سمووووه على اسمي ؟؟؟

[.حــنــان.]

اي والله عدل حرام ينظلمون و يفتشلون اليهال بهالاسامي القديمه

 

[$ بنت علمي $]

ححياكم الله

 

[بنت النور 2010]

والله حبيبتي انا مو مع اللي يسمي على احد بس اذا الاسم حلو عادي مافي شي بس اذا الاسم قديم ومو زين خلاص البر مهو في الاسماء في الافعال


والله هذا موقف احكيه لكم واحن ندور عروس لاخوي لقينا وحدة تهبل ماشاء الله بس اسمها من القديمة على جدتها لمى قلنا لاخوي رففففففففض ياخذها واسمها كذا والله العظيم اخذ وحدة اقل منها بس اسمها حلو

والعيال عندنا بالعايلة اذا قلنا لهم عن وحدة حلوة بس اسمها مو زين يقولون بتريقة واضح حلوة والدليل اسمها

من حق المولود على اهله تسميته باسم يفخر ينطقه مو يرخي صوته

 

[PuPa^^SWeeT]

بنت علمي


عطيني اسماء قبيحة




انا اعتقد ان حقبة الاسماء القبيحة اللي اتيي مع الاحداث راحت



يعني واحد شاف ضفدع بطريجه و يوم رجع لقى مرته والدة

راح سمى ولده ضفدع



هذي الحقبة خلصت



و حتى عيال هالجييل صارو اجداد الاجداد

 

[زهرة ووردة]

موضوعج يجنن بنت علمي ؛)
شوفي انا اسم جدي مو حلو وكلش ما يلوق او يتناسب مع الجيل الحالي خصوصاً ان هالجيل خلاص كل شي مطور
فعايلتي الله يحفظها راعت المواليد وما سموا مواليدهم بهالاسم
صراحه انا معاج 100٪ لانه الاسامي القديمه او الي ما تتوافق مع الجيل لها تاثير نفسي وسلبي على الشخص بس اهو على حسب ثقة الشخص بنفسه بس بشكل عام تاثيره سلبي d:
تسلمين ع الموضوع

 

[$ بنت علمي $]

بنت علمي


عطيني اسماء قبيحة




انا اعتقد ان حقبة الاسماء القبيحة اللي اتيي مع الاحداث راحت



يعني واحد شاف ضفدع بطريجه و يوم رجع لقى مرته والدة

راح سمى ولده ضفدع



هذي الحقبة خلصت



و حتى عيال هالجييل صارو اجداد الاجداد

حبيبتي الاسامي القبيحه للحين موجوده ماانتهت

يمكن قلت لكن ما انتهت

شكرا لردج ومشاركتج وحياج الله

 

[أحلى قصة]

غلا الام والابو في القلب مايوقف على اسم بس اذا اسمائهم صراحه مو حلوه او مو مناسبه مع هالوقت صراحه كلش ماله داعي نرجع نكررها وبعدين الاهل بيحبون احفادهم سواء على اسمائهم اولا بس اصعب شي لما الوحده تولد ويسمونها ولدها لو بنتها باسم هي ماتبيه غصبا عنها بس الاسم مهم لان له اثار نفسيه في القريب والبعيد

 

[كويتية بروما]

اتفق مع فوفو

الا ان كان الاسم معيب او فيه مسبه او اسم اجزاء مو حلوه لا
وشكرا

 

[San3a.Q8]

غلاه الام و الابو نثبتها في برهم و الاحسان اليهم و طاعتهم مو نسمي عليهم... بعدين انا انادي امي و ابوي يمه و يبه ما اناديهم باسمائهم و اذا سميت بنتي على اسم امي مو يعني بنتي بتذكرني بأمي لان نفس اسمها محد يحل محد احد

و انا مع الي ما يسمون على اهلهم حتى لو اسم اهلهم حلو يمكن اهمه بخاطرهم اسماء يديدة خل يطلعون من دائرة الاسماء المكررة سمو اسماء يديده عادي ما فيها شي

ساعات الاسماء حلوة ما فيها شي بس الزوج او الزوجه ما يحبون الاسم ماله شغل

 

[شندوخه]

