سلفتي حظها كبر البحر احتريت وانا لي اسبوعين متزوجة

[DooLy88]

مابتكلم عن حسدج وغيرتج وحرة قلبج اللي مالها داعي انا اقول كلمي وعاملي ام زوجج احسن معاملة لاتخربين على نفسج

 

[داريني]

لا تتدخلين بين اخوان وامهم
واسلوبج مو حلو مع خالتج مهمه يكون اهم غلط انتي دايما حاولي تكسبينهم وما تردينهم بطلب
ما اقولج صيري مغفله بس انتي صبري وشوفي شنو مايتهم اذا قصدها انها تفرق بينكم نطري وقت المناسب ونزلي حق خالتج وتشرهي عليها
بدون ما تطولين لسانج لو تشيشن ريلج او تتزعلين

 

[تنـــاســـانــي]

ذكري الله يبا لا تحسدينها من غير ما تقصدين ،،

اهيه ضروف ريلها احسن علشان جذي اهيه عايشه احسن ،،

و انتي خذيتي ريلج و تعرفين بضروفه ،،

انا مالومج لمن تغارين بس ماله داعي كل هالحجي @@

انتي باجر ان شاء الله لي تعدلت ضروف ريلج بتعيشين احسن من عيشتها ،،

 

[رافعه الحاجب]

شوفي اهو المفروض ترضين بنصيبج وريلج ان شاء الله الله يفتح عليه ويرزقه ويسرفج كل مكان عقب ما يخلص دراسته بس انا استغربت بينكم يوم يعني كلكم عرايس

 

[نفسي بيبي]

:tek:

نفس اللي بقواله حبيبتي انتي عروس عيشي حياتك اهم شي خالتك حرام والله هي مثل امك :33_1185028183:

 

[تفكوره]

ليش الحسد حبيبتي
انا اشوف المسكينه مالها ذنب
ومحد قالج تزوجي طالب
تحملي حبيبتي
وحاولي انج اتعيشين الوضع عادي ولاتبينين لهم
بسم الله ماصارلج اسبوعين رديتي خالتج ام زوجج
يوم طلبت منج تسوين قهوه
بعد سنه شبتسوين بتاخذين النعال على راسها

 

[marshmallows_q8]

أنا اقول وسعي صدرج وعيشي حياتج انتي عروس

ولهي نفسج بدراستج وايد أحسن .... لااااااحقه خير ......

 

[((shoOoshoOo))]

انا ماألومج بس بنفس الوقت مفروووض تكونين عارفه ان ريلج طالب ومايقدر يسوووي لج اللي يسويه اخوه لمرته

المسأله مســــــــأله وقـت وان شا الله اذا توظف بيعوضج ..

 

[قمر وربي امر]

سلفتي حظها كبر البحر احتريت وانا لي اسبوعين متزوجة


(ترى العين حق .. هذا انتو يالحريم الغيره والحسد بدمكم )


الله يعينها سلفتج والله اكسرت خاطري .. الله يحفظها ويحميها ..

ويرزقج بالي تتمنين عشان اتشيلينها من بالج ...


ليت احصل بنات قلوبهم صافيه على بعض ويتمنون الخير لغيرهم ..

عافانا الله وإياكم من الحسد والغيره ...

 

[EnG.SaMoRa]

محد ضربك على ايدك وقآل وافقي .....


إنتي وافقتي وتزوجتي وانتي عآرفه ظروف زوجك وانه طآلب ..

مو ذنبهآ إذا هي ماشاءالله زوجهآ موظف ومقتدر ...


إذا انتي هذا تفكيرك كنتي تقدرين تردين زوجك وتنتظرين المقتدر الي يسفرك ويوديك ...



وعلى سآلفة الزوآره , أم البنت هي الي بآدرت يعني خآلتك مو ذنبهآ إذا اهلك ماتكلموا ولا شي ..
وكثر خيرهآ الي قآلت الزوآره لك ولهآ ..


