سفرتي لاورلاندو (بالصور)

[rawona]

اشلونج
بغيت استنجد فيج ابى احجز لديزنى الحين وين ممكن اسكن مع اليهال داخل ديزنى واكون قريبة من كل شى او فى الانترناشيونال درايف ؟واكون قريبة من السوق وديزنى بنفس الوقت وابى اقعد لمدة عشرة ايام شنو رايج ؟ منتظرة ردج اذا ممكن كتبت لج على الخاص نفس الرسالة علشان تلاحظينها

جيكي الخاص حيويه واي استفار انا حاضره ..


:tek:​

 

[daloO3a]

روووووووووعه بصراحه واي اينن

 

[rawona]

روووووووووعه بصراحه واي اينن

ميرسووو عمري ..

متشكره اوي خالص :tek:​

 

[الجوري74]

تقرير اكثر من راااااائع
وذكرتينا بالاماكن والذكريات الحلوه
بس صج معنه جوها حار بس وناااااااااااااااسه>>>>>شهادتي مجروحه:tek:

 

[rawona]

تقرير اكثر من راااااائع
وذكرتينا بالاماكن والذكريات الحلوه
بس صج معنه جوها حار بس وناااااااااااااااسه>>>>>شهادتي مجروحه:tek:

اي والله صاجه .. صج جوها لويه بس ونيسه وممتعه ..

شاكرتلج مرورج

:tek:​

 

[عسولة الكويت]

ماشاء الله رووووووعه
الله يهنيكم ان شاء الله

 

[rawona]

ماشاء الله رووووووعه
الله يهنيكم ان شاء الله

الله يسلمج حبوبه .. وانشالله الله يكتبلكم روحة عن اقريب


:tek:​

 

[o_mermaid_o]

وناسه شوقتيني على اورلاندو انا العام شهر واحد رحت كاليفورنيا ولاس فيغس سياحه وبعدين ريلي دزوه بعثه يكمل ماستر ودكتوراه بولاية انديانا وميته ابي اروح دزني لاند باورلاندو بس ما اقدر بنتي عمرها 4شهور
انتي لما بنتج كانت صغيره يالاشهر كنتي تاخذينها معاج

 

[rawona]

وناسه شوقتيني على اورلاندو انا العام شهر واحد رحت كاليفورنيا ولاس فيغس سياحه وبعدين ريلي دزوه بعثه يكمل ماستر ودكتوراه بولاية انديانا وميته ابي اروح دزني لاند باورلاندو بس ما اقدر بنتي عمرها 4شهور
انتي لما بنتج كانت صغيره يالاشهر كنتي تاخذينها معاج

انا يوم بنتي كان عمرها 5 اشهور ونص او 6 اشهور شي جذيه خذيتها معاي اورلاندو ما اذتني والله عادي كانت تشوف الناس والعالم وتتلفت واذكر لما كان يخلص العرض والناس تصفق اهي اطالعهم وعقب ما يخلصور اتصفق اهي لول اول مره صفقت باورلاندو حتى امريكيه يمنا بققت اعيونها اتقولنا انا بنتي عمرها 3 اسنين وما تعرف اتصفق!!! كبرت بويها هيهيهي ​

 

[ghalya]

مشالله عليج يا rawona موضوعج اكثر من رائع ... صج كفيتي ووفيتي
أنا انشالله ناويه اروح بشهر 7 وبس بغيت أسألج عن الفندق اللي انتي حاطته بارولاندو شلونه؟ مستواه زين ونظيف؟ واذا ترشحين لي فنادق زينه أو شقق بلوس انجلوس و سان فرانسيسكو .... :tek:

 

[malekatsabaa]

موضوعج ابصراحه حلللللو
و يا ابوقته ما دري اشفيني طاق ابراسي اروح ديزني امريكا مع ان ريلي يبي فرنسا

وماله خلق اليهال ويقول انهم ما راح يتحملون الطياره ... بس ودي اقنعه.. عندي وايد اساله وبكلمج عالخاص..

لا تملين مني..ويعطيج الف عافيه!!!

 

[غلاتي الكويت]

واااو رووعه ما شا الله عليج بالعافية


اذا بنقعد 3 اسابيع جم تقريبا تكلف حق الشخص الواحد مع السكن ؟؟

وجم خذيتو معاكم مصروف؟

 

[.]

مشكوره...

 

[rawona]

مشالله عليج يا rawona موضوعج اكثر من رائع ... صج كفيتي ووفيتي
أنا انشالله ناويه اروح بشهر 7 وبس بغيت أسألج عن الفندق اللي انتي حاطته بارولاندو شلونه؟ مستواه زين ونظيف؟ واذا ترشحين لي فنادق زينه أو شقق بلوس انجلوس و سان فرانسيسكو .... :tek:

حبيبتي انا جربت 4 فنادق باورلاندو احلى واحد عجبني وريحني الاخير اللي كتبت عنه وناوية اسكن فيه هالسنه بعد انشالله ..وسعره وايد مناسب عندج فنادق ديزني واليونيفيرسال وايد حلوين بس غلايا وغرفه عاديه مو شقه وانتي واللي يناسبج ..
بالنسبه لكاليفورنيا ماجربت شخصيا اي فندق ليش ييت لوس انجلوس مره ترانزيت لي هاواي وقعدت بموتيل وما اقدر اعطيج معلومات هن الفنادق اهناك لاني ماجربتها بس عموما فنادق امريكا تقريبا نفس المستوى ..

