سوالف منعنشه و مواقف- للمتزوجات

[الحـ كويت ـب]

مشاركة: سوالف منعنشه و مواقف- للمتزوجات

ههههههههههههههههههههههه

صراحة ابدعتوا

أنا مره صارلي موقف جدام عيال عمتي

كان طايحين بحركة نسويها بينا يالبنات نمسك خلفية وحده ونقولها باك باك كان لها قصه طويله المهم

حفيد عمتي كان عمره 5 سنين يمكن يشوفنا

قام الأخ جدام عمامهم كلهم قاعدين ويسويلي باك باك أنا مو انقص ويهي إلا قمت ابجي من الإحراج اضحك شوي وابجي شوي بس صج صج فشلة

المشكله تسلط علي من بدت هالأوادم

 

[Dancing^Queen]

مشاركة: سوالف منعنشه و مواقف- للمتزوجات

انا تفشلت قبل ايام قليله موديه بناتي المستشفي طوارئ المواساه وزززززززززززززززززحمممممممممممممممممممممممممممممهههههههههههههههههههه دورعي الكاونتر
وانا لابسه نفنوف
وبناتي يحوسون وبنتي تحوووووووس ورا ضهري وترفع نفنوفي تقول ماما لابسه بانتي؟؟؟؟؟

 

[سبائك]

مشاركة: سوالف منعنشه و مواقف- للمتزوجات

دانسينغ كوين اضم صوتي لصوت عود ونطالبج بسرد القصه مالت امج ايام الملجه لما دخلت عليكم امج وزنودها طالعه .................يالله كوين عفيه
وحتى لو تسردين كل القصص ما في مااااااانع كلنا آذان صاغيه خخخخخخ

 

[عمري الكويت]

مشاركة: سوالف منعنشه و مواقف- للمتزوجات

كويت الحب صراحه موتيني ضحك على باك باك هههههههههههههههههههههههههههه صج فشله


كوين صج فشله وبعدين شنو قصة الي تقولك عليها سبائك قوليها لنا يالله بسرعه .


عاد لة تشوفون بنتي صايره تفهم بسم الله عليها كنت طالعه من الحمام تكرمون ما خذه شور المهم بنتي تبجي تبي دش معاي الغرفه دخلتها وكنت لابسه روب قصيره عاد تنزل راسها وترفعه من وراه تبي تشوف شنو لابسه ولا امس ابوها بعد حاط الفوطه على خصره مغطي الاماكن الحساسه ولا بنته تجر الفوطه وتنزلها منها يدوم لحق على فوطه ليه رجوله ورفعها بسرعه .

 

[Dancing^Queen]

مشاركة: سوالف منعنشه و مواقف- للمتزوجات

يالله يبتكم جم سالفه من التاريخ الحجري
+++++++++++++++++++++++++++++++++++++++++++++++++++++++++++++++
انا عن نفسي لازلت ابدل بالحجي
كل كلامي بدليات لدرجه ان ريلي قام مايعدلي
المشكله لي بدلت بالدوام ياويلنا



انتو بنات شنو اخر مواقفكم؟

اي تذكرت اخر موقف مو كوميدي لا والله كان بيقلب جرائمي ورعب

الله يسلمكم ويسلمني رحنا الجمعيه بناخذ شغلتين ثلاث ونمشي
وورانا موفي قلت حق ريلي خل انسوي انتشرو
انت روح يب البامبرز وانا بروح اييب الحليب ونتلاقا عند المعكرونيه
اجدع خطه
وانامشي وريلي طول
وينه الاخ؟
خلصت رحت يبت خبز وتوست وكرواسووووووووووون وهم مايه
قلت لا فيها ان السالفه
جان اروح واييب قهوه وارد للمعكرونيه هم ماكو
والا الجح سبع البرمبه لااااااااااااااحق وحححححححححححححححححححححده








