سلفتي حظها كبر البحر احتريت وانا لي اسبوعين متزوجة

[^مرايم^]

اسمحيلي يالغالية ..

انا اشوف ان مرت حماج ما صار بينج و بينها شي علشان تكرهينها..

و باين من سوالفج ان العلاقه بين زوجج و اخوانه و امه زينه و الحمدلله .. ليش تحاولين تخربينها؟ بالعكس لازم تكسبينه و تكسبين امه .. و استقرارج من استقرارهم يالغاليه

و كذلك باين ان امه طيبه و صبورة و ما قالت لج هالحجي الا انها ما تقصد تهينج مثل ما ظنيتي فيها.. أحياناً الشخص يتصرف تصرفات ما يحس انها تضر غيره بحسن نية .. و يمكن كانت تبي تتقرب منج .. تفكير الحريم الكبار مو مثل تفكيرنا حبوبه ..

و بالعكس لا تشيشين ريلج.. صبري و دوريله حل و خليه يحجز الشاليه لي خلص امتحاناته.. بيرتاح نفسياً و بيوفقه ربي بدراسته

و صدقيني لو صفيتي النية ربج بيرزقج بأفضل من اللي حصلته مرت حماج ..

توج عروس تو الناس على الظن و المشاكل ..

احسني الظن .. احسني الظن .. احسني الظن

و اعذريني عالإطالة حبيبتي ..

 

[أط أط]

ماشاء الله عليج عروس توج .. وتناقشين خالتج وتقوليلها شمعنه وشمعنه ؟؟

أنا لما كنت عروس أستحي من كل شي وبس أبتسم ..

حبيبتي أنتي صرتي جنة .. وساكنة عند أهله .. حاولي تكسبين خالتج وأهله ..

وهالشي راح يرجعلج أنتي .. تالي الطيبة تردلج .. بيحبونج أكثر منها وعلاقتج بتصير معاهم أحسن منها ..

وإن شاء الله بس زوجج يخلص دراسة .. ويتوظف سافري أنتي ويا وتونسوا ..

بس مالي شغل بسفرات حماي ومرته .. الظروف والمادة تختلف من أخو لأخو ..

أنا مستغربه عروس وجذي تفكرين ..

يبه أستانسي ودلعي روحج وطلعي وأكشخي .. وأنسي الناس كلها ..

ترى الأيام هذي ما تتعوض ..

والله يوفقج حبيبتي ..

 

[حلا كوني]

بصراااحه ما الومج لما تغارين لان صح الفرق بينكم مو واايد يوم واحد و اثنينكم عرايس
بس حبوووبه خلي هالاحساس بينج وبين نفسج وغلط انج تبينين حق الغير (خالتج او زوجج) انج تغارين منها

وخالتج غلط يوم انها تسوي الزواره حق الثانية و انتي تالي المفروض ماتفرق بينكم وتعدل من نفسها بس حسيت انها مسكينه ماتقصد والدليل انها غيرت رايها عقب و قالت يالله انتي وياها , و القهوه هم لما رفضتي تسوينها ماتحلطمت واايد بالعكس تفهمت وضعج و صكت التلفون .
يعني اهيا ماتعرف او مو ملحقه عليكم انتو الثنتين

المهم انتي اخترتي طالب يعني امكانياته على قده و ان شاء الله لما يتوظف راح يسوي لج احسن بس انتي صفي النيه و طولي بالج و لاتحسسين زوجج بالنفص وانه عاجز . لان اكيد اهو بينه وبين نفسه هم متضايق ووده يفرحج بس ما باليد حيله ! تصبري وصيري السنعه وخلج ويا خالتج علطول وويا مرت حماج وحاولي تكسبينها اخت لج وبعدي عن المشاكل و صيري انتي الكبيره السنعه اللي تفرضين احترامج ووجودج .

