http://www.youtube.com/watch?v=w5inyAbL2T0

قبل لاننزل يكون محدد لنا وقت الوصول او وقت الانطلاق .. فاي وقت نشبع من الجزيره نركب او نروح السفينه بالعباره ..
ونبتدي نستعد لجولتنا فالكروز
.. بعد ماسبحنا .. رحت استكشف ولقيت مكان الانترنت ..طريقة الانترنت كانت .. انه نمسح بطاقة غرفتنا "سالفة الذكر" نفس طريقة الماستر كارد ..
فيطلع لنا اختيار .. الوقت اللي نبي نستخدم فيه الانترنت يعني الدقيق تكون بـ55 سنت على مااذكر! ..
الساعه ب23 دولار ..
ويوصل لي 99 دولار .. نسيت بالضبط لشكثر .. بس اللي فهمته انه كل ماشريت مره وحده عدد اكثر يكون شوي ارخص ..
لكن عموما سعر الانترنت كان وايد غالي لكن الزين فيه ..
انه بمجرد انه الواحد يسوي له اكونت يقدر يشبك بهالاكونت من جهازه الخاص .. يعني يصير له مثل الواير لس .. لكن الحسابه تحسب

التلفون فالكروز الدقيقه لأي دوله بالعالم 7 دولار .. غالي بالنسبه للاتصالات من امريكا .. لانه الـ5 دولار تعطي ساعه او نص تقريبا للخليج ..

عالعموم .. فالجزر في بطاقه اسمها كاريبيان ايلندز كارد .. ال24 دولار فيها 24 دقيقه .. وممكن استخدامها في كل الجزر اللي تمر عليها لكروز عن طريق التلفونات العموميه ..

هذي كله صار في يوم الاثنين .. 3 يوم .. اول يوم انطلاق ثاني يوم ابحار او ثالث يوم اول جزيره ..
فالليل نمنا مباشر بعد العشى كنا وايد تعابه! ..
بكمل لكم بأقرب فرصه ان شاءلله

 

[اوركيدا]

مشكوووووووووورين يابنات على تشجيعكم

ملكه اسعدني مرورج حبيبتي

 

[[Q8TYA]]

مشالله علييييكم بالعافيه

كملي متابعيييييييييين

 

[84 Miss Chocolate]

لايوقف لايوقف لايوقف لايوقف

 

[أساور]

مستمتعين الصراحة
كممملي

 

[nice-girl]

ماشاء الله
مو ناسيه شي
ياحلو البيبي لابس لبس الفورمال
انزين حبوبه تهقين تصلح الكروز حق بيبيات اخاف انا مفكره اخذهم بس اخاف
ابوهم يحذفهم بالبحر لانه شياطين اسم الله عليهم

 

[dalprincess]

ونااااسه الجزيره متابعين

 

[MiSs_ViSTa]

wooow 3alekom b2lf 3afyh na6rench

 

[daloO3a]

متابعه !!!
عجيبه الرحله شكلها ...
بس سؤال
كانت الرحله بالكروز من وين اي ولايه لي وين ؟
وبجم للشخص ؟

 

[bobo lover]

يا حلييييييلج يا اوركيدا .. تصدقين و انا اقرا و اشوف الصور قلت هالتقرير قاريته على العرب المسافرون
ترا أنا هناك و رادة على موضوعج .. و أعتقد بتعرفيني .. بهااء

ماشاءالله التقرير حلو و الصور أحلى .. تروحون و تردون بالسلامة إن شاء الله

 

[اوركيدا]

ثاني يوم ..
المحطه
Jamaica
وصلنا جمايكاااا متأخر .. تقريبا كانت الساعه 10
اشهر رحلات جمايكه
دانز ريفر ..
هالرحله تصلح للشباب ..
لازم تروحون بملابس السباحه ..
هالنهر اغلبه تسلق
يقع في منطقه اسمها
اوتشوريوس
تبعد ساعتين ذهاب او ساعتين عوده .. عن الميناء اللي ننزل فيه (مونتيقو بيه)
او مدة هالرحله ساعتين ..
النهــــــــر رائع .. او يستحق المسافه للكن للمعاهم اطفال مايصلح!

رحله ثانيه ممتعه في جمايكا
لكلايمبنق ..
بعد ماتنفع للاطفال
يربطونكم بالاحبال وتسلقون وتنتقلون من جبل لي جبل نفس طرزان
واااااااااااااايد ممتعه هالرحله ..