البي البي البي البي
الكريزا من تاني (اللي مايعرف الكريزا يلجأ لفم لحن الوفاء مال فريد الاطرش وفاتن الحمامه اهي شبه ازمه قلبيه خفيفه تيي فاتن الحمامه)
وكل الافكار السودا يت في بالي
لاحقها وانا وياه ورست كيس سناريو اشتغل عندي وقاعده افكر بالانتقام والفضيحه واخليه ياجرلي شقه ويحطلي سايق وخدامتين وبنتفه وبسوي وبسوي
جان المره اتخلي عربانتها وتروح تتطاول شي من الرف واهو يعبي عربانتها
يحط لها البامبرز وياخذ بور هورس ويحط لها
وان ورااااااااااااااهم ورااااااااااااهم واقول برقعه بقوطي النيدو وبير حجابها
النذله ولابسه نفس حجابي بعد شاريته من نوران من السيل
الحماره
جان تلف علي ريلي جان يطاالعها ويرد قري وياخذ الاقراض باديه جنه لاجئين فلسطين ومخترع ويتلفت جان يشوفني واقفهه انفث نارا ودخانا
ياني مخترع يقولي اتصدقيييييييييييييييييييين لحقت وحده علي بالي انتي وحطيت الاغراض بعربانتهااااااااااااا لابسه نفس حجابج
قلته لا يااااااااااااشييييييييييييييخ واللهيييييييييييييييييييييييييييييييييييي
دير باااااااااااالك المره اليايه مو كل ووحده تلبس نفس حجابي تلحقها علي بالك اناااا
اشوفك غلطان بالعربانات
يالله روح ييبلي برررررررررررررد
ابي ذههههههههههههههههههههههب تلقاه بالمحاسبين الصوب الثاني اخر الجمعيه




صج غلطه غير مقصوده بس سوتلي اكشن

+++++++++++++++++++++++++++++++++++++++++=
سالفه اخري:

لان فخوذي صغار وانا لابسه دراعه لان رمضان بقعد علي القنفه وقاعده ويا حماي وريلي ونضحك وانسلوف والا يطقون ابطض ويطلعون صوت يفشل يشبه صوت حما بنت الكويت (ترجمه مؤثرات صوتيه غالبا ماتكون مصحوبه بروائح)
وحماي سمع وانصدم علي باله مسويه شي
وانا تفشلللللللللللللت

تعليق : لازل المسلسل مستمر مع حماي بنجاح منطقع النظير تقولون مدبلج؟

++++++++++++++++++++++++
سالفه ثالثه جميله
توني ادري ان حياتي مسلسل كوميدي

السلام عليكم
عدنا والعود احمد
يبتلكم موقف صارله يومين وكل يومل ي ييت اكته اضحك واهون من كثرماهو يفشل
عاد الحين خفت اشوي السالفه قلت اشاركم فيها


