سوالف طلبات النت (( مكياج و أغراض تنظيم المكياج ))

[{ سحر الوَرد *]

هلا باللي لفاني يا هلا به ​

صباااح الورد ​

هالمرة صرت نشيطة وسريعة وصورتلكم أغراضي بنفس اليوم

خخخخخ على فكرة كل مرة بصور أعاني عشان أحصل خلفية

أمس سحبت شرشف من الكبت.. وأمي تطالعني جذي @@ وانا افرشة وهي تقوللي شتسوين؟

هههههه حالات!​

عدلتهم وكل شي وكنت بحطهم البارحة بس بطلت اللابتوب ونمت هههههه ​

زين إني سويتهم آبلود.. الحين بنزلهم لكم ​

أول شي أوردري كله ​

​

وزوووم للغاليين اللي طال إنتظارهم <<< شفيني شاعرية من صباح الله خير​

​

تراتاتااا​

​

زوووم زوووم زووووم​

​

​

​

​

​

طلبت 5 ألوان ​

كنت أساساً بطلب 8 ​

زيادة على هالاثلاث كنت أبي البنفسجي والبني المات والأخضر الاميرالد ​

البني التوب كان آوت اوف ستوك.. والاثنين الباجين مو وايد مستعيلة عليهم​

فطلبت 5 والمرة الياية بطلب الباقي ​

سواتشز​

ملاحظة: أنا للحين ماضبطت طريقة مضبوطة لتصوير السواتشز واضحين .. يبيلي ادور درس.. ><​

السواتشز من مسحة وحدة.. على الجلد مباشرة ​

​

​

​

​

​

زووم

​

صورة جماعية <<< جنه يدي تخرع؟ ​

​

تقييمي..​

بالنسبة للألوان وااايد حلوو وناعمة ​

وتنحط بسهوولة.. مسحة صغيرة تكفي ​

بصراحة كل الألوان الخمسة عجبوني.. ​

عجبني اللون الذهبي وااايد.. درجته حلووة مب فاتحة ولا فاقع​

والأبيض بعد.. رغم اني كنت مترددة فيه لاني احب الصدفي للاضاءة اكثر
بس الحمدلله اني خذته​

الأزرق لونه حلووو.. خاصة لتحت العين بيطلع عجييب ​

البرونز.. كنت خايفة يطلع وايد برونز وانا ماحب الالوان البرونزية.. ​

بس طلع لونه بني هادئ مب وايد برونزي برتقالي.. لاستعمال كل يووم عجييب ​

العلب زجاجية شفافة "أحب العلب الزجاج أكثر من البلاستيك بوايد" ​

واللون يبين واضح.. بس فيه عيب بسيط إن اسم اللون مكتوب على الغطا مب على الزجاج نفسه​

بالنسبة للاستخدام.. ​

اليوم جربتهم للدوام وبخبركم بالنتيجة عقب ​

طبعا مكتوب انهم يتمون لمدة 24 ساعة وانا اكيد مابحتاجهم 24 ساعة متواصلة شدعوة ههههه​

حطيت للدوام اللون البرونز على الجفن المتحرك ودمجته لفوق الجفن الثابت​

وتحت الحاجب حطيت شوووي من الأبيض ودمجته عدل.. عطا اضاءة شفافة تقريباً مو أبيض واضح​

أحس بيطلع وااايد حلوو مع شدو مات على الكسرة ولون صدفي فوق الأبيض​

بس كنت أبي اجربهم بروحهم.. فماستخدمت اي نوع ثاني ​

حطيتهم على الجفن مباشرة.. بدون بيس ولا شي تحتهم​

ولا أي نوع من انواع الشدو فوقهم ​

دوامي 9 ساعات.. ​

من الحين لي بعدين بشوف الثبات وبخبركم بالنتايج ​

انا جفني احيانا يصير دهني بس بنسبة بسيطة مب اوفر دهني​

يتبع،،​

 

[{ سحر الوَرد *]