موفقه :tek:​

 

[rawona]

موضوعج ابصراحه حلللللو
و يا ابوقته ما دري اشفيني طاق ابراسي اروح ديزني امريكا مع ان ريلي يبي فرنسا

وماله خلق اليهال ويقول انهم ما راح يتحملون الطياره ... بس ودي اقنعه.. عندي وايد اساله وبكلمج عالخاص..

لا تملين مني..ويعطيج الف عافيه!!!

مشكوره حبوبه ورديت عليج عالخاص ..
حياج

:tek:​

 

[rawona]

واااو رووعه ما شا الله عليج بالعافية


اذا بنقعد 3 اسابيع جم تقريبا تكلف حق الشخص الواحد مع السكن ؟؟

وجم خذيتو معاكم مصروف؟

حبيبتي هالسنه حاجزين حق 26 ليلة اطلعت تقريبا للشخص ب 800 وشي انتي حطي في بالج من 760 الى 840 مع التذاكر والسكن والسياره ..

العام رحنا 3 اسابيع وخذينا ويانا تقريبا 1300 دينار بس اكل وشرب وبانزين وحدايق وهم شرينا حق اعيالنا هدوم للعيد وسوالف للبيت واليهال ..

وانا شخصيا خذيت للسوق 1000 دينار بس حقي ..

موفقه ​

 

[rawona]

مشكوره...

العفو حبوبه ..

حياج

:tek:​

 

[غلا غلاتى]

مشكورة حبيبتي على الموضوع الحلو شوقتينا أنا انشاالله راح أسافر أورلاندو هالسنة000 بس بغيت أسألج بنتي عمرها سنة ونص وأبي أخذها معاي بس يقولولي راح تأذيج هناك ومارح تلعبين شي لأن راح تمسكينها على طول وأنا محتارة أبي رايج 0000 وعندي بعد سؤال أدري دوختج000 أنا عندي 3 أولاد وبنتي الصغيرة اللي كلمتج عنها شلون على حجز الفندق لازم أخذ غرفة لهم بروحهم ولايقعدون معاي يقولولي ماراح يرضون يقعدون معاي بالغرفةممنوع لأنهم كبار ولدي العود عمرة 14 الثاني12والثالث8 أبي رايج بليز ومشكورة وااااااااااااااااايد0

 

[rawona]

مشكورة حبيبتي على الموضوع الحلو شوقتينا أنا انشاالله راح أسافر أورلاندو هالسنة000 بس بغيت أسألج بنتي عمرها سنة ونص وأبي أخذها معاي بس يقولولي راح تأذيج هناك ومارح تلعبين شي لأن راح تمسكينها على طول وأنا محتارة أبي رايج 0000 وعندي بعد سؤال أدري دوختج000 أنا عندي 3 أولاد وبنتي الصغيرة اللي كلمتج عنها شلون على حجز الفندق لازم أخذ غرفة لهم بروحهم ولايقعدون معاي يقولولي ماراح يرضون يقعدون معاي بالغرفةممنوع لأنهم كبار ولدي العود عمرة 14 الثاني12والثالث8 أبي رايج بليز ومشكورة وااااااااااااااااايد0

هلا حبوبه ..

شوفي بالنسبة لبنتج الصغيره اهو مافي مشكلة تاخذينها بس مثل ما قالوا بالنسبه للالعاب راح تتأذون وماراح تقدرين تركبين كل الالعاب انا العام خذيت بنتي (3 سنوات ونص) وفي العاب ما يركبونها فاضطريت ما اركب بعض الالعاب والالعاب اللي حيل بخاطري كنت اخلي ريلي يروح يلعب وبعدين ايي يمسك البنت وانا العب واذكر لعبة سبايدر مان (واعتقد اغلب الالعاب فيها) كان فيها استراحة للاهل يعني تصفوون بالدور واذا يا دوركم الام والياهل يروحون يقعدون بهالاستراجة لين يلعب الابو ويرد يمسك الياهل والام تروج تلعب .. فكله يعتمد عليج انا باخذ معاي بنتي الصغيره هالسنه (سنه و10 اشهر) ليش معاي ناس مسافرين ويانا اكيد بيعاونوني ومره احنا ومره اهم ..

وبالنسبه للفنادق اخذي فنادق نظام الشقق الفندقيه وايد احسن لكم مثل الفندق اللي كتبت عنه وتقدرون تاخذون يا نظام غرفتين او 3 غرف على حسب عايلتج او سوي بحث بالفنادق نظام الشقق وانشالله بتلقوون شي يناسبكم ..

موفقين :tek:​

 

[ghalya]

مشكوره rawona على الرد ... شكلنا بنتوكل على الله ونحجز بنفس الفندق ...انا كان ودي بالvacation villas بس المشكله انه ما فيهم هاوس كيبنج وانا معاي يهال يعني فندق وايد احسن لنا.