بالعكس انا اختلف معاج مع احترامي لج
شنو بينقص منهم اذا سمو على اهلهم ؟ بالعكس هذا تقدير لهم واقل شي للتعبير عن رد الجميل للاهل ولو انه الاهل جميلهم ماينرد لو يحجون فيهم
والحين حيل رادين عالاسماء القديمه وكافي انها اسماء اصيله للعرب

 

[Japanese]

انا معاج بهالسالفه :/ واااااااااي احس فيه اسامي استغفر الله مادري شلون

بس يتروالي بعد السالفه سالفه تقبل ،، يعني ممكن انا اجوف اسم مثلا ميثه حلو ،، بس انتي تجوفينه مب حلو

واحس هالسالفه مشكله خصوصا للبدو ،، عندهم اسامي غريبه الحضر مايتقبلونها ،، مب كل البدو يعني بس اغلبيتهم

ونفس الشي للحضر عندهم اسامي البدو ممكن مايتقبلونها :/

انا قبل كنت متعقده من اسمي مب عشان شي بس لآنه كانو يتطنزون علي فيه يقولون لي يالهنديه لوووول

بس لما عرفت معنئ الاسم حدي حبيته ووايد وايد صرت افتخر فيه

بالنسبه لآني مثلا اسمي حد من عيالي ع اسم امي ولا ابوي اظهارا لمحبه ف آحس انها صعبه!!! مب الاسم اللي بيرويهم

شكثر احبهم مالللللله خص ولا اجوف فيه علاقه بالموضوع كلششش

الناس تختلف بطريقه تعبيرها ومادري ممكن فيه ناس يحسون انه هاي طريقه اظهار حب بس غيرهم مثلي يحسون انه

ماله خص يعني ،، الحب يبين بالاحترام البر التفدير مب اني اسمي ولدي على ابوي :/

اي والمجتمعات تختلف ،، اخبر وحده قد قالتلي ان عندهم اذا مثلا الولد سمئ بآسم ابوه هاي فال شر

فالسالفه سالفه اختلاف مجتمعات and values

بس بعد انا مصره ع سالفه انه المفروض الاسم يكون حلو ومقبول سوائ كان قديم ولا يديد

حرام يعني شذنب الياهل فحب الام لآبوها ولا يدها مثلا؟ فكرو بمشاعرهم شوي وبجيلهم ،، مب حلوه انانيه الام والابو بهالموضوع

اخبره وحده كنت اعرفها كان اسمها عزيزه < هو الاسم مافيه شي بالنسبه لي صراحه

بس البنت مارضت تخليه غيرته لآنه صج ماكان عاجبها ابدااااااا ،، تخيلو شكانت تحس فيه قبل ماتغيره؟ شاللي صج صج خلاها

ماتتقبله وتغيره؟ وحتى عقب ماغيرته هل الناس بتنسئ اسمها القديم؟؟

اي وفي نقطه وايد مهمه الا وهيا احس كل ام وابو لازم يسوون مثل مااآهلي سوو معاي << في حاله بيسمونهم بآسامي غريبه عجبيه لول

انا صج ماكنت احب اسمي بس مثل ماآبوي كان يقولي معنئ الاسم حبيته لاآراديا ،، يت فتره زمرت عليه الا يغير اسمي بس وعليه كان يكلمني

بكل تفهم ويقولي يبا اسمج وايد ووايد لايق عليج وهو جزئ من شخصيتج مب هو اللي يشينج او يحليج انتي اللي تحلينه فديته ابوي

 

[نعم نعم شنو]

صج في اسامي لاااااااااا تعليق مثل واحد اسمه سكران بالله هذا اسم الله يهديهم اهله و في شخص بعد اسمه صحن !!!!!!

وعلى فكره في اسامي حديثه بس جدا سيئه والاغلب ما يعرف معناها مثل اسامي الجن وغيرها

الناس تسمي وماتعرف شنو الطبخه

وصح مثل ما قلتي حتى الرسول صل الله عليه وسلم ذكر هالشي

ارفض تماما اذا كان الاسم قبيح اما اذا كان حلو ابدا ما يمنع اني اسميه

خاصة اسماء الله الحسنى واسامي الصحابه والرسل يظلون احلى الاسامي

 

[مشتطـه]

kalamich 9aaaaaaaaaaaaaaaa7


100
%



oo nfs tafkiiiry




9a7 9a7 9a7 bkl shi

 

[مشتطـه]

eee



oo tara el7ub mu bl-tasmeya


!!!


ast'3rib mn elly tafkeerhom chith?

