سنين وانا اخذ الكريتزون...بنظف جسمى منه...شنو الحل؟؟؟

[@ الحلوة @]

خواتى وحبيباتى

ابى مساعدة منكم اللى تعرف اشلون احاول انظف جسمى من ااااااالكريتزون

سنين وانا اخذ ادية الربو والحين صرت استعمل ( زعتر زين ) للخبير اللبنانى

وشكلى مرتاحة ويخفف صدرى من الثقل ( اللى يعرف للربو يدرى بثقل على الصدر وجنه طابوقة )وتكرمون

يطلع البلغم بسهولة

بنات الله يخليكم لا طنشونى وابى مساعدتكم

ولكم متى كل محبة و :fun:​

:bye22:

 

[Q8stylle]

ماتشوفين شر حبيبتي
بس ماعندي فكرة ماحبيت اطلع من غير رد

 

[بشه المنفشه]

ما تشوفين شر حبيبتي

الصراحة ما عندي فكرة بس الكورتيزون مو مثل باجي الأدوية يطلع من الجسم مع الوقت ؟

 

[@ الحلوة @]

مشكورين خواتى على الرد

وما قصرتوا

 

[كويتيه لذيذه]

ما اتشوفين شر حبيبتى بس ايلى اعرفه ان الرياضه وااااايد اتساعد بالتخلص من السموم وغيره

 

[@ الحلوة @]

ما اتشوفين شر حبيبتى بس ايلى اعرفه ان الرياضه وااااايد اتساعد بالتخلص من السموم وغيره

مشكورة حبيبتى

اسوى تمارين بالبيت وعندى المشاى او جهاز المشى وعندى الكارى بس ما اقدر العب بس الا شوى لانى اختنك من بسبب الربو

والله كريم......

 

[sKyLiTeGirL]

والله حبوبه ماني متأكده سألي دكتورج عن تنظيف القولون هل ايساعد ع انه اينظف الجسم من الكورتيزون؟

وشوفي تجارب البنات اللي امسوين تنظيف للقولون وان شاء الله ينفعج

وماتشوفين شر

 

[سهر الكويت]

حبيبتي الرياضة ماتسوى للي معهم تحسس وربو وهالاشياء تزيد من التحسس بس اذا قدرتي توقفي الكورتيزون هذا انجاز عظيم لأن الكورتيزون يسوي استخدامه لفترة طويلة ترقق عظام عند المرأة لذلك ينصح باستخدام الكالسيوم للمرضى اللي يستخدمون الكورتيزون ومتى ماوقفتي الكورتيزون مايضل له اثر منو قال ان الكورتيزون يبقى بالجسم وتقدرين تتأكدي من هالشي من اي دكتور

 

["كتكوتة مضيعة بيتهم"]

انا حبيبتي استخدمت كرتزون لمدة 12 سنه لان كنت اتعالج من كزيما

وكنت حدي منتفخه منه

ولكن قالي دكتوري ان بعد مااوقفه اهوه تدريجيا يطلع من الجسم يعني تركيز الكرتزون يقل تدريجيا من الدم

وصج بعد سنتين انفشيت وضعفت لووول

هذي عن تجربتي

بس ماادري والله اذا في شي ينظف الجسم اسرع

 

[@ الحلوة @]

مشكوريين حبايبى

اناسويت اشعة الهشاشة والدكتورة قالت لى انتى على حافة المصاب بالهشاشةو

والحمد لله الف الحمدالحمدالله

 

[ريمه الكويت]

حق الربو فيه عسل يمدحونه خواتي لانهم فيهم حساسيه بصدورهم من عسل العويد يمكن مومتاكده مرسوم عليه الجهاز التنفسي يقولون وايد يريجنا وقت الكحه والحساسيه ومره شريت جاي من عطار بالسالميه مرسوم عليه رئه اسمع العطار ومكتوب تحته استا انشالله اصوره لج كنت استخدمه حق بنتي هم فيها ربو والحمدلله يخف عليها

انا تنظيف الجسم انتي شربي الجاي الاخضر على طول واكلي رمان يقول دكتور دشتي الرمان اكثر فاكهه فيها مضادات الاكسده وبعد يمدحون بالكركم حق تنظيف الجسم من التلوث الي بالجو وكثري شرب الماي
خليج على المواد الطبيعيه احسن وبعد اذا عرفت معلومات اكثر راح احطها لج

 

[@ الحلوة @]

مشكورة يا بعد عمرى ررررررررررررررررريمه الكويت

حبيبتى جربت العسل وما انسى ذاك اليوم اللى عيالى اخترعوا من شكلى وصار ويهى مو مزنوط الا بينبط احمر وحرمت عقبها استعمل العسل

وانا ناطرة منج اسم الشاى اللى من عطار السالمية ووووين مكانه
والله يعطيج العافية حبيبتى
وان شاء الله تردين على.............

 

[ريمه الكويت]

هذي صوره الجاي من عطاطير السالميه الي قبال المارينا هناك يمكن 3 او4 عطاطير اخذي الصوره ولا الاسم واساليهم
وفيه دكتوره الطب البديل اسمها جميله دهراب عندها محل بجمعيه الدعيه فوق مطعم نايف عندها سوالف تنظيف الجسم