ذاك اليوم كنت انوم اليهال والله هداهم ونامو مبجر حلو؟ عاد انا من كثر مانا تعبانه نمت علي الكرسي بالصاله( كرسيي يرد ظهره وتنرفع ريله يصير جنه سرير) وانا نايمه ومو حاسه بعمري ويدش ريلي في الواحد صباحا والدنيا ظلمه والليتات مسكره وانا من تعبي كنت لازلت بهدوم الطلعه ويدش بعلي بعلولي ويسكر الباب بقمه الهدوء (كرااااااااااااااااااااااااااااااااااااااااااااااا ااااخ طرباااااااااااااااااااخ) عاد انا بسابع نومه وسعبوله علي جنب لزوم الديكروشين عاد التصرف الطبيعي اني اتمقط برقه كما سلبينغ بيوتي يعني الزبده صرخت وطقيت علي صدري يمااااااااااااا وبلقت عيني جني شايفه ريا وسكينه ويقولي شفيييييج قلتله انت شفيييييييييك قالي وين اليهااااااااال عاد انا اهني لازلت مو مستوعبه ومو مركزه ان بناتي نايمين جان اقمز كما الريشه عيااااااااالي وين بنااااااااااااااتي الساعه جمممممممممممم (علي بالي ان المغرب وانا ييت من الدوام ونمت وان عيالي نايمين لين الساعه 7 وريلي راد من النادي) جان اتضخخخخخظ واخترع واروح اتجهه لدار اليهال وشعري منفول كشه كما لاين كنج واعري علي كتر (ظهري يعورني) وكحلي شخوط بويهي سايح وويهي معلم خطوط وين ماكنت مسنده خدي وانا اقول عيالي عيالي وانا امشي واروح اطق الباب علي دارهم (الخدامه نايمه وياهم وقافله الباب) وريلي لاحقني يقولي ذكري الله شفيج تعالي لاتروحين خليهم نايمين وانا اقول لا عيالي وينهم ليش نايمييييين قوموووووووووومهم واطق الباب علي الخدامه مادري ليش قافلته عليهم جان اتبطل الباب واي ليتكم شافين ويها اتصورعت انصععععععععععقت جان اقولها وين بيبي ليش نايم !! ليش ماكو يقوم واي هاااااااا وااااي يو لت بيبي سليب اي هاف وورك اي ام تيرد جان تقولي مدام واتس رونغ؟ واهي مخترعه وتتلفت يمين يسار "تقول مدام ينت" تقولي واي يو ونت تو ويك بيبي؟؟ جان اقولها لا والله انتي شهامج انا اللي بسهر وياهم انتي سليب انا ماكو سليب واهي لي الحين مستعوبه جان يقولي ريلي سالي جم الساعه؟ جان اسالها جم الساعه والا تقولي مدام ميبي ون اور ون ثيرتي وتس رونغ؟؟ جان استوعب ان احنا بالليل وان عيالي نايمين مبجر وان الوقت متلخبط عندي انا نحررررررررجت جان اقولها وي اي هاف نايت مير سوري سوري كابوس قو باك سليب انتي وبيي خلاص اشششششششششششششش وسكرت الباب ورحت داري واطالع ويهي انااخترعت ريلي منمسدح بالقااااااع ويفر يقولي ليتج شايفه ويهج شي ماينوصف وانتي تمشين عريه وشعرج كشه وسعبوله وويهج مشخط جنج من المتوحشين ملوت الغايه افتشلللللللللت من عمري مت من الضحك

تعليق : لازالت الخدامه عندي لكن المفتاح مال دار بناتي اختفي من وجه السيطه عيزت ادوره ماني لاقيته من عقب هالسالفه
++++++++++++++++++++++++++++++++++++

سالفه جميله اخري
انا كنت لابسه نطرون وبدي نوعا ما البدي دربيه يعني اللي يصير فيه شوي حركه صوب الصدر حلو؟
يسوي شكل الصدر عود لانه مسكر موليه بس فيه مثل الخبنه مادري كسره صوب الصدر
وبنتي قاعده بحظني وتطالعني
ادري ان تبي تسال شي مليق
جان تقولي ماما
شنو هذا؟ وتاشر (السؤال الابدي)
قلتلها بدي ماما هذا بدي
جان تقوول اييييييييييييي (يعني فهمت وتلقونها تقول امي تقص علي وماتغير الاجابه هذي)
جان تطقني علي صدري اتجيك شنو داخل جان اقولها عيب ماما وخري تعورين ماما تبين اطقج؟؟ جان تقول لا ماما ليش؟ قلتلها كا انتي تطقيني ليش تطقيني؟؟
جان تقولي ماما بدي حلووووووو
قللتلها شكرا ياحبيتي بس عاد جب رجاءا
وريلي قاعد يستمع وينظر بانصات تام
جان تقولي بنتي القنبله





















مامااااااااااااااا انتي لابسه بدي (قصدها صدر) كبييييييييررررررررررررره نفس خالتيييييييييي فلااااااااانه انا نصدمت قمت اطالع ريلي وريلي يطالعني ونرد انطالع البنت ونرد نطالع بعض
ابيه يادي الحوسه يادي النكسه يادي الوكسه صدمتني بنتي ابي ارقع قعدت افكر ياربي المخ صاير ابيييييييييض فاااااااضي
وترد تعيدها
جان اقولها اي ماما خلاص عاد بس
جان ريلي بكل هدووووووء يروح ويشغل البلاي ستيشن ويسوي عمره ماسمع
تفشلللللللللللللت
شسوي ابناااااااتي
بزوجهم 4 سنين

تعليق : لازال هالموضوع يثيراهتمام بناتي وغيرو الاسم من بدي لين ماميت ماميت ليش مادري؟ والحين ماعاد بس فضول تطول الي اهتمام وتطبيق قامو يحطون كلينكسات مكان الماميميت ماميت

