سلفتي حظها كبر البحر احتريت وانا لي اسبوعين متزوجة

[امووله المزيونه]

لاتطالعين اللي اعلى منك ابدا احمدي ربك وحافظي على رجلك خصوصا اذا انه رجل طيب وخلوق
وخالتك اكسبيها تراها ام الانسان اللي انتي مسؤله عنه واهم شي اتقي الله بكل اعمالك وتاكدي ان الله يرزق من يشاء بغير حساب

 

[كويتيه مذهله 87]

الله يرزقج مثلها قولي هالشي بترتاحين

 

[غلا ماجد]

الحياة قدامج
زوجك للحين يدرس
ان شاللة يتوظف و يعوضج

 

[انصاريه قمره]

بنات هم كلام بعضكم ينرفز خوو الاخت ريلها طالب ومو مقتدر اما اخوه لله الحمدالله موسع عليه ريال يملك ومن حقه يستانس ويونس مرته غير سالفه هذي بعد حاطه دوبج دوب المرا هذا صارلج اسبوعين وميته حره وهذا ردج على خالتج عيل بعد هرين شبتسوين بتصفقينهم بجواتي ؟؟ ومثل ما قالت وحده من الخوات محد طقج على ايدج وقالج اخذي واحد توه طالب ومو موظف وانتي شكلج ناويه نيه قشره وعسى ربي يهديج انشالله ويبعد الشيطان عنج علشان يمشي مركبج
كا انا زوجي وخاله نفس العمر انا تزوجت لا عرس ولا حفله ولا شي اللهم ملجه وما سافرت شهر عسل ولا سويت استقبالات وريلي فرض علي العبايه والنقاب ومنعني من المكياج وخاله الله يهنيه تزوج وسبحان الله زوجته كبري وبينا انا معاها 10 ايام بس الريال سوا عرس وونس مرته والبنت تلبس وتحط ميك اب وسيارتها بيدهااا لا حقدت عليهم ولا حسدتهم ولا شي للاني شايفه خير ببيت ابوي شبع من الوناسه واللبس والهيصه

 

[غمزه وإبتسامه]

ماعنـــــــــــــــــــدج سالفه

 

[لـ الزّين مآريه]

بنات البنت ماتنلام شي يقهر .. بس نفس ماقالوا الحلوين اصبري ولاتراقبينها .. بتعيشين مرتاحه

 

[ديانا سبنسر]

اذا تعودتي انج تبينين لهم انج محترة رايح ينظرون لج نكرة وراح يتعب زوجج من النكد وضيقة الخلق حاولي انج تقنعين باللي عندج والخير جاي بقبال لي توظف زوجج

 

[NauGhty nuRse]

الله يهديج بس
تغارين عشان السفره ؟؟؟؟؟؟؟؟؟؟؟؟

 

[يمة يادلبي]

أول شي من راقب الناس مات هما
بس صج بالموقف الثاني معاج الحق شكو تخدمينها شنو ماعندها ايد ولا ريل
بس على سالفى ريلج مالج حق تمنعينا من ان يخدم اهله حتى لو عنده امتحانات الدنيا اهوا واهله ينجازون بس انتي خلج بعيد

 

[اشتياق]

لا والله معاج حق تحترين وربع بعد..

شسالفه اسكت واسوي لست الحسن والدلال مفاجأة وزوجي يحجزلها شاليه وتوها راده من سويسرا..

اقتل نفسي والله خخخخخخخخخخخخخخخخ

شنو اكيد حره واكيد بغار ليش اهي سندريلا وانا بنت مرة ابوها ؟؟؟؟؟

والا اهي بنت الوالي وانا بنت الحطاب الفقير؟؟؟؟


راعيتك وقلت تدرس وماعندك تسفرني بس عاد انثبر واقعد اسوي قهوة لست الحسن ؟؟؟لا والله اللي ماسويتها ..


