سوق السالمية --- إتس ماي ستايل (سيتي سنتر)

[CaRaMeLaH]

هاالووووووو بناااااات
السلام عليكم

ياكويتيات يا حلوين

أبي كل وحده منكم تقولي شنو تشتري من سووق السالمية إلي عند دوار الجوازات طبعا أكيد عرفتووووه

كل وحده تعطينا من بعض ماعندها من أسرار هالسوق

شنو تشترين؟
ومن أي محل؟
وبجم؟

يعني إلي تقدرون عليه من معلومااات ممكن تفيدني وممكن بعد تذكرون مميزات الشغلة أو عيوبها

ومغسي كتير كتييييييييير على مشاركاتكم حبايبي << ------ نطري خل يشاركون بالأول :eh_s(6):​

 

[شسوى مليت]

الله وناسه كل ويك اند تلاقينااااااا هناااااك -- مانخلى محل مانشترى منه

انا وخواااااااااااااااااتى

كله يهبللللللللللللللل

 

[زيـنـه]

يونيفورمات الخدم و جواتيهم و الاغراض الخاصه فيهم
محلات بو مية فلس
بعض الملابس الخاصه بالبيت مثل النفانيف و البجامات

 

[SILVER ROSE]

بجامات وهدوم البيت يو مية امطات قطن وكللللل شي

 

[رفرف]

يونيفورمات الخدم ..
بجامات حقي وحق بنتي ..
ملابس داخلية على شخصيات حق بنتي ..
حبيب قلبي بو100 ..
محل الملابس الشعبية مرات اخذ منه بخنق القرقيعان ثوب صلاة حق بنتي سوالف جذي ..
سيتي سنتر طبعا كلشي اخذ منه ..
محلات الجواتي تكرمون القى عندهم سوالف حلوة ورخيصة حق اليهال جواتي ونعل وسليبرز ..
برنس وشوبوكس خاااصة ..
محلات بو5 مرات القى عندهم شغلات حلوة ..
الحفار عنده جناط حلوة حق اليهال واكسسوارات ..
وسلامتكم وتعيشون ..

 

[أفرض هيبتي]

صررراحه السوق كله على بعضه حلووووووووووو
سواء بجايم
بدل
نعال<<عزكم الله
جنط
ومحلي المفضل فيه كليرز
بس طبعا مايصكــ
على المارينا والفناااااااااااااااااار<<شكـــو
لووووووووووووووووووول
يسلمووووووووو حبوبه

 

[شمس دنياه]

هالسوق حلو كل شي فيه

انا احب اشتري منا بجامات ساعات في محلات بجاماتهم حلوه

واهو يونس بشكل عام يصلح حق التمشي والقعده بالكافيهات وستي سنتر اللي فيه بعد حلو فيه اشياء غريبة امي كله تشتري منه مواعين

 

[@الياسمين@]

الصراحه يهبل هالسوق ...... يا كثر مانروحله
تلاقينه متنقعين في بو 100
ومحلات البجامات وايد حلوين
وسيتي سنتر .. كل شي اخذنه
صج السوق يونس كل شي فيه

 

[ضحكة الدنيا]

فيه شغلات وااايد يونس السوق شحلاته
انا اشترى منه يونيفورمات الخدم وجواتيهم
ملابس داخليه للاطفال ابو ميه يستانسون عليه عيالى
محلات الاكسسوارات والجواتى وملابس الاطفال

 

[د.شريفة]

ونااااسه استانس لما اروح له
جواتي
بيجامات
دراريع للبيت بونص جم
نعل
سليبرز واي غرامي
بو 100 فلس
شي والله يونس بعدين اروح فوق طفل المستقبل العب ولدي لما يستانس وانتعشى ونمر سيتي سنتر لازم ضروري لو اشتري لي علج واطلع

 

[CaRaMeLaH]