 

[سبائك]

مشاركة: سوالف منعنشه و مواقف- للمتزوجات

لا لا لا لا نبي سالفة زنود امج.......مصرييييييييييييييييييييييييييييييين

 

[Dancing^Queen]

مشاركة: سوالف منعنشه و مواقف- للمتزوجات

بعد بحث وتمحيص مالقيت قصه امي وياي
المهم اقولكم اياه

يحكي ان ايام اول ايام الغوص والديناصورات
كنت مالجه توني
ويديده وماطاحت سكتي
كان صايريلي اسبوع من الملجه وريلي يتحجج علشان لي خلصنا برنامج المساء والسهره والقز خارجيا انه يدش بيتنا
يبي يشوف جان فيفلم يديد او يبي يشرب بيبيسي
يقعد يرب بيبسيه ويغني ويمشي بادبه
تونا ماتعرفنا علي بعض
المهم يحكي ان في ليله ما
بدرها مكتمل
كان صارلنا اسبوع وواصله صور الملجه توهم
وانا واحنا رادين قلتله وصلو الصور
قالي بشوف
قلتله اوكي حياك الله
ودخل وياي
شرح مبسط لبيتنا السابق تحت كله صالات صاله عوده وايد ووراها جناح فيه مطبخ كبير وصاله اخري كبيره وغرفتين عنونتين وحده عنونه للجيل والثانيه عنونه فيها فيديو وقعده بسيطه جدا <<<< غرفه المسافرين
هذي اللي تملج تسهر ويار يلها فيها اللي تولد نقلها فيها يعني غرفه العزل
وانا ثاني بنت تتزوج من عقب 11 سنه قطح عقبي فلت السبحه
المهم يعني مو متعودين علي شلون يتصرفون مساكين صدو 11 سنه
عاد اقولكم قعدنا بالدار والبيبسي موجود
وريلي وانا نشوف صورنا ([س احنا عيب غيرنا)
واحنا منسجمين واهو يمي ويصفح وياي
واول مره يقعد يمي قريب جذي
وعصب علي زفني علي بدلتي اللي طلعت وياه فيها لان حيل قصيره (ايام الجاهليه) انا زعلت عشتو عشتو جبح توني يديده واهو بيراضيني
واهو يمي توه لاف علي بيقرب وان قلبي يدق يدق واي ابيه اول مره
حتتباااااااااااس يعني حتتبااااااااااااااااااس وئفل الئوضه بالترباس ياعبااااااااااااااااااااااااااااااااااااااس
وريلي يقرب مني وان قلبي يدق واقول واي ابيه بحس بشعور المسلسلات واتذكرت حزتها كل رواياااااااااااات عبير وقلبي يدق وانا مستحيه واسمع مشجعين باذني
وفجأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأه
















يتبطل باب الدااااااااااااااااااااااااااااااار اللي احنا فيها
وامي واقفه لابسه قميص نوم مطلع الاغرائات وزنودها واشوا انه تحت الركبه ومو شفاف
جان تقول انتووووووووو ههنييييييييييييييييييييي
جان تستوعب
وانصدمت قالت لا ابيه انا ماردي خلاص ردو كملو اردو كملو
وبتسكر الباب
ريلي اخترع انا خترعت امي اخترعت
ريلي نقز جنه بايق بووووووووووووقه
امي شهقت
انا خترعت ووقفت بالزاويه (لي كده ياماما لييييييييه ليييييييييييه خربتي علي الفيرست تايم لييش الناس علي غروب وموسيقي وانا علي ذكرا زنود امي وقميص نومها)
وانقولها تعالي ميا لامافي شي تعالي والله مافي شي وريلي نقز تعالي عمتي عمتي مافي شي والله مو قاعدين انسوي شي <<<< لاتبوووووووووووووووق لاتخااااااااااااااااااااااااااااااااف
وانا بعد احلف واتلف وامي تحلف لاوالله ردو ردو واتسكر الباب
ريلي قام يسوي دوائر ويخمس شلون مالون وشلون شيقولون عني اهلج وانا قعدت اهديها ويحلف اسبوع مايبي اييي واناقوله بس عاد موجذي
رحت فوق والا خواتي كل من لابد بداره وممكن استماع الضحك المكتوم
ودريتي والا لأ؟
رحت حق امي جان تقولي انا اسفه مادري قلتلها يمه احنا ماكنا انسوي شي انا كنت زعلناه اهو بيراضيني وبس كان قاعد يكلمني <<< بس اهي خربت الكلام
وامي تقول فشله شافني بقميص النوم وزنودي طالعه

