سنغافورة .. ساعدوني

[Queena_85]

السلام عليـكم
شلونكم بنات ... إن شاء الله بخيــر


نداااء خاااص للبنات اللي راحوا سنغافورة و لهم خبرة

انا ان شاء الله بروح سنغافورة شهر 12 شهر العسل تقريبا بقعد فيها اسبوع
وين تنصحوني اروح .. شنو احسن الفنادق نظافة واكل و خدمة ؟؟
شنو احسن الأماكن فيها والمطاعم الحلال؟؟
و جزيرة سنتوسا جم يوم يبيلها ؟؟ هل احجز فندق فيها ولا لأ ؟؟؟

بليــــــــــز ساعدووووني :eh_s(7):

 

[Om Noooono]

انا قعدت فيها ترانزيت 3 ايام السنه اللي طافت

اول يوم رحنا النايت سفاري
ثاني يوم سانتوزا وتقريبا شفنا كل العروض ولعبنا وتمشينا
وقعدنا فيه من الصبح الى الليل واعتقد انه كافي عليه يوم واحد
ثالث يوم تمشينا بالسوق وركبنا سكاي والداك وتمشينا بالمجمعات شارع اورشارد
بصراحه اسواقهم روعه بس غاليه والمطاعم اكلنا ماكدونالدز واهو حلال واعتقد في
شارع العرب فيه مطاعم عربيه وحلال
سكنا بفندق اورشارد حلو ونظيف وموقعه ممتاز في شارع اورشارد كل شي قريب منا
المطاعم سفن اليفن وطبعا احلى المجمعات

ملاحظه:
في كل فندق تلاقين استاند فيه بروشورات للاماكن السياحيه في الدوله
واحجزي الرحلات عن طريق المكاتب السياحيه عشان يطلع معاكم ليدر
وانتبهي لايطيح منج كلينكس اوقرطاس اوعلج ترا على طول تدفعين غرامه

بصراحه سنغافوره كانت رحله لاتنسى دوله في قمة الرقي والنظافه وافكر اروح لها ثاني مره

 

[أم سيف وسلطان]

دخلي العرب المسافرون

 

[Queena_85]

انا قعدت فيها ترانزيت 3 ايام السنه اللي طافت

اول يوم رحنا النايت سفاري
ثاني يوم سانتوزا وتقريبا شفنا كل العروض ولعبنا وتمشينا
وقعدنا فيه من الصبح الى الليل واعتقد انه كافي عليه يوم واحد
ثالث يوم تمشينا بالسوق وركبنا سكاي والداك وتمشينا بالمجمعات شارع اورشارد
بصراحه اسواقهم روعه بس غاليه والمطاعم اكلنا ماكدونالدز واهو حلال واعتقد في
شارع العرب فيه مطاعم عربيه وحلال
سكنا بفندق اورشارد حلو ونظيف وموقعه ممتاز في شارع اورشارد كل شي قريب منا
المطاعم سفن اليفن وطبعا احلى المجمعات

ملاحظه:
في كل فندق تلاقين استاند فيه بروشورات للاماكن السياحيه في الدوله
واحجزي الرحلات عن طريق المكاتب السياحيه عشان يطلع معاكم ليدر
وانتبهي لايطيح منج كلينكس اوقرطاس اوعلج ترا على طول تدفعين غرامه

بصراحه سنغافوره كانت رحله لاتنسى دوله في قمة الرقي والنظافه وافكر اروح لها ثاني مره

مشكووره
بس مايخالف تعطيني اسم الفندق بالضبط
وشلون خدمتهم؟؟

 

[Queena_85]

يا بنات اللي راحت جزيرة سنتوزا جم يوم يبيلها ؟؟
رفيجتي توها رايحه تقول ما شبعت منها يبيلها يومين

بليــز مسااعده

 

[Queena_85]

بليـــــز منو جربت الكروز اللي بسنغافوره ؟؟
ودي اروح 3 ليالي من سنغافورة - ماليزيا بينينغ - و تايلاند بوكيت
بس اللي خبري فيه ان ماليزيا يبيلها فيزا وانا ما عمري رحت ماليزيا
بليز في احد راح يساعدني ؟؟؟؟

 

[Om Noooono]

ماليزيا اذا كويتيه بدون فيزا

اسم الفندق اورشارد هوتيل

ودخلي العرب المسافرون تستفيدين اكثر

 

[^noonaa^]

مابي اضيق خلقج بس سنغافوره ماتسوه العنوه

يعني اهي حلوه ونظيقه وراقيه

بس اذا بتروحين لها تمشي يعني مافيها العاب ولا اماكن سياحيه واايد

 

[Queena_85]

بنااات بليز منو تعرف شلون نحجز الكروز اللي بسنغافورة؟؟؟
او تعرف مكتب يحجز لنا ؟؟

 

[نياره]

اب اب

 

[حلمي اكون ام Q8]

بنااات بليز منو تعرف شلون نحجز الكروز اللي بسنغافورة؟؟؟
او تعرف مكتب يحجز لنا ؟؟

مكتب سفريات اسمه " جامبو " موجود بالفحيحيل مجمع العنود ولهم فرع بالديره ..

اهم وكيليين على الكروز ..

العام كنت احجز لاوربا كنت اشوف ناس تحجز عليه لاكثر من دوله ..