هاااي بنااات
أنا أمس كنت في سوق السالمية ---------> ستايلك هاهااااي
وشريت منهم ملافع وباندات الأولان إلأي ماعندي خذيتهم ياكثرهم بانداتي تقريبا جميع الألوان عندي
وبجامتين بس مو ذاك الزود بجايمهم أحس تمقط مو نفس أوشو
وشريت لبس قرقيعان حق ولد إخوي مع الجيس والقحفيه مالته نفس الشي
وطبعا طبعااااااااااااااااااااااان مريت ستاربكس شريتلي قلاصين حقي وحق زوجي أهوا أزرق وأنا أحمر
وخذيت ماي درينكس كراميل ماكياتو
وماذكر شنو شريت بس قبل كنت آخذ مواعين حق أمي واااااايد حلوييين إيننوون

 

[*دنــيـQ8 ــا الوله*]

انا هالسوق السالميه ما اروح له الا الصبح .... حده هدوووء وتقدرين تشترين بكل راحه ......... بالليل مو شيء زحمه شباب وعوايل ويهال

 

[CaRaMeLaH]

إي والله صح كلامج دنــيـq8 ــا الوله
زحمه زحمه وأنا جربته الصبح والعصر زينه هالأوقات تروحيله
مشكورين على المرور كلكم

 

[MISS^^CHANEL]

انا بصراحه امي تقول قاطين سرج هناك

انا اشتري بجايم البيت من هناك طبعا حقي وحق ولدي

واشتري ملابس مالوت الطلعات العاديه مو يعني حق كشخه حق استعمال يومي

وعزكم الله مرات جواتي ولو ان جواتي ستي سنتر ماتعجبني

وطبعا ابو 100 واكسسوارات وعدسات وكل شي تبينه تلقينه هناك

 

[al7noona]

امس انا رايحتله وكل بين فتره وفتره اروحله وايد حلو بس الي مو حلو فيه وايد زحمه بس صح الي مايبي الزجمه والهيييصه يروحله الصبح او العصر

واشتري منه كل شي تكرمون نعل وجواتي وبجامات بس الحين قمت اروح مجمع بيروت نفس البجاين على دينار ونص ومرات بدل حق معهد او طلعات يعني بلايز وبنطرونات وبو اميه انلقط منه اشياء واشتري لفات وشبابيص :eh_s(17):
واشتري حق بنتي بدل وبجايم وتكرمون جواتي واروح دايسو في شغلات حلوه وغريبه

:eh_s(8)::eh_s(8)::eh_s(8):

 

[*البدرة*]

ويع عمري ما حبيته هالسوق

 

[CaRaMeLaH]

هالوو بنااااااات

توه قريت موضوع وحده كاتبته عن سوق السالمية وقصة المره إلي إنباقت فلوسها

وهذا الرابط

http://q8yat.net/showthread.php?t=87874​

 

[april_q8]

وع ما احبه بس ادخل اشتري قمطات الحجابات و اطلع

 

[واحشنى موت]

هالسوق عجيب وونيييييييييييس كل شى تلاقينه ولازم تطلعين شاريه مافيهاا كلام !!!!!!!!
انفورمات الخدم حلوه وخاماتها احلااا وجربت كلا مكان وطلعوا بهالسوق نمبر ون
بجامات البيت للعيال وشغلات وسوالف حلوه
الجواتى والنعل الله يعزكم احلا وارخص من المحلات اللى برا
بوميه سوالف جهال وستيكرات وفناتك
سيتى سنتر اى شى ابيه القااه والمنتجات اشكال والوان مو بعض الجمعيات تضيق الخلق
كل فتره لاااااازم امر على هالسوق اسلم عليه (

 

[الحب الخالد]

السوق زين ما علية غبار
بس الله يهديهم الشباب والبنات اللي اهناك بعضهم اللهم يا كافي وايد وايد قليلين ادب موووو اشويه وهذا اللي يخلي الواحد يروح باوقات مو زحمه

اشتري البجامات ولو ان رفعوا الاسعار وايد والنوعبة ترللي فليش زيدي دينارين واشتري من اوشو
احسن واحلى

لبس الخدم
سوق بو 100
واحلى شي اهنااااااااااااااااااك طبعا لازم نتجمع انا واخواني وخواتي ورياييلنا حق كوزمو
نلعب بولينغ ونعبط والله صج وناسه

بس لو اشوي الشباب والبنات الله يهديهم المغازل اهناك على عينك