سلفتي حظها كبر البحر احتريت وانا لي اسبوعين متزوجة

[عذوب79]

يا حياتي

وربي احتريت نفسج بس خساره تحترين وضيعين دقايق من عمرج بالتفكير بناس واللي سووه

انا كنت احررررررررر نفسي نفسج بس تعبت وقلت لازم اتغير مالي شغل بالناس

و عودت نفسي على هالمثل من راقب الناس مات هما وارتحت راحه مو طبيعيه


شبي بالناس لهم حياتهم ولي حياتي بقعد راقبهم ماخلص وتعب

تحياتي لج

 

[عذوب79]

صج نسيت اقولج اذا تبينها هي تحتر منج خلي الناس تحبج

خالتج وحموانج وشايبج وعيالهم وبناتهم صيري مثل الورده الي ماينشم الا الريح الطيبه

اذا شافت الناس تحبج والله هي اللي يتحتر عامليهم زين واكسبيهم

 

[>> True Love<<]

هي بسويسرا
وانتي ماتعديتي الديره
وتعالي سوي لها القهوه..!!

حبي تاكدي اخاف انتي خدامتها ورجلج السواق ولا تدرين
ههههههههههههههههههههههههههههههههههههههههه

ويلاه الحره بقلبج مو بقلوبناا

بس ليش تقارنين بينج وبينها؟يمكن هي مو مرتاحه مع رجلهااا؟؟

بس الحسسسسد ليشششششش
من راقب الناس مات هماا

 

[.،:"$الـعـوبــــة$":،.]

والله بصراحة تخرعين !
أنا أخاف من الناس اللي أحس فيهم هالحقد والغيرة !
السفرات حمولتك مالهم شغل ، هي زوجها يقدر وانتي زوجك مايقدر !
انهم يطلبون من ولدهم أغراض أو احتياجات معينة ، هذا شي مايخصك ،
ولدهم وكيفهم ، مايبي ! يقول لأ ! مع اني مانصحك تحرضينه يعصي أمه استغفرالله !
أنا شكثر حريم حمواني بس والله ولا قدر فكرت اني اتعب نفسي والاحظ شنو سووا والا وين راحوا !
والا ليه الله عطاهم وليه ماعطاني !
هذي قسمة ربك استغفرالله ! وراضية حيل باللي عندي ومقتنعة الحمدلله وعاجبني حالي والله !
الله لا يغير علينا الا للأحسن !
ونصيحة ،، صفي النية ،، وصدقيني الله يعطي كلن على نياته !​

 

[ام عبودي00]

ياقلبي هي تسافر من حلال زوجها هذا اول شي ،، وراحت واجات ولا درت انك تطبخين قهر

بعدين يوم قالو زوارتها ليش تقطين وجهك .. كان سكتي وخليتي العالم تنتفهم بالكلام اوما اقولهم وانا جد صعبه


ثاني شي زوجك ان شاء الله يخلص دراسه ويعوضكم لا تطالعين فوق تنكسر ارقبتك


وتوو الناس ع المشاكل

 

[ماريا ابنة الحي]

ادعي ربج بصلاتج
قولي الله انزع مني الحسد

مشكلتج مو معاها مع الحسد

 

[مجنونة بس عاقلة]

عيب تردين عجوزك والله عيب

 

[روح مغليهآ]

حااااسه فيج صج شي يقهر بس صبري
ان شاء الله يتوظف زوجج ويسفرج اخر الدنيا

وحمدي ربج وداج العمره انا ماسافرت مكان مع ان زوجي موظف
وكل شي نصيب المهم خليج رااايقه عالاخر

 

[كويتيه كيوت3]

حبيبتي اسمحيلي من ناحية خالتج اهي بمثابة امج وما غلطت عليج ومافيها شي اذا امرتج وقالتلج سوي قهوه انتي قاعده تخدمين خالتج مو مرت حماج

 

[مـزآج ــــية]

المرة مالها ذنب و ما سوت شي !

