سمووووه على اسمي ؟؟؟

[Dr.Nouf]

بصراحه هالموضوع انا ضده اوكي انته شخص عزيز علينا اوكي بس مو لازم نسمي علي اسمك

يعني رفيجاتي وحده اسم ولدها امين
ووحده مزعل
ووحده راهي. )))))) والسبب اسم جده. اسم عمه اوكي انتوا لكم معزه بس مو لازم نسمي علي اسمكم. ليش الطفل من صغره اسمه اسم شايب
حتي اذا كبر راح. يلوم اهله ليش مسميني اسم قديم

يعني خل يضحون الاهل شوي الحب والمعزه شي. نعزكم بس بالاسامي لاتدخلون

خلوا الاسامي للاب والام اهما يختارون اسم من هالجيل

ومشكوره علي موضوع الحلووووو

اي والله


المعزة بالقلب مو بالأسامي !:eh_s(4):

 

[ديانا سبنسر]

مع فوفو 22

 

[رتبه دبلوماسيه]

اذا الاسم حلو ومقبول أوكي

بس اذا كان الاسم مو حلو وقدييم حيل ..حرام يسمون عليهم يمكن البنت او الولد يتعقد ويتفشل من أسمه..
​

 

[عادت ذكرياتي]

بالنسبة للأسماء :::


رايي بهالموضوع :::


انتقاء الأسماء يكون من الام وأب الطفل ،،،


وأذكر سالفة وحدة ::: ام زوجها زعلت ليش ما سمو عليها اول مولودة !!!!!!


هذي الام بسألها :::


لو بنتها جبرتها أم زوجها على تسمية معينة هل راح تقبل !!!!


والجواب اتوقع : لأا ^_^

 

[om MaRyooM]

انا ماحب هالسوالف صراحة

مع اني مسمية بنتي على اسم يدتها

بس هالشي مايظيف للغلا شي

المحبة بالقلب والغلا يبين بالافعال

مو " سميه على اسمي" !

 

[manoooram]

اذا الاسم حلو وعاجبني ليش لأ اسمي
والأسامي اللي ذكرتيها مقبولة قلبي
قد تكون بنظر البعض حلوة والبعض الآخر لأ
والناس أحرار ونحترم وجهات النظر وما نحاول نلزمهم بهالشي
بس ما أربط اذا سميت او لأ بالمعزة وان مالي خاطر لأ وألف لأ
المعزة والمحبة محفوظة بالقلب مو باسم سميته و يتنادى فيه !!
وغير جذي اللي يزهي الاسم ويحليه شخصية اللي شايل هالاسم

 

[pinkoosha]

طبعا انا لا يمكن اسمي عيالي على ذوق غيري ،،، دام انا و زوجي متفقين ف ان شاء الله راح نتفق على اسم يعجبنا... مو ضروري نسمي على العايله،،، الغلا مو بالاسم

 

[@عسايل@]

مشكوره والله يعطيج العااافيه ..،*

 

[MnoOoLy]

المفروض دام ان الابو و الام متفقين على الاسم
مالداعي اليد و اليدة يتدخلون و يقولون سمو بأسمنا ..

اذا هم من نفسهم يبون يسمون خير و بركة بس سالفة غصب و لا بزعل اذا ما سميتوها هاي
بصراحة سالفة غير شكل


بس اغلب اليدات و اليدود ( مادري اذا الجمع صح و لا لا هههههههه) ما يشيلون بخاطرهم اذا محد سمى
بأسمهم ، لأنهم يعرفون ان بعض الاسماء ما تصلح حق هالجيل ..
.
.

يعني تخيلو ربيعة اختي مسمية ولدها ( شخبوط ) ! انا ما اعيب على هالاسم لأنه موجود ف قبايل معينة عندنا
بس الولد يوم بيكبر .. ف المدرسة .. عند ربعه ، ما ادري احس غير ..


و فعلاً الاسم يأثر على الثقة بالنفس ..
و هالشي الرسول صلى الله عليه و سلم مثل ما قلتي حثنا عليه
و الرسول عليه الصلاة و السلام ما يحثنا على شي الا و فيه منفعة و خير ..


