سوالف طلبات النت (( مكياج و أغراض تنظيم المكياج ))

[قطرية كوول]

قطريه كول

ماشاء الله أغراضج تهبل

تغبين وتغبين وترجعين بغنايم :eh_s(9):

بسألج مو وناسه لمن تطلبين تحسين شعور لايوصف غير عن لمن تشترين المكياج بنفسج وايد أستمتع الصراحه وأحلى شي لمن أسمع كا يايبين لج شي يوووووووووووووو أطير :eh_s(9):

تسلمين حبيبتي من ذوقج

ابيييه قمة الونااااسه احب هالشعور .. خصوصاً فرع اراميكس قريب من دوامي

اول ما يوصلني المسج اشرد من الدوام اخذ اغراضي وارد مكتبي واسكر على روحي و استمتع :eh_s(9):

حتى احياناً بنات الدوام لما يدرون ان وصلتني شحنه يتيمعون عندي فالمكتب ويقعدون يتحمدون ربهم على وضعي :krkrkr:

و جريمة ميلاني عجيبه اشجعج عليها .. حبيت كل الدرجات والالوان

 

[قطرية كوول]

مرحبا بنات عندي كذا سؤال محيرني
اول شي اذا طلبت من امازون من بايع واحد وخذيت منه كذا ماركه هل يحط كل ماركه في بوكس والا كلهم بوكس واحد يعني مثلا طلبت من سيفورا عن طريق موقع امازون وخذيت منهم كذا ماركه توفيسد واربن ديكاي يحطونها في بوكس واحد والا كل ماركه بروح

ينحطون ف بوكس واحد دامهم من بايع واحد

ثاني شي عاجبني موقع ulta هل نظامه نفس امازون يعني كل بائع له بضاعته والا موقع واحد

مادري ما جربته بصراحه

وموقع نوردستروم نفس نظام امازون والا لا

احيانا كل طلباتج بتكون ف بوكس واحد واحيانا كذا بوكس على حسب الاغراض اللي طلبتيها تكون في فرع واحد او متوزعين فكذا فرع .. وهالشي ماتعرفينه الا لما تحطين الطلب

واخر شي هل امازون وulta ونوردستروم لازم يكون عندي حساب بالباي بال

انا اطلب من امازون و نوردستروم بدون paypal

وبس سلامتكم

 

[يويوو]

مشكوررره قطريه على ماقصرتي

 

[يويوو]

الرد

 

[Amy_88]

سحوووووووورة
خلاص اقنعتيني رح اطلبه ماشاء الله حبيته على ايدك
انا ماجالي جربت اضباغ china glaze
شو الالوان اللمميزة اللي تنصحيني بيها غير هذا؟؟؟

​

 

[funrose]

مراوي نفس الكلام اللي قالته Amy بلاشرات ميلاني شكلهم يشوق بس لمن سويت عنهم سيرج باليوتيوب ما مدحوهم ,انا انشالله ناوية اخذ باليتات الشدو من عندهم وجم شغلة بعد بس قبلها لازم اسوي سيرج عدل عن الشغلات اللي باخذهم​

 

[نعومة مووت]

ههههه بس ترا مو كل الي بتوقيعي Zoya

أفضل أصباغ جربتهم
China Glaze
Essie
Barry M
Mac
Chanel

اي شايفتهم تسلمين فديت الذوق كله



انزين بنات بعد اذنكم ابي كريم او امبولات للانتفاخ فوق الخفن المشكله بالاول ماكانت عيني كذا :eh_s(11)::eh_s(11)::eh_s(11):

بليز هلب مي

 

[نعومة مووت]

My Next order will be from

Milani

























​

وااااااااااااااااااااااااااااااااااااااااااااااااااااااااااااااااااو روعه غصب تخلون الوحده تشتري ميك اب :eh_s(2):

 

[مراوي22]