من جد عش رجباً ترى عجباً ..



الله يصلح الحآل بس ..
وصفي النيه ياأختي ترى مارآح تقدرين تعيشين ..

اوافقها الراي

 

[لي مشاعر]

انا مابي اتحجى بمثاليه وبطلب منج شعور الملائكه

لان لو بمكانج اكيد بغار لانكم بنفس المستوى وبنفس توقيت الزواج بعد

بس هي تونست اكثر منج بالسفره !! بس الي بطلبه منج انج تسيطرين على شعورج هذا لله

كل انسان يتمنى لنفسه الافضل ويمكن هي لو بمكانج جان احترت بعد

لكن شراح تستفيدين لما تحرقين دمج !! هالشعور اكيد من الشيطان عشان يدمر قلبج وشعورج وسعادتج وصحتج بعد

عشان جذي اخزيه وتعوذي من تدابيره :

استغفري واسالي الله ان يغسل قلبج بالماء البارد والبرد وينقيه من الغيره مثل ماينقي الثوب الابيض من الدنس

تمني لها الخير وتكلمي بهالشي لان الكلام ينتقل لعقلج الباطن من غير شعور ودايم قولي جدام زوجج وخالتج وامج وخواتج ( الله يهنيها )
والملك بيقولج ( ولك بالمثل )

حاولي تستمتعين باحلى ايامج وطلعي وروحي وتعالي وتشاركي مع حمولتج فرحتهم فيها وفيج

وتمني من قلبج لها الخير وقولي يارب ياواسع الكرم والعطاء والجود لا تحرمني لذنوبي من جودك وانت الجواد الكريم

وابتسمي تصنعي الابتسامه وتكلفيها

والله ياقلبي من قلبي اقولها الي فيج طبيعي بدئا ، لكن ان خليتيه بتظلين طول عمرج تراقبينها وراح تنسين ايامج السعيده وحرام تنشغلين

بالغير ولحظات العمر غاليه !! حظها مو كبر البحر

حظج انتي الي كبر البحر الي رزقج احساس ودين ومراقبه لتصرفاتج

وعسى يهنيها ويهينج ياعروسه

موفقه ياقلبي

ما شاء الله تبارك الله

كلامك درر يا احلام

حبيبتي العروس

انت القادم ان شاء الله احلى

وصادقي سلفتك

وباركي لها من قلبك

وخلوكم خوات

واكسبيها صديقه تسد مقامك وتسدين مقامها <<<بكره اعيالكم بيربون سوء زي الاخوان

خلي الاحترام والتقدير مبدئك <<وان شاء الله فيك الخير

ولمن تظهرين الفرحه لها بيعطيك الله على قد نيتك

صفي النيه حبيبتي واسعدي با ايامك الله يسعدك ويهدي سرك ويصلح شأنك

 

[روحي زوجي]

وانتي شعليج منها

اذا من الحين بتطالعين فلانه وعلانه ماراح تعيشين وان عشتي مع زوجج اكثر بتصيرين نكديه

 

[أنفاسي دخون]

يا بنت الحلال لا تضيعين احلى ايام زواجش بسوالف تافهه والله يعوضش بسفرة وحظ اكبر من حظ مرة حماش

واهم شي لا تغثين زوجش تراه اول وتالي ولدهم وهم اهله اذا راضي لا تدخلين بينهم يسوي اللي يبي

 

[*-*Lo0o0Raaa*-*]

شوفي سالفة السفره وما سفره

اهوا ريلها موظف ومقتدر انتي ريلج لا صبري عليه

وياملج بتسافرين وتستانسين

بس يبلهاا صبر


وكبر عقلج وطوفي


بس بصراحه كله كوووم

وخالتج تقووولج سوي قهوه حق العروس الثانيه وبينج وبينها يوم

لا والله مو عادي

بنات حطوا نفسكم مكانها ولا شي يحر

اهيا صح بحسبة امها

بس عاد مو جذي

مثل ماذيج مرت ولدها هم هذه مرت ولدها والمفروووض ما تفرق

ماعجبتني الحركه كلللش

لو بتصير فيني بموت من القهر

الحق ينقال

 

