سوالف منعنشه و مواقف- للمتزوجات

[نزف]

<< من ضمن الملاقيف


كملوا بنات عفيه :d

 

[نظـــرات حـــائرة]

:$

:$

بنات ؟؟




انا مستحيه اقولكم كملوا :$



لأني مو متزوجه

 

[ماما مستشارة]

نزولا عند رغبة المشاهدين و المستمعين ،، أود أن أطرج عليكم آخر المستجدات في عالم الفن والتجميل.... وييييي قصدي عالم قصة الوجهة والتفشيييييييل......

أنا انسانه هل علي الفرج ولله الحمد مرة وحدة لأني بلشت داوم وانخطبت بنفس الأسبوع....يعني كنت شبه مدودهه.... الاستيعاب عندي كان دون المستوى المطلوب لإتمام المهمام اليومية.... المهم مديري بالدوام كان شري ... ما أسوي أي حركة الا قالي شفيج؟؟؟ صاير شي؟؟ ... وأنا أقول بقلبي يا ربي بعدل هدومي... حرام؟؟ .. هذا المدير كان بحد ذاته فلم رعب.... و علشان تكمل القصة .. مديري على افتراض أن اسمه جاسم اوكي؟؟

المهم، ذاك اليوم الخطيب (أحمد) زايرنا بالبيت و كانت هذي الزيارة الثالثه له... وكما هو باين من حديثكم أن الخطاطيب الجدد يدورون أي علة علشان ادشون البيت.... واحنا بيتنا كان صالات عودة مبطلة على بعض.... فأمي ولا خواتي يقعدون بطرف الصالة وحضرة جنابي و جنابت الحجي بالطرف الاخر..... بس احنا طرفنا أكشخ منهم لأنه فية تلفزيون... عاد حزتها كان أكو فلم عن وحدة عايشة بالغابة و كان ثلج واييييييييييد و بعدين تطيح بالنهر الباااااااارد و فيه بالاخر شلال قوووووووووووي... و يقيوم البطل يطب وراها بالهبرد و يشيلها..... جان حضرة جنابي ألتفت على الخطيب و أقوله بكل رقة وحنااااااااااااان و نعووووووووووومة وبكل ما أملك من أنوثة :

(جاسم حبييييييييييييببببببي، تهقا لو أنا الي طايحة بتشيـــــــلني .....!؟!)

وطبعا كنت منزلة عيني بالأرض.... يكون مستحية...... وأنطر.... وأنطر... ماكو اجابة؟؟؟؟ جان أقول خل أعيد السؤال يكمن ما فهم والا يمكن انصدم بالسؤال و توهق...... جان أقوله :
( جااااااااااااااااااااااا..................... قصدي بو جاسم) <--- يكون مرقعتها الأخت !!! شكوووووووووووووووووووو ؟؟؟؟؟

جان ايقول انتي شفيج ؟؟؟ ( الظاهر حس اني ما كنت في كامل قواي العقلية) قلتله... سلامتك ... بس أحمد مو اسمونه بو جاسم؟؟؟؟

أمووووووووووووووووووووووت على الترقيعة القوووويه !!! باكلحها عميتها... الا يبتلها شلل بعد !!!
قالي لا يبا أحمد اسمه بو شهاب...!

ٌجان أكمل بالتخبط والاهبال ... و اقوله: مادري لأنه يدي الله يرحمة اسمه أحمد وولده البجر اسمه جاسم.... فعلى بالي كلكم نفس الشي......

اهو عطاني نظرة محترمة.. و قالي بصوت في شتى أنواع الزف... لا يدج شي وأنا شي...... <--- جنه غلط علي الريال... صح؟

بس أنا خمرت على خمالي... لأنه بصراحه له حق يغلط .... خو انا بدعت بالاغلاط فيا يت عليه يعني؟

أنا الابداع يا جماعة ..!

ترى أنا قاعده أكتب أسامي وهمية ،، حفاظا على خصوصية زوجي و مديري الشري !!! بس القصة وايد مشابه يعني مثلا خالد=بوليد، عبدالعزيز=بوسعود... وجذي..

