سلفتي حظها كبر البحر احتريت وانا لي اسبوعين متزوجة

[هموووم]

السلام عليكم
بنات انا تزوجت قبل اسبوعين وزوجي ماتوظف للحين يدرس وساكنة مع اهله
وهالكورس اخر كورس له
واذا ماتوظف خلال شهر بعد مايتخرج بياخذ بعثة يكمل ماستر
وتسلف من امه مبلغ بسيط ودخل في مشروع مع ولد اخته ويقول شهريا اكسب ثلاث الاف

الزبدة اخوه الي اصغر منه اتزوج بعدنا بيوم
واخوه موظف ومقتدر وسافرنا مع بعض لمكة وعقب يومين انا رجعت للرياض وسلفتي طارت لسويسرا
وغرت منها بس تصبرت
وهي مسافرة امها وخالتي (ام زوجي ) اتفقوا يصلحون لها زوارة مفاجئة وقلت لخالتي بين زواجنا يوم واحد قالت خلاص لك ولها الزوارة
وصارت خالتي تكرف زوجي وتخلص اشغال ام سلفتي وتقول لزوجي عشان زوارة زوجتك
واذا طلعنا تعطينا ورقة طول بعرض اغراض للزوارة وزوجي عنده اختبارات واخر كورس ومشغلته
واحتريت سلفتي تتمشى وزوجي يخلص لها مفاجئتها
والزوارة عازمين صديقاتها وكل حبايبها وانا بس امي وخواتي كثر الله خيرهم
المهم امس رجعت من سويسرا واتصلت علي خالتي تقول انزلي صلحي القهوة ورفضت وقلت لها اذا قصدك انها عروس حتى انا عروس واذا ضيفة هي زوجة ولدكم مثل ماانا زوجة ولدكم تدخل طويلة العمر المطبخ وتصلح لها وقالت خالتي الله يهديك يابنتي وصلحت خالتي القهوة
حتى قهوتها ماتقربها الخدامة عشتوا والله :jumpon:

وامس طلعنا للمطعم انا وزوجي وكلمه اخوه ماغيره وسألته قلت وش يبي قال انه يقول بيسافر اليوم الفجر بزوجته للقصيم عشان تسلم على جدتها وبيرجعون الثلاثاء ويبيني احجز لهم شاليه وانا مو فاضي عندي اختبار

ذبحوني وحروني عندها انا شغالة لها وزوجي سواق نكرف عشان يفاجئون حضرتها
زوجي اخر اختبار له يوم الثلاثاء ومستحيل اخليه يحجزلهم لو يصير طلاق
بنات انا مرةةةة محترة كيف اتصرف مع هالحماة واهل زوجي واسبوعين وانطبخت من الحرة ​

 

[انصاريه قمره]

مادرري يعني اهي مالها ذنب ما ضرتج المراا ولا داست لج على طرف واسلوبج مع خالتج حدث بلا حرج وشكلج حسوده الله يعينها لا اتطلق من عينج

 

[فخامه كبريائي]

لا حول و لا قوة الا بالله ...
.صدقيني لا تحرين عمرج ...انتي بعد دلعي نفسج و عيشي هالايام و لا تخلين هالسوالف البايخه اتاثر عليج ..لاحقه على حرة القلب ...
و اذا عن زوجج هو الي قاعد يسويه بارادته ...؛)
لا تحريييييييييييييين عمرج ...انشا الله بتسافرين و تستانسين ..و تنطون من ديرة لديرة ..

 

[مـيـراس]

الله يهديج بس وانا اختج ترا غلط اللي سويتيه بامه تردينها ترا جذي تاخذ منج موقف مهم تقول لج خالتج شي سويه ترا اهي معتمده عليج..

اما عن اخوه ترا زوجج كفه ووفه ورده وقال انه عليه امتحانات وخلصت
ولا تسوين مع اهل ريلج مشاكل ترا راح تعيشين طول عمرج بمشاكل وطنشي واكسبيهم ولا تبين مرت حماج اهيا اللي تكسبهم وتصير الكل بالكل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ولا تبينين انج محترة منها ترا اهي ما تدري عن هوا دارج وانتي محترة ,,, من راقب الناس مات مدري شنو نسيت اي مات هما

 

[نفسًا توآقه]

ذكرتيني باالأيه ( أَمْ يَحْسُدُونَ النَّاسَ عَلَى مَا آتَاهُمُ اللّهُ مِن فَضْلِهِ )

طبعا بتموتين وماراح ترتاحين مادام ( الحسد بقلبج )

وصدق بعض السلف اللي يقولون ( ان الحسد مرض منصف لانه يقتل صاحبه أولا )

وبصراحه ( خالتج عسل ) اللي ( كبرت عقلها عليج وما جابت فيج العيد )

حبيبتي الحل ( تدعين ربج يطهر قلبج من الحسد ومطالع الناس وارزاقهم وترضين بنصيبج )


( يارب طهر قلبي من الحسد وارزقني القناعه ) ​

 

[LeeMa q8]

وربي حاسه فيج زواج بيوم واحد ولا خلا شهر واهي تسافر لاخر الدنيا وانتي محكوره بالببت ...