باقي المنتجات ​

اول شي خل اقولكم​

انا اوردري من دراق ستور..​

طالبة باليت وت اند ويلد بو 8 واضائتين من عندهم ​

ونسييييت اقولهم غلفوهم عدل​

وصلت الاضاءة وحدة معدووومة تكسرت​

والشدو انكسر منه اثنين​

<<< مرااوي نفس اللي انكسر عندج ​

وطرشتلهم ايميل شرشحتهم​

ردوا علي ان احنا مو مسئولين عن الشحنات اللي تطلع برة امريكا@ كلمي الشركة وتامينهم
انزيييين غلفوا عدل​

منقهررة عليهم بس ماقدر استغني عنهم.. ​

بس شكلي مابطلب منهم اشياء تتكسر هالمرة.. ​

نكمل الصور.. ماصورت اللي تكسروا لانهم مو حقي​

​

اسمحوولي الصورة بفلاش كللش مو مطلعة الالوان عدل​

أصلا مادري ليش صورتهم بدون الغطا @@ مو طالع حتى شكل العلبة عدل​

<<< بحاول اصورلكم صورة ثانية باجر في إضاءة النهار​

من ريفلون الـ Lip Butters​

تذكرون من فترة حطيت إنه خاطري فيهم؟ ​

عاد خسارة مو كل الألوان كانت موجودة! في الالوان اللي وايد فاتحة.. والغامجة​

اخترت لونين.. ​

Lollipop ​

فووشي غامج فاقع​

امممم انا شفت صورة سواتش وعجبني بس توقعت اللون أهدأ.. طلع افقع واغمج من اللي شفته​

بس كيوت يعني.. يمكن احتاج اخلط معاه غلوس يفتحه.. بشوف مع الاستخدام​

Pink Truffle​

عجييييب.. بني لحمي.. حطيته اليوم للدوام خوش لون ​

أنا عادة لازم أحط مرطب.. بس أبي أجرب الترطيب فحطيتها بدون​

ترطيبها عجييب.. بسرعة تمشي جنها مرطب.. وبنفس الوقت قوة اللون جنها روج ​

عاد بشوف شلون تنشف ولا تجفف من الحين لعقب وبخبركم طبعاً ​

ومن أرواجهم Moon drops العلبة من برة خضرا​

خذت درجة Persian Melon ​

اللون فوشي بس حسيته مميز.. ربعي طالبين منه وحسوه فااقع​

بس انا احب الفوشيات والورديات ماعندي مشكلة​

والحلوو بأرواج ريفلون انها سهلة التخلط ويا ألوان ثانية​

سواتشز:​

بعد السواتشز بفلاش صورتهم​

من اليمين​

Lip Butter Pink Truffle​

Lip Butter Lollipop​

Moon Drops Persian Melon​

وآخر شي ​

​

ماسكرا كفر قيرل وهالمرة خذت الوتر بروف​

واسفنجات تنظيف وتقشير مالت جهاز نيتروجينا​

هالجهاز عندي من زمااان بس من خلصت القطنات اللي تيي وياه ماشريت ريفيل او يمكن شريت مرة وحدة!​

شفتهم بدراق ستور هالنوع قلت يالله خل أشتريهم ​

استعملتهم امس.. بس ماطلعوا رغوة مادري طبيعيين او لا​

بس حسيت بشرتي أنعم عقبهم​

ووبس هذي كانت مشترياتي ​

للتذكير​

المشتريات من موقع​

www.drugstore.com​

شحنتهم على عنواني أرامكس أمريكا ​

الأوردر ما أخذ له أسبوع ووصل.. سويته يوم الخميس ووصل الثلاثا​

دفعت له 7.350 دينار.. عن كيلو ​

* الموقع زين وعنده ماركات واااايد واسعار حلوووة بس تغليفهم فااااشل.. :eh_s(14)::eh_s(14): إسألوا مراوي!​

مادري هل بجازف وبطلب شدوات وبلاشرات مرة ثانية وبخبرهم.. او بكتفي بطلب الاشياء اللي ماتتكسر :eh_s(14):​

