والله ع حسب النفره الي جدامي
يعني مرات تكفيني نظرتي الاستفزازيه واضحك وارفع راسي وامشي
ومرات لا والله اقول كلام قووووي مو سب بس حيل يجرح
هذا طبعي شسوي اسكت اسكت عقب انفجر
ذكرت موقف لووووووووووول صج صج صج بردت جبدي فيه
وحده الله يسلمج بنت عمي بس كبيره بالعمر بس تمشي وتاكل بلحمي جدام الي يسوى والي مايسوى اوكي اذا الكلام فيني والله ماراح اتضايق بس المشكله كله جذذذذذبب !!! والمشكله محترمتها لان ابووي يحبها فاحتراما له ساكته
ويوم تملكت راحت تقول لام الولد شتبون فيها هذي رفله هذي فيها ومافيها !!
جذابه حسبي الله عليييها
عاد مره قابلتها بمناسبه يااااي حسيت ان النصر قريب
مسكتها عند الحريم واسلم عليها وارفع صووتي هلااااااااااا بنت عمي هلاااا بحافظه سري عن العذال هلا بحافظه عيبي هلا هلا ومسهلا يا بعدي << وارفع فيها وهي منصصدمه تدري اني اتطنز بس ماتقدر تكلم لاني ما غلطت
عقب مسكينه امها داعيه عليها جابت موضوع الطواعه جان تقول انا مطوعه عطيتها نظرره قلت عفوآ منوو مطوعه ! وماسكه ضحكتي قالت اناااا قلت ايييه خير ان شالله الله يسمع منج بس يا بنت العم سمعت انج تصومين اثنين وخميس اييه يا بعدي صومي وتصدقي وصلي لاني باذن الله مخاشرتج بالحسنات ،، وربي كرهت الساعه الي شافتني فيها وعقب صارت تكلم فيني وقبل لا تخلص السالفه تقولهم احلفوا ان الكلام ما يوصلها خخخخخخخخخخخخخخخخخ مسسكينه
