سونار الدكتورهـ رندا { عيادة الأمــــل } ?

[بـشـورهـ]

مرحبا بنات شخباركم ،،


بغيت أسأل عن دقة سونار الدكتوره رندا بعيادة الامل بالفحيحيل ! الدكتوره المصريه
شلون سونارها بتحديد نوع الجنين ؟ شاطره والا في وحده غلطت بالنوع معاها ؟؟



بليييييز بنات اللي تعرف تفيدني لان رحتلها اول الرابع وعلمتني النوع فبعرف هي شاطره بتحديده والا لا ؟؟


لان في بنتي كنت عند دكتوره بلغاريه وطول حملي تقول ولد وجبت احلى بنت الله يخليها لي

الحمدلله كلهم نعمه من الله واللي اقصده اذا شاطره بكمل معاها لين اولد ان شاءالله

وادعولي الله يثبت حملي لان حييييل تعبانه الله يآجرنا

 

[latkt7as]

ماعرفها

بس حريم ربع زوجي يراجعون عندها

ويمدحوونها

بس ماجربتها

 

[STILL G L A M ~]

انا اراجع عندها من سنه

وبحملي قالت بنت وطلع صح

واختي راحتلها وقالت بنت وطلع كلامها صح

معروفه رندا تهبل حبوبه ودي اراجع عندهاا حق لالتهابات : ( بس بعييده

 

[بـشـورهـ]

اب
اب
مشكورين بناات ع الافاده ووين الباقي بلييييز فيدوني
وفعلا اسمع انها ممتازه لعلاج الالتهابات

 

[Aloe Vera]

الله يسهل عليج و يثبت حملج

بالنسبة حق الدكتورة ما اعرفها

بس انصحج لا تعتمدين على كلام عن جنس الجنين قبل ١٥ او ١٦ اسبوع
ترا كلها ايام و تمشي بسرعة لين توصلين ١٦ اسبوع

انا دكتورتي قالتلي احاول اشوف على ١١ اسبوع بس ماخليتها تقول لان مابي تقول شي و يطلع شي نفس ماصار في بجري قالتلي الدكتورة ولد و بالخامس قالت بنت و يبت بنت

 

[بنفسجيه_Q8]

الله يسهل عليج ويثبت حملج

^^
مثل كلام Aloe Vera

 

[همسه]

ما شاء الله ما تغللللللط الكل يمدح سونارها والله يسهل عليج واللي يجي من الله حيا الله ادعوووووا لي احمل انا وخواتي المسلمات يارب

 

[^الماسة^]

الله يسهل عليج ويثبت حملج* والله سمعت فيها بس ما جربتها

 

[راحيل العبدلي]

انا بعد بحملي الاولي رحت لها وقالت بنت وطلع صح
و بحملي هذا بعد اخر الثالث قالت بنت احتمال كبير
و توني قبل اسبوعين بالسابع جيكت عند دكتورتي نزهت
قالت بنت 90%
.