الللاااي

حلويييين الشدوات

عجبني الاخضر اللي على ازرق الغامج اللي في اول صورة

واللي علبتهم فاتحة الوانهم تيننن

خاصة الابيض والذهبي والسلفر

@@

ناوية علينا مررراوي :eh_s(16): تعرفيينا ضعاف جدام الصور

سحوره سكتي من البارحه أتحلم فيهم صج صج دشو مزاجي بدور بايع في الاي بي إذا قدر يوفر لي كل إلي أبيه بطلب منه إذا ماحصلت بجوف من موقع ثاني ليحين ماجربت موقعهم :eh_s(10):

بنات بسالكم بخصوص فرش سيجما شو احسن اطلبهم من موقعهم على عنواني الامريكي
ولا اطلبهم من امازون احسن بس امازون الشبنج تبع سيجما غالي
وموقع سيجما هل الشبنج فري ولا نفس الامازون

آنه طلبت من موقعهم بتاريخ 28/2 ولي يومج مافي لاخبر ولاشي أمس طرشت لهم إيميل وماردو والمشكله مايعطونج تراكين نمبر آنه أقول تطلبينهم على عنوان اليو إس وايد أحسن ماياخذ وقت

حرااااام عليج شوهالحاجات اللذيذه الي حطتيها يطيرون العقل
بس شو رايج في كوالتي بلاشرات ميلاني لان الشدو والارواج روعه بس البلاش
جربتيه؟؟ انا للحين ماعندي ولاشي من هالماركه وبعد الصور تشيشت

ماجربت منهم ولاشي بس حسب إلي جفته من ريفيوات يمدحونهم وايد

لوول فديتج

مراوي يا مجرمه من وين مطلعه هالسوالف

يشوقون حدهم ناعمين

عاد شلون كواليتي بلشرات ميلاني ؟

جوفي ردي على إيمي تحت

مرحبا بنات عندي كذا سؤال محيرني
اول شي اذا طلبت من امازون من بايع واحد وخذيت منه كذا ماركه هل يحط كل ماركه في بوكس والا كلهم بوكس واحد يعني مثلا طلبت من سيفورا عن طريق موقع امازون وخذيت منهم كذا ماركه توفيسد واربن ديكاي يحطونها في بوكس واحد والا كل ماركه بروح

إذا من نفس البايع ينحطون في بوكس واحد

ثاني شي عاجبني موقع ulta هل نظامه نفس امازون يعني كل بائع له بضاعته والا موقع واحد

أتوقع هالموقع مايقبل بطاقتنه مثل ماقالت JVVVC مع إنه خاطري أجرب أطلب منهم عروضهم وايد حلوه

بس أهو موقع واحد مو نفس أمازون

وموقع نوردستروم نفس نظام امازون والا لا

لا

واخر شي هل امازون وulta ونوردستروم لازم يكون عندي حساب بالباي بال

وبس سلامتكم

من ذيله جربت أمازون ومايطلب تسجيل بالباي باي

مراوي22
انا لما طلبت من cherryculture عجبوني بلاشرات ميلاني الورود
بس دورت ريفيوز ولقيت ذم عليهم انهم مش بيجمنتد حتى emilynoel83 باليوتيوب ذمتهم
فاذا حابتهم كشجل لكولكشنك go ahead والا اقري ريفيوز وشوفي​

إيملي جفت الريفيو مالها إهي تقول إنه هالبلشر بالذات مكتوب عليه إنه بلشر وإضاءة وشي بعد يعني 3 في واحد وماعجبها كفكره إنه لمن تكون الشغله 3 في واحد ماتعطي كل شي حقه فجافت إنه كإضاءه مو قوي وايد وكبلشر مافي لون واضح فالكلام إلي مكتوب عالعلبه مو صح

من جذي شلت اللون الوردي الفاتح من اللسته مثل ماكتبت حق سحر لأنه حسيته بيكون فاتح بزياده أما الباقي لا حبيتهم وآنه عني ماحب الاضاءة القويه والهايلايتر القوي يعني عادي مو مهم

الزبده باخذه يعني باخذه لو يطلع لي صاحب شركة ميلاني ويقولي مب زين لاتاخذينه بعد باخذه :krkrkr:

