سفرتي الى روسيا :)

[بحر الرمال]

فن المعمار عندهم رااااااااقي

الباليه اللي حضرتيه حق فرقه البولشوي؟

 

[شيهانه]

واي فن المعمار عندهم شي ثاني .. صج عليكم بالعافيه وشوقتونا ان شاء الله ربي يكتب لي ازورها

 

[لمووو]

ماشــالله حــــــــــو تقريرج

الحمد لله على السلامة

ومتااااااابعين ولا خلص التقرير

...

 

[يالبا قلبي]

وااااااااااااااي خوش تقرير
شكل روسيا ونيسه صج
بس بسألج شلون الغلاء عندهم يعني نفس مستوى اوربا ولا هم بعد اغلى ؟؟

 

[عيون كحـال]

وااااااااااااو


خوش صور وخوش تقرير


والله يعطيج العافيه

 

[bobo lover]

مشكورة عالتقرير و الصراحة روعة.. لكن اختي ابي اعرف السكن شلون هناك و كم سعر التذكرة للشخص .؟

 

[moon@q8yat]

بعد عمري بنات مشكورين على الردود :****
والسكن هناك غالي جدا جدا بس احنا ساكنين في بيت السفاره
وغلائهم بنسبه لي اغلى من اوربا
بس الصراحه ديره تستاهل ينراح لها

وسامحوني على الغيبه بس تدرون رمضان وزوارات
بحاول احط لكم اكبر قدر ممكن
انا كل ما اقول بختصر من الصور اقول حسافه ف شكثر صور عندي
وما يغلون عليكم

 

[Lemon Juice]

يعطيج ألف ألف عافيـه

تقرير ممتع

والله عيشتينا الجو .. حسيت نفسي قاعده بروسيا

رووعه ما شاء الله كل الصور حلوه

الله يكتب لنا ان شاء الله و نزور هالديره

ومتابعينج

 

[moon@q8yat]

نتابع كرملن او الرد سكوير

اذا في عماره تنبني او بيت او محل او مجمع يغطون البنيان بهذا البوستر عشان يحافظ على جمال المكان


كان بيطق مطر وكات خفيف بس السما تبشر بالخير

هني طق المطر ومو اي مطر ما شاء الله القطره الوحده شكبرها

 

[moon@q8yat]

صور الحديقه اللي يم الرد سكوير
طبعا رحنا لها بيوم ثاني
نافوره الدخله للحديقه

هذا قصر الحكم من اللي يمه كانت الكنيسه بس هذا من صوب ثاني

مناظر حلوه

نفس القصر بس من زاويه ثانيه

الورد يفتح النفس

 

[moon@q8yat]

بحط لكم بعض الاسواق والمجمعات اللي رحنالها

هذا مجمع اسمه يورب او الاوربي حلو نفس الافنيوز كل شي فيه وهذا الشي اللي شدني فيه



وهذا احنا انسميه سوق الكويت (المباركيه ) سوق حق الطبقه الفقيره عندهم واحنا رحناله بوقت غلط رحنا بالويك اند كان زحمه مو طبيعيه ويخزونا خز ما قدرنا انشوف شي او حتى نشتري شي عاد شفنا فوريرات واااايد حلوين وكانو رخاااص على 500 بنسبه حق سعرهم بره يبيعينهم دبلات


هذا جاكيتات جلد شكلهم chep بس مصنوعين من جلد اصلي

انا بغيت اخذ الابيض حق عرس الغفله بس بنت عمي قالت لا تستعيلين

هذا الجينز مو غريبه عندنا

لا تعليق

 

[moon@q8yat]

هذا السوق اسمه ميقا صغير بس يونس

احلى جيز كيك كليتها بحياتييييييييييييييي كل ما اروح مكان بالكويت او حتى تركيا اطلب بس ما مر علي مثلها هذي كليتها بميقا من سبارو


هذا السوق اسمه لوجينيك مترو
هذا رحناله 3 مرات
صج صج اينن عندهم فناتق حلوه وجناط غريبه

هذا منظر السوق

 

[.]

احلى شي اللي بالصوره الاخيره معاكم بالسالفه خخ..

متابعينج..

 

[Lemon Juice]

وااي ونااسه

متابعينج لي النهايه وان شاء الله ماتكون في نهايه لوووول

لانه السفره صج صج رووعه ما شاء الله عليكم بالعافيه

 

[rawona]

يعطيج العافية ..خوش تقرير وخوش سفره ..

امووت على السفر والدول الغريبه والبعيده بس روسيا اخااااااااااااااااااااااف اروحلها .. احس الدول الشيوعية خطره علينا لووول

ناطرين المزيد :tek:​

 

[moon@q8yat]

حياكم الله بنات

روونه احنا قبل ما نروح خوفونا وقالولنا ديرو بالكم والله يعينكم بتروحون روسيا وكلام لا له اول ولا له اخر بس رحنا عادي وكانو مستغربين منه بس عادي احنا حاقرينهم

واتوقع بعد جم سنه راح تكون دوله سياحيه

 

[moon@q8yat]

وبنات ترا انا تقريري بيطول لاني كنت قاعده هناك شهر ونص تقريبا و مصوره كل شي وابيكم تشوفون كل شي وتعيشون الجو

 

[moon@q8yat]

بنات ترا انا تقريري بيطول لان انا قعدت هناك شهر ونص ومصوره كل شي ف ماني باخله عليكم بالصور

هاذي جمعيه او سوبر ماركت يعتبر من اغلى السوبر ماركتات اللي بالعالم حتى من داخل طول ما احنا ماشي كله زخارف بالسقف شي مو طبيعي ما انتبهنى للمنتجات كثر ما احنى بس انطالع السقف بس وااايد غاليه مرت عمي شرت علبه لبنه طلعت حول 11 دينار كويتي

وصورتها لكم من بره لان ما يصير ادخل واصور


كاكاو على صوره بنت

 

[.]

وناسه ..

متابعينج @@

 

[بنت عبدالغني شربت]

خوش صور مون يعطيج العافيه لا يوقف لايوقف :ggdw: