سوال فرفوشوي حق العيد عيديه مني

[مزيونة الخبر]

عيدكم مبارك جميعا وعساكم من عواده وعسى ايامكم سعيده وعلى قوله اخوانا الشامين الله يبعتلكم اياام حلووة كل وحده تقولنا ستايله حق العيد لابس شعر مكياج منوين بدلته كيف كان يومه شنو احداث حلوة صارت معاكم اليوم او موحلوة انا بنسبه لي فستان احمر ساده قصير وكم قصير من كارلن ملن وشوز اسود وشنطه سودة فكيت شعري ومكياج ستايل كلاسيكي طبعا جونا الصبح الرجال تالي محد جا الظهر العصر عمتي والمغرب خالتي وبناتهم بس مادري ليش بنات خالتي الكبيرة من يوم تزوجو ماقامو شافو نفسهم ولايجون احس يحسون انه برستيج بكيفهم يالله انتو قالو شصار ادعولي اتزوج زهقت ياناس

 

[M!SS.LOBY]

كل عام وانتي بخير
الله يرزقج بالزوج الصالح

 

[انصاريه قمره]

كل عام وانتي بخير وعساج من العايدين والفايزين
بم اني حااامل ستايلي كان
نفنوف تيفاني شيفون طويل وفيه قصه حوامل تحت الصدر وحزام ذهبي ودانتيل ثري كوارتر تيفاني بقولد
والاكسسواريز شي نااااعم اسوار وخاتم
الشوز تكرمون والجنطه كانوا بيج
وشعري سويته ستريت مع حركات بسيطه بالويفي مثل شعر الهام فضاله ببركان ناعم والميك اب بسييييييييييييط ميك ابي العادي بس دخلت كحل تركواز داخل العين ك تغير وعدستي كانت ديسو سموكي قري وسلامتكم

 

[خليجية]

الموضوع عجبنبي . . . انا متفرجة
كل عام وانتو بخير ومن العايدين الفايزين
وبتكلم عن ستايلي بالعيد ، طبعا في رمضان لازم من السمنة هههههههههههههههه.
بنطلون ابيض مورد باحمر وبيج وفيه خطوط كحلية إلى فوق الكاحل .
وبلوزة لونها احمر ناري قماشها اورجنزا فيها شك من فوف - تعتبر جبنيز - في تحتها بودي نفس لونها.
مع ان لون البلوزة مخليني صفراء - بس عجبتني واشتريتها .
حزام ذهبي سلسله واكسسورات ذهبية وناعمة .
الشوز اعزكم الله - ازرق على رمادي حتى الشنطة نفس اللون - ما لقيت كحلي.
الشعر عادي - الستايل البسيط - طويات في البيت - الجو كان الحمد لله مرة كويس ومافي رطوبة
المكياج بسيط وكلاسيكي كالعادة .
العباية سوداء - قماش راقي واسود وفيها زينة دانتيل ناعم هي مع الطرحة طقم .
انا ما احب الالوان في العباية - احس يخليها مبهذلة ومو رزة.
طبعا العيد كل زيارات الاهل والقريب والجمعات
والحمد لله
دعواتكم لنا بالوظيفة الزينة أول شي
بعدين لكل حادثا حديث.

 

[Miss McDonald]

.

انا بالعيد فستان شانيل اسود وابيض وجنطتي برادا ونظارتي دولتشي قابانا وجوتي "وانتي بكرامة" ديور واكسسواراتي كلهم من مونت بلانك




لحظة










لحظة































اضحك وياج قزرتها احلى نومه

 

[HajaR_4eveR]

ههههههه زين شفنا شي فرفوشي بهالقسم

صاحبة الموضوع حلو ستايلج ونفانيف كارن ميلن راقية
انصارية تولدين بالسلامة حبيبتي
خليجية عسى الله يرزقج الوظيفة الزينة
مس ماكدونلد انتي ابداع موناقصج الا بنتلي تفتر فيج عالاهل عشان تعايدين

اما انا موبالديرة فترة العيد

وعيدكم مبارك كلكم :eh_s(15):

 

[فوفو22]