انا خاطري في بلاشراتهم العادية مو الbaked اللي اسمو Luminous شبيه نارس اورجازم
وشدواتهم السنجل حلوييين ودوب لكثير شدوات من ماك
سمعت انهم discountinued سو لحقو عليهم​

ماشدوني ذيله لأنه أوردي عندي بلشرات نارس تقريباً كلهم ماعدا اليدد فأفكر آخذ الشي المميز منهم يعني يكون شكل ومضمون :rerrerek:

واللي جد must have ولازم تجربونه من ميلاني على المدح اللي عليه ياليوتوب والبلوقات
اقلام الكحل MILANI LIQUIF EYE Metallic Eye Liner

أقلام الكحل قصتهم قصه حصلتهم بالكويت يوم رحت ويبيعونهم بـ 4 دينار بما يعادل 6 دينار بحريني تقريباً جان أطنقر وأقول بطلبهم من النت أرخص لي ولا ماخليت بعد إختي تشتري قلت لها لاتاخذين آنه أطلب لج :krkrkr:

من زمان خاطري فيهم سوادهم فاحم :rerrerek:

انا طالبة منهم واستنى يوصلني الطلب على ناااااااااار​

آنه ناطره سكندنيفيا سبري وفرش سيقما :bbbiu:

وبنات باركولي

أخيراً كونسيلر هارد كاندي وباليتات وت أن وايلد إنشحنو ويايني في الطريج وصلني إيميل إنهم يحلقون جواً في طريقهم لي :ggdw:

طبعاً هاي من بعد أمس طرشت لهم إيميل وشرشحتهم قلت لهم آنه مكلمه السيلر وقالي إنه موصل أغراضي من إسبوعين وإنتو ليحين مايبتوهم طرشت إيميل حق مسؤولهم هندي جان يطرش لي ألحين أجوف الموضوع 5 دقايق مطرشين لي من قسم خدمات الزبائن إنه البوكس مالي لقوه كانو حاطينه مع البوكسات المجهولين تخيلو :rgewrg:

قلت لهم يعني من وين الغلط مني ولامنكم ماعطيتوني العنوان كامل ولا من السلر ماكتب العنوان عدل

قالو لي من السلر لأنه ماحط العنوان كامل وفي النهايه إكتشفت إنه الغلط مني لأني ماعطيت السلر العنوان الكامل

كله تتهاوش وإهي الغلطانه :krkrkr:

بس عندهم معلوماتي إشهالغباء :bbbiu:

 

[مراوي22]

مراوي نفس الكلام اللي قالته Amy بلاشرات ميلاني شكلهم يشوق بس لمن سويت عنهم سيرج باليوتيوب ما مدحوهم ,انا انشالله ناوية اخذ باليتات الشدو من عندهم وجم شغلة بعد بس قبلها لازم اسوي سيرج عدل عن الشغلات اللي باخذهم​

كتبت رد عن هالنقطه فوق ورايي بعد جوفيه

وااااااااااااااااااااااااااااااااااااااااااااااااااااااااااااااااااو روعه غصب تخلون الوحده تشتري ميك اب :eh_s(2):

:eh_s(22): مالي شغل آنه ماسويت شي

 

[مراوي22]

هذا اللون فديتج على أظافري

من انستاغرام مالي لأني كنت حاطة اللون فالويكند :eh_s(9):

وهذول كم سواتشز من النت

بتحسينه شوي غير من صورة لصورة.. من الاضاءة ^^

ماشاء الله اللون خبال إينن أموت على هالدرجه وصعب أحصلها عيزت أدور وبالنهايه مافي حل غير أطلبها

يننتيني سحوره :eh_s(16):

 

[{ سحر الوَرد *]