او في رحله جوله على الخيول ..
اما الرحله اللي انا اخترها فكانت جوله للتعرف على جمايكا ..
حسيت اني صج سافرت لها او شفت اهم معالمها في يووم واحد! ..
طريقة الذهاب للرحله
اول شي .. في جمايكا نوقف فالميناء .. يعني مانحتاج عبارات تاخذنا مينائهم بسيـــــط جداً لكن نظامه نفس المطارات ..
Check In عند الدخله
او محلات مختلفه فيها سوفونيرز
المهم اول مانوصل نتوجه لصالة الرحلات .. او يكون نفس المرشد السياحي بيده لافته
مكتوب عليها الرحله .. اللي حاجز هالرحله يوقف في صف عند هالمرشد
بالوقت المحدد فالتذكره يبتدون يركبونا فالباصات الخاصه برحلتنا ..
في كل باص مرشده تتحدث الانجليزيه .. تشرح لنا
بداية رحلتنا خذونا سوق ..
تنباع فيه المنتجات مالتهم
T-shirts خاصه بجمايكا
اشياء تحمل صورة بوب مارلي
سيجار بأنواعه
قمصان ميداليات كحول قهوه مشهوره قوهتهم
المهم في هالمرحله بالضبط ودعتني كاميرتي ..
طفى الجارج او نحرمت منها او كل الصور اللي بتشوفونها من اللحين يا من الانترنت او صورتها بكاميرت التلفون
او بالبدايه ماصورت من صدمتي بكاميرتي ..
جمايكا على الرغم من التحذيرات الكثيره اللي حذرونا منها
حتى المرشده قالت لنا انه ممكن ايينا احد يعرض علينا (مرقوانا او حشيش) على حد قولها انه اذا احد شرى الشرطه مابتمسك البايع بتمسك اللي قاعد يشتري
وصج الباياعيين شفناهم بعينا فالشوارع!
لكن جمايكا واااااااااايد حلوه كطبيعه انا شخصيا وايد عجبتني سبحان الله الالوان رااااااااااااااااائعه فيها كأنها لوحه
المهم
بعد انطلق الباص او خذونا عند قصر الساحره
هذي بيتها

هالساحره قتلت ازواجها ال3 ..
او اهيا مب من جمايكا
امها انجليزي او ابوها ايرلندي وعاشت اهني
ماتت عمرها 29 سنه
(قتلها اخر ازواجها .. تغدا فيها قبل ماتتعشى فيه)
واسطورتهم تقول انه روحها للحين ساكنه فهالبيت ..
او صار بيتها متحف يزورونه السواح .. بس احنا مادخلنا

المهم بعدين انطلقنا لسوق ثاني هالسوق مشهور بالالماس ..

مقابل هالسوق منطقه سكنيه رااااااقيه .. ممثلين امريكيين واايد شاريين بيوت في هالمنطقه ..
المنطقه جبليه لكن البيوت منظمه بشكل رائع
او مقابل منتجع كبير اسمه الهاف مون بعد مايسكنون فيه الى المليونيريه على حد قولهم دخلونا سوق فيه او عرضولنا فلم مصور
عن حياة بوب مارلي ..

شلون بدى او شلون كانت اغانيه كلها تدعو للحريه او ضد الاستعمار ...
او شلون مات ..
بعد هالمجمع خذونا في جوله بالداون تاون .. لكن مانزلنا من الباص شفنا المنطقه بس .. Again لانها خطره
او بعدين رحنا لمنتجع فوق الجبل .. شربونا عصير او نزلونا نصور .. المنظر رائع من فوق

العصير كان مجاني او خالي من الكحول ..
بعد تقريبا نص ساعه في هالمنتجع
نزلنا لسوق شعبي بالقرب من الميناء ..

منطقه واااااااااااااايد فقيره او الباعيين حنانيــــــن .. او معظم منتجاتهم منحوتات خشبيه على شكل بوب مارلي او اشكالهم اهما
بعدين توجهنا للميناء واكتشفنا انه كل اللي شريناه فالميناء واااااااااااااااايد ارخص

المهم واحنا فالباص مرينا على احياء جدا فقيره .. معظم البيوت مافيها حتى كهربا واللي فيها كهربا تكون مهربه ..
الديره على جمالها لكن المخدرات منتشره عندهم بصوره كبيره ..
لكنهم يكسرون الخاطر وايد فقاره ..
لحظنا انه معظم البياعيين في كل مكان اما هنود او صينيين ..
لانهم اهما المستثمرين او اهما اللي يبيعون فالجاميكي ماعنده شغل يشتغله!

بعد ماصعدت السفينه كنت وايد يوعانه .. رحنا على طول نتغدى في جوني روكتس او لانه تقسمنا بين الرحلات ..
فقعدنا نسولف لبعض باللي شفناه
انا شخصيا وايد استمتعت برحلتي على الرغم من حزني لفقدي كيمرتي مع المناظر الرائعه اللي شفتها
لكني صج حسيت اني سافرة لجاميكا او شفت جزء كبير منها
وتعرفت على اشيا وايد فيها

 

[اوركيدا]

متابعه !!!
عجيبه الرحله شكلها ...
بس سؤال
كانت الرحله بالكروز من وين اي ولايه لي وين ؟
وبجم للشخص ؟

هلا حبيبتي ذكرت ببداية التقرير ..
تطلع من ميامي او ترجع ميامي او كل الجزر مو بالولايات .. برى بالكاريبيان ..
الشخص بـ2200 دولار او يختلف السعر كل ماجدمتي بالحجز

مشكووووووووووورين يا بنات .. وبهاء :tek: جياج الله حبيبتي

 

[اوركيدا]

ماشاء الله
مو ناسيه شي
ياحلو البيبي لابس لبس الفورمال
انزين حبوبه تهقين تصلح الكروز حق بيبيات اخاف انا مفكره اخذهم بس اخاف
ابوهم يحذفهم بالبحر لانه شياطين اسم الله عليهم

هلا حبيبتي ..
تصلح في وايد برامج لهم ..
لكن اذا حذفهم مابتلاقونهم بوسط المحيط :dddds:

 

[supermarket]

متااابعين

تقريرج مشووق وصج حسافة طفت الكاميرا

 

[عسولة الكويت]

لايوقف لايوقف
بصراحه تقرير ولا اروع عليكم بالعافيه ان شاء الله وتردون بالسلامه

 

[cat_q8]

لاااااااااااااااااايوووووووووووقف
لاايوقف
كملي حبيبيتي