هذي نسخه من رساله دزيتها حق نوت عن الاماكن الحلوه الي بالقاهره
بنسبه لاماكن طبع اول شي لا تطوفين المتحف المصري يبن واضح تقدرين تروحيله مشي اذا فندقكم يك النيل و يصير يم شارع طلعت حرب
شارع طلعت حرب هذا له اسم ثاني يسمونه وسط البلد همن تقدرين تروحيله مشي اذا حبيبتي و هو يصير كله اسوقه شارع طويل يمين و يسار محلات تحصلين فيه شغلات رخيصه و حلوه يعني حق الصوغ اخذي من هناك
سوالف قمصان نوم اذا كنت متزوجه محلات ملابس عمليه مثل شغلات بو خمسه عندنه محلات جناط و تكرمين جواتي و قطنيات يعني حلو روحي تفسحي فيه
المهندسين تحصلين اسواق بس انا ما اذكر و الله بالضبط الذاكره حدها اضعيفه
بنسبه للمجمعات لا تطوفين ستي ستار عجيب و سينمتهم التوب انا وريلي كل يوم نروح سينما و افلامهم حلوه مو مثلنه
و السوق هذا عوووووووووووووووود بس مو اكبر من الافنيوز بس يتعب بالمشي
فيه محلات كله ماركات مثل انيرجي و هسوالف روعه و يهبل و اسعاره ارخص من الكويت اهمه بنسبه لهم غالي و بنسبه حق باجي الاسوقه هو الاغلى
في مجمعات ثانيه حلوه و اسعارها معقوله مثل اركاديا مول داندي مول ستي سنتر المعادي
هذوله مجمعات حلوه و اسعارهم حليوه
و اذا حبيتي دراريع روحي كرداسه بس كاسريهم بسعر يعني يعطونج سعر عطسهم نصه ترى بوااااااااااااااقين لابعد الحدود يعني مثل قالج ميتين جتيه عطيه بو 100 جنيه جذي نضامهم
الاهرامات روحي ترى حده وناسه ما ادري ليش انا رحت من قبل مصر بس مارحت الاهرامات بس و الله ما حسيت اني رحت مصر الا لما رحت الاهرامات شعور حلو و مره وحده مرو على متحف احمد شوقي يصير يم الاهرامات
و بنسبه حق الدراريع في محل وايد حلو يصير ورى فندق سميرا ميس يبيع دراريع حلوه
بس ديري بالج ترى الي يبيع عيونه زايغه و قليل ادب فلا تدشين النحل الا و معاج ريال لأنه ريلي ذبحه طق الغذر
ركبوا مراكب بو جنيه الي عنيل ترى حدها وناسه
بنسبه للبواخر الي عنيل في باخره فيها جيليز ترى حدها تونس وفيها شيشه اذا كنتوا من شريبين الشيشه
بس ديروا بالكم من البواخر ترى اغلبيتهم وصخين وفيهم شرب و سكارا و هسوالف و رقص انا ما احب سألوا التكسي قولوله نبي باخره انضيفه مافيها خرابيط معنه و الله مافهم وحده انضيفه احنه مدحولنه وحده رحنه وصارت بلاوي يعني ما انصحج الا في باخره الي فيها جيليز هي باخره ثابته ما تتحرك بس روعه و الله وناسه و تقدرون تروحون لها مشي
لا تطوفين ملحق رمسيس يهبل يصير يم فندق رمسيس ترى عجييييييب عنده سوالف تقليد ماركات جناط و كعبات رووووووووعهه
بعد بعد اكيد ناسيه وايد شغلات و الله بس اذا تذكرت انشاله بقولج
روحو القري الفرعونيه تونس و روحي القلعه اسمها قلعة صلاح الدين الايوبي ترى وناسه روحيهم انا مارحتهم هلمره بروحلهم
اذا بتروحون ملاهي روحوا المدينه الاعلاميه فيها استوديوهات و العاب بنفس الوقت روعه
الاماكن الي نصيحه لا تروحينهم اذا رحتي بتنقهرين مثلي
الجنينه مول حده يلوع الجبد _ الاناطر بواقين و تلوع الجبد _ دريم لاند كله مال يهال ول ا شي يونس و كل اللعاب مصكرين مكتوب عليها صيانه
و حياج اي شي سألي لا تستحين
بتروحين مع منو ؟؟؟؟؟؟