ولا اهي الكل بالكل وانتي ولا شي

وريلها يخافون منه ويحبونه وانتي ريلج بس للكراف ولا يدانونه ..

آآآآآآآآخ والله حاسه فيج ..

ياعمري طنشي

تدرين شقمت اسوي انا قمت ما انزل ولا افكر فيهم نهائيا .!!

والله يعنيها ويكبر حظوطنا

 

[غير كل الناس]

اللي عطاها يعطيكم انشاء الله

 

[صلاتي-حياتي]

ذكرتيني باالأيه ( أَمْ يَحْسُدُونَ النَّاسَ عَلَى مَا آتَاهُمُ اللّهُ مِن فَضْلِهِ )

طبعا بتموتين وماراح ترتاحين مادام ( الحسد بقلبج )

وصدق بعض السلف اللي يقولون ( ان الحسد مرض منصف لانه يقتل صاحبه أولا )

وبصراحه ( خالتج عسل ) اللي ( كبرت عقلها عليج وما جابت فيج العيد )

حبيبتي الحل ( تدعين ربج يطهر قلبج من الحسد ومطالع الناس وارزاقهم وترضين بنصيبج )


( يارب طهر قلبي من الحسد وارزقني القناعه ) ​

كقيتي ووفيتي

والله يهدي الجميع

 

[^Barbie^]

عسى ماشر احتر واغااااااار على شي سخيف جنج ياهل ..؟

كل وحده ونصيبها احمدي ربج عالنعم الي انتي فيها ولاتغفلين ..

والله حاله يعني السفر وهالخرابيط يبرد جبدج وبترتاحين .....

وحرام جي تكلمين خالتج بهالاسلوب المفروض تقولين لها تامرين امر يالغاليه هذي بحسبه امج

عالاقل تكبرين بعينها

عالعموم الله يوفقج ويرزقج


لاتحسدون غيركم على نعمته

( وعلى نياتكم ترزقون )







‏^Barbie^

 

[الفدنه]

الله يهديج طنشي من راقب الناس مات هما
تفرغي لزوجج وتهني معاه باللي الله قاسمه لكم

 

[catwiti]

ششيي يغغغغث تبين الصررراحه
لاتلومونها غصبن عليها بتغااار هم اهي عرووس وتبي هالدلال

بس هم حطي في بالج اهي ماسوت لج شيي المشكله بأم ريلج فرقت بيينكم من دون ققصد

 

[قمر2009]

الله يهديج بس وانا اختج ترا غلط اللي سويتيه بامه تردينها ترا جذي تاخذ منج موقف مهم تقول لج خالتج شي سويه ترا اهي معتمده عليج..

اما عن اخوه ترا زوجج كفه ووفه ورده وقال انه عليه امتحانات وخلصت
ولا تسوين مع اهل ريلج مشاكل ترا راح تعيشين طول عمرج بمشاكل وطنشي واكسبيهم ولا تبين مرت حماج اهيا اللي تكسبهم وتصير الكل بالكل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ولا تبينين انج محترة منها ترا اهي ما تدري عن هوا دارج وانتي محترة ,,, من راقب الناس مات مدري شنو نسيت اي مات هما

كلامج عدل

 

[لبـى قلبـي]

محد ضربك على ايدك وقآل وافقي .....


إنتي وافقتي وتزوجتي وانتي عآرفه ظروف زوجك وانه طآلب ..

مو ذنبهآ إذا هي ماشاءالله زوجهآ موظف ومقتدر ...


إذا انتي هذا تفكيرك كنتي تقدرين تردين زوجك وتنتظرين المقتدر الي يسفرك ويوديك ...



وعلى سآلفة الزوآره , أم البنت هي الي بآدرت يعني خآلتك مو ذنبهآ إذا اهلك ماتكلموا ولا شي ..
وكثر خيرهآ الي قآلت الزوآره لك ولهآ ..


من جد عش رجباً ترى عجباً ..



الله يصلح الحآل بس ..
وصفي النيه ياأختي ترى مارآح تقدرين تعيشين ..