 

[ام الخييير]

هههههههههههههههههههههههههههههه
بويويا
موتيني من الضحككككككك
حرام عليج
لووووووووووووووووووووووووووووووووووووووول

لا يوقف:eh_s(9): لا يوقف

 

[سبائك]

ههههههههههههههههه

أي والله يا بايويا انتي الابداع بعينه وعلمه هههههههههههه

 

[ماما مستشارة]

أكمل والا شبعتوا؟





كيف الحال إن شاء الله دوم بخير ؟

 

[عبق التاريخ]

الموضوع يموت من الضحك الله يقطع بليسكم قاعده أكركر بالدار بروحي جني
مجنونه وأهلي يمرون وطالعوني هذي شفيها...على العموم بشاركم بموقف صار معاي أيام الملجه وياحلوها من أيام....
كان ياي ريلي عندنا البيت ...وتقريبا كان كل يوم يزورني ماكان يطوف ولا
يوم مبلط عندنا ...وطبعا كان يتمنى تفضى الدار علينا علشان يخطف بوسه أو
حضن ومايشوفنا أحد وبالأخص ماما طبعا وكانت دايم تعدي على خير إلا ذاك اليوم......
















كنا قاعدين بالصاله وما عندنا أحد جان يجرني من ايدي حيل وقعدني على
ريوله وتوني ما قلت بسم الله إلا على دخلت أمي جايبتلنا عصير ويوم شافتني
قاعده علي ريوله وهو متقضب بخصري ويها صار أصفر من خرعة الموقف
جان تقط ذيك البدليه .....قفشتكوووووو...يعني صادتنا بالجرم المشهود والله
ليومكم هذا كل مانتذكر الموقف نموت من الضحك أنا وياه...وترى للحين تعايرنا أمي بهالموقف.

 

[حبيبته آنا]

دانسنج كوين وينج ؟؟؟؟ من زمان ماسولفتيلنا عن اخر مستجداتج
والله مشتاقه لمواقفج الروووووعه

 

[مزيونه وشقره]

امبيه امبييه امبييه


ضحكتوني على سوالفكم


عيل سمعوا سالفتي


كنت اتمشى اول زواجنا انا مع زوجي والا زوجي يوقف تكرمون عند الزباله بيقط كلنكس معاه

وانا اقووووم وامسك ايييد ريال واااقف يمي على بالي زوجي امبييييه امبيييه الريال مصدوم يطالعني وانا حضرتي مسكته بكل حنيه وعياااره

ورفعت راسي شفت ويهه والا مو زوجي امبيييييييييييييييييييييييه
امبيييييييييييييييييييييييييييه امبيييييييييييييييييييييه صارلي 4 ايام من الزواج وماسكه ايد ريال ثاني لا ولزقت فيه بعد



انصدم الريال ووخرت ورحت لزوجي ويقول انا اشوفج من بعيد مصدوم

واشوا انه كان اول ايام الزواج مو الحين لو الحين جان انا مفلعه ومكفخه

وبعد غير لمن افتح كتشب بالمطعم يطشر على هدومي والا ويهي

اييي ومره بعد حنيت عليه علشان نطلع مع بعض وقالي يالله وكان اهوا معصب وانا مستااانسه ولقافه جان اشرب ماي صحه محطوط بالسياره يوم شربت منه وخلصت واهوا كان يصب بانزين

وركب قالي قطي هالماي بره مو زين كله تتن رماد الزقاير عرفتوه

جااان انصدم وابجي وحسيت اني برجع وضحك علي قال الله مو راضي حنيتي على الطلعه وشوفي الله شنو سوا فيج


مو لو قاعده بالبيت احسن

ها اشرايكم


واذا تذكرت شي بقولكم بعد


خخخخخخخخخخخخخخخخخخخخخخخ

 

[Dancing^Queen]

حبيبته انا وي سكتي شحجيلج شوصف
انا اعتزلت الغرام ماعد هذول مواقف ليش؟
لانها حياتي اليوميه سواءا مع بناااااااااااااتي
ريليييييييي
اهل ريليييييييييييييييييييييييي
كلو كلو كلو صار جزء لايتجزأ من حياتي اليوميه