صج عاد ما أرد خالتي بس شعور طبيعي بأحتر


شوفي هموم ياقلبي اهم شيء اهم شيء لا تردين خالتج وعاملي الكل بالحسنى..

الشيء الثاني ياعمري فكري والله لو ان زوج موظف جان سفرج واستانستي يعني ماهي احسن منج بشيء..

والحمدلله حظج حلو ماعليج وبيتعدل ان شاء الله وكلها مسألة صبر ياقلبي..

ماتدرين ترى السفرات والروحات مو مقدار راحة وسعاده يمكن انتي اتمين وتتوفقين مع زوجج واهي لا..

الله يوفقها ماقلنا بس على قولة امي تقول غاري من الشيء السنع يايمه ..

وانتي خلج سنعه ومره ومطيعه وتحملي ظروف زوجج واذا ضامك الدهر عليك بربات الدلال..!

يعني بيقول مرتي والنعم ماصبرت على رخات الا صبرت على شدة وسفر ودراسة ومن صبر نال ..


فديتج استانسي انتي عروس وترفعي عن هالصغاير..

مبروكين والله يوفقج ياااارب وتروحين النمساااا..<<تحب هالديره خخخخخخ

 

[FeShinGoOo]

البنت شنو ذنبها اذا اهل ريلج مدلعينها انا ليلحين ماقريت انها اهيا اتعرضتلج او طلبت منج تخدمينها وتسوينلها شي
قلتي ريلها يسفرها وانتي لا عليهم بالف عافيه ريلها قادر شنو يسونلج يعني مايسافرون عشان ريلج ليلحين يدرس وماعنده يسفرج
ثاني شي خالتج قالتلج صلحي شاي خالتج غلطانه البنت مالها ذنب
واخو ريلج اهو قاله احجز شاليه البنت مالها شغل بولا شي
الغلطه من اهل ريلج
والغلطه الثانيه غيرتج من الخير اللي البنت عايشه فيه ريلها قادر يبا غير عن ريلج البنت مالها ذنب ..!!

 

[واقعية حـلـم !]

ما تقدرين تغيرين الناس

و لا تقدرين تغيرين الظروف


غيري نفسج و أفكارج و بترتاحين


قولي الله يهنيها و يوفقها

و الله يعوضني خيررررررررررر


و أكيد ربي ما راح ينساج و بيعوضج صبرج خيرررررر



بس ان تطلعين الشريرة و تردين العجوز الي مثل امج على دلة قهوة لا و الله هذي مو سواة وحدة تعرف السنع


أكيد الوحدة تغار و تنقهر بس الاحترام مطلوب و الانسان يبيع معدنة بالمواقف الصعبة


و أكيد ما تبين احد ينتقدج و يقول قليلة ادب او مو محترمة او مثل ما قالو البنات .. حسودة


انا ما اقول ان هالصفات فيج لا و الله انا ما اعرفج علشان احكم عليج


الي اقوله ان الناس لها الظاهر و ما راح تحط لج أعذار


يعني لو قلت حظها كبر البحر ما راح يقول نفسيتج تعبانة و تغارين و يعذرونج لا بيقولون حاقدة و حسودة و مو شايفة خيرررررر



فهمتيني ؟




الي بوصله شيين


راقبي أفكارج علشان ما تتعب نفسيتج يعني لا تشغلين بالج بأحد دعي الخلق للخالق


راقبي ردود أفعالج لان الناس ما ترحم و بتفسر اي كلمة و حركه مليون تفسير و بتطلعين بالنهاية غلطانه لان محد بيتفهم


الناس لها اشقلتي و شسويتي ما راح يدورون اسباب كلمتج او فعلج و يعذرونج لا بيحكمون عليج





و مبروك يا عروس


و الله يعوضج


و عسى العوض في مقبلات الليالي


و تستانسين و ما يبقى في خاطرج شي

 

[هنـــد]

