سفرتي لأوروبا بالصور و الصور و الصور

[أم أحلى جود]

الحمدالله على سلامتج وتقريرج حلو تقربيا انا سافرت نفس المناطق بس انترلاكن قعدت فيها 10 ايام ترى فيها فنادق حلوه والميزه الي فيها يمها وايد مناطق تقدرين تطلعين منها وتروحين لوزيرن تهبل وزيورخ وايفيان ومونترو انا بصراحه اعجبتنب انترلاكن ولوزيرن اكثر شي

 

[باونتى]

الصور واااايد حلوووه بس ياريت كنت مصوره الفنادق .. يعطيج العافيه حبيبتى

 

[ام _خلودي]

عليج بالعافيه

 

[كلي لك ~]

كملي متابعينج:ggdw::ggdw:

 

[شرطيه حلوه]

التقرير ينن ماشالله
مشكوووووووووووووووره

 

[اللوحة الناقصة]

عاشت عاشت OM 7o7o

ذكرتيني بمغارة الملح وناسة ايام :eh_s(6):

وتستاهلين تشجيع قوي على التقرير الحلو والصور الاحلى

:ggdw::ggdw::ggdw::ggdw::ggdw:

​

 

[أم عزيـز]

امبيييييييييييه تقريرج مو صججججججججججججج

ماشاء الله تبارك الله بالفعل تقرير روعه وتفكير حلو ومنظم في التنقل بين الدول
انا صراحه حاطه في بالي السنه اليايه اروح النسما وسويسرا
واطلع منهم على الدول اللي يمهم مثل فرنسا وسولفينيا
وصراحه تقريرج عطاني دااااااافع خاصه يوم قلتي ان سولفينيا قريبه على النسما بس 3 ساعات !! وايد حلوو

هذا الفندق كنا ساكنين فيه يوم رحت انا وزوجي يورو ديزني وهالكلام كان سنه 2004
كان 5 نجوم بس اينن واذا كنتوا ساكنين في هالفندق يعطونكم تذاكر فري حق دخول يورو ديزني طوال ايام اقامتكم
وهم تذاكر VIP علشان ما تنطرون دور

وانا حاطه في بالي اذا رحت النمسا ودي اسكن يا في كابرون يا سالزبورغ

وسويسرا انا رحت لها هالسنه بس ما رحنا جنيف كنا قاعدين في زيورخ وصراحه استانسنا فيها
ومرنا على لوزان ورحنا جبل تيتلس الثلجي وايد كان حلوو

وهم قاليه اذا بروح سويسرا راح احاول كثر ما اقدرادور سكن في انترلاكن او مناطق قريبه عليها لأنها الريف السويسري وانا صراحه غرامي الطبيعه

وعلى فكره ليقو لاند موجوده في المانيا مو النمسا وفعلا اهي بعيده عن ميونخ ساعه
رحنالها واستانسا وايد واليهال حبوها واحنا بعد

كملي تقريرج وايد استمتعت فيه

 

[شنووفه]

حمدلله عله السلالامه ماشالله الصور حلوه عطيتينه دافع نروحلها بس بغيت اسألج لمن اجرتو السياره كنتو مع سايق ولا برووحكم ومشكوووره :>

 

[Om 7oo7oo]

أولا سامحوني بنات على التقصير بغيت أكمل التقرير أمس بس زوجي الله يهديه أخذ الإيقو و راح القهوه و ما رد إلا متأخر ووهقني ، و آنا الفترة اللي أكون فاضية فبها بعد الفطور و أمس كان عندي زوارة ، بس ما عليكم اليوم ان شاء الله بخش الإيقو عنه و بفضي نفسي بالطول ولا بالعرض لازم أخلص التقرير اليوم و هذي وردة للبنات اللي متابعيني و ناطريني و لا يزالون :tek:

أم أحلى جود
زين فدتينا عن انترلاكن و آنا وايد عجبتني بس الفترة اللي قعدت فيها بسويسرا كانت قصيرة و اختيارنا للمكان اللي قعدنا فيه ما كان موفق يعني ما خططنالها عدل ان شاء الله المرة الياية أخططها وياكم

باونتي
ما صورت الا فندق نيو بورت بديزني لأن باقي الفنادق كنا نوصلها تعابى فما يمدي أطلع الكاميرة علشان أصور الا بناتي اسم الله عليهم محتلين المكان و عافسينه و ريلي يطالعني و يقولي حدددج فاااضية :eh_s(1):

أم خلودي
كلي لك
شرطية حلوة
اللوحة الناقصة
مشكورين على المتابعة و التشجيع :eh_s(6):

أم عزيز
احنا كنا بفندق نيو بورت باي ضمن الفيلاج و هم نفس طريقتكم عطونا تذاكر مجانية للدخول علشان جذي كنا ندخل و نطلع أكثر من مرة في اليوم .

