$$ سفرتي الى اسطنبول وبورصه صيف 2008 بالصور $$

[اصايل]

ماشاء الله تقريرج شحلاته ويشووووق _الله يعطيج العافيه

 

[ام طلوق]

يعطيج الف عااااااافيه على التقرير الحلوووووو
وحنااااا متااااااابعينج .... على احر من الجمر .....​

 

[bambena]

سوري بنات انا سافرت وتوني راده

تابعوني

 

[bambena]

شكرا لمتابعتكم


اليوم اللي بعده واحنا نتمشى في منطقه السلطان احمد لقينا الباص اللي يسوي جوله سياحيه وقلنا نركب نشوف

الباص يمشي من جدام ايا صوفيا والتذكره للشخص 20 يورو

طريقته لما يوصل مكان مثل متحف او مسجد وتبون تدشون تنزلون منه ويمشي الباص وكل نص ساعه ايي باص ثاني فانتي تركبين اي باص ايي بعد ماتكونين خلصتي من هالمكان

 

[bambena]

هذا المكان اللي ينطلق منه الباص

 

[bambena]

اول مكان رحناله محطه قطار اسطنبول القديمه

الحين مسكره بس مره وحده بالسنه تمشي منها رحله وحده لباريس في تاريخ محدد

[/url][/IMG]

 

[bambena]

طبعا الحين عندهم وحده غيرها كبيره هذي مخلينها تذكار بس

احلا شي فيهم ان ديرتهم كلها تاريخ ووايد معتزين بحضارتهم

 

[bambena]

بعدين وصلنا لجسر جالاتا Galata Bridge

الجسر فوقه كله صيادين وتحته اشكالو وارناق من هالمطاعم من اوله لي اخره والمنظر طبعا عجيب وانتي قاعده بالمطاعم اللي تحت

اذا تلاحظون من بعيد مبين برج جالاتا Galata Tower برج قديم تركبون فوق تشوفون اسطنبول كلها وفيه مطعم وقهوه

 

[bambena]

 

[bambena]

الحمامات التركيه مشهوره جدا هناك ولا يطوفج لازم تجربين







محطتنا اليايه دولمه باشه سراي

قصر وايد حلو نزلنا فيه وتفرجنا عليه







ماعندي له صور للاسف

خلصنا منه وركبنا الباص اللي يا عقب باصنا

 

[bambena]

بعدها توجهنا الى ميدان تقسيم

[/url][/IMG]

هذا فندق مرمره

[/url][/IMG]

[/url][/IMG]



طبعا ممكن تنزلون في تقسيم وتتسوقون في ش الاستقلال المشهور وتركبون الباص اللي بعده عشان تكملون الرحله





تابعوني

 

[سراج الليل]

بامبينااااااااااااااااااااااااااااااااا رووووووووووعه الصور بس بليز أبي المولات فيها شغلات حلوه يعني جناط حلوه والجاكيتات منين اشتريهم واهم شي أسعار الجناط والجاكيتات غاليه أو رخيصه

وابي أحلى شي فيها يعني أول اروح بورصه او اسطنبول ؟؟؟؟؟؟


صج سمعت في عندهم منطقه بارده حيييييييييييل ماتعرفين شنو اسمها ؟؟؟؟ رحتوا للريف ؟؟؟؟؟؟؟؟؟ إذا رحت أخذ معاي جاكيت وإلا مايحتاج ؟؟؟

لأني بعد 3 أيام ان شالله بروح

عفيييييييييييييييييييييييييييه لاتأخرين علي بالرد

 

[bambena]

انا والله رحت اسطنبول شهر 6 ورحت بورصه يوم واحد بس الصبح بالعباره ورديت بالليل وحطيت الصور مالوت بورصه وشهر 2 رديت رحت اسطنبول بس مادري انا استانست فيها اكثر

مري المولات ماكو مشكله بس ركزي على البازارات اونس واحلا

الخواتم تشترينهم على 5 دنانير ولا اقل وتوني اليوم شايفتهم بالبوتيك اللي يم دري مارينا مول على 27 تبيعهم حتى سالتها ملوت تركيا قالتلي اي

تدعسي بهالمحلات ملوت البازارات تلقين اشكال والوان السوارات اليلد والخام الهبه هني تلقينهم هناك على دينار ودينار ونص وعندج منطقه ارتكوي اللي حطيتها باول التقرير هم عندهم بازارات خاصه السبت والاحد سالي عنهم



اما بالمولات نفس محلاتنا بس عندهم محل ايبيكول ومحل ثاني رومان حلوين ولا الباجي نفسنا

 

[bambena]

نكمل معاكم رحلتنا السياحيه بالباص

 

[bambena]

من المناظر اللي مرينا عليها






هذي كنيسه بنوها من الحديد الصلب بليله وحده بس

 

[bambena]

هذا ضريح اتاترك ومادري منو

[/url][/IMG]

 

[bambena]

هني سور المدينه لي الحين موجود محاوط اسطنبول ويسوون دايما مهرجانات بهالمكان

 

[bambena]

مطعم درويش في منطقه السلطان احمد

حلو مكانه ويطل على منظر عجيب بس اللي تخاف من القطاوه ماراح تحبه





هذا المنظر اللي قبال المطعم

 

[bambena]

بنك الكويت وتركيا

 

[bambena]

احباط انتوا ماكو ردود