سوناري اليوم..المشيمه على عنق الرحم.. وحدي خايفه

[كتكوته غنوجه]

السلام عليكم حوامل كويتيات:eh_s(17)::eh_s(17):

أنا اليوم سويت سونار وقالت لي الدكتوره ان المشيمه على عنق الرحم وانا يومين وادش السادس
وطلبت مني سونار ثاني بعد اسبوع وانا حدي خايفه ان يكون في خطر على البيبي وكله ابجي من رديت الصبح..
بنات يعني احتمال اولدعمليه صح؟؟
عفيه من صار لها جذي بالسادس وبعدين ولدت طبيعي ومعقوله يكون في خطر على البيبي..
طمنووووووووووووني

 

[حرم_الغلا]

اللــه يهوون عليييييج​

 

[كتكوته غنوجه]

الله يسلمج حبوبه
بنات ريحووووووووووني...

 

[طيبة83]

ان شاء الله خير

انتي نزل عليج دم؟

اهم شي شوفي الدكتوره شتقول

ومب مشكله اذا عمليه اهم شي البيبي

 

[الأميرة جوري]

ارتااااااااااااحى ولاتحركين واااااااايد كله نامى علي ظهرج او علي صوب...صار لاختى وارتاحت وارتفعت كانت بالخامس وولدت طبيعي

 

[worood82]

انه الي اعرفه اذا المشيمه نازله يعطونچ مثبتات ولازم تكونين كله منسدحه ما تتحركين واهم شي النفسيه لازم ترتاحين مو زين البچي ادعي ربچ يفرج عليچ انشاءالله وما تحتاجين عمليه

 

[MzOoOn 22]

الله يستر ويتمم عليج يارب ويرزقنا بالولاده السهله الطبييعه

 

[احاول]

ارتاحي حبيبتي ووكلي ربج
ان شاءالله مايصير إلا العافية

الله يسهل عليك الولادة ويقر عينك برؤية البيبي

 

[popo]

اذا كانت نازله الين اتاسع سوولك عمليه لكن اذا ارتفعت مايسووان بس اهم شي اراحه وتنسدحين

 

[ام الحلوااات]

اللــــــــــــه يــســــهــــــل امــــــــرج ويــــهــــــوووون ولادتـــــــج

 

[tbola]

الله يرزقج بالولاده الطبيعه

 

[أعشقه]

زوجة عمي من وهي بالسادس قالت لها الدكتوره ارتاحي لان المشيمه ع عنق الرحم
وارتاحت حتى طلعت من المدرسه ..
بس من جا نهايه الثامن بدايته التاسع جا لها نزيف وبالاخير ولدت قيصريه ..
وانا تو لي شهرين والد وقيصريه
ومو نازله ع عنق الرحم
قالت لي الدكتوره باقي لها 3 سم وتوصل لعنق الرحم وبالاخير جا لي نزيف وانا بنهايه السابع وجا لي بالثامن اخر شي ولدوني وانا بنهايه الثامن قيصريه لان المشكله خطر نزولهااا
انتي الحين ارتاحي وحاولي ترفعين رجولك وخليك دايم ع ظهري لا تشيلين اي شي وادعي ربك انها ترتفع
مع الرحه ان شاء الله ترتفع لا تخافين وربي يكتب لك الولاده الطبيعيه

 

[-فلانة-]

انا كانت نازلة و ارتفعت على السابع..
ولا تحاتين ما فيها خطر على البيبي بس اذا ما ارتفعت راح يضطرون يولدونج قيصرية..
لا تحاتين حبيبتي بس حاولي ما ترفعين أشياء ثقيلة و ارتاحي كثر ما تقدرين و قللي جماع..​

 

[FJ style]

انا انزلت معاي ووصتني بالراحه وارتحت وقبل التاسع وخرت عن عنق الرحم وولدت طبيعي الحمدللع
ارتااااااحي

 

[زهور المحبة]

لا اتحاتين ترتفع بإذن الله
اهم شي ارتاحي هالاسابيع الجايه
وعلطول خلج منسدحه ورفعي رجولج
الجماع ممنوووووع
ودوام أخذي مجلس طبي يعطونج علطول بسبب حالتج
لا تداومين اذا دوامج متعب

حطي ايدج على بطنج والرقيه الشرعيه كاملة
وقولي
بسم الله اللذي لا يضر مع اسمه شي في الارض ولا بالسماء
وهو السميع العليم ٣ مرات
حسبي الله لا اله الا هو عليه توكلت وهو رب العرش العظيم ٧ مرات



توكلي على الله وثقي فيه وبإذن الله ترتفع
واقري سورة يس

 

[روج بنكي]

لاتخافي مايضر الجنين ان شاءالله اذا مافيه نزيف بس المشكلة الوحيدة انه احتمال كبير تولدي قيصري وان شاءالله خيرة لك
اختي تخصص نساء و ولادة عشان خاطرك اتصلت عليها وسألها وكمان قالت لي ان نزول المشمية 3 انواع اذا انتي معك النزول الكامل على حنق الرحم ولادتك مابتكون طبيعي لان الجنين اول شي لازم يخرج من الرحم وبعده ب30 دقيقة اول اقل بشوي المشيمة

 

[غنج بدويـه]

ياحياتي الله يطمن بالج بالسونار الجاي يارب
اهم شي ارتاااااااحي ولاتتحركين