اعطيج ممثال
تذكرون مواقفي السابقه مع ابو زوجي وخالتي ؟ لما كل شئ انكشف وبان؟ وسر حبي فيك غامض سر حبي مانكشف
لما طحت علي عمي واهو يبدل هدومه ومن غير هدووووووووم؟
ولما بنتي دشت علي خالتي واهي تبدل وانا وراها وطقني عقر بقر؟

عاد الدنيا ماتهد احد بحاله وكما تدييييييييييييييييين تداااااااااااااااااااااااااان
هالمره لفت علي انا الدوائر
عمي المصون ابو الدر المكنون (اللي اهو ريلي) طاح علي في موقف لا احسد عليه
كنت يايه من الدوام وسايييييييييحه حر موت وبناتي مسوين حفله بالبيت يبجون وماذيني
رحت عينت من الله خير صليت العصر وغيرت هدومي
عاد بطلت الدرج شنو لقيت نفنوف حمر شقاقي مال قبل الحمل ستريش شزييييييييييييينه والصدر لف مفتوح يعني كل شئ انكشف وبان وقصير فوق الركبه ولاعلشان تككككككككمل جبنيز وفيه شقه علي كتر
اهو اول كان يالله ينبلع
تخيليه علي حااااااااااامل بالثامن شيصير؟
قلت ريلي نايم وبيطلع سيدا اول مايقوم وانا بتغدا وبنام سيدا محد بيشوفني
وحفاظا علي ذوق الجماهير ماني قايله شلون كانت حاله شعري الجميل
المهم
جان تذكرون بناتي كانو مسوين هليليه
وانا مستعسره ويوعانه
ومن الشفاحه قمت انا نجبت غداي وشايلته بالصينه واتمشي وبنتي ماسكه هدومي ومعجه وتسحب فيني وتبجي وان ااسحبها وامشي يعني هدومي موحازتني الا بتنشق وكل قبح بجسمي مبين كل سفطه كل زغدوده مبينه معالمها
شعري منفوش وشايله صينيه غداي
وفجأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأه
يتبطل باب الشقه
ومنو اللي يدش؟
عمي ابو ريلي علي حيييييييييييييييين غره بدون سابق انذار او علم
وانا في اسوأ حالتي
عمي فقير افتششششششششششششششل يلف ويهه عني ومنحرج
وانا مخترعه مادري شسوي
لاني قادره اوخر بنتي (قمت اشوتها علشان تهدني) ولاني قادره احط الصينيه ولاني قادره اظف هدومي
وعمي توهق لاني بالمدخل
وامما منحرجه مادري شسوي
وبنتي مصررررررررررررره تسحب هدومي
صج بغيت ابجي
بغيت اقظب عمي صينيه الغدا واروح داري ابجي من الفشله






واي صج تفشلت
اخر شي شت بنتي خليتها تهدني ، حطيت الصينيه بالقاع (ياحلاتي وانا اجندس ويا كرشي واحطها) وظفيت هدومي وسلمت علي عمي
ورحت لبست اوسع دراعه عندي
ومن الحره كليت صحن الغدا كله
للعلم كان مجبوس لحم

 

[ماما مستشارة]

كوين ... أحمر عدا ولا عنه؟؟؟
لووووووووووووووووووووول
لا لا قصدي اللهم لا شماته....!

 

[Dancing^Queen]

والله احممممممممممممممممر
ومورد

 

[ماما مستشارة]

لا لا لا هذا غلط......... هذا بلدنا ما تبيه.....!

الأحمر أنا ما أطلعه الا للمناسبات........لا ومو أي مناسبة بعد ... الخطيرة فقط!!!

ما أقول الا هذا الحمال وما يسوي... أنا قررت أسوي حكمة اليوم:

عند الحمال .... تكرم المرأة أو تهاااااااااااااااااااااااان ..!