ولا تطالعين حياتهم واايد وذكري الله ترى الحسد و الغيره نقمه اعوذ بالله منها , و ادعي ان الله يعطيج الاحسن و انتي ماتدرين شنو بينهم ترى البيوت اسرار يمكن الظاهر جدامج يختلف عن الحياة الخاصه بينهم

الله يسعدهم ويهنيهم و يسعدج انتي بعد يا احلى عروسه و الف مبروك

كـــــــلآآآآمــــــــــج عــــين ألــعــقـــل

ويااعروووستنا الحلووه طنشي ولاتعورين راسج باشياء تلهيج عن احلى ايامج حبيبتي مشيها والله ماتسوى عليج حرقت الاعصاب وقولي الله يهنيها ولج باذن الله احسن من اللي عندها لا تحسدين احد وانتي مو حاسه تكفييين حرام قولي الله يهنيهم


​

 

[^^المهره^^]

القناعه كنز لا يفنى

حمدي ربج ان زوجج زين لج
ونصييييييييييحه لا تقارنين نفسج وحياتج بحياة احد ثاني
ربج مثل ماعطاها ترى عطاج بس انتي قاعده تركزين على المزايا اللي عندها لانها نواقص عندج
بس ماتدرين يمكن في حياتج اشياء مو موجوده عندها
ترى حياة الناس اسرار
ولايغرج الظاهر
يمكن حياتها ظاهريا حلوه بس ماتدرين شنو بحياتها الخاصه
انا اقول خاج ايجابيه اكثر من جذي
وحمدي ربج وركزي على حياتج
وحببي نفسج في زوجج وامه و اهله علشان تكسبينهم لانهم مبين انهم وايد زينين
وترى ام ريلج لا آمرت عليج هذا دليل على انها عادتج بنتها مو انها بتذلج او تهينج
صفي نيتج حبيبتي و عسى الله يوفقج و يسعدج

 

[جوري 2007]

اهل زوجج غريبين
ليش يفرقون بينكم مع انه بينكم بس يوم
مادري ، صيري انتي الزينه بس موبالشغل والطباخ والنفاخ بس لاتبينين لاحد انج محترة
لاتردين على خالتج ردود هجوميه عشان لاتصيرين عوبه
اعتذري بس بذكاء
المرة مالها ذنب بشي بس اهل ريلج الله يهديهم مادري اشفيهم
احتسبي الاجر بس صيري ذكية

 

[مشغول وشاغلنى]

كل كلامج اللي احس ماله داعي كوووووووووووووووم وردج علي خالتج كوووووم ثاني.....؟؟؟؟؟

ابيج بس تغمضين عيونج وتخيلي امج داقه علي مرت اخوج تطلب منها طلب وترد عليها بنفس خايسه وترفض.....؟؟؟؟

امانه امانه شنو راح تكون ردت فعلج؟؟؟؟؟؟

وماشالله عليج من اول اسبوعين هذي سوالفج اسمحي لي الظاهر انج بتضيعين نفسج اذا مارجعتي للعقل

وبعدين شنو بتطلق شنو راح يكون عذرج عند الناس لما يسالونج ليش تطلقتي ....؟؟؟؟

ماقول الا الله يهديج وحاولي ترضين خالتج لانها مبين عليها طيبه وشاريتج

ياحرام شلون كسرتي فرحتها

 

[نكهةالبرتقال]

ماردها بتصير قديمة

الحين فرحانين فيها

فلا تحاتين

و بعدين لا تفقدين خالتك و زوجك بسبتها

 

[الصعيريه]

الحسد مرض

 

[حب الرّمان]

أعتبريهااا أختج ’’’ وبعدين هذي فرصتج تكسبين اهل ريلج وبذاات خالتج لمن قالتلج سوي قهووه يعني موحلووه لمن تقولين لاء يعني

تقدرين تقولين حق امج هالرد ’’’’ والله يهديج يارب

 

[درة أهل الطولات]

مادرري يعني اهي مالها ذنب ما ضرتج المراا ولا داست لج على طرف واسلوبج مع خالتج حدث بلا حرج وشكلج حسوده الله يعينها لا اتطلق من عينج

نفس رايهاااااااااااا

 

[تشوكليت]

بصراااحه ما الومج لما تغارين لان صح الفرق بينكم مو واايد يوم واحد و اثنينكم عرايس
بس حبوووبه خلي هالاحساس بينج وبين نفسج وغلط انج تبينين حق الغير (خالتج او زوجج) انج تغارين منها

وخالتج غلط يوم انها تسوي الزواره حق الثانية و انتي تالي المفروض ماتفرق بينكم وتعدل من نفسها بس حسيت انها مسكينه ماتقصد والدليل انها غيرت رايها عقب و قالت يالله انتي وياها , و القهوه هم لما رفضتي تسوينها ماتحلطمت واايد بالعكس تفهمت وضعج و صكت التلفون .
يعني اهيا ماتعرف او مو ملحقه عليكم انتو الثنتين

المهم انتي اخترتي طالب يعني امكانياته على قده و ان شاء الله لما يتوظف راح يسوي لج احسن بس انتي صفي النيه و طولي بالج و لاتحسسين زوجج بالنفص وانه عاجز . لان اكيد اهو بينه وبين نفسه هم متضايق ووده يفرحج بس ما باليد حيله ! تصبري وصيري السنعه وخلج ويا خالتج علطول وويا مرت حماج وحاولي تكسبينها اخت لج وبعدي عن المشاكل و صيري انتي الكبيره السنعه اللي تفرضين احترامج ووجودج .

