اتجهنا للمطار وكانت قاعده تمطر
طرنا مره ثانيه على طيران الاير برلين
وكانو يعطونه سندويشات وعصاير
ملاحظه حبيت اصحح لكم معلومه انا ذيك المره قلت لكم قيمه التذكره كانت 70 دينار من فرنسا ليه ميونخ
بس لا طلع من فرنسا ليه ميونخ 30
ومن ميونخ ليه ايطاليا 30 دينار للشخص الواحد
اذكر بهليوم كنا قاعدين بالمطار اختي راحت شرت بفك والكل كله منه اشوه اني انا كنت احوس بالسوق بعيد
ولا يطلع بفك بلحم الخنزير والله ضحكت عليهم وكانو قصب يبون يوكلوني اياه لوول
وصلنا مطار ميلانو وكان شبه فاضي
الشوارع كانت فاضيه
ماكو احد
ظلمه
جنها مدينه رعب
راعي التاكسي الي وصلنا قال لنا انتو ليش يايين بهلوقت السوق يصكر ومحد يقعد بميلان هلحزه
اليوم الي طبينه فيه كلشي كان مصكر يوم 15_8
سمعت باكثر من منتدى بهشي انه كلشي يصكر ويكون عندهم تصفيه تقريبا لمده اسبوعين يعني ليه 1_9 وكنت اقولهم هشي بس كانو يقولون مو معقوله عطله صيف وجذي..
وبعض المحلات كانت تصكر بس 3 ايام واحنا قاعدين بميلان بس 3 ايام..
والله ضاق خلقنا بهلخبر بس اشوه قال لنا انه اسوقه الاوت لت تكون مبطله..
فنصيحه الي يروح حق اكثر من دوله اذا شافو اي شي بخاطرهم اشتروه لاتقولون الدوله اليايه..
يتبـــع..
