سوالف منعنشه و مواقف- للمتزوجات

[نفيشه]

رد : سوالف منعنشه و مواقف- للمتزوجات

لاحوووووووووووووووووووووووووووووول

كلش مو خوش موقف

 

[غدير^الجنان]

رد : سوالف منعنشه و مواقف- للمتزوجات

كوين ماحللفت من كثر ماضحكت ايس مني


وهداني وراح بس امبيه حده فشلللله

 

[bnt_kwt]

رد : سوالف منعنشه و مواقف- للمتزوجات

امبيه انا مره صار لي موقف لا احسد عليه
الله يسلمكم انا ريلي عنده رفيج هذا اكثر من اخوه
يحبه يموت فيه
وطلعته وردته كلها معاه يعني وين رايح مع فلان ومن وين راد من فلان
فصرت عادي ما اتكلم لاني انا اعرف الريال شنو اخلاقه
وكل ما نسولف بسالفه دخلي اسم رفيجه بالموضوع
عاد مره من المرات من كثر ما انا تعودت على الاسم قاعدين نسولف انا معاه وقالي عاد سعووود رفيجي سوا جذي مع الحجي يايه بنادي ريلي جان اناديه باسم رفيجه سعوووووووووووووووود
لوووووووووووووووووووول بغا يذبحني
والله كنا بالسياره طالعين عصب وزعل وغصب راضيته هاهاهاهاهاهاهاهاي واي كان موقف
مو طبيعي والله ويهي قام يقط الوان احمر اخضر وردي كل
لون يطري عليكم

 

[xxx]

رد : سوالف منعنشه و مواقف- للمتزوجات

bnt_kwt

خخخخخخخخخخخخخخخخخخخخ

قويه

حسبي الله على ابليسج

 

[thenutybee]

رد : سوالف منعنشه و مواقف- للمتزوجات

واااااااااااااااااااااااااااااااااااااااااو عسل مواقفكم والله ماادري شقول مرة اضحك ومرة ويهي يعطي الوان من المواقف كاني عايشتها انا مو ذاكرة ليالحين اي موقف بس اكيد بردلكم ياحلوكم يابنات وياحلو مواقفكم وسوالفكم

 

[السفيرة عزيزة]

رد : سوالف منعنشه و مواقف- للمتزوجات

bnt_kwt
اما سوالف ربعهم هذي لاتعد و لا تحصى

انا رفيج ريلي اسمه يبدي بنفس الحرف اللي يبدي فيه اسمي
فعادى اول ما تزوجنا و هو كله يناديني باسمه

ليمن انا ما عصبت و قلت بس عاد لي متى
انا مره ترى مو ريال

خخخخخخخخخخخخخخخخخخخخخ


بس انات عاذرته يعني رفيجه و دايما معاه
و الاسم مصببه

 

[Dancing^Queen]

رد : سوالف منعنشه و مواقف- للمتزوجات

bnt_kwt

احسسسسسسسسسسسن علشان مايعيدها وكله يسولف علي رفيجه ادبتيه يابت جدعه


زوزو

عيل انا شقول انا ريلي كله يقولي يماااااااااااا يمااااااااااااااااااااااااااا ارد واقوله سفاح الاقارب مايجووووووووووووووووووز مايجوز ياريال تتزوج امك

 

[bnt_kwt]

رد : سوالف منعنشه و مواقف- للمتزوجات

لووووووووووووول Dancing^Queen
اخاف بس يتعلم لي الحين
سعووووود راح وسعوووووود رد ماكو فايده

السفيرة عزيزة
انا تعودت من قلب اللي قمت انادي ربعه مثله
يعني وينه سعوووود وين حمادو وين طللوووووووووول عادي بس ناقص يطلعني معاهم

^^بنت الكويت^^
بنوووته كنت حزتها قويه بضمير لوووووووووول

 

[راقيه بأخلاقي]

مشاركة: سوالف منعنشه و مواقف- للمتزوجات

وااااااااااااااي بنات يحليلكم تهبلون سوالفكم تونس.. بعد كملوا الموضوع لا توقفونه .. شنو آخر مواقفكم

آنا ماعندي بس ملقوفه داشه بتطمش اذا تزوجت أقولكم

 

[Dancing^Queen]

مشاركة: سوالف منعنشه و مواقف- للمتزوجات


حياكي وبياكي راقيه باخلاقي



ياله يابنات
شنو جديدكم علي الساحه الفنيه؟؟

 

[Dancing^Queen]

