حاسين فيج
بس الصراحه الاثنين غلطانين يعني بالنهايه اكسرت خاطري مرام لانها ماكانت تدري ان صوتهم ينسمع على قولتها ومحتاجه احد يقولها
لو انج من البدايه قلتي لها واهم شي مو جدام الناس حرام تحرجينها جدام الناس حتى لو بس عن اصوات عاديه كأنج قاعده تطردينها لول المهم
مثل ماقلت الاثنين غلطانين والحين بعد المصارحه الحمدلله انحلت المشكله واعتقد لازم تردون نفس قبل تسولفون مع بعض وعادي لانه صار سوء فهم والحين انحل
وانتي رخي شوي وابدي انتي مو مشكله اللي فيه الخير اهو اللي يبدا السلام وكأن شي ماحصل
والله يعين الجميع :eh_s(8):
حبيبتي أنت متزوجة ... إذا متزوجة فبتفهمين مدى قهري لمن دريت انو زوجي سمع ... و انا بعد ماقصرت بلوم نفسي و اقول عن نفسي يمكن أنا اتسمع أو أني يعني مثلا حاطه بالي معاهم ... علشان جذيه حسيت اني لمت نفسي كثير و مرام الغلطانه
بس مثل ماقلت احس انو مرام خلاص كسرت خاطرها و اتخيل انو الحين موقفها محرجه مني ... يعني انا اطبق الشي على نفسي ... اتخيل انها الحين خلاص بتكون مستحية مني ,,, و أنا قلت لها حمدي ربك انت اتصلت عليك و قلت لك عقب المرة الاولى اللي سويتي فيها مشكلة و انت مو فاهمة عن شنو اتكلم أنا ....
حبيبتي أنا بعد من رايك ودي احسسها انو خلاص ماصار الا الخير ... بس شلون ... لأن مو حلو حنا بنظل طول عمرنا عايشين بنفس العايلة ... مو حلو نعيش جذيه .. ابي ترد العلاقة و بنفس الوقت مانطيح الميانه و تلزم حدودها معاي و تحترمني ... حبيبتي ترى اول ماتزوجت كنت اراعيها و انا اللي اتصل و اقول مسكينه البنت غربة (حنا متغربين عن اهالينا) و اقول بصير لها خوش أخت لأن ماعندها خوات ... بس جذيه تطول لسانها و تبدي بالشر .
حبيبتي اتمنى ترجعين و تقولين شلون ابدى وياها بس بدووووون امانزل من نفسي أو اني اعتذر .. مابي اعتذر ... ماسويت لها شي.