شنووفه
العفو حبيبتي و بالنسبة للسيارة زوجي كان اللي يسوق و كنا شارين جهاز نافيجيشن من جارمن بالكويت و عليه خريطة أوروبا بصراحة عجيب ما تضيعين معاه أبد و لو مو داله المكان اللي بتروحينه يطلعلج اياه يعني توصلين توصلين بس لازم تنتبهون لشوارعهم لأنها معقده شوي و بالذات سويسرا ، الله يعز ديرتنا و شوارعها ، و حاولو انه سواقتكم تكون أكثرها بالنهار و الشمس لي الحينها طالعة يعني لا تظلم عليكم الدنيا لأن ما عندهم شبات و شوارعهم ظلمه بالليل .​

 

[أم@الحلوين]

عليج بالف عافيه وتقريرج ماشاللع روعه

نتابعه@@

 

[^زفاف^]

يسلمووووووو

 

[Zaina Al-Zain]

ماشاءالله تقريرج رووووووووعه الله ايهنيج

 

[Om 7oo7oo]

بناء على طلب الجماهير راح أكملكم تقريري ان شاء الله ، و بالنسبه لبعض الخوات اللي نصحوني أحط توقيعي على الصور جزاهم الله خير ، فللأسف ما عرفت أحطلي توقيع ، و ما أحلل اللي تنقل الصور من غير ما تذكر انها منقولة سواء مني أو من المنتدى و الحين نكمل :
في اليوم السابع لنا بكابرون طلعنا كشتة على ضفة نهر و تغدينا هناك و بعدها رجعنا البيت على أساس نروح سنتر زل أم سي بس الجو حبسنا بالبيت كان مطر و عواصف شديده أول مرة أشوف شي جذي بس هم حلو .
في اليوم الثامن: طلعنا رحلة لحديقة حيوانات صايرة على الجبل اسمها Wild Park و حوالينها شلالات و مناظر طبيعية و أخليكم مع الصور

[/URL][/IMG]

[/URL][/IMG]

[/URL][/IMG]





​

 

[Om 7oo7oo]

في اليوم التاسع رحلتنا كانت إلى .......

[/URL][/IMG]​

معرض شواروفسكي و صاير في منطقة اسمها Welten قريبة من منطقة Inssbruck و تبعد عنا تقريبا ساعتين و اسم المعرض بالضبط Kristall Welten مثل ما آنا كاتبته بالضبط و هذا مدخل المعرض

[/URL][/IMG]

و هذي مجسمات فنية مزخرفينها بالكريستال ( للعلم المعرض فني و يعتمد على الكريستالات و تأثيرها بالأعمال الفنية )

[/URL][/IMG]

[/URL][/IMG]

منو اللي تبي هالكريستالة _03BA:

[/URL][/IMG]

طوفة من الكريستال

[/URL][/IMG]

شجرة كريستالية

[/URL][/IMG]

[/URL][/IMG]

و بنهاية المعرض حاطين أشهر القطع اللي صنعوها من بداية شواروفسكي لي يومنا

[/URL][/IMG]
و قبل ما تطلعون فيه معرض كبير يبيع كل منتجات شولروفسكي القديمة و اليديده ، تلقون عنده كل الموديلات و بأسعار خيااااااااااال واااااااايد أرخص من اللي عندنا و عليهم تاكس فري بعد ما حسيت بعمري و آنا أخمط و أعلق السلاسل و القلوب بإيدي ما ارتحت الا لما طلعتلي ب 233 دينار .

 

[عبيطة ما تستعبط]

وووااااااااااااااوووو روعه


ونااااااااااااااسه بثراحه خوووش تقرير حلاته اتثبت التقارير هاذي

 

[Om 7oo7oo]

في اليوم العاشر لنا بكابرون طلعنا لمنطقة Krimml و بالتحديد شلالات Krimmlen و كان المكان روعة و الشلال من قوة دفعه بللنا بالكامل جنه قاعدين تحت المطر و هذي صور

[/URL][/IMG]

[/URL][/IMG]

[/URL][/IMG]


و بعدها ردينا و تغدينا بيتزا من فندق لاتيني ( اللي يروحون هناك يعرفون هالفندق )

في اليوم ال 11 رحنا مدينة ملاهي اسمها Wild land و بعدها تغدينا بسنتر زل أم سي و خذينا قارب لي البحيرة بس سامحوني ما صورت صور مفرغه على قولة زوجي

في اليوم ال 19 لنا من السفرة كلها اتجهنا لي ميونيخ حق التسوق و نزلنا بفندق Maritim قريب من السنتر

و هذي صورة النافورة المشهورة اللي بسنتر ميونيخ

[/URL][/IMG]

و قضينا اليومين الباقين بالتسوق و بيوم 25 / 7 رجعنا لديرتنا الحبيبة و توتة توتة خلصت الحدوتة
​

 

[kuwaitymex]

السراحه خوش رحله وانا مارها من قبل واظافه لسلوفاكيا وبولندا

 

[kwtia]

مشكور يا قلبي عالتقرير الحلو
وانشالله كل سنه تسافرون نفس هالسفره واحلى

 

[[[ عيون جابر ]]]

وناسه يحلات الجووو
عليكم بالعافيه

 

[MOOON&M]

يعطيج الف عافيه
وحمدلله على السلامه
الصراحه رحلة ممتعه وعليج بالف عافيه