وعلى نياتكم ترزقون

 

[Rinoa]

من راقب الناس مات هماً.......​

 

[لوازم العائلة]

انتي معاها توكم متوزجين يعني لحد الحين ماشفتوا شي من الحظ
خل اقولج عن شي صارلي انا تزوجت قبل حماي بسنتين حلو
تخيلي طول هالفتره اقول حق ريلي حطلي غساله انا كنت فبيت اهله وماعندي مكان الا المطبخ التحضيري الي بره غرفتي مارضى طول هالوقت اغسل فبيت اهلي
المهم ملج حماي ولا بعد اسبوعين شفت بالمطبخ التحضيري غساله اتوماتيك فرحت ورحت لخالتي قلت لها مشكورين عالغساله قالت هدي حق العروس اليديده انا ويهي صار:080402ask_prv:قلت لها وين بتسكن لانه بيتهم صغير قالت مكانكم :eh_s(14):يعني طرده بعدها اشتغلوا علي حمولتي بمشاكل علشان نطلع لحد ماطلعنا وارتحنا
اهيه اول مادخل عليها ريلها ماشاءالله حملت وصدف اني حملت معاها(للعلم حمالي عزيز)
وولدت عقبي وبعدها ب10شهور يابت توئم ماشاءالله وتوها بعد من 6شهور والده
طبعا اهيه مشفحه عاليهال
انا حالتي فلوسي كلعا قاطتها على العلاج والسفر طبعا اهيه كله تقول عني لوازم ياكبر حظها كل بسنة تسافر مرتين اوثلاث مدللها يوديها مطاعم فنادق جنها عشيقته مو زوجته
مالومها لانها لها الظاهرانا اسافر بفلوسي وللامانه زوجي يحط مايقصر
بس بالمقابل شفت ايام سوده معاه طق طرد بره البيت اجهاض سحرللعلم انا ماابررله لكن كثرة الزن عليه والعيون الي:eh_s(14): تفتحت علي منهم الحين كل حمولتي اقل عدد عيال عندهم 4ماشاءالله الله يخليهم لهم وانا واحد مع دلل مااقارن
صج يحز بخاطري انه ولدي وحيد وماعنده اخوان بس الحمدلله ربي قاعد يعوضني باشياء ثانيه
نطري على رزقج يابنت الناس وكل ماتسمعين انها سافرت ولاراحت ولاعطاها قولي اللهم اطعمني ممااطعمتها وشرط ربي يبرزقج مثلها واكثر
حركة القهوه مع خالتج مرررررررررررررررررررره موحلوه مثل ماتقولون بسعوديه
ريلج باين عليه ولد حلال اكسبيه واكسبي خالتج والمره الجايه انتي بادري بالقهوه والحلو والسنع
وريهم احسن شي عندج بالتعامل ولااخلاق لانه راح يدل على سنع اهلج
لاتلومين البنات لي قسوا عليج ترى لمصلحتج
يمكن رزقج يكون بشي ثاني مو بسفر والشاليهات يمكن بصحه بالعيال بصلاح الدين رضا الله ثم الزوج والوالدين وبمحبة الناس
اسفه قرقرت وايد
للعلم ترى كل الي سافروا شهر عسل تهاوشو:fun22:جد ماامزح معك
السفره بعد مرور وقت من الزواج احلى

 

[@الليدي لين@]

انا مابي اتحجى بمثاليه وبطلب منج شعور الملائكه

لان لو بمكانج اكيد بغار لانكم بنفس المستوى وبنفس توقيت الزواج بعد

بس هي تونست اكثر منج بالسفره !! بس الي بطلبه منج انج تسيطرين على شعورج هذا لله

كل انسان يتمنى لنفسه الافضل ويمكن هي لو بمكانج جان احترت بعد

لكن شراح تستفيدين لما تحرقين دمج !! هالشعور اكيد من الشيطان عشان يدمر قلبج وشعورج وسعادتج وصحتج بعد