 

[ضماي انت]

وااااااي عليكم بنات البحرين فديتكم بنات الفزعه والحميه
والله شاقول لكم بروحي كنت متضايقه وبعد تضايقت بسالفة هالاوردر الخايس حطيت راسي بنام من القهر شوي الا دازين لي ايميل لكريدي ماك ان فلوسج رجعناهم جااااااان انقهر زوووووود ثلثت البارحه لاني كلمتهم وقالوا لي مايدرون ليش ينرفض البيمنت من هالموقع وااااااي اذا كل موقع يديد بطلع منه بيصيرلي جذي بنجلط

لمراد رجعوا ال49 دينار وكسور وجم فلس خذوهم الحين مالي خلق اطالع مواقع تسوق احس روحي مصدومه اخاف كل مره اطلب بالفيزا العاديه بدون خدمة البايبل بينرفض

 

[ضماي انت]

سحر الورد
ماقلتيلي من وين شريتي كانون ابي بعد اشتري العدسه اللي تسوي زوم حق بنت اختي
وابي تقولين لي عن ماسك الاسبرين شلووووووون تسوينه
لاني شفته في برنامج دكتور كان ليمون و6 اسبرينات وشوية نشا او بيكينغ باودر
وانتي شلون تسوينه؟؟؟؟

وبنات
ماقصرتوا بس مابي اكلف عليكم فديتكم انتوا لازم اعرف وين المشكله يعني يعني بتم طول عمري جذي كل مابغيت من سليك اغربلكم معاي مشكورين وماقصرتوا فديتكم والله بنياتنا الحلوات

 

[Amy_88]

سحر الورد
مبرووووك وصول المشتريات سالمة هههههه
ماشاء اللله روووووعة مشترياااااتك ،، بالأخص الكولور تاتو تبع مايبيلين
واللون البرونز يهببببل كثيير شفت tutorials يستخدموه يعطي افكت حلوووو

​

 

[Dloool_q8]

عليكم بالعافيه مشترياتكم

امس وصلني شدوات لوريال كلها

 

[مراوي22]

سحر الورد

لاتسكتين طرشي لهم ورا بعض زفتي فيهم ودخلي موقعهم وحطي الريفيو وطرشي الصور بعد آنه من كثر مازفيتهم رجعو لي فلوسي قالو هذي بتخسرنه صج صج تغليفهم خايس

آنه رديت طلبت 3 باليتات من أمازون وكلمت البايع قلت له يغلفهم عدل طرش لي أوك بس ماحصلت بو 8 ألوان الاخضر :eh_s(2):

مشترياااااااااااااااتج

ماشاء الله يهبلون وااااي كنت متناسيه اللب باترز والتاتو ذكرتيني فيهم :ggdw: حلووووين والالوان إلي إخترتيها كلها حلوه إلا رهيبه

آنه خاطري في التوب المات والبرونز والبني والجري والماروني وبسسسسسسسسسسسسس

وحمر ريفلون بطوفهم عندي وايد حمر وآنه أصلا ما أستهلك الحمره وايد مادري ليش أميل للشدوهات والبلشرات أكثر

تتهنين فيهم قلب رووووعه تصويرج

 

[مراوي22]

ضماي إنت

إشدعوه حبيبتي إحنه خوات نت نعين ونعاون مو بس كل وحده تسدح مشترياتها وتستفيد وتطلع لا والله إني حبيتكم كلكم وأحب آخذ رايكم وأستشيركم أحسكم تشاركوني نفس الجنون ربعي كلهم مايحبون الميك أ[ ولالهم بهالسوالف وإختي عايشه في الكويت بعيده عندي يعني ماعندي أحد أشاركه إلي أحب إلا إنتو ربي لايحرمني منكم :eh_s(2): جني دشيت دراما

المهم إلي بقوله إذا غيرتي رايج طرشي لي رساله لأنه مادخل المنتدى في الويك إند

 

[ضماي انت]