 

[احلام روحي]

انا مابي اتحجى بمثاليه وبطلب منج شعور الملائكه

لان لو بمكانج اكيد بغار لانكم بنفس المستوى وبنفس توقيت الزواج بعد

بس هي تونست اكثر منج بالسفره !! بس الي بطلبه منج انج تسيطرين على شعورج هذا لله

كل انسان يتمنى لنفسه الافضل ويمكن هي لو بمكانج جان احترت بعد

لكن شراح تستفيدين لما تحرقين دمج !! هالشعور اكيد من الشيطان عشان يدمر قلبج وشعورج وسعادتج وصحتج بعد

عشان جذي اخزيه وتعوذي من تدابيره :

استغفري واسالي الله ان يغسل قلبج بالماء البارد والبرد وينقيه من الغيره مثل ماينقي الثوب الابيض من الدنس

تمني لها الخير وتكلمي بهالشي لان الكلام ينتقل لعقلج الباطن من غير شعور ودايم قولي جدام زوجج وخالتج وامج وخواتج ( الله يهنيها )
والملك بيقولج ( ولك بالمثل )

حاولي تستمتعين باحلى ايامج وطلعي وروحي وتعالي وتشاركي مع حمولتج فرحتهم فيها وفيج

وتمني من قلبج لها الخير وقولي يارب ياواسع الكرم والعطاء والجود لا تحرمني لذنوبي من جودك وانت الجواد الكريم

وابتسمي تصنعي الابتسامه وتكلفيها

والله ياقلبي من قلبي اقولها الي فيج طبيعي بدئا ، لكن ان خليتيه بتظلين طول عمرج تراقبينها وراح تنسين ايامج السعيده وحرام تنشغلين

بالغير ولحظات العمر غاليه !! حظها مو كبر البحر

حظج انتي الي كبر البحر الي رزقج احساس ودين ومراقبه لتصرفاتج

وعسى يهنيها ويهينج ياعروسه

موفقه ياقلبي

 

[jooore_q8]

:tek:

محد ضربك على ايدك وقآل وافقي .....


إنتي وافقتي وتزوجتي وانتي عآرفه ظروف زوجك وانه طآلب ..

مو ذنبهآ إذا هي ماشاءالله زوجهآ موظف ومقتدر ...


إذا انتي هذا تفكيرك كنتي تقدرين تردين زوجك وتنتظرين المقتدر الي يسفرك ويوديك ...



وعلى سآلفة الزوآره , أم البنت هي الي بآدرت يعني خآلتك مو ذنبهآ إذا اهلك ماتكلموا ولا شي ..
وكثر خيرهآ الي قآلت الزوآره لك ولهآ ..


من جد عش رجباً ترى عجباً ..



الله يصلح الحآل بس ..
وصفي النيه ياأختي ترى مارآح تقدرين تعيشين ..

i agree with you:tek:​

 

[noo7a]

ويقولون ليش زادت حالات الطلاق بعد !!!
يا بنت الحلال احتري منها من الحين لي باجر بس ماله داعي الطلاق و تاذين ريلج و تدخلينه بسوالف حريم
و بعدين يمكن اهي امها ابي مفكره كانت تسوي لي الحفله و خالتج ساعدتها
و سالفه القهوه اكيد بتطلب منج انتي تساعدينها انتي تعودتي على المكان و تدلينه و اهي توها تدخل البيت بسم الله

 

[وحيدة خالد]

هذا فضل الله يؤتيه من يشاء اهي مالها ذنب في الموضوع وانتي ارضي بحالك الشكوى لله

 

[جميله وجذابه]

محد ضربك على ايدك وقآل وافقي .....


إنتي وافقتي وتزوجتي وانتي عآرفه ظروف زوجك وانه طآلب ..

مو ذنبهآ إذا هي ماشاءالله زوجهآ موظف ومقتدر ...


إذا انتي هذا تفكيرك كنتي تقدرين تردين زوجك وتنتظرين المقتدر الي يسفرك ويوديك ...



وعلى سآلفة الزوآره , أم البنت هي الي بآدرت يعني خآلتك مو ذنبهآ إذا اهلك ماتكلموا ولا شي ..
وكثر خيرهآ الي قآلت الزوآره لك ولهآ ..


من جد عش رجباً ترى عجباً ..



الله يصلح الحآل بس ..
وصفي النيه ياأختي ترى مارآح تقدرين تعيشين ..

لبى قلبش نفس الكلام الي كنت بقوله

يتزوجون طلاب مو مخلصين دراسه و بعدين يقعدون يقارنون و يصيحون

يوم انج هالشكل ليش وافقتي تاخذين طالب مو مخلص دراسته ولا متوظف!

انتي دام انج رضيتي من البدايه خلاص لازم تتقبلين الوضع مو تقارنين نفسج مع الناس الي ازواجهم موظفين و مقتدرين ماله داعي و محد بيموت من الهم غيرج اذا بتقارنين ابكل شي واذا تحبين زوجج المفروض تتحملين علشانه لو يحطج ابعشه و ( القناعه كنز لا يفنى )

 

[om Firas]

الله يهديج طنشي من راقب الناس مات هما
تفرغي لزوجج وتهني معاه باللي الله قاسمه لكم

:tek:

 

[أم حمد 4]

لازم كل انسان يرضى بقسمتة ونصيبة وحطي باللك وقولي دايما انا ضرروفي احسن من غيري واكسبي خاللتش وبيني انتي السنعة ولا تبينيين غيرتش منها وليش اتغارين اصلا كيفهم كل واحد وظروفة