عاد انا زقطه بنقطه

احب الاناقه والتكشخ والميك اب خلقه

بالعيد الجرعه تزيد حبتين

بس. مشكلتي جدول نومي رمضاني

منقلبه عقارب الساعه عندي


الناس نايمه انا قاعده ،،،،، التاس قاعده انا نايمه

بيتنا ماشا الله داخل طالع يعايدون

بس انا استغفر الله العيد يعملي صداع

خاصه اول يوم

قعده لصلاه العيد

ولبس اليهال

والرسميات. وقفه وقعده والمجاملات الاجتماعيه


كل عام وانتم بخير

فوفو

 

[مزيونة الخبر]

ههههه ياحلوكم والله يالله كملو ايه انا البنات انهبلو علي وحترو قالو ياحمر قلت ايه انا ملكه الانوثه والدلع والاناقه وبس كان ستايلي حلو مع شنطه وشوز اسود لامع من دبنهامز بس جد مستغربه ليش بنات خالتي ماعاد يجون عندنا يسلمون على اهل ابوهم لكن احنا لاا

 

[طريق السعاده]

كل سنه وانتو بخير وينعاد عليكم حبوبات

حيل حبيت الموضوع احب هالسوالف الوناسيه خخخ

ستايلي كان بسيط وناعم لان كان العيد ببيتنا يعني كل الاعمام والاخوال يجتمعون عندنا بنفس الوقت خخ يعني عزيمه

لبست بلوزا كات ابيض من قدام و زهر من ورا فيها من قدام نقش لامع فوشي وتيفاني عند قصه الصدر
بنطلون ليقنق اسود شوزي كان ذهبي بفوشي الاكسسوار ذهبي
شعري استشوار مع شوي تكسير خفيف من اسفله
الميك اب ناعم ماكثرت رسمت عيني من فوق وشوي ضل وماسكرا وروج

هالعيد وناااااسه ع الاخر رغم ان ابوي فقدناه مسافر وماعيد معانا

لكن جدا جدا ممتع وكله اجتماعات عائليه وسهرات بنات

الحمد لله ..

 

[.. روحي تحبه ..]

..

ونااسة خل أقول لكم عن كشختي :wqedqw:

تنورة كلوش ميدي لونها تفاحي ،، وبدي دانتيل أوف وايت حفر عليه كشكش واقف ..

الجنطة والجوتي من فندي ،، السلسال والحزام من زارا ..

الساعة من سلفادور فرقامو ،، والتراجي والأساور شاريتهم من زمان ماعرف اسم المحل بس رخاص ..

وشعري استريت ،، وبس ..

طبعا هالعيد العموم مسافر بس احنا انحب الكويت ومستحيييل انخليها :krkrkr:

..

 

[امـ خــزامـى]

الله يرزقك بالزوج الصالح عاجل غير اجل

مع ان الموضوع مكانه بالفاشن

بس حلو كسرتي الروتين

بالنسبه لي مااهتم للعيد اببببببببببدا

من يوم مااولدت زوز وانا ابدااا مااهتم بالملابس
اروح للسوق لقيت شي شريت مالقيت عاااااادي

عندي تبللللللللللللللللد فظيع ليش ماادري !!!

يمكن لان عيدنا مايحمس وماافي خبه وبسيطين جدددا ونفسس اللي اشوفهم كل ويك اند

 

[مزيونة الخبر]

وين الباقي شنو ماكشختو يالحلوات بالعيد

 

[وردة وطني]

مشكوره حبيبتي ع الموضوع يجنن مثل صاحبته والله يرزقج الزوج الصالحه عاجلا غير اجل

انا اشتريت بدلتيني وحده طويله لااهلي لاني بعايد اخواني وخوالي وعمامي فمضطره البس طويل بس قدر الله وماشاء ماسافرت
احنا اعيادنا صبح فآحاول يكون نضامي بسيط
بدلتي شريته من سنتر بوينت واخيراً لقيت عندهم شي حلو نفنوف قصير وع الخصر طبقه النضام اللي هابين فيه مو عارفه اسمه تقريباً لانص الفخذ
كات وهيلهوب اسود وجوز عزكم الله اسود همن من سنتر بوينت
الميگ إب : بمآانه صبح خليته جداً نااعم ضفت كت ايز وحمراءحمراء
شعري ناعم بس ملفف من تحت وفيونكه ع جنب حمراء احس داشه بس حبيت اكسر بالون شوي
عبايتي نضام وسيعه وع الاكمام دانتيل اسود عططري سيكيرت اوبزيششن
ويسلمو حياتو