عاد من يومها اللي تملج تقول حق امي لو سمحتي انا وريلي بنسهر بالدار بليز لاتيينن او طقي الباب او لبسي روب

 

[سبائك]

مشاركة: سوالف منعنشه و مواقف- للمتزوجات

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ

الف هارد لك كوين بعد عمري عاد اول بوسه الله يهداها امج
جان خلتها الثانيه الخامسه يعني حبكت الاولى!!!!!!!!!!!!!!!!!!!!!!!!!!!!!

والله انا نفسج كوين اذا خلصنا الفراره والطلعه ويا بيقطني بيت اهلي لاااااااااازم يطلع علثه علشان ينزل يسهر عندنا

عاد انا الريزن ماله تدرين شنو
الحين آل سبجه الملاقيف بيقرون كل الاسرار الي خاشتها كل هالسنين ولييييييييييييه

المهم نرجع لموضوعنا كان يقولي عندي صور ايام ما كنت صغير واروح مع النادي العلمي اسافر معاهم خخخخخخخخ

انزين يالعيار ييبهم كلهم مره وحده اشوفهم بقعده وحده وخلاص

لا مقسطهم الاخ دفعات كل يوم دفعه

واااااااااااااااااااااااااي يالعياره

 

[ام طلال]

مشاركة: سوالف منعنشه و مواقف- للمتزوجات

هههههه خوووش حجي
انا اول ماملجت يانا ريلي البيت عشان يقعد معاي وقعدنا انا وياه بالصاله الرئيسيه واي قاطه اذنها بالصاله الثانيه وكل 5 دقايق تدش ماتبون شي ؟ والله انها طلعتلي قرون واختي تقول شرايج نربطها بالسرير عشان ماتدش عليكم واخوي واقف عند باب الديوا نيه يراقب الوضع وكل دقيقه يأشر لي تعالي لوعوا جبدي وطبعا عقب ماخلصت هالليله الجاسوسيه و عقب ماراح ريلي سويت اضراب الريال مايمديه يقول كلمتين الا داشه امي لا فقيره وتدلي برايها بعد والله خوووش

 

[ام طلال]

مشاركة: سوالف منعنشه و مواقف- للمتزوجات

تصحيح امي قاطه اذنها

 

[Dancing^Queen]

مشاركة: سوالف منعنشه و مواقف- للمتزوجات

عادي اخلاقي ريايضيه جدا جدا
شفيكم
الحين لي صف يسلم علي اهله بالزواره انا اسلم وبعدين اصف وياهم ايسلم علي بس طبعا موجدام اخوانه




تدرون شنو اسخف موقف صارلفيني حاليا
يوم السبت ياينا حمولتي عل الغدا خالتي وعمي وحماتي
حلو؟
عاد انا صاحيه الصبح مبجر الساعه 10 كيفي اجازتي وخالتي قالت بتيي مبجر علي ال 11
زوتوني ابدل لابسه قميص نومي فوقه جاكيته واتمشا بالصاله
القميص لونه اخضر خامته طايحه علي ستيرش ولابسه جاكيته بنيه علي ازرق ورايحه بدور تنورتي البنيه والا يتبطل الباب وخالي وعمي بويهي ياين مبجر مسوينها مفاجاه
(احنا بيتنا عادي الصبح يبتلطل القفل من يطلعون ايهال للحضانه خلاص مانقفله )
قالت بقلي واي اشوااااااااااااااااااااااااااااااااااااا اني ممشطه شعري جان انزل عيني واطالع انا شنو لابسه والا لابسه اشياء لاتجوز اشوا انه مو شفااااااااااااااااف وانا السم علي عمي واهو يسوبسني ويسلم ويقول هااااااااااا بنتنا شكلج قاعده تجربين هدومج؟
وانا اقوله اي عمي هدوم الشتا (عياااااااااااااااااااااااااااااااره الهدوم الشتويه قصااااااااااااااااار ومو شتويه بتاتا بس من فوق )
واروووووووح ارررررررررركض غرفه لااوتي اعفس ادور تنورتي يالله لقيتها لبستها ورحت
وعمي يضحك يقولي ها بدلتي اشوف؟
وانا ويهي ممتقع الحمره
مادري شرد
قلت اي هاهااههاها احلا اروح اقوم ولدكم
وابطل الدار والا حوسه حوسه حوووووووووووووووووسه مالت امس ريلي يجرب ههدومه ومقلل بالقاع وصناديق جواتي فاضيه
تفشلت لان خالتي لمحت حوسته تلقينها تقول مرت ولدي رفله

