سمك الزينة اشلون اعتني فيهم ؟؟

[^^دموع الكويت^^]

مشكوووووووووورة وايد ما قصرتي


زين اشلون على الأكل ؟؟؟


انا اعطيها نتفه وكل 5 أيام صح جذي

والماي اغيره كل 3 أيام ؟؟​

 

[جرح الليالي]

بالنسبة للاكل المفروض تعطينها شوية وكل يوم مرة وحدة كافية

وترا هالنوع من الاسماك اللي تلهمد عادي خخخخخخخخخ

يعني بطينية وما تقول لا حق الاكل هههههههه احلى وصف

عطيها كل يوم شوية بحيث انه ما يظل عالسطح اكثر من خمس ثواني

وكلما كثرتي اكل يزداد وصخ السمجة وبالتالي الماي مو بس يتوصخ لااا

يصير متسمم لان وصاختها فيها مواد سامة

انا عندي وحدة حاطتها بحوض شوية كبير يعني بو 30 سم طوله طبعا اهو مو كبير بس قياسا حق الحوض اللي عندج يطلع اكبر

حاطتها بروحها عشان حجمها صغير وكل يومين او يوم اعطيها حبتين او ثلاث من الاكل

اكلها مو رقاقات لا حبوب اللي قلت لج تكون انظف من الفليك


قبل لا انسى لا تخلين احد يطق عالحوض

الواحد فيها بدون لا يحس تلقينه يطق الحوض يعني عشان يتحرش بالسمجة

غلللللللللللللللللط

هالشي يخليها تفرز مادة مخاطية تكون مثل حماية لكنها تقتل السمج الثاني

صح انتي عندج سمجة وحدة بس حلو الواحد يتعود عالشي الصح


ان شالله اكون وضحت لج سالفة الاكل


اما بالنسبة للماي عادي اذا شفتيه مو وصخ خليه 3 ايام

او كلش كلش يومين وغيريه واذا نقص خلال هالفترة زيديه حق يتجدد الاوكسجين فيه

واي شي تبين انا حاضرة ​

 

[^^دموع الكويت^^]

مشكوووووووورة ما قصرتي

انا اللي شريت منه قالي الاكل كل 5 أيام ؟؟ !!!

غريبة انتي تقولين كل يوم


لانه قالي مو زين الاكل لها وايد عشان لا تموت ؟؟​

 

[سحيله_الحلوه]

خوش موضوع الصراحه يونس وفيه معلومات حلوه

 

[جرح الليالي]

لا ما عليج منه

انتي عطيها كل يوم بس بطرف صبعج

يعني لا تبرينها وايد

تدرين انا لما كنت اشتري قبل كنت اخذ من واحد متخصص وشاطر وايد ومسكين كلما رحت دبنت جبده من اسئلتي

وهذي الخبرة من كثر الاسئلة ومن كتاب صورته منه روووعه روووووووعه


بالكتاب موجود انج توكلينهم مرة الى مرتين باليوم وهذا نفس كلام البايع

ولازم يوم صوم شلوون؟

يعني يوم بالاسبوع عطيها اووف

لانه مفيد في عملية الهضم والتخلص من الفضلات

الوجبات كل يوم بوقت معين مثلا يكون الصبح خلاص الصبح يعني مو على هوانا نعطيها اي وقت

واللي بايع لج السمجة عارف الغمندة خخخخخخخخخخخخخ

لان الواحد اول ما يشتري السمج يعطيها وايد اكل يعني شغل وناسه وكلما عطيتيها ما تردج

فانتي خلي الاكل قليل يا دوب خمس رقاقات واذا زادو خليهم اقل



​

 

[^^دموع الكويت^^]

مشكووووووورة وايد وايد

يعطيج العافية

 

[جرح الليالي]

حياج الله حبيبتي

واي شي تبين ما يردج الا لسانج

واذا ما رديت بسرعه دزيلي عالخاص عشان اجيك عالموضوع

وحاضرين للطيبين خيتوووووووووووو ​

 

[قمه النعومه و الأنوثه]

خووووووووش موضوع ... وانا عندي حوض سمج كبير بس بحري واذا حابين تستيفيدون وتبون معلومات موثوقه عندكم هالسايت (كويتي ) حق شباب كويتين محترفين تربيه اسماك في معلومات وايده​

http://www.q8aquamarine.com/

 

[BaiTotia]

ماشاالله عليج جرح الليالي معلوماتج حلوه مع إني ماأحب سمج الزينة بس إستانست وأنا أقراها ههههههههههه