مراوي

بعدعمري انتي لاتصيحيني ترا ماعندي غيركم اشاركه عشقي الممنوع :eh_s(2):
انتي بس شوفي حالتي لما بيني رجل الاراميكس والله اخاف من النظرات والنغزات الا شحقه وشوله وليش هالكثر شنو بتسوين فيه حتى اذا طلعت المول يقولون لي ها شريتي مكياج

خليني اجرب الليله ان شاءالله يضبط لاني سجلت بموقع لكريدي ماكس واذا ماصار بدزلج برايفت لان باجر بكون بالجامعه من الصبح لي 3 اذا ماقعدت ومالي مزاج اداوم :ch12:

 

[JvvvC]

سحر الورد بالعااافيه و مشكوره على الصور
ناطره الكلور تاتوو على احر من الجمر الازرق عندي منه من ماك بس الدرجه تختلف
حبيته على ايدج و راح اطلبه مع الاوردر الثاني اهو و Tough As Taupe بس يكون ان ستوك
الارواج عجيبين بس انا احب المات اكثر



دلوووول ناطرين صور شدوهات لوريال بالذات الكحلي Midnight Blue ان شاء الله اسمه كده صح

 

[نياره]

عليكم بالف عافيه
عاد انا امنية حياتي اطلب من النت

 

[funrose]

يعطيكم العافية بنات اخيرا وصلت طلباتي من كوستال سنت وسليك كانت لي معاناة مع سليك بالذات كل ما اسوي الطلب يطلعلي ان بطاقة البنك رفضت الدفع ويطرشولي ايميلات ان الطلب موجود بس ما اندفعت الفلوس تم الوضع جذي لمدة اسبوع تقريبا بعدين قررت الغي الطلب واكتبولي انهم ما خذو مني غير فلوس البريد بس لمن شيكت على بطاقتي لقيت مسحوب منها فلوس وقبلها كان واصلني من ارامكس ان باكاونتي طلب من ايباي بريطانيا مع ان عمري ما طلبت من هالموقع بس ما ادري ليش كنت حاسة ان هذا طلب سليك عشان جذي قلت خل انطر الطلب ليما يوصل البيت واتاكد وفعلا اليوم وصل وطلعت اغراضي من سليك بس موقعهم صراحه مخرف

 

[ضماي انت]

فان روز
حلفي موقعهم مخرف وانا اقوووووول خصموا من المبلغ شوي
حسبي الله عليهم شنو هالخدمه الفاشله
الله يستر بس

 

[funrose]

ضماي انت​

الفال لج انشالله قريب نسمع ان اغراضج وصلو

 

[نسكافه]

سحر الورد
مبروك اخيرا وصلوا بالسلامه بس خساره الشدو تكسر
انا اخيرا سجلت في دراج ستور من بعد ماشيشتوني عليه خخخخ
وطلبت 3 شدو تاتوا تبع مايبلين عشان اجرب العنوان ضبط او لا والحمدلله وصلوا وكل شي
كان تمام حتى التغليف وايد حلووووو وناويه على شدو وت اند ويلد وخايفه يتكسر
مثل ماصار وياكم انتي ومراوي
وناويه على اشياء وايد من هالموقع الله يعين بس شكلي بخم الاولي والتالي
اممم ايوه المسكرا كفر جيرل ليش طلبتي الوتر بروف دايما ابتعدي عن هالنوع
يكسر الرموش ويعدمهم لانه مايزول بسهوله اخذي العادي احسن
وريفلون الليب بتر حلوين طلبت منهم 5
وعلى فكره ماحصلت في الموقع ارواج ان واي اكس ولا ماكس فاكتر
وبالعافيه عليج المشتريات ربي يهنيج فيهم ياعسل

​

 

[نسكافه]

انا بروحي متضايقه اليوم
بعد ضيقتوا خلقي الحين حتى الشركه مو عارفين شنو المشكله
الحين شلون برقد ولا في احد افضفض له اللي بجبدي
ابي اوردري