​

 

[$ بنت علمي $]

انا اختلف معكم تماما بموضوع الاسم

دايما اشوف غلاه الام والاب اهم بكثير من اسم المولود

ولو عندي احساس 1% بفرحهم الاسم

سميت وانا مغمضه

اما قصه الاسماء اللي تفشل ...........اتوقع الاسماء اللي ذكرتيهم ماهم فشيله
م
بزه....حلو وراقي
ميثه ....يهبل واسم رفيجتي
مستوره ....جايه من الستر ...واسم بنت اكلمها بس ما شفتها علاقتي فيها بالتلفون وحبيت اسمها

واقول دايما الشخصيه تحلي الاسم

اسم ولدي بداح ...... على جده ....بس تعالي شوفيه اسم الله عليه محلي اسمه ومميز فيه بروحه بالمدرسه
اسم امي مرزوقه ....للاسف ما جبت بنات من 20 سنه ولو عندي ما اتردد اسمها مرزوقه ....

ومازلت اقول الشخصيه هي من تحلي الاسم
الاسم ما يضيف على الشخصيه

فوفو

عمر الغلا ماكان بالاسم الغلا بالقلب
انا ماقلت الاسامي العاديه لا لو كان الاسم قبيح
مومعقوله اسمي بنتي ولا ولدي على اسم قبيح ويتعقدون طول عمرهم

حياج الله ونورتيني فوفو الغاليه:eh_s(17)::eh_s(22):

 

[$ بنت علمي $]

, آهليــن بنـوت , , > من زمآن عنج ​

... ​

امم انا بالنسـبة لي [ آختلف معآج + آتفق معآج ] , ​

آول شي نقطة الآختلآف : بالنسبة للآسمآء اللي ذكرتيهآ , حلوه , لكن : يمكن هي ما تتنآسب مع هذا الجيل خاصة ان معظم هاذا الجيل
آساميهم غريبه و عجيبه او ان معروفه لكن حلوه و تتناسب لآنها نوعاً ما حديثة !​

و ثآني شي آنا اتوقع آن الآم والآبو يسـمون المولود بآسم الآم او الآبو , من الغلآ , مو معناة اللي ما سموهم باسامي
آمهم و ابوهم يعني ما يحبونهم لآ , بس انا اقصد إللي سموهم هاذا من زود الحب فـ يبون يسمونهم على اسامي امهم و ابوهم حتى لو الاسم مو وايد حلو بس عشان يثبتون حبهم لآمهم وابوهم و حتى المولود نفسه اذا زرعوا حب جده وجدته بقلبه
من الصغر راح يستانس و يفتخر بآسمه ! .. ​

نقطة الآتفـآق , ,
سـآعات تكون آسامي الجده والجد , مو آسامي طيبه ! مع الاحترام للجميع
و بدون ما اذكر اسم لكن جد اكثر من مره سمعت بآسامي استغرب ان اهما نفسهم للحين مخلينها واهما اجداد ما غيروها
لآن فعلا الاسم يؤثر على الواحد ! ,
على فكرة اكو اسامي تسبب اثر سلبي 99% على صاحبها ! , و مايرتاح إلا اذا غيره و اكو ناس ما يعرفون ان العله
بآساميهم !! ​

لكن ، انا اشوف الحل ان اذا الاسم مقبول حتى لو قديم بالعكس تسمية الحفيد على اسم الجد او الجده هاذا اقل شي ممكن نفرحهم فيه , آما اذا مو مقبول او ان ممكن يؤثر سلباً على حياة المولود , ممكن ان نستشيرهم يعني
[ يقومون ام و ابو المولود و يسئلون اهلهم عن الاسامي اللي يحبونها غير اساميهم , و يحطونها بورقة و بعدين اللي يعجبهم
يختارونه و يسئلون اهاليهم عن رايهم اذا تم الاتفاق عليه يسمونه بهالاسم ) ادري ان حلي سالفة طويله لوووول
بس عشان يعني ما يزعلون حرام ​

... ​

يعطيج العآفية بنوت , و سوري عالاطاله ​

هلا فيج اخذي راحتج:eh_s(17):

هذا قصدي الاسامي مو طيبه على قولتج قبيحه ومالها معنى :eh_s(4):

نورتيني

 

[$ بنت علمي $]

انا اعترض على تسمية الابناء بالاسامي الغير متعارف عليها او لا تليق بهذا الجيل لانه يأثر على نفسية الطفل حرام تظلمونه بأسم جذي اما اذا كان اسم عادي انا معععععععع تسمون على الاهل

:eh_s(15)::eh_s(15)::eh_s(15):نورتيني

 

[$ بنت علمي $]

لي عوده لمتابعه بقيه الردود​

 

[Alias]

انا اشوف الاسماء مؤ قضيه. الاسامي هي ليست موضه او ملابس بعني فيه جديد وقديم.