مشاركة: سوالف منعنشه و مواقف- للمتزوجات

السلام عليكم
عدنا والعود احمد
يبتلكم موقف صارله يومين وكل يومل ي ييت اكته اضحك واهون من كثرماهو يفشل
عاد الحين خفت اشوي السالفه قلت اشاركم فيها


ذاك اليوم كنت انوم اليهال والله هداهم ونامو مبجر حلو؟ عاد انا من كثر مانا تعبانه نمت علي الكرسي بالصاله( كرسيي يرد ظهره وتنرفع ريله يصير جنه سرير) وانا نايمه ومو حاسه بعمري ويدش ريلي في الواحد صباحا والدنيا ظلمه والليتات مسكره وانا من تعبي كنت لازلت بهدوم الطلعه ويدش بعلي بعلولي ويسكر الباب بقمه الهدوء (كراااااااااااااااااااااااااااااااااااااااااااااااااااخ طرباااااااااااااااااااخ) عاد انا بسابع نومه وسعبوله علي جنب لزوم الديكروشين عاد التصرف الطبيعي اني اتمقط برقه كما سلبينغ بيوتي يعني الزبده صرخت وطقيت علي صدري يمااااااااااااا وبلقت عيني جني شايفه ريا وسكينه ويقولي شفيييييج قلتله انت شفيييييييييك قالي وين اليهااااااااال عاد انا اهني لازلت مو مستوعبه ومو مركزه ان بناتي نايمين جان اقمز كما الريشه عيااااااااالي وين بنااااااااااااااتي الساعه جمممممممممممم (علي بالي ان المغرب وانا ييت من الدوام ونمت وان عيالي نايمين لين الساعه 7 وريلي راد من النادي) جان اتضخخخخخظ واخترع واروح اتجهه لدار اليهال وشعري منفول كشه كما لاين كنج واعري علي كتر (ظهري يعورني) وكحلي شخوط بويهي سايح وويهي معلم خطوط وين ماكنت مسنده خدي وانا اقول عيالي عيالي وانا امشي واروح اطق الباب علي دارهم (الخدامه نايمه وياهم وقافله الباب) وريلي لاحقني يقولي ذكري الله شفيج تعالي لاتروحين خليهم نايمين وانا اقول لا عيالي وينهم ليش نايمييييين قوموووووووووومهم واطق الباب علي الخدامه مادري ليش قافلته عليهم جان اتبطل الباب واي ليتكم شافين ويها اتصورعت انصععععععععععقت جان اقولها وين بيبي ليش نايم !! ليش ماكو يقوم واي هاااااااا وااااي يو لت بيبي سليب اي هاف وورك اي ام تيرد جان تقولي مدام واتس رونغ؟ واهي مخترعه وتتلفت يمين يسار "تقول مدام ينت" تقولي واي يو ونت تو ويك بيبي؟؟ جان اقولها لا والله انتي شهامج انا اللي بسهر وياهم انتي سليب انا ماكو سليب واهي لي الحين مستعوبه جان يقولي ريلي سالي جم الساعه؟ جان اسالها جم الساعه والا تقولي مدام ميبي ون اور ون ثيرتي وتس رونغ؟؟ جان استوعب ان احنا بالليل وان عيالي نايمين مبجر وان الوقت متلخبط عندي انا نحررررررررجت جان اقولها وي اي هاف نايت مير سوري سوري كابوس قو باك سليب انتي وبيي خلاص اشششششششششششششش وسكرت الباب ورحت داري واطالع ويهي انااخترعت ريلي منمسدح بالقااااااع ويفر يقولي ليتج شايفه ويهج شي ماينوصف وانتي تمشين عريه وشعرج كشه وسعبوله وويهج مشخط جنج من المتوحشين ملوت الغايه افتشلللللللللت من عمري مت من الضحك

 

[فروحة توحة]

مشاركة: سوالف منعنشه و مواقف- للمتزوجات

هههههههههههههههههههههههه

كوكو شنو هذا اسم الله عليج

والله هذا من التعب

مسكينة الحرمة ما تقدر

على التعب المتواصل

خنت حيلي ريحي نفسج شويه ولا يسوى عليج ولا على ريلج اللي تصروع

الله ستر عليكم

ترى الرياييل هالايام انقرضووو ديربالج عليه

 

[السفيرة عزيزة]

مشاركة: سوالف منعنشه و مواقف- للمتزوجات

ريلي منمسدح بالقااااااع ويفر يقولي ليتج شايفه ويهج شي ماينوصف وانتي تمشين عريه وشعرج كشه وسعبوله وويهج مشخط جنج من المتوحشين ملوت الغايه افتشلللللللللت من عمري مت من الضحك