 

[سمسميه]

مشاركة: سوالف منعنشه و مواقف- للمتزوجات

ههههههههههههههههههههههههههههههههههههههههههههههههههههههه

والله العظيم يا بنات ان هالموضوع نسانس الهم وقعدت اقرا مشاركاتكم اضحك بالمكتب جني مينونه!!!

انا كل ما ضاق خلقي ادش عليه وافرا سوالفكم

الله يونسكم بالعافيه مثل ما ونستونا

 

[السفيرة عزيزة]

مشاركة: سوالف منعنشه و مواقف- للمتزوجات

هههههههههههههههههه

يا حليلج يا كوين

بس عمج بصراحه فله


تدرين من يومين خالتي يتني البيت
عادي

انا ادري انها بتي

بس المشكله انها يت و انا بدراي
و لما كملت لبسي عاد الدار حوسه

سمعت صوتها بالبيت قلت يلا بطلع من الدار

و لما فتحت الباب و لا خالتي بويهي

ابتسمت و سكرت الباب
عاد مادر المحت الحوسه و لا لا

 

[السفيرة عزيزة]

مشاركة: سوالف منعنشه و مواقف- للمتزوجات

اشوه انج ضحكتي يا معوده

لا يضيق خلقج سمسميه كل شي يهون

ضحكي و استانسي

 

[سمسميه]

مشاركة: سوالف منعنشه و مواقف- للمتزوجات

كوين
هالموقف فظييييييييييييييييييييييييييييييييييع!!!! ابيه حد الفشله

لان فخوذي صغار وانا لابسه دراعه لان رمضان بقعد علي القنفه وقاعده ويا حماي وريلي ونضحك وانسلوف والا يطقون ابطض ويطلعون صوت يفشل يشبه صوت حما بنت الكويت (ترجمه مؤثرات صوتيه غالبا ماتكون مصحوبه بروائح)
وحماي سمع وانصدم علي باله مسويه شي
وانا تفشلللللللللللللت

 

[سمسميه]

مشاركة: سوالف منعنشه و مواقف- للمتزوجات

عزيزه...اي والله الواحد يضحك شويه جود ننسى

 

[السفيرة عزيزة]

مشاركة: سوالف منعنشه و مواقف- للمتزوجات

ضحكي يبى ضحكي

اخر العمر موت

و محدش بياكلها بالساهل

 

[الحــــــلا كله]

مشاركة: سوالف منعنشه و مواقف- للمتزوجات

ههههههههههه كوين والله مال يسون فلم سنمائي عن حياتج الله يدومها يا رب

سمسميه دوووم الضحكه يا رب

 

[غلا لكويت]

مشاركة: سوالف منعنشه و مواقف- للمتزوجات

يوم الثلاثا كانت ملجتي ولحمد لله ما في مواقف فيها

بس في موقف بايخ صار لان ريلي مو كويتي بحريني و ياي مع اهله و خالتي ان ريلي

تكلمني وانا اقول ها شنو وكل شوي ها شنو يعني لان خبركم البحرين فيها لهجات و كل شوي

نادت ريلي يترجم هههههههه انا شراح اسوي اذا رحت عندهم بس صج شكلها ملت مني ههههههه

 

[MaYoOoma]

مشاركة: سوالف منعنشه و مواقف- للمتزوجات

مبروووووووك غلا الكويت الله يوفقج انشالله عيل بترووووحين البحرين ؟