 

[هناء - Hana]

مممم انا صرااااحه دااااايم..يعني اشؤؤف يسمؤؤن على اسم يد المؤلؤد..ويسسسلمؤؤؤ على المؤؤضؤع

 

[الشهد كله]

اللهم لك الحمد والشكر​

اسمي حلو واسم ريلي أحلى وأحلى​

وأمي وأبوي وعمي وخالتي أسمائهم حلوة​

يعني ما أحاتي إذا سميت عيالي عليهم :eh_s(9)::eh_s(9):​

والحمدلله سميت على عمي وأبوي ​

بس للأسف البنات الله رزقني بنت واحدة سماها ريلي على​

عمته لأنه الوحيد بالعايلة اللي اسمه على اسم يده​

وهي وحيدة أخوانها





رفيجتي سمت بنتها صالحة على خالتها

تقول ما تحسفت لأن خالتي ذهب وتستاهل من يسمي عليها

وأعرف واحدة اسمها موزة حلفت على عيالها ما يسمون بناتهم بهالإسم

تقول أدري فيه ثقيل ومو مرغوب عن حريمكم

مع إن واحدة من جناينها بغت تسمي عليها لأنها تحبها بس ما رضت​

 

[$ بنت علمي $]

صباح الخير 
يعطيج العافيه ع الطرح

انا مع اللي يسمون عيالهم ع الام و الاب و الاخت و الاخ لانه يبين المحبه و الغلا

و انا بنتي مسمينها ع حماتي من كثر غلاها مع انه البيت فيه اكثر من بنت نفس الاسم وكلهم مسمين ع احد اللي مسمينها ع اسم الام و اللي ع اسم الاخت

و عندي حماتي مسمين بنتهم ع ام زوجها والاسم قديييم و كانت رافضه الجده بس اصرو يسمون عليها من غلاها والبنت حيل تفتخر باسمها لانه ع جدتها

صباح النور الله يعافيج ياقلبي:eh_s(7):

اذا اسميها حلو مافيها شي

ونورتيني حبيبتي
بس يابنات افهموا قصدي اذا شيييييييييييين مو حلو:eh_s(4)::eh_s(4):

 

[$ بنت علمي $]

انا اتفق وياج والله وحده اعرفها متعقده من اسمها بشكل فضيع يسالونها شسمج تقول فاطمة منيره اي شي بس ماتقول اسمها لانه يفشل مب حلوه كلش و لما تقول اسمها الكل يضحك لين ما اوصلت ٢٠ سنه والثقه معدومه ... وتتحسس من ابسط الاشياء بعد ماتوفت يدتها لان اهي الي مختاره لها الاسم غيروا اسمها وسموها فاطمه اسم حلو وجميل عاد ارجعت ثقتها بنفسها وقامت تنخطب كانت تكره يدتها لانها هي اللي سمتها ترى والله وااااااييييد ياااثر على النفسيه و الشخصيه


سوري اذا مافهمتو شي فيني النوم ههه

هذا قصدي

وهاذي المشكله تعقدت بسبب الاسم:eh_s(4)::eh_s(4):
الاسم ياثرررررررر بالشخصيه حيل

نورتيني:eh_s(7):

 

[$ بنت علمي $]

لي عوده

 

[ككوته]

خير الاسماء ماحمد وعبد
وانا عن نفسي اتفق معاج موشرط يكون الاسم موحلو او ماله معنى بس على قولتج مايناسب جيلنا وفي اسماء على مر الزمن تضل حلوه ولها هيبتها مثل فاطمه ومريم وغيرها ... اما عن اسماء هالجيل فنص الاسماء معانيها مو زينه والناس تسمي بس لانه غريب