ياحليلج يا كوين

كل هذا نايت مير

ههههههههههههههههههههههههههه

مسكين ريلج الصراحه لو انا منه جان دشيت داري و خليتج بره تنامين
اي
مع السعبوله

 

[فروحة توحة]

مشاركة: سوالف منعنشه و مواقف- للمتزوجات

دورولنا دبرة حق اللين كنغ شنسوي فية فشيله

 

[Dancing^Queen]

مشاركة: سوالف منعنشه و مواقف- للمتزوجات

اللاين كينج تراث من الجامعه لي صارت رطوبه اقلب الليث الابيض او لاين كينج
واييب استشوار بجنطتي واتمشا ومن القا بلاك اقعد استشور وقذلتي تصير علامات استفهام جذي؟؟؟؟ معكرفه


والخوف مو علي ريلي الخدامه اليديده اللي صروعتها ريلي مكجابلني خمس سنين وشافني في حالات اسوأ الخدامه اللي مابيها تهج

 

[عمري الكويت]

مشاركة: سوالف منعنشه و مواقف- للمتزوجات

صراحه صج سوالفكم ضحك خصوصاً كوين ولا غير سمسمه صج فشله .
عاد انا بقولكم شنو صار لي أيام زاجي ساكن مع حمولتي في بيت واحد عندهم ولد صغير اخو زوجي عمرها سنة يمكن توه يمشي دخل غرفتي وفتح الدرج وطلع الكوتكس واخذ العلبه كلها وقام وقطها بالصاله ما أحس إلا عمي يناديني ويقول شوف هذا شنو طلع من غرفتج ونقص ويهي قمت أجمع في الكوتكس وعمي إبو زوجي يسألني شنو هاذ ( مسوي روح ما يعرفه ) .
هاذي سالف ثانيه بعد هم أخت زوجي بعد عرسي حملت فيها خالتي وجابتها وماشءالله كبرت البنت وقامت تمشي ونفس أخو تدخل غرفتي ولا هذي المره طلعت قمصاني النوم تجر فيهم في نص البيت والكل يشوف ما فيه ما عرف قمصاني .
ولا مره كانوا عندنا ناس ضيوف من السعوديه والبنت نفس طريقه أفتح الكبت وطلعت ستياني وخذته حق زوجي تعطيه أياه 0000 تقوله يعني أخذته من غرفتك حك زوجتك جدام الضيوف قاطته بنص الصاله وزوجي بس كاعد يناديني من كثر الفشله مو عارف سوي .

 

[فروحة توحة]

مشاركة: سوالف منعنشه و مواقف- للمتزوجات

كوين عسى بس ثبتيها

ديربالج طلعيها وونسيها اليوم

بعد الواحد وين يدور يالله يلقاله شيء سنع ويفتهم

بقولكم سالفة

تخص وحدة من اهلي

مثل ما تذكرون اول ان الحرمة لازم تاخذ الملابس الدشاديش والغتر وتعطيهم ابو العيال بعد ما تغسلهم
وهو ايوديهم عند الكواي

الله يسلمكم هذي الحرمة الله يذكرها بالخير
خمطت الملابس وفي بالها ان كلهم دشاديش زوجها وعطتة اياهم
وثاني يوم ياب الريل الملابس
وفتحت الحرمة القرطاس اللي جنة جلاد قبل الادعم

ولا شنو تشوف
ان من بين الملابس كان الاندر وير الخاص فيها ولا بعد لونة احمررررررررررررررر
يحليله الكواي ضاربه اوتي عدل ومصفطة ومرتبة

اهيا شافت المنظر ما تدري تضحك ولا تبجي من الفشله
والله السالفة لها يمكن 25 سنة ولين اليوم كل ما نذكرها نموت من الضحك

 

[دخون]

مشاركة: سوالف منعنشه و مواقف- للمتزوجات

لوووووووووووووووول
كوين موتيني من الضحك
قاعدة بالدوام أضحك جني مينونة

 

[looloo]

مشاركة: سوالف منعنشه و مواقف- للمتزوجات

دخوووون نفس الحاله انا الحين قاعده بالدوام مييييييييته من الضحك كل شوي الدكتور داق علي تلفون قصري صوتج

 

[فروحة توحة]

مشاركة: سوالف منعنشه و مواقف- للمتزوجات

عمري الكويت

يوه فضايحج بالشارع الله يستر هاليهال جنهم قاصدينج

واي صكري غرفتج لا تخلين احد يوطيها