 

[&موناليزا&]

عزيزتي بعض الاشخاص يسموون الاسم من غلاة الشخص سواء كان اسم حلو او لأ

مثلا :
انا عمي سمى بنته على اسمي
وزوج عمتي كان ناوي بس سموا اسم مقارب
وعم ابوي ربي يحفظه سمى حفيدته علي

موفقه حبيتي

 

[الانسة الشابة]

سعادة الجد و الجده تكون مو بالاسم كثر ما سعادتهم بالحفيد …
و الجد و الجده مثل ما اختارو اسماء لعيالهم … فاعتقد من حق عيالهم بعد يختارون اسامي لاطفالهم بعد …

و المحبه و الغلا مو بانا نسمي عيالهم ع اساميهم … الحب و الغلا بالقلب و بذكرهم و طاعتهم و بالدعاء لهم …
و انا اشوف لكل اب و ام حق تسميت ولدهم بكيفهم…
و انا اعرف عوائل بناتهم الكبار كلهم باسم الجده و اهم عيالهم الكبار كلهم باسم الجد… >>>>> يعني ليش جذي ؟؟احسهم مساكين
و لا ازيد من الشعر بيت هم اعرف ابو مسمي ولده مو حفيده و لا شي باسمه ( ابو مسمي والده باسمه) طيب ليش؟! ما ادري


و اذا الجد و الجده بيزعلون نقولهم عشان لا تزعلون انتو اختارو اسامي معينه و احنا نختار اسم منهم…

و تقبلو مروري …

 

[(دنيتي)]

موشرط اسمي على اسم الجد او الجده عشان افرحهم

بس اسوي طريقه ثانيه اقول للجد والجده اختارو عده اسامي واللي حلووووو

انقيه وبهالطريقه فرحتهم وبنفس الوقت ماظلمت ولدي باسم مايناسب جيله

الامام علي عليه السلام في احدى مقولاته قال في مامعناه انه نربي عيالنا على جيلهم مو الجيل اللي احنا تربينا عليه

واعتقد هالشي يندرج ع الاسامي بعد

وهذا رايي وشكرررررررراااااااااا ع الموضوع ياعسل

 

[M!SS.LOBY]

يسلمووو

 

[أحلى البشر]

مافي ام ولا ابو يحكمون على عيالهم انهم يسمون احفادهم بأساميهم
دائما الابووو هو اللي يختار انه يسمي بنته او ولده على امه وابوه من حبه لهم

 

[كاريزما حلوة]

مشكلة بصراحة اذا كان الاسم مو حلوووو
بس مرات لما تشوفين ان ام زوجج تموت على ولدهااا حيييييل وولدها يقول ان شاءالله بنتي لا جت اسمها عليج وهي راح اغليها اكثر من بناتي الثانيات لانها على اسمج والام فرحانة بولدها حييل ومواعدته بهدية جزلة ذهب وغيره مع ان اسم امه مو حييل اقشر بس انه قديم " اسمها نوير"

انا قاعدة اتكلم عن حالتي

لاني احط نفسي مكانها باجر اذا كبرت وشفت ولدي يبي يسمي علي شلون استانس واذا هون عن اسمي شلون راح اتضايق وانجرح ويمكن ما ابين له عاد ما هان علي ان ينكسر خاطرها


وتصدقون عاد حبيت الاسم فيه نوع من التفاؤل والنور والدلع حقها حلووو




والله يابنات فكروا بالمشاعر قبل ما تفكرون بأي شي الانسان كل ما يكبر يصير حساس اكثر وككل ما تبينين ان امك على راسي هي واسمها ومن هالكلام الحلوو يمكن يحطج على راسه ويحبج اكثر لانج قدرتي امه وتذكري ان في ابسط طريقة تكسبين زوجج واهله