عشان جذي اخزيه وتعوذي من تدابيره :

استغفري واسالي الله ان يغسل قلبج بالماء البارد والبرد وينقيه من الغيره مثل ماينقي الثوب الابيض من الدنس

تمني لها الخير وتكلمي بهالشي لان الكلام ينتقل لعقلج الباطن من غير شعور ودايم قولي جدام زوجج وخالتج وامج وخواتج ( الله يهنيها )
والملك بيقولج ( ولك بالمثل )

حاولي تستمتعين باحلى ايامج وطلعي وروحي وتعالي وتشاركي مع حمولتج فرحتهم فيها وفيج

وتمني من قلبج لها الخير وقولي يارب ياواسع الكرم والعطاء والجود لا تحرمني لذنوبي من جودك وانت الجواد الكريم

وابتسمي تصنعي الابتسامه وتكلفيها

والله ياقلبي من قلبي اقولها الي فيج طبيعي بدئا ، لكن ان خليتيه بتظلين طول عمرج تراقبينها وراح تنسين ايامج السعيده وحرام تنشغلين

بالغير ولحظات العمر غاليه !! حظها مو كبر البحر

حظج انتي الي كبر البحر الي رزقج احساس ودين ومراقبه لتصرفاتج

وعسى يهنيها ويهينج ياعروسه

موفقه ياقلبي

معاها

 

[!الجادل الصعب!]

مآتوقع فيها شي لو زوجج خدم آهله ؟

بعدين آنتي قلتي امه ساعدته بمبلغ عشآن يبدا تجآرته ؟ يعني امه مو ضده ..صح

يمكن الغيره تصير لانها سافرت وانتي لا .. مآلومج كل وحده تتمنى شهر عسل خيآالي .. بس مو ذنبها انها سآفرت ..

بكره تسآفرين وتستانسن بعد .. لا تستعجلين على رزقج ..

صفي النيه مع البنت ولا تبدين حيآتج بمشآكل ..
شفيكم يا بنات من تزوجون تبون تحطون الرجآال بصندوق وتقفلون عليه ؟

 

[LeeMa q8]

[يا بنات قدروا متزوجين بنفس اللحظه واهي قاعده والثانيه تسافر وتتونس والله شي يقهر واهم خوان من بيت واحد ومن نفس المستوى انا اعترف لو انا صاير معاي هالشي بنقهر وبقول لزوجي مثل ما اخوك سفر مرته تسفرني انا شناقصني ومن حقي اتدلل/quote]


لو كانوا اللي ردوا برد مادري شلون وسالفت حسد ..

لو كانوا فعلا مارين بالموقف وصارلهم جذ ي معاريس بلحظه وحده ماس تطير لاخر الدنيا وال2 منثبره باالبيت .. جـآآن ماقالوا حسد ومادري شنوو ...

صج الحمدلله ع كل حال وبنصبر بسس لابد مننقهر ونحتر لانه بالنهايه انسااان وشخص له مشاعر واحاسيس


الله يكبر حظزظنا يارب ..


وحبيتبي استانسي وانسيهم ...

 

[tmtmt]

انا ما يحروني الا الي يقولون
الغيره بكل الحريم

ما قلنا ضس اغار صح بس !!
مو عشان سافرت اكثر مني !!!

اهيا شذنبها تغار منها ولا تحتر منها
والله يبه زين اقعد بالبيت واحكر عمري عشان غيري ما يحتر !!

لا تقولون مو حاسه

كا حماتي ما شاءالله تبارك الرحن
حتى كندا راحت

ولا احتريت ولا غرت ولا شس !!


اما سالفة يطرشون ريلج عشان مرت حماج اي هاذي السالفه تضايق

 

[احلام روحي]

عطية الله

عسى الله يسعد قلبج ياقلبي ويهنيج ويفرج همومج