ههههههه فديتكم تسلمون

عجبتكم أظافري

تراني غريتكم بيدي اليسار

يدي اليمين ياررربي شكثرر انقهر منهااا

انا دايما استعمل مقويات اظافر عندي اثنين واحد من او بي اي وواحد من مافالا

ساعات انسى استخدمهم

بس تعرفون لأني استخدم يدي اليمين تقريبا بكل شي.. ودوامي كل شغلي على الكمبيوتر

بسررعة يتكسرون اظافري اليمين

واللي صج يقهرني

انا بنية اظافري اساساً قوية.. حتى لما اثنيهم ما ينثنون

هالشي مشكلة.. ان لما تصيدني ضربة بالغلط

ينكسر ظفري من النصص لين اللحم يسبب لي ألم شنييع والظفر كله يرووح يصير شكل اصابعي يضحك جنه صبع ياهل الظفر صغييير


الحين يدي اليمين عندي ظفرين توهم انكسروا بهالطريقة

والاثنين الباجين اساسا كانوا منكسرين قبل فترة وتوهم طولوا شوي

><

أيام الجامعة كنت اطولهم تقريبا دبل الصورة خخخخخ وكل من يسألني تركيب اظافرج؟ حضرتي كنت ارسم عليهم وابدع لوووول مزاج .. بس مشكلة الاظافر اذا وايد طوال موب عمليين

خاصة الحين بالبلاك بيري والايفون لووول اكتب باطراف اصابعي


للعلم بقولكم سر صغير: انا من يوم كنت صغيرة وانا اكل واقرض اظافري كانوا مأســـاة :/ الاظافر نتــف صغار صغارر يدوب يبينون وحتى الجلد انتفه >< تخيلوا تميت على هالعادة لين سنة أولى جامعة! بعدين بروحي تركتها رغم ان قبل شكثررر حاولت معاي امي ومدرساتي حتى كانوا يحطون لي دوا مر على الاظافر والجلد علشان ما انتفهم! يوم يومين بعدين حتى المر غلبته وواصلت التنتيف هههههه

الحين اللي يعرفني قبل شلون كنت واول مرة يشوفني على طول يقولون لي اظافرج هالطول؟ لاا مااصدق شلوون

بس للاسف للحين جلدي حول اظافري ضعيف خاصة حول الابهامين.. اسرح وانتفهم واخر مرة رحت دكتورة جلدية وعطتني كريمين للعلاج >< إن شاء الله يفيدون


<<< قصيت لكم رواية شطولها ههههههه خلني الحين ارد عليكم وحدة وحدة


نسكافه


هههههه فديتج اي هذي كنت بنزل من السيارة وصورت

بخصوص لون اليد

اييي يوم كنت بالجامعة صادتني هالسالفة.. لان جامعتني كانت نوعا ما بعيدة ودواماتي في عزز الشمسس

سار سطح يدي اسمرر حتى يبين خط فاصل بين الجلد @@

بس الحين دوامي الحمدلله 5 دقايق من البيت.. واطلع من الصبح الشمس مو حارة

وارد العصر خلاص خفت الشمس..

فتقريبا يدي لونها متوحد


انتي استعملي من فترة للثاني سنفرة الملح الخشن والليمون او السكر والليمون

اخذي كمية من الملح او السكر.. وعصري ليمون.. بحيث يصير عندج خليط كثيف جنه معجون

وافركي يدج كاملة جنج تسوي سكراب.. وتقدرين تاخذين نص الليمونة بعد وتفركين بها الاصابع

بعدين غسليه ورطبيها

وانا ساعات استعمل مقشر الويه نفسه حق يدي خخخخخ

وعندج منتج عجيييب من باث آند بودي ووركس

مقشر مخصص لليد..