ضماي
الله يعينج حبيبتي من صج هذول شو سالفتهم مصخوها
عن جد يرفعون الضغط
بس لاتضايقين عمرج ان شاء الله ينحل الموضوع

 

[بسمة بريدة]

طيب ياخبيراتنا
ايش ترشحون لاخيتكم بسمة اللي مااااااااااقد طلبت من النت ؟
موقع امازون .......... او موقع http://pages.ebay.com/coverage/index.htmleBay ...............؟
انا دايخة على شدوات سليك مثل مانا دايخة على شدو نيكد
بس امازون مافيه سليك
مو مهم.. ابي الموقع الافضل والاوفر والاحسن بكللللل شي للطلب.. ايهم؟

 

[بسمة بريدة]

الشي الحلو في الباي بال إنه لين تتسوقين في النت بعدين مايحتاي تحطين العنوان وتملين الاستماره مجرد الرقم السري مال الباي بال وخلاص

رجعت لك ثانية :ggdw:
مثلا امازون هل يلزم اني استخدم مدري اشترك بالبايبال...؟
يعني هل له ميزة بسرعة وصول الاوردر او يوفر مبلغ؟
عارفة بتضحكين علي :eh_s(2): بس تراي صفرررر بالشراء من النت :eh_s(16):
يعني البايبال موقع شراء ولا ايش هو بالضبط :eh_s(22):
انا على وشك اطلب من امازون .. ايش يلزمني بالضبط؟
حسرت فيك عارفة بس شسوي اشوفك خبرررررة بهالشي :eh_s(15):

 

[مراوي22]

رجعت لك ثانية :ggdw:
مثلا امازون هل يلزم اني استخدم مدري اشترك بالبايبال...؟

لا أمازون تطلبين بالبطاقه العاديه مايطلب الدفع عن طريق الباي بال

يعني هل له ميزة بسرعة وصول الاوردر او يوفر مبلغ؟

لالا كلش ماله دخل لايوفر عليج ولايسرع بوصول الاوردر هو مجرد وسيط

عارفة بتضحكين علي :eh_s(2): بس تراي صفرررر بالشراء من النت :eh_s(16):
يعني البايبال موقع شراء ولا ايش هو بالضبط :eh_s(22):

الباي بال هو موقع يضمن للبايع فلوسه بعض المواقع ماتقبل فيزا أجنبيه ( فيزتنه تعتبر أجنبيه ) يقبلون بس البطايق الصادره من أمريكا بريطانيا ... الخ وعشان يضمنون إنه البطاقه معترف فيها لازم تسجلين بالباي بال لأنه الباي بال طريقته آمنه ومن صوبهم يتأكدون من البنك إلي إنتي ماخذه بطاقتج منه

ترا كلش ماعرف أشرح إن شاء الله فهمتي علي

انا على وشك اطلب من امازون .. ايش يلزمني بالضبط؟
حسرت فيك عارفة بس شسوي اشوفك خبرررررة بهالشي :eh_s(15):

لاخبره ولاشي ماشاء البنات أحسن مني بوايد بس آنه إلي فيني إني أجاكم أي موقع أطلب منه عادي يعني آخذ خبره

إنتي شنو تبين شنو إلي محتاجته ترا لو بتسألينه يبيلج قرض عشان تقدرين على اللسته إلي بنعطيج إياها

مثلاً تبين شدوهات أرشح لج سليك رجعي جم صفحه ورا بتجوفين كلشي عن هالماركه وعندج بعد wet n wild تلقينها بالامازون شدوهاتهم وايد حلوه

إنتي قولي شنو تبين وبنساعدج

 

[مراوي22]

بنات

ترا موقع Ulta عندهم عروض وايد حلوه البارحه أتفرفر في الموقع وايد عجبتني عروضهم

ميبيلن تاتو تاخذين 2 والثالث مجاناً

ريفلون لب باتر تاخذين بعد 2 والثالث مجاناً

صبرو بحط صور حق الاشياء إلي عجبتني :eh_s(9):