لا تصيرين حقودة

اهيا ريلها موظف و حالته مرتاحة انتي ريلج طالب , يعني انتي اللي رضيتي انج تاخذين واحد بعده يدرس لازم تتحملين نتايج اختيارج


يعني نطري ع الريال لمن يشتغل اكيد راح يسفرج

 

[الدلوعة أمون]

صج الناس حظوظ
حبيبتي الناس مو سوا ولاتقارنين نفسج بغيرج انتي غير والناس غير

خليج في حالج ......واهم شي خالتج وزوجك علشان تكسبينهم
وحماتج مالج شغل فيها وفي حياتها انتي صيري احسن منها

وبسسسسسسسسسسسس

 

[بريق]

ياحبيبتي انصحج بدعاء حلو .. وراح ترتاحين .. قولي وانا اختج كل ما شفتي عند احد شي تمنيتيه..:"" اللهم بارك لهم فيما رزقتهم.. وارزقنا كما رزقتهم"" ..

ثانيا ياقلبي ..
زوجج قاعد يساعد اخوه يوم خذا البشت ويوم بيحجز الشاليه اخوه بيسكن فيه بعد.. يعني زوجج مو قاعد يكرف لها.. بعدين يا حبيبتي مثل ماقالوا البنات انتي ميزي نفسج وحبيها وحبي زوجج وحطيه بين عيونج لانه لما تسعدينه .. راح يحط الدنيا كلها قدامج.. وبري بامه عشان تكبرين بعينه وبعينهم بعد .. وانوي كل عمل تسويه يكون خالص لوجه الله .. وصدقيني ماراح يخيبج رب العالمين ..

تذكري مالج الا اسبوعين .. لا تحاولين تنكدين عيشة زوجج بشي ((((خارج علاقتكم الزوجية)))) راح يطفش!!

وتذكري دام زوجج يحبج ويهتم فيج وتطلعون وتمشون مأدي كل حقوقج .. هذا هو راس المال ...
واحمدي ربج دامه يصلي وخايف ربه وماعنده خرابيط ... مو تقولين لو توصل للطلاق !!!!!!! أعــــــــــــوذ بالله !!!!!!!
وعشان شنو عشان وحده ما جابت خبرج ... ريحي مخج وارتاحي ,,:tek:

 

[i'am THE ONE]

ان شاء الله يتوظف زوجك باحسن وظيفه و يعوضك خير

انتي بدي الزينه عشان تكبرين بعينه

و دايما ادعي الله يعوضج و يصبرك

الدنيا ما تسوى

 

[كبرياء أمراه]

والله بصراحة تخرعين !
أنا أخاف من الناس اللي أحس فيهم هالحقد والغيرة !
السفرات حمولتك مالهم شغل ، هي زوجها يقدر وانتي زوجك مايقدر !
انهم يطلبون من ولدهم أغراض أو احتياجات معينة ، هذا شي مايخصك ،
ولدهم وكيفهم ، مايبي ! يقول لأ ! مع اني مانصحك تحرضينه يعصي أمه استغفرالله !

وأزيد لو ما الحسد مامات احد

لو انتي مكانها بتقووولين وليش تحسدني الرزق بيد الله

 

[q8_84]

--------------------------------------------------------------------------------

محد ضربك على ايدك وقآل وافقي .....


إنتي وافقتي وتزوجتي وانتي عآرفه ظروف زوجك وانه طآلب ..

مو ذنبهآ إذا هي ماشاءالله زوجهآ موظف ومقتدر ...


إذا انتي هذا تفكيرك كنتي تقدرين تردين زوجك وتنتظرين المقتدر الي يسفرك ويوديك ...



وعلى سآلفة الزوآره , أم البنت هي الي بآدرت يعني خآلتك مو ذنبهآ إذا اهلك ماتكلموا ولا شي ..
وكثر خيرهآ الي قآلت الزوآره لك ولهآ ..


من جد عش رجباً ترى عجباً ..



الله يصلح الحآل بس ..
وصفي النيه ياأختي ترى مارآح تقدرين تعيشين ..