ولا تطالعين حياتهم واايد وذكري الله ترى الحسد و الغيره نقمه اعوذ بالله منها , و ادعي ان الله يعطيج الاحسن و انتي ماتدرين شنو بينهم ترى البيوت اسرار يمكن الظاهر جدامج يختلف عن الحياة الخاصه بينهم

الله يسعدهم ويهنيهم و يسعدج انتي بعد يا احلى عروسه و الف مبروك

انا أأيدها

 

[**وقفة فرس**]

شوفي حبوبة أتمنى ما تزعلين من كلامي..إنت إنسانة غيوووووورة بأمارة إنج غرتي واحتريتي من عرفتي إنها سافرت سويسرا وإنت لأ...شعليج منها ماعطاها إلا الله وهذا مو مقياس سعادة يمكن إنت وزوجج منسجمين مع بعض أكثر منهم...وهي ماضرتج بشي نهائيا ولا قربت صوبج...وخالتج غلطانة إنها قاعدة تفرق بينكم بالمعاملة..وإنت بتصرفج راح تخلينها تفرق بينكم أكثر...مومن السنع إنج تقولين الزوارة لي ولها إذا الناس بتوجبج جزاهم الله خير وإذا ما يبون مايشوفون شر ولا توجبينهم إذا جت مناسبة...وماكانت حلوة منج رفضج إنج ماتبين تسوين قهوة كان بإمكانج تسوينها وتخلين الخدامة تنزلها وهني خالتج بتعرف غلطتها أو إنج تتعذرين بمرض أو أي شي توج عروس وتكلمين خالتج جذي كلللللش موحلوة...وزوجج واخوه ينجازون بينهم لا تدخلين يمكن يجي وقت زوجج يحتاج مساعدة أخوه هذيل إخوان لاااااتفرقين بينهم حرام وإذا زوجج مافيه خير فاهله ماراح يكون فيه خير لج كوني واثقة من هالشي....الله يهديج ويهدي خالتج

 

[عطراللافندر.]

الله يهديكم,,والبنات ماقصرووو

 

[معكرونه أسبكتى يم يم]

( يارب طهر قلبي من الحسد وارزقني القناعه )

 

[الغشمريـــه]

الله يعينج

 

[ريتااجي]

الحمد لله على كل حال

البنات كفوا ووفوا

 

[الحنــونــة]

شالعوااابة شالرااااس الي عليج
تفشلين خالتج وتردينها بسلوووب زفت
وهي ترد عليج بطيبة وتخلين العجوووز تسوووي القهوووة وانتي قاااعدة
على كلامج هذا الكل بيرتاح الا انتي تشقين
الزمن صااار يخوووف
بنات لحد يبين سعادته للناس >>>> زمن صااار يخوووف
خليها تسااافر وتستانس
انا حريم حماي الثنتين سااافروو بهل عطله وانا مستانسة من وناستهم
اكثر من خوووات لي
والله يردهم بالسلامه
ولا فكرت اقووول لزووجي هم سافروو ليش ماتسفرين
كل وحدة تراااعي وتقدر ظروووف زووووجها
ممكن باوول 3 الاف يستلمها يدلعج اخر دلع
ذكررري الله المسكينه مسااافرة لا طيح الطيارة فيهم
اراااهن من عيوووونج عليها وهي بسوويسرا مو مرتااااحه مع زوووجها ومشاااكل
حرااام عليج ... لا تصكينها عين الله يستر عليها ويحفظها
وترد بالسلامه ... هي وزوجها
وبعد تهددين زووجج ما يسووويلهم شي وتفكرين بالطلاق
تطلقي انتي مو كفووو حموووله سنعه
تفرقين بين الام وولدها وتفرقين بين الاخووااااان اعوووووذووووو بالله من غضب الله
والله اكتب وانا منغثة ومحترة من اسلوووبج
الله يبعد عنا الحسد والعين
امثااالج كل شي يسووونه ... ينخاف منكم