لونه فوشي ومعاه كذا شي كريم مركز وكريم عادي

انا بس شارية السكرب

بصوره لج اذا رجعت البيت

يجنننن يسوي اليد ناااعمة بس تسوين سكراب لمدة 60 ثانية

اللون اللي حطيتيه حلووو.. رغم اني ماحب الغوامج وايد بس ساعات تييني حالات احبهم.. خاصة بالشتا او اذا كانت اظافري وايد قصار.. حلو عليهم الغامج

قطرية

فديتج الله يسلمج ماسويت شي

خلاص دام ارامكس يوصلونه مافي مشاكل بطلبه وبجربه شورانا ههههه

ترى انا ماتعبث بشعري وايد.. بس توني قبل جم شهر جربت اصبغ شعري بروحي

وعجبتني النتيجة.. بس مثل ماقلتلج اللون ينزل بسرعة

بدور عن صبغتج في السايتات وبقرر

بالنسبة للنيل بولش ايي عطيني ما اقول لا.. انا طالبة من جاينا غليز لون بنفسجي لافندر

بس للحين ماجربته بروحه جربته مرة وحدة على طرف الظفر

انا وايد احب اجرب الوان في النيل بولش

خاصة الالوان الفاتحة والباستيل.. من جذي استانس على موسم الربيع كل الماركات تنزل الوان فواتح

ربعي من اراويهم الوان يقولون لا وييي ماتناسبنا هالالوان تناسب الاجانب البيض يدهم بيضا وردية

احنا يدنا ملحة هههههههه

انا الوحيدة تقريبا اللي احب اجازف واطلب الوان

بعدين لما احطهم يعجبونهم لوووول

بصورلكم مجموعتي الاخيرة اللي طلبتها من جاينا غليز كلها الوان باستيل 4 الوان

وصج كلامكم انتي ومراوي

احلى شعووور لما يوصلج باكج

حتى وانتي عارفة شنو فيه يصيدج حماس مو طبيعي هههههه

انا الحين صرت افضل الاونلاين شوبنغ حتى لو الشي بحصله هني.. احس احبه اكثر اذا كنت طالبته اونلاين

وعندي وعندكم خير انا ربعي وبيتنا بسسس يسمعون كلمة اوردر

كلهم نطوا

هااا شعندددج طالبة بعدددد

<_<

آمي

فديتج لااازم تجربين جاينا غليز

عندهم الوان ما شااااء الله تتعبين وانتي تدورين!

اكتبي في قوقل China Glaze Swatches وشوفي ههههه

بس طبعا في دولنا ماتحصلين كل الالوان

انا طلبت من ايباي البياعة حطيتلكم وصلتها قبل كم صفحة

والماركة اضافة لالوانها الحلوة.. الكوالتي عجييب

بعض الالوان تبين من اول كوت ومن ثاني كوت تكون بيرفكت

وتجف سريعة نسبياً

وحجم الغرشة كبير.. 14 ملي والفرشاة ممتازة وطويلة نوعاً ما.. هذا شي مهم بالنسبة لان ساعات يعجبني مناكير ويطلع حلوو بس فرشته صغيرة تغربلني

قوليلي انتي شنو الالوان اللي تحبينها؟

الباستيل الربيعية

ولا الالوان الناتجرال

ولا الفاقعة

ولا الغامجة؟

علشان اعطيج اقتراحات..

عندي شكثر سواتشز مسيفة صورهم هههههه

مراوي

تعالي ليش بتطلينهم من ايباي؟؟

جوفي عندج سايت Cherry Culture

www.cherryculture.com

عندهم ماركة ميلاني وفيها كل البرودكتس..

عندهم توصيل انترناشونال منهم ومن نفسهم

ويصير تستخدمين ارامكس

انا طلبت منهم 3 مرات على ارامكس وكل شي وصل سليم

بعد مايمنع عقب الطلب تاكدين عليهم يغلفون الاشياءات عدل

بس اللي اتذكره ان كل الاشياء الي وصلوني مغلفين عدل بدون ما اخبرهم

بالنسبة لكحلهم

عجييييب

مرة طلبت لرفيجتي التركوازي

لونه اينن فاقع ويخط عددددل

بس عيبهم مافي وايد الوان

اسود وازرق وفضي وذهبي وبرونزي

بس عجيب عجيب

هههههه سالفتج ويا ارامكس ذكرتيني

انا اول مرة طلبت من دراق ستور جذي

نسيت احط رمزي الخاص

بس انا انتبهت من صار الشيبنغ Delivered

كلمت ارامكس وخبرتهم

قالولي انه في مستودع الشحنات المجهولة وطرشولي اياه

تاخر عن المعتاد اسبوع

جوفي هذي اكاونتهم في تويتر

ترى حدهم متعاونين ويساعدون

@ShopandShip

اما اللون ماتحصلينه اييي مثل ماقلتلج عن اللون الأصفر اللي تعبت ادوره في كل مكان ماحصلته
اخر شي طلبته
بس السيلر عجبتني <<< احس قاعدة اسويلها دعاية ههههه
بس صج استانست على تغليفها مضبوووط