[عيش و مرق]

الذين تشاهدون محتوى الموضوع الآن : 11 ( العضوات 7 والزائرات 4)
‏عيش و مرق, ‏ثلوج دافئه, ‏miss_rsa, ‏راحيل العبدلي, ‏سكرتيرةالمستقبل, ‏papaya, ‏Sweetq8oster_av1:

 

[PinkY Dreams]

امبيه عادي بس اكسرت خاطري خالتج ليش قلتيلها جذي

 

[brettey]

يعني عادي عندكم ان خالاتكم يقولون لكم روحي سوي القهوه لنا والمقصد لها ولمرت حماها ؟
اي شي لا والله ماراح ارضى انا ماني خدامه
انا بهالنقطه معاها زين سوت يوم قالت جذي لا باجر يتعودون عليها سوي وخدمينا وخدمي مرت حماج خوش والله عروس تخدم عروس حالهم من بعض وين قاعدين
حطوا نفسكم مكانها ولا تدعون المثاليه الزايده

 

[ام ساره 4]

الله يوفقج حبيبتي واللي عطاها يعطيج إن شاء الله بس حبيبتي نصيحه عدلي إسلوبج مع خالتج نصيحه لأن كلما عاملتيها زين راح تكبرين بعين زوجج وبالعكس دام خالتج زينه مع مرة حماج أكيد بتكون زينه معاج خو هذا ولدها وهذاك ولدها ومستحيل الأم تفرق بين عيالها الله يهديج حبيبتي ولا تحطين ببالج ولا تبينين غيرتج واخذي الأمور عادي صدقيني كلما صرتي زينه مع أهل زوجج كلما حبوج وحطوج على راسهم والإحترام واجب خصوصا خالتج والمفروض نازله ومسويه القهوه الله يهداج جذيه بطريقتج بينتي لها إنج غيرانه من مرة حماج ... عيشي حياتج وطنشي ولا تحطين ببالج شي وشيلي عنج الغيره ترى توج ببداية الطريج ولا تستعجلين على رزقج

 

[0oR0R0 honeyo0]

استغفر الله العظيم من كل ذنب عظيم واتوب اليه ..
ياأختي الحسد مايجوز والي يحسد مايدخل الجنه تبين تخسرين الجنه عشان وسخ دنيا ..
وثالثا حبيبتي محد جبرك ولاضربك على يدك وقالك اخذي واحد يدرس هيا اعقل منك عرفت مصلحتها وتزوجت واحد يشتغل يعني انتي غلطانه وبعد جاسده زوجها انه يشتغل انتي الي وافقتي على زوجك الي يدرس فلاتلومي الانفسسسسك ..
والي رزقها ورزق زوجها بيرزقك وبيرزق زوجك ماحد ماخذ رزق احد ..
وبعدين انتي صاحيه تقولين طلاق وماطلاق لااسمحيلي انتي عقلك اصغر من عقل النمله الله يعينك على نفسك بس ..

مادري ايش صار بالدنيا الناس صاروا مايرتاحون غير لمايقتلون الناس بعيونهم حسبنا الله ونعم الوكيل ..

 

[أحبه موت]

لاحول ولاقوة الا بالله حبيبتي ليش كل هالحسد الي فيج
البنت ماضرتج بشي عشان تحقدين عليها هالكثر
وثاني شي عيب تقولين حق خالتج ام زوجج هالحجي ترى اهي مثل امج تخيلي ان مرت اخوج تكلم امج جذي ماتحترين هذا بدال لا تكسبينها وتقولينها ان شاءالله من عيوني تامرين أمر جذي تعاملينها من حقها بصراحه تسوي حق سلفتج العزيمة وماتسويلج شوفي اهي شلون تعاملها وانتي شلون تعاملينها
الله يهيدج ان شاءالله