اتفق معاج بالحجي

وبعدين انتي من النك نيم مالج مبين انج انسان متشاءمه وتحبين الهم انا مالومج بس كبرتي الموضوع حيل وانتي تدرين انج متزوجه واحد يدرس و مو متوظف انشاء الله يتوظف ويسفرج ماله داعي للحسد

وبعدين في عروس ترد على خالتها جذي هذا بعد كم سنه شراح تسوين فيها ما قول الى الله يهداج

 

[eman84]

بصراااحه ما الومج لما تغارين لان صح الفرق بينكم مو واايد يوم واحد و اثنينكم عرايس
بس حبوووبه خلي هالاحساس بينج وبين نفسج وغلط انج تبينين حق الغير (خالتج او زوجج) انج تغارين منها

وخالتج غلط يوم انها تسوي الزواره حق الثانية و انتي تالي المفروض ماتفرق بينكم وتعدل من نفسها بس حسيت انها مسكينه ماتقصد والدليل انها غيرت رايها عقب و قالت يالله انتي وياها , و القهوه هم لما رفضتي تسوينها ماتحلطمت واايد بالعكس تفهمت وضعج و صكت التلفون .
يعني اهيا ماتعرف او مو ملحقه عليكم انتو الثنتين

المهم انتي اخترتي طالب يعني امكانياته على قده و ان شاء الله لما يتوظف راح يسوي لج احسن بس انتي صفي النيه و طولي بالج و لاتحسسين زوجج بالنفص وانه عاجز . لان اكيد اهو بينه وبين نفسه هم متضايق ووده يفرحج بس ما باليد حيله ! تصبري وصيري السنعه وخلج ويا خالتج علطول وويا مرت حماج وحاولي تكسبينها اخت لج وبعدي عن المشاكل و صيري انتي الكبيره السنعه اللي تفرضين احترامج ووجودج .

ولا تطالعين حياتهم واايد وذكري الله ترى الحسد و الغيره نقمه اعوذ بالله منها , و ادعي ان الله يعطيج الاحسن و انتي ماتدرين شنو بينهم ترى البيوت اسرار يمكن الظاهر جدامج يختلف عن الحياة الخاصه بينهم

الله يسعدهم ويهنيهم و يسعدج انتي بعد يا احلى عروسه و الف مبروك

 

[آجمل نسآء آلدنيآ]

ذكرتيني باالأيه ( أَمْ يَحْسُدُونَ النَّاسَ عَلَى مَا آتَاهُمُ اللّهُ مِن فَضْلِهِ )

طبعا بتموتين وماراح ترتاحين مادام ( الحسد بقلبج )

وصدق بعض السلف اللي يقولون ( ان الحسد مرض منصف لانه يقتل صاحبه أولا )

وبصراحه ( خالتج عسل ) اللي ( كبرت عقلها عليج وما جابت فيج العيد )

حبيبتي الحل ( تدعين ربج يطهر قلبج من الحسد ومطالع الناس وارزاقهم وترضين بنصيبج )


( يارب طهر قلبي من الحسد وارزقني القناعه ) ​

^

^

مـآ قصرت فيــج ..

آللـه يعيـنج ع نفســج ​

 

[عطية الله]

:tek: إختي "أحلام روحي" كلامج حيل طيب وحلو ويبين كبر عقلج وصفاء قلبج، عسى الله يثبتج وجعله في ميزان حسناتج .....
وإختي صاحبة الموضوع "هموووم" عليج بالصبر والدعاء تراه يرد القضاء سبحان الله ... والله يرزقج باللي تبين وزياده ..

 

[عطية الله]

... بنات الله يهداكم البنت ما كتبت الا تبي النصيحه والراي الطيب .. ماله داعي اسلوب الهجوم والتانيب اللي قاعدين تردون عليها فيه ...


النصيحه باللين والكلام الطيب الله يجزاكم خير ..

 

[شوق الرياحين]

لاحقه على خير .. الخير قدامج .. زوجك راح يخلص دراسه .. ماراح يكون طالب العمر كله .. وتهنين وياه ان شاء الله ..

نصيحه .. كثرى الاستغفار .. وانتى الربحانه ياقلبي والله يعينك ..