​

 

[المهـآ ~]

المثبت الي فيه لمعه من كريولان

مافهمت طريقته، شلون ينحط بعد أو قبل ..
وهو يعطي لمعة مثل البلاستك ههههههههه تنحت :d

 

[Amy_88]

مراوي
خلاص مادام حبيتيهم اطلبيهم وان شالله يعجبوكي اشياء كثير يذموها وتطلع حلوة
استنى ريفيوك عنهم خاصة المشمشي ومثل ماقالت سحر الورد
cherryculture احسن واتوقع ارخصلك من ebay

سحر الورد
مشكووورة حبيبتي على رفيووك عن تشاينا غليز
والله صار لي هوس بالنيل بوليشيز هالفترة
اممم احب كل الالوان وهم عندهم تشكيلة كبيرة تحير فحيت اخذ رايك من اللي عندك
انا احب لما يكونو تقريبا opaque من طبقة وحدة مااحب احط اكثر من طبقتين
اممم اذا عندك اقتراحات لألوان مميزة يعني مافي مثلها وتشوفي اناه must have بالنسبة ليك
ياريت تنورينا ومشكوووورة حبيبتي​

 

[نسكافه]

مراوي وسحوره
يعني خلاص اطلب سيجما من امازون اريح لي صح
كنت ناويه على فرش الريل تكنيك بس بعد كلامكم هونت
وبخصوص الصبغه الي ماخذتها قطريه كول ترا عادي يوصلون هالشكل
لانها ماخذه العصار لحاله بس في صبغات الي يجي معاها الاكسجين تبعها
في الكرتون هذي ممنوعه لان الاكسجين اعتقد ماده قابله للاشتعال
شوفوا نفس هذي

http://bloggers.com/post/loreal-preference-les-true-brunettes-hair-color-review-3569123

 

[نعومة مووت]

مراوي وسحوره
يعني خلاص اطلب سيجما من امازون اريح لي صح
كنت ناويه على فرش الريل تكنيك بس بعد كلامكم هونت
وبخصوص الصبغه الي ماخذتها قطريه كول ترا عادي يوصلون هالشكل
لانها ماخذه العصار لحاله بس في صبغات الي يجي معاها الاكسجين تبعها
في الكرتون هذي ممنوعه لان الاكسجين اعتقد ماده قابله للاشتعال
شوفوا نفس هذي

http://bloggers.com/post/loreal-preference-les-true-brunettes-hair-color-review-3569123

مسا الورد نسكافه

من تجربتي لسيقما روعه وناعمه يعني ماراح تندمين انك خذيتيها

 

[نعومة مووت]

كتبت رد عن هالنقطه فوق ورايي بعد جوفيه



:eh_s(22): مالي شغل آنه ماسويت شي

مراوي ابد سلامتك ماسويتي شي :eh_s(10): خلني اشوف ايه صح الصور مب لك

لوووووووووووووووووووووووووووووووووووووووووووووول فديت قلبك

 

[يويوو]

مرحبا بنات اشلونكم عندي سؤال بنات

انا قاعده اتعلم اشلون اطلب من امازون وشفت موضوع بالنت عن اشلون نطلب من امازون فهمت كل شي الا شي واحد شوفوا

شنو قصدها دمج الطلبات

 

[يويوو]

 

[يويوو]

وبنات اللي تعرف اشلون تطلب من موقع نوردستروم ياليت تشرح لي لان دورت بالنت مالقيت احد يشرح الموقع