 

[سبائك]

عبق التاريخ ومزيونه وشقره انتوا كده:eh_s(15):

أما كوين فانتي كده:eh_s(12): :eh_s(12): :eh_s(12):

واي بدعتي بدعتي بدعتي يا كوين هههههههههههههه

انزين انا بفهم شغله عمج ليش متعني ويايكم لي فوق :eh_s(10):

 

[سبائك]

بايويا اي والله عند الحمال تكرم المراه او تهان

يا صاجه ويا صاجه ما جذبتي صاااااااااااااجه<<<<عاشوا ايوه

 

[pink]

الله يونسكم دنيا و آخرة بنات مثل ما ونستونا ..


آنا بقول لكم موقفين جدا متواضعين في بداية زواجي الله لا يعيدها من أيام ..


الأول .. بعد حفلة الملجة .. رحنا المطعم آنا و ريلي طبعا نبي نتعشى و قتها كنت

أجاهد و آنا آكل أخاف انحرج بشغلة لقمة تطيح أطلع صوت المهم ما كنت آكل كنت

أسولف - كلمة كلمتين طبعا - و آنا لما أسولف لازم أحرك ايدي و أشّر .. و فجأة دون

سابق انذار و آنا أحرك ايدي إلا شي يطمر من صبعي ألا و هي الدبلة الله يذكرها بالخير

كانت جدا واسعة بس على مضض لابستها بعد عروس .. المهم اطمرت راحت صوب

الطاولة اللي يمنا طبعا آنا انحرجت من الطاولة اللي يمنا أكثر من ريلي.. بريستيجي

اخترب ..كنت بقوم آخذها بس اهو تطوع زين يسوي .. غير الجوتي (( مكرم السامعين ))

كان واسع كل ساعة يتزحلق و يطلع من ريلي مع إني حاطتله مثل نعلة من داخل تضيجه ..


أما الموقف الثاني .. كنت مع ريلي نسولف و نتغشمر فمادري شنو قال اللي رديت عليه ..

يا حمااااار .. اهو بقق عينه .. آنا منصدمة من نفسي مو من طبعي أقول وايد هالكلمة حمارة

ممكن بعد مو حق أي وحدة أما حمار وحق زوجي .. المهم قلت آسفة و اخنقتني العبرة و

و قلت له لا تيي و ركضت رحت غرفة ثانية أجهش بالبكاء :eh_s(11): .. بالنسبة لي كان موقف قوي ..

لقيته يايني - زين ماسمع كلامي - و قالي حمااار و اهو يضحك و آنا أقوله خلاص .. و من وقتها

خلاها علوقة مع إنه بعد فترة ردلياها بكلبة .. بس المسامح كريم :eh_s(3):

 

[New Mum]

ابي لا لا حدها مواقفكم قويه لوول مابي اضحك اخاف اصير فيني لول !

 

[alhabibah]

يا حليلكم.. ياحمار عاد يا pink جان قلتي شي أهون..

 

[سبائك]

وي بنك انا قلتله يا كرهك ما سوت علي:eh_s(16):

الله وكيلج ذلني عليها خخخخخخخخخ

بس ليش الكلمه كانت دارجه على لساني كله اقولها على غشمره حق خواتي

وبنات عماتي ورفيجاتي

رحت تسلطت وقلتها حق الريل!!!!!!!!!

وما بغيت الا عمري

 

[Dancing^Queen]

سبوك
لااااااااااااااا مش هيك موصاعد لنا
متعني لي بتينا انا ساكنه بروحي
وياي عمي بيطلع مع ريلي متواعدين بيروحون الغراجات
وريلي موقايلي ان عمي بيي
وانا ماقفل شقتي
وعمي بطل الباب ودرعم يدري ان مانقفلها




بنك
مواقفج كده كده
اما علي الجوتي زين كبير وينشاح من الريل
العله موجذي
لي صرتي مسيره علي عمه ريلج المريضه
والناس كلها هناك
وانتي لابسه جوتي شوي كبير تكرمين
ويطلع صوت شبيه باصوات مخله بالادب وتمشين والناس تخزج وانتي كاشخه وييهج يقل الوان
اهني شنو موقفج جدام الامم المتحده؟